حسب تقديري " الود هاني وصل الرسالة كاااملة دون أدنى نقصان" و إنت يا سيدى مطالب توصف لينا "سواقة" الود ده فى الطلوع و النزول :)
Post: #2 Title: Re: هاني يا Ahmed Yassin ! Author: ترهاقا Date: 08-21-2022, 02:41 PM Parent: #1
بس يا أخ وليد ، الناس دييل لمتين حيغنوا غنا غيرهم ، يعني هم ما ناشئين عشان نقول معليش ، عندهم الامكانيات الكافية عشان يغنوا غناهم الخاص، بتذكر في بداية التمانينات وكان في مهرجان فني كل الناشئين والمغنين شاركوا بغناهم الخاص يعني هذا البرنامج (أغاني وأغاني) الذي كسر ركبة الانتاج الخاص لو كان في منافسة بالاغاني الخاصة ، الليلة الوضع كان حيكون غير. مجرد وجهة نظر ولك الود
Post: #3 Title: Re: هاني يا Ahmed Yassin ! Author: walid taha Date: 08-21-2022, 02:45 PM Parent: #2
Quote: الناس دييل لمتين حيغنوا غنا غيرهم
فعلا سؤال يبحث عن إجابة
تحياتي موسيقار أحمد ساطور
Post: #4 Title: Re: هاني يا Ahmed Yassin ! Author: Ahmed Yassin Date: 08-21-2022, 10:58 PM Parent: #3
التحية الى وليد والى استاذي الكبير احمد ساطور مافي شك ..الغناء الخاص هو مقصد اي فنان.. ليبعد عن الاجترار. هاني تلميذ الراحل استاذنا العظيم د.عثمان مصطفى....والتلميذ يغني للاستاذ. نوعية صوت هاني ( تينور تاني) يصل الى (الباص) .." تخين" يعني والميزة الفي هاني انه بيعرف يختار نوعية الغنا البتناسب صوته ...وهو فنان دارس وبيعرف كيف يغني ويبدع في القرار والجواب اي في المناطق العالية والخفيضة.....بغنيى مرتاح وبى فهم...لكن في ملاحظة في بعض الخروف بتطلع من هاني غريبة شوية زي ال ( س ) السين بتطلع كأنها( ص). المفارقة ان (رانيا محجوب) زوجته ومفنية الكورال. صوتها( سوبرانو ) يعني صوت نسائي حاد. الاغنية( عدا فات ) للشاعر ابراهيم الرشيد .ود. عثمان مصطفى غنى ليهو ثلاث اغنيات عدى فات ما بعاتبك ما بلومك بعد الرحيل
Post: #5 Title: Re: هاني يا Ahmed Yassin ! Author: MOHAMMED ELSHEIKH Date: 08-22-2022, 07:46 AM Parent: #4
سلام سلام مربع لموسيقيينا العظام وعندي سؤال او ملاحظة وارجو تصحيحي بالنسبة لاصوات النساء المعظمها سوبرانو واصوات الرجال المعظمها باص هل هناك سلالم غنائية مشتركة يمكن ان تتحمل هذين الصوتين المختلفين بابراز إمكانيات كل منهما ام لازم وحسب ملاحظاتي السماعية انو الصوتين بيؤدوا في سلالم مختلفة ؟
Post: #6 Title: Re: هاني يا Ahmed Yassin ! Author: Ahmed Yassin Date: 08-22-2022, 01:09 PM Parent: #5
سلام يا باشمهندس محمدالشيخ معظم الاصوات النسائية ( الطو) ودا الصوت الاتخن من ( السوبرانو ) زي عشة الفلاتية منى الخير ... هادية طلسم .. سميرة دنيا . كلهن الطو الصوت السوبرانو نادر في السودان .. مثلا صوت منال بدرالدين وسمية حسن وزينب الحويرص.. الاصوات الرجالية هي التينور ( الصوت الحاد ) زي وردي .وابن البادية و اونسة والامين عبدالغفار النوع البعدو التخين هو الرجالي (البارتون )' زي ناس عقد الجلاد ولكن كابلي( باراون/باص ) الحياة اما الصوت الغليظ ( الباص ) فيهو ازيز .. زي العطبراوي وابو داؤد بالنسبة لسؤالك.. اي صوت مفروض يغني في المنطقة البتناسب طبيعة صوته بمعني انه هاني لو حاول يغني "ناس معزتنا" مابنريد غيروم رحلو خلونا حليلوم خاصة لو بى الرمية حقتها ... اكيد حيفشل. في اغاني واغاني مصطفى السنى فشل فشل ذريغ لانه مجبر لاداء اغاني ما بتماشى وتناسب صوته. وهو اتعود على ( يا زا ..... زا .. زازا آآهية)
Post: #7 Title: Re: هاني يا Ahmed Yassin ! Author: walid taha Date: 08-22-2022, 02:27 PM Parent: #6
Quote: الصوت السوبرانو نادر في السودان .. مثلا صوت منال بدرالدين وسمية حسنوزينب الحويرص..
ماذا عن إنصاف فتحي ؟وكذلك جمال فرفور الإتنين ديل في أي طبقة صوتية يا احمد ؟ تحياتي ،،
Post: #8 Title: Re: هاني يا Ahmed Yassin ! Author: Ahmed Yassin Date: 08-23-2022, 04:08 AM Parent: #7
ماذا عن انصاف فتحي *** *** اشادة وردي تكفي... وغنت معاه لشهر كامل.. ومعاها ابوبكر وعمر جعفر انصاف فتحي صوت شجن وفيهو ابعاد ومساحات واسعة وتطريب في منتهى الجمال العايز يعرف جمال صوت انصاف وتفانين صوتها يسمعها في( غاية الآمال ) حينها وعندها سيعرف كيف يتحقق ما غنته فيروز ان الغناء سر الوجود
Post: #9 Title: Re: هاني يا Ahmed Yassin ! Author: Osman Musa Date: 08-23-2022, 07:20 AM
بوست الناس الرايقين الزملاء الكرام الأخ وليد والأخ تراها والأخ احمد البوست يستحق المتابعة. واظن انو الشاب المحترم هاني يقدل بخطوات راكزة نحو المستقبل. اظنو . لكن لابد من الالتفات لنصايح الاخوان ساطور واحمد . لكم جميعا التحية
Post: #10 Title: Re: هاني يا Ahmed Yassin ! Author: محمد صديق عبد الله Date: 08-23-2022, 10:10 AM Parent: #9
Quote: في اغاني واغاني مصطفى السنى فشل فشل ذريغ لانه مجبر لاداء اغاني ما بتماشى وتناسب صوته. وهو اتعود على ( يا زا ..... زا .. زازا آآهية)
مشكلة مصطفى السني أنه بيقفل صوته في الغناء زي كأنه بيخاف من صوته يفلت منه. هو عازف عود ماهر وبيغني بي تطريب عالي في أستوديو أو قعدة، لكن صوته بيفقد كتير في الحفلات الجماهيرية على المسارح لأنها بتحتاج لنفس طويل وإطلاق الصوت لإسماع الحضور. شوفوا ليهو تسجيلات في اليوتيوب في حفلات جماهيرية لتتبيَّنوا ذلك.
Post: #11 Title: Re: هاني يا Ahmed Yassin ! Author: محمد صديق عبد الله Date: 08-23-2022, 10:18 AM Parent: #10
Quote: ماذا عن إنصاف فتحي ؟وكذلك جمال فرفور الإتنين ديل في أي طبقة صوتية يا احمد ؟
قبل شهور دار نقاش عن فرفور في منشور في الفيسبوك لزميلة دراسة. كانت هذه بعض آرائي المتواضعة.
Quote: فرفور بقى يجر هواء. صوته تعب شديد وهو أكيد عارف كده وواضح من حركات الجسد وترفيسه الكتير ده أنه صوته بقى ما بيطاوعوا زي زمان والسبب في تقديري أنه استهلك صوته بالكواريك والإرهاق لأنه ساكّي العدادات. هو زول شاطر وبيعرف يدس مشاكله في الصوت على المستمعين غير المركّزين لكنها واضحة للعازفين والسمّيعة. هو كمان شاطر لأنه تعلم من أخطاء الرعيل الأول اللي ما حوشوا للمستقبل ولذلك شغال كتير لتأمين مستقبله وده على حساب صوته.
Quote: يا ... في فنانين بيحافظوا على أصواتهم زمن طويل لأنهم بيغنوا في مناطق منخفضة. مثلا عبد الحليم حافظ ما كان بيرفع صوته إلا نادرا. وفي فنانين بيغنوا في الحفلة كأنهم ما حا يغنوا بعدها تاني وأصواتهم بتكون مشدودة للآخر عشان كده بيتأثروا لما بتقدم بيهم العمر وأقرب مثال الطروب النور الجيلاني. فرفور فنان كويس لكن لازم ينتبه لمسألة عدم الإضرار بصوته لأنه لو استمر بنفس الطريقة دي بعد 5 سنة بيجلس عديييييل.
Quote: ما اختلفنا أبدًا يا .... فرفور بمقياس العمر والتجربة وصل مرحلة النضج في الصوت والأداء، ولكن في عدم تناسب بين العمر والمحافظة على الصوت. أنا عارف أنه المعجبين ما بيحبوا انتقاد فنانهم اللي بيحبوه، لكن نقدي له ما فيهو أي غرض. تغيّر الصوت وتطوره مع تقدم العمر أمر مفروغ منه. وردي على سبيل المثال، وهو ممن استهلكوا أصواتهم شديد، بدأ ريفيًا زمن "يا طير يا طاير" و"يا سمرا" و "صدفة" وحتى كان بيغني nasal وفي مناطق منخفضة وتطور صوته ووصل مرحلة النضج في منتصف الستينيات وبلغ المجد من نهاية الستينيات واستمر في القمة حتى بداية الثمانينيات، لكنه بدأ في التأثر بعد منتصف الثمانينيات لأنه بدأ يستهلك صوته شديد بعد الانتفاضة لأنه كان بيغني في حتّات عالية وكان معتز بإمكانيات صوته وبيستعرضها في كتير من الحفلات مستفيدًا من أعماله الكبيرة وأناشيد الانتفاضة. يعني تأثر صوت وردي بدأ متأخر بعد ما أنجز وغنى كتير جدا في فترة كان الفنانين الكبار في الساحة المطلوبين في الحفلات يعدّون على أصابع اليد، مش زي برينسات "مراسي الشوق" اليومين ديل. صوت فرفور خطير ولكنه تأثر بسرعة رغم أنه لسه فنان شاب والسبب أنه لم يوظف صوته صاح وأول إشارات التعب في صوته بتلاحظها في "القرار". أسمع الأغنية دي مرة تانية وشوف معاناته في الحتة دي.
عذرًا لصاحب البوست، الكلام عن هاني لكن شايفه جرَّ لفنانين تانيين.
Post: #12 Title: Re: هاني يا Ahmed Yassin ! Author: دفع الله ود الأصيل Date: 08-23-2022, 10:50 AM Parent: #11
طبعن ، لا يجوز لنا الاقتراب من أسوار المدينة وموسيقارنا Ahmed Yassim حايم بي جواها، زول مالك زمام صنعتو كويس ، دا زاتو البخلينا حيثما وجدناه نتهافت كما الطير يسقط حيث يُلتقط الحُّبُّ . أما بالنسبة لسؤال محمد الشيخ عن: هل يم الجمع بين صوتٍين رجالي و نسائي في طبقات صوتية '" Intonations" مشتركة ( كما بين التينور أو الباص مع السوبرانو) ، دي ممكن نتشوبر نجاوب و نفتي فيها بأنو دا تقريباً السواهو عندليبنا المقيم /زيدان إبراهيم مع سميرة دُنيا في ثنائية ماتعةٍ على رائعتهٍ "كنوز محجبة" :
Post: #13 Title: Re: هاني يا Ahmed Yassin ! Author: Ahmed Yassin Date: 08-23-2022, 01:04 PM Parent: #12
يا سلامسلامم الناس الذويقة جو.... ناس عثمان موسى ومحمد صديق ودفع الله ودالاصيل عييييييييك..... ديل زي الواوية السمحة بتاعة اسماعين حسن اللحنها ودالبادية وغناها حمدالريح بامانة كلامكم مسبك ومسنكب قسماً عديل ما فيهو لو
Post: #14 Title: Re: هاني يا Ahmed Yassin ! Author: علاء سيداحمد Date: 08-23-2022, 04:10 PM Parent: #13
سلام للجميع بوست فرايحي فى الوقت المناسب واغانيه ﺗﺪﺧﻞ ﻣﺴﺎمات ﺍﻟﺮﻭﺡ ﻭﺗﺘﻮﺳﺪ ﻣﺠﺎﺭﻱ ﺍﻟﺪﻡ بدون استئذان .
وفعلاً انصاف لها حضور طاغي فى الساحة الفنية وصوت فخيم وعذب وطروب . يا احمد ياسين يا موسيقار ياريت برضو لو حللت صوت حسن شرف الدين ( العامل دويتو مع انصاف فى اغنية المساح / خلف الله حمد "الفى خدورو "
Post: #15 Title: Re: هاني يا Ahmed Yassin ! Author: Ahmed Yassin Date: 08-23-2022, 11:19 PM Parent: #14
اخونا وحبيبنا علاء سيداحمد ابدأ ليك بى خلف الله حمد.... دا ملك....ملك الايقاع والتطريب ايقاع الحماسة ...بغني في خط زمني ما بتوصف..خلينا نقول ايقاع الدلوكة و اشتقاقات الايقاع دا....خلف الله عنده نائبين مهمين في ذات الايقاع النائب الاول هو بابكر ود السافل النائب الثاني هو سيد الجعلي .. ما ازن الناس بتعرفه .. مع انه اسطورة نجي لى سؤالك عن العسكري الساكن امدرمان حسن شرف الدين . هو من منطقة في غرب شندي اسمها (الدويمات)... . حسن صوت قوي وخبرة في اغاني الحقيبة ... تخصص في عبدالوهاب الصادق واجاد في تادية اغاني عبدالوهاب ابدع في الثنائية مع انصاف في 2019 غنوا اخونا وحبيبنا علاء سيداحمد ابدأ ليك بى خلف الله حمد.... دا ملك....ملك الايقاع والتطريب ايقاع الحماسة ...بغني في خط زمني ما بتوصف..خلينا نقول ايقاع الدلوكة و اشتقاقات الايقاع دا....خلف الله عنده نائبين مهمين في ذات الايقاع النائب الاول هو بابكر ود السافل النائب الثاني هو سيد الجعلي .. ما ازن الناس بتعرفه .. مع انه اسطورة نجي لى سؤالك عن العسكري الساكن امدرمان حسن شرف الدين . هو من منطقة في غرب شندي اسمها (الدويمات)... . حسن صوت قوي وخبرة في اغاني الحقيبة ... تخصص في عبدالوهاب الصادق واجاد في تادية اغاني عبدالوهاب ابدع في الثنائية مع انصاف.وعملوا توافق صوتي رائع. الفي خدرو مال قلبي البدورو الغنوها مرغني المامون واحمد حسن جمعة
Post: #16 Title: Re: هاني يا Ahmed Yassin ! Author: walid taha Date: 08-25-2022, 03:40 PM Parent: #1
Quote: لعايز يعرف جمال صوت انصاف وتفانين صوتها يسمعها في( غاية الآمال )
الغريبة يا أحمد وجدت جمال فرفور - وفي "غاية الآمال " بالذات - فنان مختلف خالص وبصوت طروب جدا ! جمال فنان مُحيِّر
Post: #17 Title: Re: هاني يا Ahmed Yassin ! Author: ترهاقا Date: 08-26-2022, 03:02 AM Parent: #16
Quote: الغريبة يا أحمد وجدت جمال فرفور - وفي "غاية الآمال " بالذات - فنان مختلف خالص وبصوت طروب جدا ! جمال فنان مُحيِّر
بس الآلات ما موزونة وصريج شديد، الطرمبة في وادي والساكسفون في وادي والكمنجات في وادي، وزنة الآلات مع آلة ثابتة مهمة
Post: #18 Title: Re: هاني يا Ahmed Yassin ! Author: Ahmed Yassin Date: 08-26-2022, 07:33 AM Parent: #17
وفي غاية الآمال بالذات فنان مختلف *** **** اسمع انصاف في "غاية الامال".. وامام ملحنها ودالحاوي حضورا شوف التناغم بينها وبين الاوركسترا بقيادة محمدية واسماعيل.. و لؤي فعلا زي علق استاذنا القدير احمد ساطور الات النفخ في وادي والوتريات في وادي اخر