Post: #1
Title: أسامة داؤد يكشف عن إكتمال ترتيبات إنشاء فندق سبعة نجوم على شاطئ النيل الأبيض
Author: زهير ابو الزهراء
Date: 08-17-2022, 09:12 PM
Parent: #0
08:12 PM August, 17 2022 سودانيز اون لاين
زهير ابو الزهراء-السودان
مكتبتى
رابط مختصر
الخرطوم : SNN
انعقد اليوم اجتماع بين والى الخرطوم المكلف احمد عثمان حمزة ،والمهندس اسامة داؤد رئيس مجلس ادارة مجموعة دال ، بحضور مدير عام وزارة التخطيط العمراني المهندس حسن عيسى ورئيس الادارة القانونية ومدير شركة الملتقى المعنية بتطوير منطقة المقرن ، وامن اللقاء على أهمية تفعيل برتوكول الشراكة مع مجموعة دال لتنفيذ مخطط تطوير المقرن بواجهات سياحة واستثمارية كبرى.
وأوضح والى الخرطوم ان الولاية تعكف على تأسيس شراكات فاعلة تخدم القضايا الملحة للمواطن.
وقال إن تطوير الواجهات النيلية من اهم المعالم السياحية ويعمل على جذب الاستثمارات المحلية والاجنية ويساهم في فتح الكثير من فرص العمل.
ووجه الوالى بمراجعة القوانين الخاصة بالشراكات لتفعيل دور القطاع الخاص لانشاء مشاريع ذات مردود اقتصادى.
من جانبة أكد رئيس مجلس ادارة مجموعة دال اكتمال مشاريع البنى التحتية لمشروع ملتقى النيلين بسفلتة الطرق الداخلية واكتمال شبكات الصرف الصحى والمياه وباقى الخدمات الاساسية وابان ان شركتة اكملت الإجراءات الفنية والهندسية ٠ لانشاء فندق سبعة نجوم على شاطئ النيل الأبيض فى منطقة المقرن ، وبالإضافة لبرج خدمي.
وقال إن ملاك القطع بمنطقة المقرن لديهم الرغبة الأكيدة فى الاستثمار رغم الظروف الاقتصادية والسياسية التى تمر بها البلاد .
|
Post: #2
Title: Re: أسامة داؤد يكشف عن إكتمال ترتيبات إنشاء ف�
Author: Abureesh
Date: 08-18-2022, 00:02 AM
Parent: #1
.
|
Post: #3
Title: Re: أسامة داؤد يكشف عن إكتمال ترتيبات إنشاء ف�
Author: Osman Musa
Date: 08-18-2022, 05:59 AM
Parent: #2
سلامات استاذ زهير .
أول حاجة السيد / محافظ الخرطوم لو فيه خير اليفكر في البنية التحتية للعاصمة . يشوف حل مستقبلي للمجاري .
الصرف الصحي قبال ما يخموا زول عندو قروش ويلخموا بالتنظير عن فندق سبعة نجوم ولا ستة وتلاتين نجمة .
مفروض اي مشروع ضخم يهم الأمة ما يقوم في دا العهد المتفلت.
لو عندهم همة شغل وحبة وطنية اليشتغلوا في المجاري.
والله يا محافظ الخرطوم انا اول زول يعارض دا الفساد .
مافي خداع واصحاب الأراضي وافقوا واصحاب الأراضي فرحانين.
أصحاب الجروف ناس مساكين .
ودا مشروع يهم السودان كلو وشكلو ومنظرو.
كفاية الجلبطة الحصلت ايام البشير وبشتنتو للفندق العظيم الهيلتون.
عشان وسخ كومشن.
وكفاية شرتمتهم لمنطقة المقرن المفروض تكون مانهاتن السودان
وكمان ممكن تكون أجمل من مانهاتن . بفكر وفلاحة الوطنيين من مهندسين
السودان .
الناس دي بتفكر كيف ؟
بلا يخمكم .
|
Post: #4
Title: Re: أسامة داؤد يكشف عن إكتمال ترتيبات إنشاء ف�
Author: وليد زمبركس
Date: 08-18-2022, 08:38 AM
Parent: #1
تحياتي أبو الزهور.
فندق سبعة نجوم دا بتكون أربعة نجوم منها مخصصة للسكر و الليالي الملاح. باقي ليك مع فورة النظام العام بعد عودتو غير المشرفة دي تاني في طريقة نجوم غير دبابير العسكر المالين البلد دي نظاميين و جنجويد و روس و حركات؟
|
Post: #5
Title: Re: أسامة داؤد يكشف عن إكتمال ترتيبات إنشاء ف�
Author: Salah Musa
Date: 08-18-2022, 09:18 AM
Parent: #4
الاستهبال والاحتيال واضح ..مافي حاجه اسمها فندق 7 نجوم علي الاطلاق ولم اسمع به ..انا قاعد في امريكا دي لي ٢٨ سنه ولم اسمع ولم اري فندق 7 نجوم هل ممكن يدلني حد عليه ..
|
|