لي متين .. لي متين

لى متين يلازمك في ... هواك مر الشجن
ويطول بايامك سهر ... ويطول عذاب
يا قلبى لوكانت ... محبته .. الثمن
يكفيك هدرت عمر ... حرقت عليه شباب
لكن هواه أكبر ... وما كان ليه ثمن
والحسرة ما بتنفع ... وما بجدى العتاب
أحسن .. تخليه ... لى الليالى والزمن
يمكن يحس ضميره ... ويهديه لى الصواب
لكنى اخشى عليه ... من غدر الليالى
وأخشى الامانى تشيب ... وعشّنا يبقى خالى
وهو لسع في نضارة ... حسنه فى عمر الدوالى
ما حصل فارق عيونى ... لحظة او بارح خيالى
ما اصلها الأيام مظالم والعمر غمضة ثواني
واصبر على جرحك ... وإن طال الألم
بى جراحنا بى أشواقنا ... بنضوى الزمن
انا عارفه بكره بيعود ... فى رعشة ندم
ننسى الحصل بيناتنا ... والسهر اللى كان
تصبح حياتنا نغم ... وعشنا يبتسم
وتعود مراكب ريدنا ... لى بر الأمان

شاعرنا الجميل اسامة
سلامات
و ارجو ان تكون بخير
مافي اتنين تلاتة قصيدة جميلة
وطاعمة بالحيل .
ارجو ان تتحفنا دايما .

جمل الله أيامك يا عثمان
شاكر مرورك الكريم وغالي الحروف

تحياتي وأطيب أمنياتي

مراااحب مصطفى

حباب الطلة والحروف