فيها تفخيم عالي جدا للشعب السوداني .. على اساس انه هو الشعب الكوشي المختار ..
قعدت اتخيل ..
مواطن مسكين .. مقهور .. قاعد بحلم بي فتة بوش ..
فتة البوش البقت اساس الغذاء السوداني ..
تخيلته .. جعان ..
بحلم بي فتة بوش ..
و امنو مهدد .. بعيال قوش ..
و الراديو بكورك بي انشودة تاريخ كوش !!
بقول في نفسه .. طيب و انا ؟ و تاريخ كوش دي انحنا فرطنا فوقه كيفن و كت هو عظيم كده ؟
طيب .. و مملكة كوش و تاريخها الصفقت لينا فوقه الشعوب ..
ليه نفس الشعوب دي بتضحك فينا و تنهب مواردنا ؟
العيب وين ؟؟ هل العيب في البوبار بتاريخ كوش ؟ ام العيب في ماسورة كلاشنكوف ؟ ام العيب في البرهان و في عيال قوش .. ام العيب فينا .. الاختصرنا احلامنا .. في فتة بوش ..
علي اي حال دي الانشودة:
Post: #2 Title: Re: ما بين فتة بوش و تاريخ كوش .. و عيال قوش .. Author: يحي قباني Date: 08-13-2022, 04:43 PM Parent: #1
أقسم الا اقتل اي شخص دون جرمٍ يستحق القتل ..
من وصايا خاليوت بن بعانخي .. ميثاق كوش !!! _______________________________________ حزين انا على موتك يا محمد ..