Post: #2
Title: Re: أيهما أفضل للحياة فيها .. كندا أم أمريكا؟
Author: الزبير بشير
Date: 08-11-2022, 07:39 AM
Parent: #1
لو لا سوء الحال في بلاد المسلمين
الاقامة في بلاد الكفار تنتفي بإنتفاء الضرورة لانها ديار حرب
|
Post: #3
Title: Re: أيهما أفضل للحياة فيها .. كندا أم أمريكا؟
Author: السر عبدالله
Date: 08-11-2022, 11:37 AM
Parent: #2
الزبير إلختمي
عليك الله هسه ديار الحرب وين؟ هل في السودان أم في بلاد الكفار ،كما تقول انت،،،
ديار الحرب الان في السودان حيث يقتلوك بدون سبب وتتعرض للنهب والخطف في
اي لحظة ...اما ديار الكفار كما تسميهم انت فهي ديار السلام والأمن والأمان حيث تجد
العدالة والقضاء الذي ينصفك ...فلا نظن أن الضرورة سوف تنتفي في القريب العاجل
حيث الوطن يعج ويزدحم بمختلف أنواع الحركات المسلحة الإرهابية وجعلوها ديار حرب
بدلا من ديار السلم والامان.
وقد صدق رفاعة الطهطاوي عندما زار فرنسا فقال ذهبت إلى هناك ووجدت الإسلام وان لم
يكن هناك مسلمين ....وفي بلاد المسلمين تجد المسلمين ولا تجد الاسلام.
|
Post: #4
Title: Re: أيهما أفضل للحياة فيها .. كندا أم أمريكا؟
Author: Osman Musa
Date: 08-11-2022, 12:07 PM
Parent: #3
اخي الكريم الخليفة الزبير
سلامات .
شنو حكاية كفار وما كفار دي ؟
كلنا أهلنا خلفاء يا سيد .
وعندهم مواصلة وزيارات للخرطوم بحري نحنا نحترمها جدا .
وبعدين اقولك حاجة أسرة السيد محمد عثمان الميرغني عندها
بيزنس جامد في مجال الفيرنيتشر في أمريكا ومبسوطين
جدا للعمل وانا بفتكر انو ليهم يد في تطوير المجال في ديك الولاية
الأمريكية .
عشان كدا بلاي خلينا من كلمة كفار دي .
ما بتتقبل منك و انت الرجل المتمدن والمعتدل .
وما بتخيل واحد من أسرة السادة يجيب الكلمة دي في خشمو يا اخوي.
وبعدين انت خاتيهم في البروفايل . وليهم الاحترام .
...
تحية مربعة لاخي مفترع البوست الجميل
الاستاذ عبدالمنعم ..
الحياةيا اخ عبدالمنعم في أمريكا لبن.
عسل .
أمريكا علمتنا وصرفتنا .
أمريكا الخير ابدا ما قصرت معانا والله .
سترت حالنا الله يستر عليها ويحفظها .
الشقيقة كندا زرتها على عجل وما اقدر أخبرها زي ماني خابر
الحبيبة أمريكا .
لكن اكيد برضها ما قصرت مع الاحباب .
وبالمناسبة أمريكا وكندا زي الاخوان الجيران البيناتهم نفاج .
|
Post: #5
Title: Re: أيهما أفضل للحياة فيها .. كندا أم أمريكا؟
Author: Deng
Date: 08-11-2022, 12:33 PM
Parent: #4
Quote:
لو لا سوء الحال في بلاد المسلمين
الاقامة في بلاد الكفار تنتفي بإنتفاء الضرورة لانها ديار حرب
|
لماذا سائت بلاد المسلمين اصلا؟
ولماذا لم يلجاء المسلمين الى بلاد الاسلام التي بها سلام واستقرار؟
ولماذ لم يستقبل المسلمين أخوانهم في الدين في بلادهم مقارنة مع بلاد غير المسلمين الذين يستقبلون المسلمين في بلادهم ويعطونهم حق المواطنة الكامل؟
|
Post: #6
Title: Re: أيهما أفضل للحياة فيها .. كندا أم أمريكا؟
Author: مصطفى نور
Date: 08-11-2022, 05:48 PM
Parent: #5
السلام عليكم
تحيه طيبه اخى الغالى الرد على السوال ايهما افضل كندا ام امريكا انا شخصييا عشت فى البلدين ومممكن اقارن ليك فى اشياء كثيره بشكل عام كلا البلدين يتمتعان بميزات مختلفة. إذن ، أيهما أفضل: كندا أم الولايات المتحدة؟
الولايات المتحدة وكندا دولتان في أمريكا الشمالية لديهما العديد من أوجه التشابه وبعض الاختلافات المهمة.
في حين أن الولايات المتحدة أكبر بكثير من جارتها الشمالية من حيث الناتج المحلي الإجمالي ، فإن متوسط دخل الفرد متشابه في كلا المكانين مع فرق العمله الدولار الامريكى اعلى من الدولار الكندى ،
بينما يدفع الناس عموماً يدفع الناس ضرائباً أكثر في الولايات المتحدة ، وإن كندا تقدم مزايا اجتماعية كثيرة ، فنجد في أغلب الأحيان تكلفة الالتحاق بالجامعة ونفقات الرعاية الصحية مجاني فى كندا .
بلغ الناتج المحلي الإجمالي لكندا لعام 2021 ما قيمته 1.73 تريليون دولار أمريكي ، بينما سجلت الولايات المتحدة ناتجاً محلياً إجمالياً قدره 21.4 تريليون دولار أمريكي. في حين أن الولايات المتحدة هي قوة عظمى أكبر بكثير من حيث الاقتصاد ، فإن دخل المواطنين أكثر تماسكاً.
أفاد مكتب الإحصاء الأمريكي أن متوسط الدخل للعائلات الأمريكية يبلغ 68،703 دولاراً. في كندا ، كان متوسط الدخل لعام 2021 ، وهو أحدث مجموعة بيانات متاحة ، 61.400 دولار.
ويجب ان لاننسى ان ، الولايات المتحدة هي قوة عظمى عالمية أكبر وعلى هذا النحو ، يمكن للأمريكيين أن يتوقعوا دفع المزيد في كل جانب من جوانب المعيشة تقريباً.
يتمتع الأشخاص في الولايات المتحدة وكندا عموماً بدخل سنوي مماثل ، وبالنسبة لمجال المزايا الاجتماعية ، لدى الكنديين برنامج عائلي أقوى إلى حد ما بتكليف من الحكومة مع تمويل حكومي أكبر لإجازة الأمومة من خلال برامج التأمين على العمل ، يمكن للكنديين أيضاً توقع دفع أقل لتكاليف الرعاية الصحية .
علاوة على ذلك ، فإن تكاليف الجامعات التعليمية أقل أيضاً في كندا ، مما قد يكون عاملاً أخيراً يغري العديد من المواطنين عبر الحدود عند التفكير في تنظيم الأسرة على المدى الطويل للعيش فى كندا ، وسوف اذكر لكم عده اسباب اخرى للعيش فى كندا واسباب للعيش فى امريكا
الى كندا هناك لابد من ان اذكر لكم عن التعليم فى امريكا وامريكا تحتتل المرتبه الاولى من حيث احسن 100 جامعه فى العالم امريكا لها نصيب الاسد حوالى 76 جامعه من ال 100 جامعه وباقى العالم كلوا فى العدد المتبقى وهو 24 جامعه وعليه التعليم فى امريكا توب ومن ناحيه الامن والامان كندا امن بكثير من امريكا ومن ناحيه العمل فرص العمل فى امريكا كثيره وكبيره ومن ناحيه العلاج والصحه كندا افضل بكثير من امريكا ومن ناحيه العنصريه والتنمر كندا احسن الف مره من ناحيه الدخل الدخل فى امريكا اعلى والصرف اكثر من ناحيه المعيشه والاكل والشرب امريكا ارخص من ناحيه احترام الديانات وحريه الاعتقادات كندا احسن اسباب وجيهة للانتقال من امريكا الى كندا لتستفيد منها إن كنت تفكر بالانتقال إلى أي من هذين البلدين .
اما عن معامله الاجانب كندا تحتترم الانسان اى كان اللون والعقيده واللغه وكندا شعب راقى جدا جدا وامريكا بلد جمليه ولكن العيش فيها صعب جدا والحياه فيها ممله جدا والعمل فيها شاق فى كثير من الاحيان ونظام الحياه يستهلك طاقتك والكرديت كارت بخرب بيتك وان تركت العمل اسبوع كل حسابتك تتلخبط ولى عوده مره اخرى
الخيار الان مصر انا الان فى مصر ومرتاح وخالى البال ممكن تعيش فى مصر باقل دخل ممكن وممكن تعيش باى مبلغ
مع تحياتى
مصطفى نور
|
Post: #7
Title: Re: أيهما أفضل للحياة فيها .. كندا أم أمريكا؟
Author: Ahmed Khalil
Date: 08-11-2022, 07:01 PM
Parent: #6
| Quote: أغلب الأحيان تكلفة الالتحاق بالجامعة ونفقات الرعاية الصحية مجاني فى كندا . |
سلام مصطفى
اوافق معظم ما في المداخة
ماعدا امر نفقات الجامعات
لم اسمع بجامعة مجانية في كندا
|
Post: #8
Title: Re: أيهما أفضل للحياة فيها .. كندا أم أمريكا؟
Author: السر عبدالله
Date: 08-11-2022, 07:39 PM
Parent: #7
احمد خليل
الجامعات في كندا ما مجانية ولكن الحكومة الكندية بتدفع ليك رسوم الجامعة والسكن والأكل في شكل قرض ميسور الدفع .
وبعدما ما تتخرج من الجامعة ويدوك فترة سماح ٦ شهور او اكثر تبدأ تسدد في القرض على راحتك ...وانا بنتي، وهي كندية الجنسية ،درست في جامعة في نيويورك، والحكومة الكندية دفعت ليها رسوم الدراسة والسكن والأكل على داير المليم ...وبعد عودتها إلى كندا قدمت تحضر ماجستير في جامعة كندية بعد أن تم قبولها بمنحة دراسية مجانية .
وعندما سألت الحكومة الكندية عن كيفية دفع القرض قالوا ليها ابدأي الدفع بعد تخلصي من الماجستير ......
يعني اعتبر يا احمد الدراسة الجامعية في كندا وكأنها مجانية لان الحكومة الكندية ما بتضايقك في دفع القرض ...واذا ما لقيت شغل بعدما تتخرج ممكن تطلب فترة سماح اكثر..
بالله في تسهيلات أكثر من كده ؟
وبعد ده كله يقولوا ليك ديار الكفر .....ديار الكفر يا ها بلادنا ديك .
وعلى الرغم من كل هذه التسهيلات في كندا إلا أن العيش في امريكا أفضل .
واسال عثمان موسى بيوريك الف سبب.
|
Post: #9
Title: Re: أيهما أفضل للحياة فيها .. كندا أم أمريكا؟
Author: السر عبدالله
Date: 08-11-2022, 07:46 PM
Parent: #8
وشكرا عبد المنعم شيخ إدريس على البوست اللقطة.
.وفكرة جميلة جدا استضافتك لواحد مقيم في كندا وآخر مقيم في امريكا يتحدثوا على حسب تجاربهم وخبراتهم عن مزايا ومساوئ الإقامة والعيش في كل دولة .
وكنا كمان عاوزين عثمان موسى يكلمنا عن مزايا ومساوئ العيش في السودان لانه اظنه غادر بلاد العم سام واستقر في السودان ...
|
Post: #11
Title: Re: أيهما أفضل للحياة فيها .. كندا أم أمريكا؟
Author: Osman Musa
Date: 08-11-2022, 08:49 PM
Parent: #9
الأخ الكريم عبدالمنعم
والإخوان الكرام.
جد جد دا بوست دردشة لطيفة.
..
وسلام مربع للأخ الكريم السر عبدالله .
وعارف يا اخ السر اقولك حاجة. اظن اكتر 3 سودانيين
فهموا العيش في أمريكا وبطنها وظهرها. هم
الأخ المرحوم أستاذ بشير بكار
والأخ البطل السوداني هاشم بدرالدين.
الأخ هاشم دا يا أخ السر كان بيشتري جريدة الواشنطن بوست يومياتي
وهو ماشي الشغل في مانهاتن .
هاشم جنسيتو كندي لكن عملو كان في مانهاتن .
بشير بكار كان يجيبلك خبر اي ملمة وأي كتاب جديد طلع في عموم امريكا.
معليش للنطنطة في الكلام لكن داير اقولك . امريكا الطف بلاد الدنيا .
والإقامة في مانهاتن تمسخ عليك المعايش في اي مدينة خلافها.
بجيك لمعافرة المعايش في السودان وحراميه النفايات والضرايب .
|
Post: #19
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-12-2022, 04:08 AM
Parent: #11
Quote: الأخ الكريم عبدالمنعم
والإخوان الكرام.
جد جد دا بوست دردشة لطيفة.
..
وسلام مربع للأخ الكريم السر عبدالله .
وعارف يا اخ السر اقولك حاجة. اظن اكتر 3 سودانيين
فهموا العيش في أمريكا وبطنها وظهرها. هم
الأخ المرحوم أستاذ بشير بكار
والأخ البطل السوداني هاشم بدرالدين.
الأخ هاشم دا يا أخ السر كان بيشتري جريدة الواشنطن بوست يومياتي
وهو ماشي الشغل في مانهاتن .
هاشم جنسيتو كندي لكن عملو كان في مانهاتن .
بشير بكار كان يجيبلك خبر اي ملمة وأي كتاب جديد طلع في عموم امريكا.
معليش للنطنطة في الكلام لكن داير اقولك . امريكا الطف بلاد الدنيا .
والإقامة في مانهاتن تمسخ عليك المعايش في اي مدينة خلافها.
بجيك لمعافرة المعايش في السودان وحراميه النفايات والضرايب . |
اخي عثمان موسى
منتظرنك لنعرف تجربتك في العودة
ما عشت في منهاتن لكن سكنت في نفس المجمع
السكن فيه المرحوم بشير بكار
في الاكساندريا
وسمعت كتير من قصصة
من الاخوين فائز عبد الرحمن
وزوجته الدكتورة اسماء
سلامي الشديد ليك
وراجينك يا حبوب
|
Post: #18
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-12-2022, 04:03 AM
Parent: #9
Quote:
وشكرا عبد المنعم شيخ إدريس على البوست اللقطة.
.وفكرة جميلة جدا استضافتك لواحد مقيم في كندا وآخر مقيم في امريكا يتحدثوا على حسب تجاربهم وخبراتهم عن مزايا ومساوئ الإقامة والعيش في كل دولة .
وكنا كمان عاوزين عثمان موسى يكلمنا عن مزايا ومساوئ العيش في السودان لانه اظنه غادر بلاد العم سام واستقر في السودان . |
اخي السر
الحمد لله ربنا وفقني في الفيديو
وطلع بسيط ومفيد
وكلللنا عايزين نعرف تجارب الناس الرجعو نهائي
تحياتي لك
|
Post: #10
Title: Re: أيهما أفضل للحياة فيها .. كندا أم أمريكا؟
Author: Ahmed Khalil
Date: 08-11-2022, 08:19 PM
Parent: #8
| Quote: عني اعتبر يا احمد الدراسة الجامعية وكأنها مجانية |
سلام اخي السر
معليش بس ما مجانية
ولو تاخرت في الدفع ستتراكم الفوائد
|
Post: #12
Title: Re: أيهما أفضل للحياة فيها .. كندا أم أمريكا؟
Author: كمال عباس
Date: 08-11-2022, 09:18 PM
Parent: #10
كتب الزبير " الختمي"
...
....Quote: لو لا سوء الحال في بلاد المسلمين
الاقامة في بلاد الكفار تنتفي بإنتفاء الضرورة لانها ديار حرب |
..
كلامك دا قولو للسيد علي بن مرشد الطريقة السيد محمد عثمان
المقيم بأمريكا لأكثر من ربع قرن !
-- ديار حرب وديار سلم
دي لغة سيد قطب والأخوان وغلاة الوهابية
الختمية والصوفية ماعندهم هذا الفهم الداعشي المتطرف
وهذه الكتابة تؤكد لي من جديد وبحسب فهمي أنه لاعلاقة بالختمية وربما
تدعي الإنتماء لها تقية وتخفي ـ فأنت أقرب للكيزان والمهوسين
ولغتك العدائية المستفزة لاعلاقة بأهلنا الختمية والمتصوفة
...
|
Post: #21
Title: Re: أيهما أفضل للحياة فيها .. كندا أم أمريكا؟
Author: مصطفى نور
Date: 08-12-2022, 05:29 AM
Parent: #12
السلام عليكم
تحيه طيبه
والبوست راقى وجميل والله و الاخ الغالى البطل هاشم بدرالدين كان يسكن فى بروكلن منطقه كونى ايلاند مع الاخوه المرحوم سامى برضو بطل بتاع تكندو والاخ عماد عباس برضو بتاع كارتيه
والاخ الرشيد عبدالله المقلب بةى ابوالرفاهيه والاخ طلب عباس بتاع بطل كراتيه ناس الهشماب وكلهم اولاد امدرمان وكان معاهم فى نفس العماره الاخوه المرحوم اسماعيل البيلى والمرحوم كمال البيلى والاخ امد الله فى عمرو طارق البيلى وكان عماره الناس ديل كل الاخوه الغعاملين فتوات فى كونى ايلاند بخافوا منهم
فى مره الاخ الرشيد عبدالله راجع من الشغل المهم فى شويه فتوات بتاعين عصابه عملوا الى الاخ الرشيد استكب وشالوا منو اظن قروش ولا حاجه المهم الرشيد جاء البيت ووكلم الشباب ونزل الاخ هاشم بدرالديين والاخ سامى والاخ برضو كان معاهم البطل حسن كديس والاخ عماد عباس والاخ طلب ديل كلهم بتاعتين كاراتيه محترفين فى السودان كلهم كانوا فى ميدان الربيع ابطال المهم نزلوا وماشين على الشفوت العصابه قاموا صوف جارين حتى دخلوا قسم شرطه كزنى ايلاند وسلموا انفسهم للشرطه واعترفوا بانهم نهبوا الاخ الرشيد عبدالله
كانوا اخوان وكانوا ابطال وكنا فى نيويورك اخوه والله فى السراء والضراء
الا رحم الله من قضى نحبه والصحه لبقيه الاخوه
مع تحياتى
مصطفى نور ودرعيه
|
Post: #17
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-12-2022, 04:00 AM
Parent: #6
Quote:
السلام عليكم
تحيه طيبه اخى الغالى الرد على السوال ايهما افضل كندا ام امريكا انا شخصييا عشت فى البلدين ومممكن اقارن ليك فى اشياء كثيره بشكل عام كلا البلدين يتمتعان بميزات مختلفة. إذن ، أيهما أفضل: كندا أم الولايات المتحدة؟
الولايات المتحدة وكندا دولتان في أمريكا الشمالية لديهما العديد من أوجه التشابه وبعض الاختلافات المهمة.
في حين أن الولايات المتحدة أكبر بكثير من جارتها الشمالية من حيث الناتج المحلي الإجمالي ، فإن متوسط دخل الفرد متشابه في كلا المكانين مع فرق العمله الدولار الامريكى اعلى من الدولار الكندى ،
بينما يدفع الناس عموماً يدفع الناس ضرائباً أكثر في الولايات المتحدة ، وإن كندا تقدم مزايا اجتماعية كثيرة ، فنجد في أغلب الأحيان تكلفة الالتحاق بالجامعة ونفقات الرعاية الصحية مجاني فى كندا .
بلغ الناتج المحلي الإجمالي لكندا لعام 2021 ما قيمته 1.73 تريليون دولار أمريكي ، بينما سجلت الولايات المتحدة ناتجاً محلياً إجمالياً قدره 21.4 تريليون دولار أمريكي. في حين أن الولايات المتحدة هي قوة عظمى أكبر بكثير من حيث الاقتصاد ، فإن دخل المواطنين أكثر تماسكاً.
أفاد مكتب الإحصاء الأمريكي أن متوسط الدخل للعائلات الأمريكية يبلغ 68،703 دولاراً. في كندا ، كان متوسط الدخل لعام 2021 ، وهو أحدث مجموعة بيانات متاحة ، 61.400 دولار.
ويجب ان لاننسى ان ، الولايات المتحدة هي قوة عظمى عالمية أكبر وعلى هذا النحو ، يمكن للأمريكيين أن يتوقعوا دفع المزيد في كل جانب من جوانب المعيشة تقريباً.
يتمتع الأشخاص في الولايات المتحدة وكندا عموماً بدخل سنوي مماثل ، وبالنسبة لمجال المزايا الاجتماعية ، لدى الكنديين برنامج عائلي أقوى إلى حد ما بتكليف من الحكومة مع تمويل حكومي أكبر لإجازة الأمومة من خلال برامج التأمين على العمل ، يمكن للكنديين أيضاً توقع دفع أقل لتكاليف الرعاية الصحية .
علاوة على ذلك ، فإن تكاليف الجامعات التعليمية أقل أيضاً في كندا ، مما قد يكون عاملاً أخيراً يغري العديد من المواطنين عبر الحدود عند التفكير في تنظيم الأسرة على المدى الطويل للعيش فى كندا ، وسوف اذكر لكم عده اسباب اخرى للعيش فى كندا واسباب للعيش فى امريكا
الى كندا هناك لابد من ان اذكر لكم عن التعليم فى امريكا وامريكا تحتتل المرتبه الاولى من حيث احسن 100 جامعه فى العالم امريكا لها نصيب الاسد حوالى 76 جامعه من ال 100 جامعه وباقى العالم كلوا فى العدد المتبقى وهو 24 جامعه وعليه التعليم فى امريكا توب ومن ناحيه الامن والامان كندا امن بكثير من امريكا ومن ناحيه العمل فرص العمل فى امريكا كثيره وكبيره ومن ناحيه العلاج والصحه كندا افضل بكثير من امريكا ومن ناحيه العنصريه والتنمر كندا احسن الف مره من ناحيه الدخل الدخل فى امريكا اعلى والصرف اكثر من ناحيه المعيشه والاكل والشرب امريكا ارخص من ناحيه احترام الديانات وحريه الاعتقادات كندا احسن اسباب وجيهة للانتقال من امريكا الى كندا لتستفيد منها إن كنت تفكر بالانتقال إلى أي من هذين البلدين .
اما عن معامله الاجانب كندا تحتترم الانسان اى كان اللون والعقيده واللغه وكندا شعب راقى جدا جدا وامريكا بلد جمليه ولكن العيش فيها صعب جدا والحياه فيها ممله جدا والعمل فيها شاق فى كثير من الاحيان ونظام الحياه يستهلك طاقتك والكرديت كارت بخرب بيتك وان تركت العمل اسبوع كل حسابتك تتلخبط ولى عوده مره اخرى
الخيار الان مصر انا الان فى مصر ومرتاح وخالى البال ممكن تعيش فى مصر باقل دخل ممكن وممكن تعيش باى مبلغ
مع تحياتى
مصطفى نور
|
مصطفى نور
يا سلاااام عليك معلومات مفيدة
جعلت البوست تاريخيا
|
Post: #16
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-12-2022, 03:58 AM
Parent: #5
Quote:
لماذا سائت بلاد المسلمين اصلا؟
ولماذا لم يلجاء المسلمين الى بلاد الاسلام التي بها سلام واستقرار؟
ولماذ لم يستقبل المسلمين أخوانهم في الدين في بلادهم مقارنة مع بلاد غير المسلمين الذين يستقبلون المسلمين في بلادهم ويعطونهم حق المواطنة الكامل؟
|
اخي دينق
مصطلح بلاد مسلمين نفسه
الا يحتاج الى تفكيك؟
|
Post: #15
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-12-2022, 03:55 AM
Parent: #4
Quote: تحية مربعة لاخي مفترع البوست الجميل
الاستاذ عبدالمنعم ..
الحياةيا اخ عبدالمنعم في أمريكا لبن.
عسل .
أمريكا علمتنا وصرفتنا .
أمريكا الخير ابدا ما قصرت معانا والله .
سترت حالنا الله يستر عليها ويحفظها .
الشقيقة كندا زرتها على عجل وما اقدر أخبرها زي ماني خابر
الحبيبة أمريكا .
لكن اكيد برضها ما قصرت مع الاحباب .
وبالمناسبة أمريكا وكندا زي الاخوان الجيران البيناتهم نفاج |
Osman Musa
نعم كل ما قلته عن امريكا صحيح
نحن اساسا غير السترة كايسين شنو؟
|
Post: #14
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-12-2022, 03:50 AM
Parent: #3
Quote: الوطن يعج ويزدحم بمختلف أنواع الحركات المسلحة الإرهابية وجعلوها ديار حرب
بدلا من ديار السلم والامان. |
يا رب الطف بعبادك في السودان
|
Post: #20
Title: Re: أيهما أفضل للحياة فيها .. كندا أم أمريكا؟
Author: مصطفى نور
Date: 08-12-2022, 05:14 AM
Parent: #14
Ahmed Khali
اخى الغالى صباح الخير وجمعه مباركه على الجميع
اخى انت بتاخد قرض ولسنواتت طويله وفى كثير من المرات يعفى القرض ولو عايز تسدد تسدد على راحتك وهناك موضوع الاسكلور شب ده للناس المتفوقين يعنى ده اكيد مجانى
على العموم انت بتاخد قروش الجامعه ولو ظروفك كعبه زى ناس اللجوء مرات كثيره ما بترجع القروش ولا بتدفع شى فى الجامعات الكنديه
هل التعليم الجامعي في كندا مجانا؟
هل هناك تعليم مجاني في كندا للطلاب العرب ؟
لا توجد جامعات مجانية حتى للطلاب الكنديين.ومع ذلك يمكنك الدراسة دون دفع الرسوم الدراسية عن طريق الحصول على منحة دراسية كاملة أو حتى منح دراسية ممولة بالكامل.يعنى هنا ممكن نقول مجانا
|
Post: #13
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-12-2022, 03:48 AM
Parent: #2
حسابك مهكر ولا شنو يا الزبير أخوي
دار سلام ودار حرب كلام متطرفين
حاشاك
Quote:
لو لا سوء الحال في بلاد المسلمين
الاقامة في بلاد الكفار تنتفي بإنتفاء الضرورة لانها ديار حرب
|
|
Post: #22
Title: Re: أيهما أفضل للحياة فيها .. كندا أم أمريكا؟
Author: Deng
Date: 08-12-2022, 09:29 AM
Parent: #13
Quote:
اخي دينق
مصطلح بلاد مسلمين نفسه
الا يحتاج الى تفكيك؟ |
الاخ عبد المنعم.
كنت أنتظر منك أن تدين خطاب الزبير بشير المتطرف في المقام الاول.
ولكن استعمالي لعبارة "بلاد المسلمين" قصدي من ذلك هو مخاطبة عقلية الزبير المتطرفة وهو يفهم ذلك تماما.
اسف جدا للخروج عن محتوى البوست ولكن ما كتبه المتطرف الزبير بشير فهو يحتاج الى الرد
|
Post: #23
Title: Re: أيهما أفضل للحياة فيها .. كندا أم أمريكا؟
Author: Deng
Date: 08-12-2022, 09:34 AM
Parent: #22
نرجع لي موضوع البوست
من غير تفاصيل كتيرة قد تغضب بعض الناس.
الحياة في أمريكا أفضل بكثير من كندا، من حيث الطقس،جودة التعليم، فرص العمل،التقدم في المهن الى مراكز عليا وحتى نوع الحياة والرفاهية ايضا.
|
Post: #25
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-12-2022, 02:29 PM
Parent: #23
الاخ دينق
| Quote: الحياة في أمريكا أفضل بكثير من كندا، من حيث الطقس،جودة التعليم، فرص العمل،التقدم في المهن الى مراكز عليا وحتى نوع الحياة والرفاهية ايضا. |
هذه وجهة نظر عدد أكبر من الناس
وتفاجأت عندما كنت في زظيفة سابقة
أن كنديين كثر من أصول أوروبية
جاءوا للعمل والحياة في أمريكا
طبعا في أمريكان يعيشون في كندا
لكن بعدد أقل حسب تقديري
ولا يسعون في الغالب الى تولي مراكز عليا
فقط يريدون أن يعيشوا حياة هادئة
بتكلفة مالية أقل
|
Post: #24
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-12-2022, 02:23 PM
Parent: #22
Quote:
الاخ عبد المنعم.
كنت أنتظر منك أن تدين خطاب الزبير بشير المتطرف في المقام الاول.
ولكن استعمالي لعبارة "بلاد المسلمين" قصدي من ذلك هو مخاطبة عقلية الزبير المتطرفة وهو يفهم ذلك تماما.
اسف جدا للخروج عن محتوى البوست ولكن ما كتبه المتطرف الزبير بشير فهو يحتاج الى الرد |
الاخ دينق يبدو أنك ما شفت ردي على الاخ الختمي
وصفته بأنه كلام متطرفين
ولا يخرج من صوفي
|
Post: #26
Title: Re: أيهما أفضل للحياة فيها .. كندا أم أمريكا؟
Author: Mahjob Abdalla
Date: 08-12-2022, 03:38 PM
Parent: #24
| Quote: الحياة في أمريكا أفضل بكثير من كندا، من حيث الطقس،جودة التعليم، فرص العمل،التقدم في المهن الى مراكز عليا وحتى نوع الحياة والرفاهية ايضا. |
اصبت في "الطقس" حيث معظم الكنديين المستطعين او اصحاب المعاشات بستقرو في فلوريدا فترة الشتاء و برجع كندا في الصيف. بسموهم
snow birds
جودة التعليم و فرص العمل و التقدم في المراكز العليا لا اعتقد في فرق بيناتهم او لا يرتقى لان يوصف احدهم بالافضل من الاخر.
بخصوص التقدم في المراكز العليا, سياسيا عندنا كم وزير من السيخ و وزير افريقى من الصومال و وزير عربى و نواب في البرلمان كثر من خلفيات اثنية مختلفة.
قبل كدا في حاكم محافظة هندى و عمدة مدينة هندى افريقى.
علي مستوى الوظائف الكبيرة برضو الهنود و الصينيين ماسكين مراكز وظيفية مرموقة.
|
Post: #27
Title: Re: أيهما أفضل للحياة فيها .. كندا أم أمريكا؟
Author: الزبير بشير
Date: 08-13-2022, 11:55 AM
Parent: #1
الاخ كمال عباس
لك التحيه
ياخي طوالي جردتنا من الطريقة الختمية
ده ما راي انا ده كلام العلماء الجد جد
الله اديك العافيه ياخي ما بينا اهو بلاد المسلمين بقت طارده
و الله لا عندي علاقة بي اي فكر ضال بس حبيت انقل ما سمعته
اخي كمال الدنيا قصيره شديد الزول امشي جنب الحيطه و ما هي دايمه
لك كل ودي و تقديري و ربنا يصلح الحال
الزبير
|
Post: #28
Title: Re: أيهما أفضل للحياة فيها .. كندا أم أمريكا؟
Author: طارق عبد الله
Date: 08-14-2022, 10:58 AM
Parent: #1
- خيارات امريكا اوسع بكثير في الطقس والعمل والدراسة والبيزنس والترفيه والتسوق وغيره
- كندا انسب للأسر من ناحية جودة الخدمات الاجتماعية ونمط الحياة الاقل بريقا وصخبًا للشباب بينما امريكا افضل عموما للشباب
- للتقاعد كندا أفضل للنظام الصحي اليونيفرسال
صوتي يذهب لامريكا
|
Post: #29
Title: Re: أيهما أفضل للحياة فيها .. كندا أم أمريكا؟
Author: Osman Musa
Date: 08-14-2022, 02:43 PM
Parent: #28
الأخ الكريم عبدالمنعم
انت يا أخوي شقيق عزيزنا الطيب شيخ ادريس .
الطيب شيخ ادريس من أبناء الدبيبة والعيلفون يقيم
بنيوجرسي من سنة 1995.
الطيب الرجل ابشهم اذكر انو بيت الطيب بشارع مكدو افينيو
كان تكية كريمة للقادمين الجدد في سنين الهجرة أو كسرة السودانيين
الأولي .
له التحية.
|
Post: #30
Title: Re: أيهما أفضل للحياة فيها .. كندا أم أمريكا؟
Author: يحي قباني
Date: 08-14-2022, 05:17 PM
Parent: #29
سلامات عبد المنعم و ضيوفك ..
الفيديو غير دقيق فيما يخص كندا .. وهو يعكس وجهة نظر الضيف و شريحة من السودانيين ..
و لكنه لا يمثلنا و لا يمثل كندا بشكل صحيح ..
مع كامل احترامي لضيفك العزيز ..
ايضا المقارنه غير دقيقة لان لندن اونتاريو مدينة صغيره و لا تعكس صورة الوضع في تورنتو خاصة ان ضيفك من امريكا يتحدث عن دي سي و ارلنجتون اريا
كنت اتمنى ان تتحدث لاكثر من شخص في الدولتين ..
هنا يوجد عدد ضخم جدا من السودانيين منهم من زاد عمره في كندا على الثلاثة عقود و منهم من لم يكمل خمس سنوات و تجاربهم ناجحة جدا و ستسمع منهم اراء مختلفة جدا ..
الخلاصة .. الفيديو لا يعكس حالنا هنا و غير دقيق من وجهة نظري و كامل الاحترام لضيفك الجميل من كندا 🙂
|
Post: #31
Title: Re: أيهما أفضل للحياة فيها .. كندا أم أمريكا؟
Author: Elamin Medani
Date: 08-14-2022, 10:11 PM
سلام اخونا عبد المنعم والاخوة الاعزاء
انا زول سفر ولواري فبحكم العمل مرات بتجيني سفرية ل كندا واكاد اكون زرت معظم المدن الكندية من اقصى الشرق الى اقصى الغرب
اول الملاحظات في كل المعابر او بوابات الدخول ل كندا من امريكا لاحظت انه الكنديين ناس راقين وما عنصريين ودائما الموظفين من اثنيات او اعراق مختلفة
بعكس جماعتنا اجلاف ويكاد يكونو من اثنية واحدة
من ناحية العمران والبنية التحتية كندا فيها ثلاث مدن في مصاف المدن الامريكية في الغرب فانكوفر وفي الشرق تورنتو ومونتريال ومن الملاحظة معظم الكنديين او اكبر نسبة سكانية في منطقة تورنتو او الشرق عامة تورنتو ومونتريال
من ناحية العمل والتعليم والصحة فملاحظتي عن كندا سماعية
كتبت المشاركة وانا داخل ON route بالقرب من تورنتو وامامي موكا L size من Starbucks
|
Post: #32
Title: Re: أيهما أفضل للحياة فيها .. كندا أم أمريكا؟
Author: Abureesh
Date: 08-14-2022, 10:46 PM
Parent: #31
يا منعـم الأخوة ديل ما كانوا جاهزين للقاء وما أعدوا له مادة منظمـة يمكن عرضها.. غالبا رجعوا من الشغل وعلى الكاميرا طوالى
دا الموضوع ببساطــة.
|
Post: #36
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-15-2022, 02:07 AM
Parent: #32
Quote:
يا منعـم الأخوة ديل ما كانوا جاهزين للقاء وما أعدوا له مادة منظمـة يمكن عرضها.. غالبا رجعوا من الشغل وعلى الكاميرا طوالى
دا الموضوع ببساطــة. |
أوووو حبيبنا ابو الريش
برضو لو سمحت لي كلامك عام
وريني ووري الناس كلهم
وين تحفظاتك علي حديثهم
بالتحديد
محبتي
منعم
|
Post: #35
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-15-2022, 02:01 AM
يحي قباني حبابك الف
الفكرة من نشر الفيديو هنا الاضافة والتصحيح
احترمك جدا
واختلاف الآراء لا يفسد للود قضية
لو سمحت لي كلامك عام
وريني التفاصيل المذكورة في الفيديو دا
غير الدقيق فيها شنو
عشان نستفيد
Quote:
سلامات عبد المنعم و ضيوفك ..
الفيديو غير دقيق فيما يخص كندا .. وهو يعكس وجهة نظر الضيف و شريحة من السودانيين ..
و لكنه لا يمثلنا و لا يمثل كندا بشكل صحيح ..
مع كامل احترامي لضيفك العزيز ..
ايضا المقارنه غير دقيقة لان لندن اونتاريو مدينة صغيره و لا تعكس صورة الوضع في تورنتو خاصة ان ضيفك من امريكا يتحدث عن دي سي و ارلنجتون اريا
كنت اتمنى ان تتحدث لاكثر من شخص في الدولتين ..
هنا يوجد عدد ضخم جدا من السودانيين منهم من زاد عمره في كندا على الثلاثة عقود و منهم من لم يكمل خمس سنوات و تجاربهم ناجحة جدا و ستسمع منهم اراء مختلفة جدا ..
الخلاصة .. الفيديو لا يعكس حالنا هنا و غير دقيق من وجهة نظري و كامل الاحترام لضيفك الجميل من كندا 🙂 |
|
Post: #34
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-15-2022, 00:18 AM
Parent: #29
Quote:
الأخ الكريم عبدالمنعم
انت يا أخوي شقيق عزيزنا الطيب شيخ ادريس .
الطيب شيخ ادريس من أبناء الدبيبة والعيلفون يقيم
بنيوجرسي من سنة 1995.
الطيب الرجل ابشهم اذكر انو بيت الطيب بشارع مكدو افينيو
كان تكية كريمة للقادمين الجدد في سنين الهجرة أو كسرة السودانيين
الأولي .
له التحية. |
عثمان حبابك
يا سلام على الطيب
الكل يحبه
هو في جورجيا الان
وهو قريب زوجتي
شيخ ادريس دا اسم ساي
هم محس احفاد الشيخ ادريس ود الارباب
نحن من المسعودية
تحياتي ليك
وحا اوصل ليه كلامك السمح دا
|
Post: #33
Title: Re: أيهما أفضل للحياة فيها .. كندا أم أمريكا؟
Author: عبد المنعم شيخ ادريس
Date: 08-15-2022, 00:14 AM
Parent: #28
Quote: - خيارات امريكا اوسع بكثير في الطقس والعمل والدراسة والبيزنس والترفيه والتسوق وغيره
- كندا انسب للأسر من ناحية جودة الخدمات الاجتماعية ونمط الحياة الاقل بريقا وصخبًا للشباب بينما امريكا افضل عموما للشباب
- للتقاعد كندا أفضل للنظام الصحي اليونيفرسال
صوتي يذهب لامريكا |
حبابك طارق
اعتقد كلامك دا الخلاصة
|
|