Post: #1 Title: شليــل ما راح - رحم الله محمد طه القدال Author: Abureesh Date: 08-10-2022, 02:11 AM
كلمات تبعث الأمل فى زمن القحط السياسى
Post: #2 Title: Re: شليــل ما راح - رحم الله محمد طه القدال Author: بدر الدين الأمير Date: 08-10-2022, 09:15 AM Parent: #1
هلا ابو الريش كمل جميلك وجيبها لينا بصوت مصطفنا ود سيد احمد النص اوالاغنية اسمها الحليوة ليلة المولد والبعض بسميها بقول غنوات
Post: #3 Title: Re: شليــل ما راح - رحم الله محمد طه القدال Author: Abureesh Date: 08-10-2022, 02:33 PM Parent: #2
هلا بدر الدين..
Quote: اسمها الحليوة ليلة المولد والبعض بسميها بقول غنوات
غالى والطلب رخيص.. تتذكر تلك الليلة الليلاء.. كانت احتفال الجاليـة السودانية فى الدوحة بمناسبة عيد الإستقلال.. شخصى الضعيف كنت أمام المنصة بالضبط عامل فيها صحفى وأصور بكاميرة الفيديو (كانون).. برضو اقتنيت كتاب القدال (حليوة) الذى كان معروضا فى القاعـة.، ومع الأسف مع الأسفار الكتيرة فقدته.. نعم الأغنية اسمها حليـوة.. لا أدرى إن كانت إسم قرية أم وصف بنت رمزية بتلك القرية.. الفيديو أدناه فيه الفيديو الكامل الذى صورته وقد كان جيد النوعية.. ولكن مع الأسف يوتيوب غيرت النوعية بمرور الزمن ما عارف كيف أم لماذا..
Post: #4 Title: Re: شليــل ما راح - رحم الله محمد طه القدال Author: Abureesh Date: 08-10-2022, 02:48 PM Parent: #3
الكويسة إنو نوعية الفيدو بتاع المرحوم بروفيسور طه العطا ما نزلت إلا طفيفا.. لكن برضو ما نوعية لما رفعته على يوتيوب يا شباب الشخصيـة (البارزة) دى هى بدر الدين الأمير.. ويظهر الصديق وزميلنا محمد ابوالعزائم ابوالريش يصور بكمرته.
Post: #5 Title: Re: شليــل ما راح - رحم الله محمد طه القدال Author: Abureesh Date: 08-10-2022, 02:49 PM Parent: #3
عفــواً مكـــرر
Post: #6 Title: Re: شليــل ما راح - رحم الله محمد طه القدال Author: muntasir Date: 08-10-2022, 03:01 PM Parent: #5
سلام أبوالريش حليوة بالجزيرة هي مسقط رأس الراحل القدال عليه رحمة الله
Post: #7 Title: Re: شليــل ما راح - رحم الله محمد طه القدال Author: بدر الدين الأمير Date: 08-10-2022, 03:03 PM Parent: #5
رحم الله التشكيلى والمغنى طه العطا افتكر كانت في زيارتك الاولى لدولة قطر وكان من ضمن الحضور الراحل السفير ابن السفير احمد يوسف مصطفى التنى عديل طه العطا والسفير يوسف التنى هو شاعر اغنية الحقبية الشهيرة في الفؤاد ترعاهو العناية بين ضلوعى الوطن العزيز
Post: #8 Title: Re: شليــل ما راح - رحم الله محمد طه القدال Author: Abureesh Date: 08-10-2022, 07:04 PM Parent: #7
هلا منتصـر نعـم وأذكر قبل كدا ذكرت لينا الحقيقة دى..