الكلب ينبح والجمل ماشي مثل افتقد الوقار

08:19 PM August, 06 2022

سودانيز اون لاين
بلدى يا حبوب-kahrtoum
مكتبتى
رابط مختصر

Quote: الخرطوم: محمد جمال قندول قال رئيس مبادرة نداء أهل السودان للوفاق الوطني الشيخ الطيب الجد، إن الفكرة كانت في البداية مبادرة لكن توسعت لكي تكون نداءً لجمع جميع المبادرات المطروحة لحل الأزمة السياسية الراهنة. ودعا الجد في تصريح لـ (الإنتباهة) جميع الفرقاء السودانيين للاتفاف حول النداء لإيجاد مخرج للمأزق الذي تمر به البلاد. وحول تعرض المبادرة لهجوم واتهامات رد قائلاً: (الجمل ماشي والكلب ينبح.. وما شغالين بيهم وخليهم يقولوا، وفي واحدين بقولوا نحن كيزان وواحدين بقولوا مؤتمر وطني، فنحن لا مع هذا ولا ذاك، وغرضنا الوحيد البلد دي والإسلام)

ده ما كلام رجل دين يكون بهذه الحده
نرجع لأيام. وحكاية الشيخ فرح وتكتوك. له الرحمه وقد وقف امامه حرامي وقال ليه يا شيخنا استرني قال ليه البيستر الله
امشي ادخل جوه كوم القش داكَ
الناس البفتش عليه سالوا الشيخ في حرامي جاكم جاري بهنا
قال ليهم. جوه القش داك
ضحك الجماعه على كلام الشيخ وفاتوا
كان. ممكن للشيخ الجد ان يختار مثل او كلام يليق بشخصيته ووقاره
كنت اتوقع ان يكون....
ربنا يهدي الجميع وفي النهاية المكتوب بيكون
اتحياني

سلام بلدي يا حبوب الحكاية من جابتها الانتباهة معناها فيها ريحة اكيد دا واحد كتب باسم الشيخ ويكون من ناس الموز هو الشيخ عمره فوق المية يكون نسى نفسو خليك من مشاكل البلد هههه

قال جمل قال
ود النوق دا مركروبو العليهو يشفق
بقى يتباطأ وفي خبة مشيهو يلفق
ان جاهو العلوق صيحة نفاقو تنفق
اصبح جدوا كل ما شافلو سلقة يصفق