Post: #1
Title: أنسب شخصية سياسية لتولي منصب رئيس الوزارة الانتقالية
Author: Elhadi
Date: 08-02-2022, 04:33 AM
03:33 AM August, 02 2022 سودانيز اون لاين
Elhadi-
مكتبتى
رابط مختصر
أنسب شخصية من حيث القدرات والإمكانيات والخبرة في تقديري المتواضع هو السيد مبارك الفاضل المهدي
إذا ابتعد عن الهبل الهو بعمل فيهو حالياً ده
ومحاولة كسب عداء الشارع بالمجان عبر محاولة بناء تحالف سياسي موازي لقوى الشارع
|
Post: #2
Title: Re: أنسب شخصية سياسية لتولي منصب رئيس الوزارة
Author: Elhadi
Date: 08-02-2022, 04:54 AM
Parent: #1
الشارع ده أثبت عملياً إنو قادر على قلب الطاولة في كل الأوقات !
يعني بعد ما ناس ود عمك قاموا، وقعدوا، وأتأمروا وأسسوا في داخل قوى الحرية والتغيير تحالف مصغر لقوى الهبوط الناعم ( والذي عرف لاحقاً في السياسة السودانية بـ 4 طويلة، وهم في حقيقة أمرهم 9 طويلة كاملة الدسم قولاً وفعلاً ! ) وأقصوا منه القوى المنادية بالتغيير ، واستلموا الحكومة بالشراكة مع العسكر والمليشيات (واللي بدورهم أخذوا على عاتقهم إكمال مهمة رفع الحرج والضغط الذي يمثله الشارع على القوى السياسية عبر جريمة فض الاعتصام المروعة وفتح الطريق للتسوية السياسية المشوهة المغموسة والممهورة بالدم)
وبعد داك مشوا وجابوا ليهم وكلاء قعدوهم في المناصب وسط تأييد اقليمي ودولي منقطع النظير بقيادة الحاج ترامب
شوفة عينك شوف الأمور وصلت وين ؟؟
شنو الحا يخلي الأمور تختلف معاكم لو تحالفكم ده قدر له الوقوف على ساقين ؟؟ رغم إنكم بي ربطة المعلم كده ما عندكم شعبية ومكانة الصادق المهدي
|
Post: #3
Title: Re: أنسب شخصية سياسية لتولي منصب رئيس الوزارة
Author: محمد البشرى الخضر
Date: 08-02-2022, 07:23 AM
Parent: #2
جادي يا الهادي ولا بتدردق فيه للردم!
مبارك الفاضل منو ياخ! بتبالغ
ياخ دا صبيه محمد عادل اخير منه
|
Post: #4
Title: Re: أنسب شخصية سياسية لتولي منصب رئيس الوزارة
Author: نعمات عماد
Date: 08-02-2022, 08:52 AM
Parent: #3
سلام أ.الهادي و ضيوفك
لو ترشح القاتل حميدتي لمنصب رئيس جمهورية السودان ،فقد بختار السيد مبارك الفاضل
لرئاسة الوزراء.ولا أظن إن مبارك سيمانع.
|
Post: #5
Title: Re: أنسب شخصية سياسية لتولي منصب رئيس الوزارة
Author: Osman Musa
Date: 08-02-2022, 09:36 AM
Parent: #4
الأخ الهادي
سلام
إمكانيات مبارك ممكن توصلو يكون رئيس نادي كورة قدم درجة تالتة.
والرجل حالو انكشف وقدرتو اتعرفت من أيام محاولة محمد نور سعد .
نعم ديك الأيام كان لسع يافع.
لكن برضو صغر السن ما بيعفيهو من الأخطاء والدربكة الحصل في المحاولة.
بعدين الرجل اشتغل مع البشير في منصب خطير .
جاط المنصب لاحدي ما المنصب بزبز .
يا أخ الهادي ياخ
البلد مليانة سادة وسيدات من المخلصين المبرين بالسودان لكن وسط جلاكين عيال البيوت
الكبيرة و حاملين السلاح ناس الخلاء مالاقين نفس. .
|
Post: #6
Title: Re: أنسب شخصية سياسية لتولي منصب رئيس الوزارة
Author: السر عبدالله
Date: 08-02-2022, 02:42 PM
Parent: #5
يا رااااااجل !!!!!!!
اظنك بتسخر منه يا الهادي ....
|
Post: #7
Title: Re: أنسب شخصية سياسية لتولي منصب رئيس الوزارة
Author: Nasr
Date: 08-02-2022, 05:34 PM
Parent: #6
لو الأمور وصلت مرحلة إختيار رئيس وزراء
فإنني أرشح عبد الله حمدوك
وأذا لم يقبل
فإنني أرشح الفريق عز الدين الشيخ وزير الداخلية في اخر حكومة إنتقالية
اظن أن في أستطاعته إعادة الضبط والربط للشرطة السودانية
وجعلها في خدمة الشعب
لا أعرفه البته لكنني قدرت موقفه من إنقلاب ٢٥ أكتوبر الفاشل
|
|