Post: #1
Title: المابتعرف تنضف الكمونيه ما تتحسب امراه
Author: مصطفى نور
Date: 08-01-2022, 07:49 AM
06:49 AM August, 01 2022 سودانيز اون لاين
مصطفى نور-امريكا نيوجرسي
مكتبتى
رابط مختصر
ساقني علي جمب وقال لي لمي شنطتك وامشي بيتكم ماعندنا في عيلتنا مرا ما بتعرف تنضف الكمونيه دايره تضحكي امي علي😒
ويوم امك تعلمك تنضفي الكمونيه وتبقي مره بجي ارجعك عندي ،
وقال لي ( المابتعرف تنضف الكمونيه ما تتحسب مره ولا بنيه)
وضحك ضحكه طويله وطلع😟
طلعت وعيوني مليانه دموع ومشيت بيت اهلي وكلمت امي وابوي بكل القالو لي
بعد اسبوع اتصل ابوي بيهو وقال ليهو تعال سوق مرتك ورجعها امورها بقت تمام وبقت بتعرف تغسل الكمونيه وتوضب الخروف كلو والليله قبل ترجع معاك تاكل كمونيه من يدها مشي اخونا وهو طاير من الفرح 🏃🏾♂️😍
اول ما دخل بيت اهل مرته لقي خروف مربوط في نص الحوش
ونسيبه جاهو شايل سكين وقاله
يلا اضبح الخروف بسرعه عشان مرتك تغسل الكمونيه وتطبخها،
اتصدم وقال ليهو انا مابعرف اضبح ولا اسلخ 😟
نجيب جزار عشان يضبح ويسلخ ويكسر الخروف ، شال ابوها السكين منه وضبح الخروف في رمشه عين وقاله ( امشي لي ابوك يعلمك كيف تضبح وتسلخ ولمن تبقي راجل مرتك عارفا وين)
وقال ليهو الما بعرف السليخه ولا الضبيحه عرسو من بنات الناس فضيحه😂😂😂😂😂😂😂😂
|
Post: #2
Title: Re: المابتعرف تنضف الكمونيه ما تتحسب امراه
Author: مصطفى نور
Date: 08-01-2022, 07:56 AM
Parent: #1
اتفضلوا معانا كمونيه
هههه طبعا مازالت الكمونيه من يوم عيد الاضحى فى الفريزا فى الثلاجه والمدام منتظره اختها الكبيره جات من السودان
عشان تزبط لينا الكمونيه ماعارف اعمل شنو ارجع المدام دى لى اهلها بعد= 27 سنه ولا كيف والمصيبه انو انا مابعرف لا اذبح ولا اسلح
وخايف اخوها يعمل فينى نفس المقلب لانو المدام ابوها متوفى اه الحل شنو افتنونى
مع تحياتى
مصطفى نور
|
Post: #3
Title: Re: المابتعرف تنضف الكمونيه ما تتحسب امراه
Author: مصطفى نور
Date: 08-10-2022, 04:23 PM
Parent: #2
شاب سعودي يتبول تحت الماء في مسبح بفندق ياباني, انظروا ماذا حصل له.
شاب سعودي كتب على صفحته في الفيس بوك : ( كنت نزيلا في أحد فنادق الخمسة نجوم باليابان وبينما أنا في المسبح التابع للفندق الذي لم يكن فيه أحد غيري تبولت تحت الماء، عمل جهاز الإنذار وحضر العمال واخرجوني من المسبح وافرغوا الماء ونظفوه، بعدها سلمني موظف الإستقبال جواز سفري طالبا مني مغادرة الفندق، غادرت الفندق وكلما دخلت فندقا اخر يطلع موظف الاستقبال على جواز سفري ويقول لي : " اسف أنت الذي .... " إ ولا يسمح لي بالنزول، حاولت في عدة فنادق وكانت نفس المعاملة فلجأت إلى السفارة الذين بدورهم نصحوني بفندق ليس فيه مسبحا وعند مغادرتي لليابان قال لي موظف الجوازات بعد أن ختم جواز سفري " ارجو أن تكون استفدت من الدرس " ).
اليابان كلها عرفت انه باااااال. 😊
|
Post: #4
Title: Re: المابتعرف تنضف الكمونيه ما تتحسب امراه
Author: محمد بدرالدين
Date: 08-11-2022, 07:34 AM
Parent: #1
هههههههههه
و صورة الكمونية المرفقة دى كمونية ؟
خلى العملتها تمشى بيت ابوها
|
|