شاهد مسلسل مصري اسمه الاختيار .. مكون من تلاتة اجزاء ..
الجزء الثالث بالتحديد .. و هو الجزء الذي يمدح السيسي منذ ان كان رئيسا للمخابرات ابان فترة حكم مرسي و الاخوان ثم تعيينه وزيرا للدفاع .. في هذا الجزء الثالث بالتحديد و في كل حلقة .. يتم تقديم تسجيلات حقيقية بالصوت و بالصورة .. لاجتماعات خاصة بين مرسي و خيرت الشاطر و محمد بديع المرشد وقتها في اختراق واضح لعصابة الاخوان المسلمين ..
اوصي بالمشاهدة لمعرفة خطورة ذلك الجهاز ..
Post: #2 Title: Re: آمنت بالمخابرات المصرية .. Author: Ahmed Yassin Date: 07-28-2022, 08:47 PM Parent: #1
تحياتي يا هندسة البشوف رأفت الهجان يقول مخابرات مصر محتلة اسرائيل ولا في حرب ٤٨ وفضيحة السلاح او نكسة٦٧ وما يسمى بكامب ديفيد والتطبيع وبسيوني..
Post: #3 Title: Re: آمنت بالمخابرات المصرية .. Author: Ahmed Yassin Date: 07-28-2022, 08:55 PM Parent: #2
كلام مشجع يا هندسة بالصدفة حضرت جزء من حلقة من حلقات المسلسل ج٣ تقريبا الحلقة٩ وكانت مسخنة والاداء والحوار كان محبوك وكان تتافس قمة في الاداء . بين السقا وكريم عبدالعزيز واحمدعز ولكن يا يحي جا في الحلقة ان الرئيس الراحل مرسي طلب من السيسي ان ينضم للاخوان المسلمين ويكون مسئول في التنظيم
Post: #4 Title: Re: آمنت بالمخابرات المصرية .. Author: Asim Ali Date: 07-28-2022, 10:21 PM Parent: #3
سلام عليكم بوست عن الاختيار كنت عايز اجد مساحه اواصل فىهو لكن مشاغل الدنيا انشاءالله اقدر اواصل فيهو قريب الحريق المصرى و الاختيار 3الحريق المصرى و الاختيار 3
Post: #5 Title: Re: آمنت بالمخابرات المصرية .. Author: يحي قباني Date: 07-29-2022, 01:44 AM Parent: #4
Quote: ولكن يا يحي جا في الحلقة ان الرئيس الراحل مرسي طلب من السيسي ان ينضم للاخوان المسلمين ويكون مسئول في التنظيم
عشان كده شالو طنطاوي و ختوهو وزير دفاع متأملين .. ما عملو حساب خلفية عمله كرئيس مخابرات ..
حقيقة يا احمد الاجزاء كلها تستحق المشاهدة و بالترتيب عشان تفهم عقلية الاخوان المسلمين ..
الجزء التالت رغم تطبيلهم للسيسي لكنه قدم ادله بالصوت و الصورة على تآمرات الاخوان و كيف المرشد و نائبه خيرت الشاطر كانو مسيطرين على مرسي ..
تنظيم خطير .. و حقير .. و لكن المخابرات اخترقت التنظيم تماما ..
Post: #6 Title: Re: آمنت بالمخابرات المصرية .. Author: أبوبكر عباس Date: 07-29-2022, 04:10 AM Parent: #5
في نقطة مهمة يصعب التأكد منها وهي؛ هل نستطيع التأكد من أن هذه الأصوات والحوارات حقيقية؟ لو كتبت في غوغل:
how to copy someone voice
ح تلقى عشرات البرامج الممكن تعمل بيها القصة دي،
عشان كدا دائماً المحاكم لا تعتمد الفيديوهات والملفات الصوتية كأدلة إلا بعد فحصها بواسطة خبراء أو تكون صورت أو سجلت بأمر من القضاء
Post: #7 Title: Re: آمنت بالمخابرات المصرية .. Author: Ahmed Yassin Date: 07-29-2022, 06:57 AM Parent: #6
دا العملةالدرامي الوحيد في الوطن العربي البجسد ويوثق دور الرئيس اثناء حكمه وحياته..العمل فيهو(تطبيل وتعظيم) للرئيس ودوره البطولي الاستخباراتي في القضاء على اجرم تنظيم على وجه الارض واكثرهم اجراما ونفاقا..وعنفا وقتلا ومن ناحية اخرى : هل المسلسل هو(تلميع) لصورة السيسي في عيون واذهات شعبه وهل التوثيق الخطير وبالصورة (المثالية) دي.. هل هو حقيقة؟ لكن نتفق ان العمل هو وطني وحب كبير للوطن واظهار بطولات لضرب الخونة والمتامرين والمجرمين وادوراهم في تمزيق الوطن
Post: #8 Title: Re: آمنت بالمخابرات المصرية .. Author: Asim Ali Date: 07-29-2022, 09:50 AM Parent: #6
Quote: في نقطة مهمة يصعب التأكد منها وهي؛ هل نستطيع التأكد من أن هذه الأصوات والحوارات حقيقية؟ لو كتبت في غوغل:
how to copy someone voice
ح تلقى عشرات البرامج الممكن تعمل بيها القصة دي،
عشان كدا دائماً المحاكم لا تعتمد الفيديوهات والملفات الصوتية كأدلة إلا بعد فحصها بواسطة خبراء أو تكون صورت أو سجلت بأمر من القضاء
سلام عليكم يعنى افعال ومؤامرات التنظيم الدولى ومنظماتو القطريه كلها الناس تركنها وتبحث عن مبررات لتبرئبهم وتجريم دوله حمت نفسها من مخططهم مهما كان الموقف من مصر لكن الحاجه العملتها واحباطهم مخطط الاخوان فى مصر يحسب انجاز سواء لديكتاتولر او خلافو والاهمالناس تتصور شكل الاقليم كان حيكون كيف لو استمر كيزان مصر فى الحكم
Post: #9 Title: Re: آمنت بالمخابرات المصرية .. Author: منتصر صلاح Date: 07-29-2022, 12:03 PM Parent: #8
بالرغم من اختلاف المشهد ما بينا ومصر والتعقيدات عندنا .. اذا عندنا خبرة ووعي السيسي ومخابراته والتعامل الصحيح مع كيزانا بنفس تعاملم مع اخوانهم .. لما حدثت انتكاسة ثورتنا العظيمة .
Quote: سلام عليكم بوست عن الاختيار كنت عايز اجد مساحه اواصل فىهو لكن مشاغل الدنيا انشاءالله اقدر اواصل فيهو قريب الحريق المصرى و الاختيار 3الحريق المصرى و الاختيار 3
تابعت الرابط يا عاصم و قريت كل المداخلات و لي عودة ..
Quote: في نقطة مهمة يصعب التأكد منها وهي؛ هل نستطيع التأكد من أن هذه الأصوات والحوارات حقيقية؟ لو كتبت في غوغل:
how to copy someone voice
ح تلقى عشرات البرامج الممكن تعمل بيها القصة دي،
عشان كدا دائماً المحاكم لا تعتمد الفيديوهات والملفات الصوتية كأدلة إلا بعد فحصها بواسطة خبراء أو تكون صورت أو سجلت بأمر من القضاء
مداخلة مهمة .. توضح كيف يعيش بعض السودانيين على نظريات المؤامره .. التفكير في التشكيك في كل شي هو احد اسباب فشل السودان و تقدمه ..
اعتقد هناك شريحة كبيره من السودانيين لديها علة نظرية المؤامره .. و التي لو تفاقمت .. لا ينفع فيها العلاج ..
Post: #12 Title: Re: آمنت بالمخابرات المصرية .. Author: Asim Ali Date: 07-29-2022, 09:06 PM Parent: #11
رغم مهنيه المخبرات المصريه لكن يبدو انو لها سقطات مكشوفه (اذاصحت روايه الفيديو المرفق ادناه)
Post: #13 Title: Re: آمنت بالمخابرات المصرية .. Author: أبوبكر عباس Date: 07-29-2022, 09:48 PM Parent: #12
ما حدث في مصر هو جريمة من السيسي تجاه الأخوان والديمقراطية، العمل التلفزيوني دا بحث من السيسي عن شرعية، الأخوان وصلوا للحكم عن طريق صناديق الاقتراع وأي زول يقف لجانب السيسي هو عدو للديمقراطية والحرية
Post: #16 Title: Re: آمنت بالمخابرات المصرية .. Author: يحي قباني Date: 07-30-2022, 01:03 AM Parent: #13
Quote: في نقطة مهمة يصعب التأكد منها وهي؛ هل نستطيع التأكد من أن هذه الأصوات والحوارات حقيقية؟ لو كتبت في غوغل:
how to copy someone voice
ح تلقى عشرات البرامج الممكن تعمل بيها القصة دي،
عشان كدا دائماً المحاكم لا تعتمد الفيديوهات والملفات الصوتية كأدلة إلا بعد فحصها بواسطة خبراء أو تكون صورت أو سجلت بأمر من القضاء
Quote: ما حدث في مصر هو جريمة من السيسي تجاه الأخوان والديمقراطية، العمل التلفزيوني دا بحث من السيسي عن شرعية، الأخوان وصلوا للحكم عن طريق صناديق الاقتراع وأي زول يقف لجانب السيسي هو عدو للديمقراطية والحرية
ده ما موضوع البوست ..
و برضو ما حيخلي تفكيرك ما عادي ..
ف شنو ..
Post: #18 Title: Re: آمنت بالمخابرات المصرية .. Author: Asim Ali Date: 07-30-2022, 04:32 AM Parent: #13
Quote: ما حدث في مصر هو جريمة من السيسي تجاه الأخوان والديمقراطية، العمل التلفزيوني دا بحث من السيسي عن شرعية، الأخوان وصلوا للحكم عن طريق صناديق الاقتراع وأي زول يقف لجانب السيسي هو عدو للديمقراطية والحرية
صناديق انتخاب شنو ؟!!1 الحريق العربى مشروع تحالف ربى -كيزانى ليحكم الاخوان المنطقه الانتخاباتدى ديكور لاقناع الراى العام بديمقراطيه يكفر بها الاخوان نفسهم واستخدام اساليب فاسدة لشاء اصات شرائح فقيرة وبعضها مستدرج بعاطفه دينيه عن جهل وابحث مناطق نفوذهم مناطق المجتمعات المغلقه المحافظه اردوغان جا بالصندوق واصبح يطوع الدستور ويفصلو حتى يجكمو (كيزان الترك) دون الاخرين اى لا تداول سلمى للسلطه ولاتنسى مسرحيه الانقلاب المكشوفه واللى فى حراك الشارع فيها كيزان من اطراف الوطن العربى الموجودين لاغراض التدريب التنظيمى واغراض اخرى - الاخوان كافرين بالديمقراطيه ولايحق لهم حتى دخول المشهدالديمراطى مهما مارسو من خدداع وتلوين خطاب وحربائيه ميكافيلليه اجادوها
Post: #14 Title: Re: آمنت بالمخابرات المصرية .. Author: Kamal Alalla Date: 07-29-2022, 11:30 PM Parent: #1
فلاحتو في السودان
Post: #15 Title: Re: آمنت بالمخابرات المصرية .. Author: يحي قباني Date: 07-30-2022, 00:57 AM Parent: #14
Quote: بالرغم من اختلاف المشهد ما بينا ومصر والتعقيدات عندنا .. اذا عندنا خبرة ووعي السيسي ومخابراته والتعامل الصحيح مع كيزانا بنفس تعاملم مع اخوانهم .. لما حدثت انتكاسة ثورتنا العظيمة .
مسلسل يوضح عظمة الفراعنة المخابراتية .
تحياتي قباني وضيوفك الكرام
تحياتي مهدي صلاح ..
من شاهد المسلسل زيك .. فهم تماما مقصدي ..
المصريين مسحوا الاخوان و الارهابيين من خريطتهم ..
و انحنا لسه قاعدين نفكر بنظرية المؤامره و متفرغين للتنظير الودا البلد في داهية ..
Post: #17 Title: Re: آمنت بالمخابرات المصرية .. Author: أبوبكر عباس Date: 07-30-2022, 02:29 AM Parent: #15
هسّ المتبني نظرية المؤامره منو؟ أنا ولّ أنت؟ زول منتخب، تنقلب عليه وتقتلو وهو كان رئيس تنسج ليه تقول كان يتآمر على البلد وتصدق كذبك وتنشرو عشان تبرر بيهو جريمتك وبكل سذاجة تقول لمن لا يصدق هذا العبث أنت مثل الملايين مهوسين بنظرية المؤامرة!!!!
مرسي شهيد الحرية والديمقراطية
Post: #19 Title: Re: آمنت بالمخابرات المصرية .. Author: نعمات عماد Date: 07-30-2022, 05:40 AM Parent: #17
صباح الخير يا باش يحي و ضيوفك الكرام
تمنيت أن يكون عنوان بوستك الخطير كالتالي:-- آمنتُ بخبث المخابرات المصرية السيسي رغم عمالته و دمويته و فساده ،يُحمد له القضاء على
كيزان مصر و تفكيك تنظيمهم.
طبعاً فساد السيسي يعاني منه المصريين و كذلك السودان الى حدما.
لكن فساد و إجرام الأخوان المجرمين و تنظيمهم العالمي،عانى بسببه
العالم العربي و الإسلامي خاصة بعض دول إفريقيا و آسيا و الغرب
لان تنظيم الأخوان هو الأب الشرعي لكل الحركات الارهابية التي تُلصق
نفسها بالإسلام ؛
القاعدة و بن لادن، التكفير و الهجرة،داعش، بوكو حرام ،طالبان و تنظيمات
دموية أخرى تقتل و تدهس وتفجر و تخرب و تغرر ببعض الشباب.
التنظيم العالمي للكيزان هو سبب المعاناة و العداء للمسلمين في العالم بسبب
إرتكابه لجريمة تفجير برجي التجارة في نيويورك 9/11.
Quote: زول منتخب، تنقلب عليه وتقتلو وهو كان رئيس تنسج ليه تقول كان يتآمر على البلد وتصدق كذبك وتنشرو عشان تبرر بيهو جريمتك وبكل سذاجة تقول لمن لا يصدق هذا العبث أنت مثل الملايين مهوسين بنظرية المؤامرة!!!!
مرسي شهيد الحرية والديمقراطية
يا ولدي محاولة تغيير مسار البوست و تشتيته بموضوع شرعية مرسي ما حيغير شي .. البوست واضح من عنوانه .. و انت ردك الطبيعي الغير ارادي النابع بصدق من زول عادي كقطاع كبير من السودانيين هذه الايام راقد في عنقريب حباله مرخية و عايش على نظرية المؤامره ..
البوست .. نشرح تاني: .. اسمه آمنت بالمخابرات المصرية ..
وده كان ردك الطبيعي العادي ككثير من العاديين ..
Quote: في نقطة مهمة يصعب التأكد منها وهي؛ هل نستطيع التأكد من أن هذه الأصوات والحوارات حقيقية؟ لو كتبت في غوغل:
how to copy someone voice
ح تلقى عشرات البرامج الممكن تعمل بيها القصة دي،
عشان كدا دائماً المحاكم لا تعتمد الفيديوهات والملفات الصوتية كأدلة إلا بعد فحصها بواسطة خبراء أو تكون صورت أو سجلت بأمر من القضاء
تمنيت أن يكون عنوان بوستك الخطير كالتالي:-- آمنتُ بخبث المخابرات المصرية السيسي رغم عمالته و دمويته و فساده ،يُحمد له القضاء على
كيزان مصر و تفكيك تنظيمهم.
د.نعمات يا صديقة .. لو لاحظتي .. اول سطر في البوست انا كتبت: "بغض النظر عن اي آراء .."
لذلك ما خضت في السيسي و سياساته .. انا فقط اثرت ما فعلته المخابرات المصرية ابان حكم مرسي .. و اختراقهم لنظام الاخوان الذي يعتبره الكثيرين نظام عالمي محكم .. و النتيجة .. اننا الان لا نسمع لهم سيرة .. حتى اضافة كلمة خبث لا تعنيني .. فهي تمثل وجهة نظرنا الخارجية .. و هم عملوا لصالح بلدهم .. و كنسوا قذارة الاخوان .. و كل من تبعهم .. و ارسلوا رسالة لكل من يتخيل ان يمكنه التآمر كنظام الاخوان البائس ..
قرقرقرقرقرقرقر!!!! قال "امنتو" عديل كده، بي شنو؟ بي مخابرات مستعمرينا، مستعبدينا، احفاد الغزاة! معقولة علنا، تحتفي بي مخابرات مستعمريك؟ ماهو عشان كده، السودان مازال مصري!!!! هو بالله انتا برضو من متابعي "المسلسلات الخديوية"كما بقية سودانيي، السودان المصري؟
Quote: قرقرقرقرقرقرقر!!!! قال "امنتو" عديل كده، بي شنو؟ بي مخابرات مستعمرينا، مستعبدينا، احفاد الغزاة! معقولة علنا، تحتفي بي مخابرات مستعمريك؟ ماهو عشان كده، السودان مازال مصري!!!! هو بالله انتا برضو من متابعي "المسلسلات الخديوية"كما بقية سودانيي، السودان المصري؟
عالم!!!
اليسمع السودان و المستعمر و الغزاه يقول الود عايش في القطينة !!! و انت وكت الاستعمار و الغزو عندك مسألة مبدئية .. مكنكش في بلاد العم سام ليك دهر مالك ؟؟
ضحكتني افر سن سن عليك و ضحكو معاي ٨ مليون سوداني عايشين في بلاد الخديوية .. ههههههههه
سلام يا قبة التسجيلات فيها إنتقائية قصد بها التمجيد وإلا لماذا لا تنشر التسجيلات كاملة كدوكيمنتري وليس كمقطع قصير بعد إزالة ما يعتبر تهديد لأمنهم القومي
Post: #25 Title: Re: آمنت بالمخابرات المصرية .. Author: يحي قباني Date: 07-31-2022, 00:45 AM Parent: #24
Quote: سلام يا قبة التسجيلات فيها إنتقائية قصد بها التمجيد وإلا لماذا لا تنشر التسجيلات كاملة كدوكيمنتري وليس كمقطع قصير بعد إزالة ما يعتبر تهديد لأمنهم القومي
يا منص .. وينك يا حبيب ..
ما تنسى ده جهاز مخابرات .. و ما كل شي ممكن يتنشر .. الان على الاقل .. المخابرات في امريكا مثلا بتنشر حاجات بعد ٥٠ سنة و حاجات بتموت بيها ./
المخابرات المصرية في اعتقادي جابت المحتاجة تجيبو عشان توري الناس تفاهة و هشاشة تنظيم الاخوان و كذلك اجرامهم .. و المقتطفات ادت الغرض تماما ..
اما موضوع تمجيد السيسي فده ما موضوعي و لم اعره انتباهي ..
Post: #26 Title: Re: آمنت بالمخابرات المصرية .. Author: أبوبكر عباس Date: 07-31-2022, 04:01 AM Parent: #25
يا دكتورة نعمات، مداخلتك دي فيها عدم اتساق مع ما ظللتي تؤمني به من قيم الديمقراطية والعدالة، طرح الأخوان المسلمين في مصر يمثل الغالبية السياسية للشعب المصري، كيف تسمحي لنفسك بهذه الوصاية على الشعب المصري وتقفي مع السيسي في التنكيل بهم؟! عندك ازدواجية معايير للعدالة والديمقراطية
Post: #27 Title: Re: آمنت بالمخابرات المصرية .. Author: أبوبكر عباس Date: 07-31-2022, 04:02 AM Parent: #26
هذا البوست والمسلسل محاولة فطيرة لتجريم الضحية
Post: #28 Title: Re: آمنت بالمخابرات المصرية .. Author: نعمات عماد Date: 07-31-2022, 08:40 AM Parent: #27
ابوبكر عباس
و أنت كيف تسمح لنفسك بالوصاية على حرية التعبير عن رأيي؟
أنت حر تدافع عن الكيزان وانا حرة في رؤيتي لهم كجسم إرهابي
موحد لا يعترف بسيادة الدول ولا بالديمقراطية ولا بسماحة الدين.
Post: #29 Title: Re: آمنت بالمخابرات المصرية .. Author: أبوبكر عباس Date: 07-31-2022, 09:07 AM Parent: #28
رؤيتك للأخوان المسلمين المصريين كجسم ارهابي بعد انتخاب الشعب المصري وتشجيع السيسي للتنكيل بهم دا ما عندو اسم غير وصاية وتجبر، نقدي لرأيك فيهم ليس وصاية إنما هو إضاءة مستنيرة مني لكِ أستحق عليها الشكر والعرفان
Post: #30 Title: Re: آمنت بالمخابرات المصرية .. Author: يحي قباني Date: 07-31-2022, 09:43 AM Parent: #29
Quote: ابوبكر عباس
و أنت كيف تسمح لنفسك بالوصاية على حرية التعبير عن رأيي؟
أنت حر تدافع عن الكيزان وانا حرة في رؤيتي لهم كجسم إرهابي
موحد لا يعترف بسيادة الدول ولا بالديمقراطية ولا بسماحة الدين.
د. نعمات
فضلا و ليس امرا .. لا تسمحي لاخينا ابوبكر بحرف البوست ..
الرجل كشف نفسه في اول اجابة .. و اثبت انه زول عادي كملايين السودانيين العاديين .. حب هؤلاء العاديين للعيش بنظرية المؤامره هو اقصى ما يفهمون .. لذلك يا دكتوره من قصر النظر و عدم الفهم .. يحكم هؤلاء امثال البرهان و حميدتي ..
Post: #31 Title: Re: آمنت بالمخابرات المصرية .. Author: نعمات عماد Date: 07-31-2022, 09:51 AM Parent: #29
ابوبكر
لا تحاول المزايدة على إيماني بالديمقراطية و العدالة.
رأيي في دموية السيسي و فساده مذكور في مداخلتي فوق.
تحجيم السيسي للكيزان هذه حقيقة و واقع و كون إني ذكرت هذه
الحقيقة لا يعني الإتفاق مع دمويته التي تماثل دموية الكيزان. ملحوظة: حوار يقتل من الملل و ما فاضية لي استنارتك المزعومة،ورانا ماراثون.
Post: #32 Title: Re: آمنت بالمخابرات المصرية .. Author: يحي قباني Date: 08-02-2022, 01:23 AM Parent: #31
Quote: ابوبكر
لا تحاول المزايدة على إيماني بالديمقراطية و العدالة.
ملحوظة: حوار يقتل من الملل و ما فاضية لي استنارتك المزعومة،ورانا ماراثون.
زول عادي يا نعمات .. و لا يخلوا من حبة عواره ..
Post: #33 Title: Re: آمنت بالمخابرات المصرية .. Author: أبوبكر عباس Date: 08-02-2022, 03:12 PM Parent: #32
"السيسي رغم عمالته و دمويته و فساده ،يُحمد له القضاء على
كيزان مصر و تفكيك تنظيمهم."
تكتبي جملة زي دي والمفروض أنا أفهم إنك مع قيم العدالة، السيسي فككهم بأنهار من الدماء في رابعة وتعذيب وتقتيل في السجون لرئيس منتخب، عدالة شنو؟ وديمقراطية البزايد عليها؟! دي عدالة أنتي تنتقيها بمزاجك من بترينة القيم.
بعدين الحوار معاي أنا ممل ومستمتعة بالحوار مع الأهبل دا؟ تحمدي الله انو أنا انتقيت مداخلتك ورديت عليها ودي ما قاعد اديها للناس ساكت
Quote: ما حدث في مصر هو جريمة من السيسي تجاه الأخوان والديمقراطية، العمل التلفزيوني دا بحث من السيسي عن شرعية، الأخوان وصلوا للحكم عن طريق صناديق الاقتراع وأي زول يقف لجانب السيسي هو عدو للديمقراطية والحرية
اتفق معك يا ابوبكر بان مع حدث فى مصر انقلاب على الشرعيه على الرغم من اخطاء ودكتاتوريه الاخوان ومحاوله فرض واقع استبدادى من خلال الاعلان الدستورى
على الذين يصفقون لانقلاب مصر وتونس عليهم التصفبق ايضا للبرهان الديمقراطيه نور ونار كما قال الازهرى
دودى
Post: #38 Title: Re: آمنت بالمخابرات المصرية .. Author: adil amin Date: 08-05-2022, 03:26 AM Parent: #37
مسلسلات مصر الافيونية لي تخدير الشعب المصري وحكم الجنرالات عالميا معروف وراه منو وشنو الحقلة المفقودة https://www.0zz0.com ان نظام مصر والسعودية مطية المخابرات الامريكية ويسمم كل العالم العربي والاسلامي واي جنرال اداة رخيسة للمخطط الدولي المفضوح والدولة المدنية بعد الشمس من مصر ونحن في السودان طيح حظنا الصاغ صلاح سالم وعمل من حثالة في المركز ضباط احرار وضيع الدولة المدنية في السودان وكملا الازهري بحشرنا في جامعة الدول العربية البيييض من 1957 السودان اتاسس كدولة ديمقراطية مدنية مجلس سيادي مدني 4 كراسي في القصر يمثلون السودانيين فقط وحكومة مركزية بي رئيس وزراء جرينا مصر جبنا العفن مع القوميين لعرب والكيزان هل من يحكم مصر مصرييين؟ عولم وعيك قاعد في كندا وتتابع في المسلسلات المصرية زي جقق امدرمان سنة 1970 زمن ناس الضهاري مع بعرفو غير مسلسلات صوت العرب
وكيف نتحرر من اصر المخابرات المصرية ومشاريع الصرف الصحي المصرية نفسها ؟ بالفدرالية الاقاليم واعادة السلطة للشعب في الاقاليم الستة ونزعها من اقليات الخرطوم المشوهة 7ثامنهم كلبهم ونقل العاصمة الي كوستي فورا ...بعد اتملت الخرطوم بازنقر ومقاطيع الهامش الغربي وبقت لا تصلح للسكن وادارة السودان الجديد برجع السودان الحر طوالي والقوة تستمد من المؤسسات المحكمة الدستورية والشعب وليس من الجيش والجنجويد ومصر تجي زيها زي غيرا بي الباب لمن يرجع شعار السودان للسودانيين بتاع الاستقلال وعلم الاستقلال بعد داك بنعمل مسلسلات سودانية تشبه السودان والسودانيين فعلا عشان خاطر عيونك يا قبة ..الرايح ليه درب مصر دولة بلا سيادة والشعب المصري مغلوب علي امره بس المخابرات المصرية اشاعة كبيرة والاخوان المسلمين بضاعة ماسونية ما نافعة اخر رئيس محترم حكم مصر محمد نجيب ليه ما يعملو مسلسل عن حياتو؟؟؟؟ خايفين يمرق المغطى وملان شطة ولي شنو ؟؟ امشي ذاكر في وكليكس ياخ او كتاب كنت قاتل اقتصادي لجون برنكز او شوف يو تيوباتو
Post: #39 Title: Re: آمنت بالمخابرات المصرية .. Author: adil amin Date: 08-05-2022, 03:36 AM Parent: #38
وعشان تعمل نيو لوك جديد وتخلي وعيك في مستوى 2022 خد مني القاعدة https://www.0zz0.com اي زول ما تنتخبو انت زي زمان وبرلمان 1954 وانتخابات 1965 و1986 اليتمية بتجيبو ليك المخابرات الاقليمية زي ثورة القحاتة الفالصو دي من انقلاب بن عوف والانقلاب المتسلسل المستمر لحدي هسة وبكون شرموطة سياسية يخدم الخارج فقط الذى اتي به ؟؟ الانقلابات والمحاصصات والثورات المزيفة رجس من عمل المخابرات الامريكية كبر دماغك مصر ودول الخليج مجرد دلالين للمشروع الاسرائيلي الامريكى المفضوح والناهب للمنطقة والمسلسلات المصرية ما بتقدم وعي زي ده الانقلابات في السودان والثورات المزيفة رجس من عمل المخابرات الاقليمية والدولية و9 طويلة الدولية الناهبة للسودان
Quote: على الذين يصفقون لانقلاب مصر وتونس عليهم التصفبق ايضا للبرهان الديمقراطيه نور ونار كما قال الازهرى
دودى
دودي الانصاري ..
كراهيتكم للمصريين قديمة و مفهومة .. ما علينا ..
لكن ياخ انت رجل متعلم و بتقرا ..
منو عليك الله صفق للانقلاب هنا .. رغم تحفظي على شرعية مرسي ..
موضوع البوست وااااااضح . شغل المخابرات المصرية و اختراقهم لنظام الاخوان الارهابي ..
بيريود ..
Post: #41 Title: Re: آمنت بالمخابرات المصرية .. Author: Mohamed Doudi Date: 08-06-2022, 05:53 AM Parent: #40
Quote: دودي الانصاري ..
كراهيتكم للمصريين قديمة و مفهومة .. ما علينا ..
لكن ياخ انت رجل متعلم و بتقرا ..
منو عليك الله صفق للانقلاب هنا .. رغم تحفظي على شرعية مرسي ..
موضوع البوست وااااااضح . شغل المخابرات المصرية و اختراقهم لنظام الاخوان الارهابي ..
بيريود ..
طبعا يا يحيى اولاد احد اخواتى بت امى وابوى مصريين عشان كده ما ممكن اتهم ابدا بكراهيه المصرين وزوج اختى مصرى!! فعلا الكيزان دقسوا فى تعيين السيسى واتذكر تماما عندما اقال مرسى الطنطاوى ومجلسه العسكرى وقياده الجيش كنت اعمل فى مشروع فى مصر واخبرت صديق كوز مصرى كانت منتشى جدا جدا بتعين مرسى بحجه انو زوجته محجبه وانه اسلامى وووو رفض كل تحليلى بانه من مصلحه الديمقراطيه ترك الطنطاوى وعنان اولا لانهم لا يرغبون فى السلطه واعمارهم ايضا تمنعهم من اى طموح سياسى المهم كنت من اول الشامتين فيه بعد انقلاب السيسى لان الاخوان كانوا لا يؤمنون بالديمقراطيه على حسب اعتقادى ولكن علينا بالظاهر لم اتهمك بالتصفيق لانقلاب السيسى ومجزره رابعه ولكن هنالك العديد من المشاركين وكتاب فى المنبر العام ايدوا انقلاب السيسى نكايه فى الاخوان
