Post: #1
Title: سماسرة سباقات خيول انجليز يبحثون عن طريق سماسرة خيول كينيين عن dongola horse
Author: Osman Musa
Date: 07-21-2022, 09:42 AM
08:42 AM July, 21 2022 سودانيز اون لاين
Osman Musa-
مكتبتى
رابط مختصر
(adsbygoogle = window.adsbygoogle || []).push({});
مشتريين حصين فروسية انجليز يشترون عن طريق سماسرة كينيين .
حصان دنقلا .
الحصان السوداني العربي .
حصان المناخات الحارة المعروف بالقوة .
المشترين عندهم دراية واسعة عن الحصان السوداني.
وعن سرقة السلالات السودانية الأصيلة .
وعن نجاحات الحصان السوداني في سباقات لندن و سباقات اكوادوك بنيويورك .
آخر مهرة انباعت في الخرطوم وتم تسفيرها لكينيا.
اتباعت بمبلغ 8 مليار جنيه سوداني حوالي 15 الف دولار
وسعرها في سوق لندن 6 مليون جنيه استرليني
...
يا حليل السودان المنهوب من جميع جمباتو.
|
Post: #2
Title: Re: سمسارة سباقات انجليز يبحثون عن طريق سمار�
Author: محمد عبد الله الحسين
Date: 07-21-2022, 10:00 AM
Parent: #1
سلامات أخونا عثمان
بخصوص الخيول السودانية ..ذكر بيرؤكهارت في حوالي 1815-1810 أن السوودان يصدر الخيول إلى اليمن لأنها مرغوبة جدا.. وكذلك يصدر أسرجة الخيول إلى السعودية
ومصر واليمن حيث كان هناك حرفيون بارعون في مدينة سنار..
|
Post: #3
Title: Re: سمسارة سباقات انجليز يبحثون عن طريق سمار�
Author: عمر أبوعاقلة
Date: 07-21-2022, 10:21 AM
Parent: #2
كان بقت على الخيول هينة بتتلحق
الكلام البلد المعروضة في السهلة دي
الله كريم
|
Post: #5
Title: Re: سمسارة سباقات انجليز يبحثون عن طريق سمار�
Author: Osman Musa
Date: 07-21-2022, 11:07 AM
Parent: #3
الأخ استاذ عمر ابوعاقلة
سلامات .
عن الوصف دا
....
مهرة دنقلا اللصافة .. سادل ديسا لاكتافها
ما ممكن أجيب أوصافها تبكي تبكي كل الشافا
حداد أناعندي يوم سافرت .. فيه بكيت وما أستغفرت
بكل الغواني كفرت .. صفر قطرك أنا أنتحرت
ما ممكن هواك أداري .. بحالي العلي ما داري
يا ساكن قريب لداري .. راقي وسامي لونه سماري
في شمبات حليل مجلسنا .. الحيا والعفاف حارسنا
أستاذ الغرام درسنا .. لشجر المحنة غرسنا
أيامنا المضت يا حليلا .. كنت معانا في كل ليلة
كنت حياتنا كنت دليلا .. كيف أمسيت أنت الليلة
...
هي نفس المهرة الجميلة السريعة البسموها في السباقات (بت الريح )
جنوا بيها العشاق عندنا في السودان . وجنوا بيها المراهنين في دبي ولندن ونيويورك .
..
يا ابوعاقلة اخوي الحمد لله انحنا ربنا وهب لينا كل أصيل.
بس تقول شنو مع بردلوبات الخلاء المكنكشين في دولاب الحركة ومانعننا من اللحاق ؟
|
Post: #4
Title: Re: سمسارة سباقات انجليز يبحثون عن طريق سمار�
Author: Osman Musa
Date: 07-21-2022, 10:53 AM
Parent: #2
الأخ استاذ محمد عبدالله
سلامات
قطاعات كبيرة من الشعب السوداني عارضت قوانين سبتمبر 1983
بعد تطبيق ديك القوانين جاط نظام تجارة الصادر .
وضاعت حقوق الشعب في حقو في التبادل التجاري السليم مع العالم
الان كلو سرقة في سرقة .
|
Post: #6
Title: Re: سمسارة سباقات انجليز يبحثون عن طريق سمار�
Author: علي عبدالوهاب عثمان
Date: 07-21-2022, 11:14 AM
Parent: #4
حبيبنا عثمان تحياتي يا جميل
نعم خيول دنقلا كما ذكروا الرحالة هي اصيلة
المشكلة فينا نحن لا نعرف قيمة اشياءنا
اشهر من كانوا يقومون بتربية خيول دنقلا هم
الملك زبير ملوك دنقلا
وكما صالح جبريل والد الشاعر توفيق صالح جبريل
وكانت لديهم علاقات مع الانجليز
حتى كمال ترباس عنده اغنية حسب ما اعتقد كلماتها
(( مهرة دنقلا الرقاصة ... ))
الخروف السوداني
الصمغ العربي
السمسم السوداني
الخيول
تحياتي
|
Post: #7
Title: Re: سمسارة سباقات انجليز يبحثون عن طريق سمار�
Author: Osman Musa
Date: 07-21-2022, 04:41 PM
Parent: #6
مرحب اخينا استاذ علي عبدالوهاب
حدثنا عن الخيول الدنقلاوية والخيول النوبية عامة
وعن اعتماد الانجليز عليها في الفترة الاستعمارية في السودان
وعدن والهند .
|
|