السلام عليكم الاخوه الاعضاء فى الموقع الرائع سودانيز اون لاين الغناء السودانى والشعر السودانى فيه الكثير من الحروف والكلمات عن العيون وعن الدموع وعن الابتسامه وعن الخدود اكثر عضو فى الانسان كتبت فيه الاغانى العيون لان العيون تخفى وتعبر وتتحدث بلا كلمات فى كثير من الاحيان حتى فى الشعر الجاهلى وفى كل العصور كانت العيون لها نصيب الاسد فى الشعر وفى الاغانى تعالوا نشوف ما كتب فى العيون عن اغانى وقصائد
Post: #2 Title: Re: العيون والدموع والابتسامه والخدود والشع� Author: مصطفى نور Date: 07-17-2022, 05:05 PM Parent: #1
يا أم عَمْروٍ جـزاك الله مغفِـرةً رُدي عليَّ فُـؤادي كالـذي كانـا
Post: #3 Title: Re: العيون والدموع والابتسامه والخدود والشع� Author: مصطفى نور Date: 07-17-2022, 05:17 PM Parent: #2
أهوى العيون السوده وأحب سمار في خدودها أهوى العيون السوده وأحب سمار في خدودها إنت الصباح الضاحك وإنت الغروب الباكي إنت الصباح الضاحك وإنت الغروب الباكي إنت المياه العذبة إنت النسيم الصافي (أهوى العيون السوده َواحب سمار في خدودها) بهواك وأزيد في حبي مهما تزيد في نوحي وقلبي راح لقلبك يا سيدي مالك روحي حيدعيونك عني لغه العيون كاتلاني حيد جمالك عني لغة العيون كاتلاني حب الجمال جنني شوق الوصال أضناني كف عيونك عني لغة العيون كاتلاني حب الجمال جنني شوق الوصال أضناني أهوى العيون السودا وأحب سمار في خدودها
Post: #4 Title: Re: العيون والدموع والابتسامه والخدود والشع� Author: مصطفى نور Date: 07-17-2022, 05:19 PM Parent: #3
عيوني وعيونك أسباب لوعتي أسباب تشوقي نظرتك وأسباب نفورك نظرتي هواي يعجز فكرتك وجمالك يعجز فكرتي في الصد تزيد في جبرتك…في الحب أزيد في خبرتي دائما اردد ذكرتك …………هل مره فهت بذكرتى أنت الذي اتعبتنى………. وأنت الذي بك راحتي لو آن هلاكي….ولى دنيت أحيا وتحل بى فرحتي كم استغثت وكم شكيت من سقمي وإتلاف صحتي كم رددت آهاتي كم دوى في الأفق صدى صيحتي سندس وعسجد حلتك……. ولما أنا الهوى حلتي ماذا جنيت يا معبدي……..ماذا جنيت يا قبلتي؟ ما ضر يا محبوبى…… لو تنظر لحالتي بالتي هلا تركت تصددك……….هلا حببت مودتي هلا رضيت تمازج …….الحب بيننا لافادتى؟ رفقا بمن يهواك …..يا من أنت صفوة سادتي رحماك بى ضاق الفضا رحماك طالت وحدتي جيوش اشتياقي هزمتني……… زادت انتى لو كنت قربى لأسرها…. اجعل لحاظك سنتي ياروحى ياراحى…. ويا نورى يا ناري يا جنتي بهوي الهلاك في هواك.. ليتخذ العوازل سنت
Post: #5 Title: Re: العيون والدموع والابتسامه والخدود والشع� Author: مصطفى نور Date: 07-17-2022, 05:22 PM Parent: #4
Post: #6 Title: Re: العيون والدموع والابتسامه والخدود والشع� Author: مصطفى نور Date: 07-17-2022, 05:24 PM Parent: #5
وحياة عيون الصيد الغاروا من عينيك --وحياة طهارة الريد الساجدة بين ايديك انا بشكي منك وليك--يالبطربك نوحي الحاني ضاحكة معاك سجلت ليك روحي قول لي كيف انساك---خلاني لاموني وعابوا علي هواي رجوا وعذروني شافوك غنوا معاي
Post: #7 Title: Re: العيون والدموع والابتسامه والخدود والشع� Author: مصطفى نور Date: 07-17-2022, 05:28 PM Parent: #6
اقول ليها عويناتك ترع لولي وبحار ياقوت مناحات ريد حزاينيه بغازل فيها مأساتي وفي شرف العبور ليها بموت واكسر شراعاتي تقول لي غناك حزين غناي حزين وانا الواهب قصائدي الباكيه للفرحه وانا البديها شان ريدي وصباي طرحه قول ليها عويناتك زي سواد قدري مكحله عمري من بدري لو بقدر اسافر في بريق لحظك وما ارجع تقول لي خايفاك تتوجع واتوجع اقول ليها عويناتك ديار وعدي مسوره بي جدار صمتك ولو بقدر اشيل من الزمن وقتي بموت في لحظه واوهب ليك عقاب عمري
Post: #8 Title: Re: العيون والدموع والابتسامه والخدود والشع� Author: مصطفى نور Date: 07-17-2022, 05:29 PM Parent: #7
عيني ياسبب الأذى ساهرتي بي آخر جزا عيني ياسبب التعب شفتي الجمال شفتي العجب حبو في قلوبنا إنكتب ذكراهو عندي معززة الريدو علمنا السهر قابلنا مرة وما ظهر خلاني أكتر من شهر ذكراهو عندي معظمه ليه يا ليالي المعرفة يتبدل الحب بالجفا الصد شقا والود شفا
Post: #9 Title: Re: العيون والدموع والابتسامه والخدود والشع� Author: مصطفى نور Date: 07-17-2022, 05:33 PM Parent: #8
العيون النوركن بجهرا كلمات: صالح عبد السيد ابوصلاح العيون النوركن بجهرا غير جمالكن مين السهرا يا بدور القلعة وجوهرا السيوف الحاظك تشهرا علي الفؤاد من بدري انهرا اخفي ريدي مرة واجهرا نار غرامك ربك يقهرا عالي صدرك لي خصرك ضرا في جوز رمان جل البرا الخطيبة وردفك منبرا الشعور البسطل عنبرا الصدير اعطافك فترا والنهيد باع فينا واشترا الوضيب اقدامك سترا لقطيهو قلوبنا البعثرا صيدة غيرك ايه الجسرا تستلم افكارنا وتأسرا حال محاسنك مين الفسرا يا الثريا الفوق اهل الثرا جارحة صالح كل ما يحضرا وفي مدينة الجوف ساكن الضرا الرشيم والرشمة الخضرا زي فريع في موية منضرا هل حبيبي نسي ام لي طرا يا ام شلوخا عشرة مسطرة النسايم بالند عطرا ده الدفق لي دموعي ومطرا حفلة يا ابو الحاج اتذكرا ورنة الصفارة اتفكرا وهبة بي مزيكتو اتحكرا كم طرب افكارنا وسكرا البدور النارت مسفرا قاصدة تشتري قلوبنا تسفرا عبد الرحمن دمت بتظفرا بي نعيم وحظوظ متوفرا
Post: #10 Title: Re: العيون والدموع والابتسامه والخدود والشع� Author: مصطفى نور Date: 07-17-2022, 05:35 PM Parent: #9
امسكى عليك عيـونك ديــــــل كلمات \أ. إسمــــأعيل حسن غـــناء \ أ. محمد ميرغنـــــــى امسكى عليك عيونـك ديل امسـكيهـن عيونـك ديل خليتنـى النـروح انفـك مــن شبـــكـت عيـونـك ديــل شيتن اصلو ما شفنـا لا فـى النـاس ولا فـى الريـل ده مــــا قــــدر الله جــانـــا عــديــل امـســــــكـيـهن يتاوقـن لـى زى شـبـاك مـنـور فـــــى ظــلام اللـيـل يـشـابـن لـــــــى !! انــــا الـغـرقــان ،، انــــا الـضـهـبـان ،، انـــــــــا الخايـف ،، ذى القشـه ارجـف فـى مـــــــــــــــــــــــهـاور اللـيـل عـلـيـك ذاتـــك امـسـكـى عـلـيـك عـــــــيـونـك ديـــل قليبى رهيف ما بقدر على الهباباى فـــى عز الصيف قـلـيـبـى رهــيــف اذا شـديـتــى خــــــايـفــه يـقــيف قلـيـبـى رهـيــف بـشـيـش تـاتـيـه جـــــــنـب الـقـيف شـــيـــــــــــــتـــــــن اصـــــــلــــــو مـــاشــــفــــنـــاه
Post: #11 Title: Re: العيون والدموع والابتسامه والخدود والشع� Author: مصطفى نور Date: 07-17-2022, 05:39 PM Parent: #10
كلمات اغنية عيون المها -
يا عيون المها ياعيون يعيون انتي لون الليل زي لونك سوادو كحيل كلاهما اراهو جميل زاهي الحسن صافي اللون علمتيني كيف اهو ي واتخذ الهدؤ ماؤي يرتاح قلبي للنجوي باسم الليل هدؤ وسكون الحب يامناي اشواق وانتي الورد وانا اهواك سبحان الذي سواك اهداك من بدايعو فنون ياعيون فيك مني واحلام فيك للعاشقين الهام في صمتك رموز وكلام ياعيون نظرتك اسعاد للعاشق معاني بعاد لمعانك اسرني وذاد
Post: #12 Title: Re: العيون والدموع والابتسامه والخدود والشع� Author: مصطفى نور Date: 07-17-2022, 05:41 PM Parent: #11
توقعتك مثلا ان تتحدث عن عبد الله النجيب .. المعروف بشاعر العيون .. و اشهر من كتب عن العيون ..
عبد الله النجيب كتب الياذة لصلاح بن البادية .. قال فيها عن العيون: من هواك .. و من كلام عينيك وسحرك .. من بهاك .. من مزايا الرقة عندك من نداك .. من ربيع الدنيا أِشرب .. من ضياك.. كنت سابح .. كنت ناعم .. بى رضاك.. ده من كلام عينيك وسحرك .. من بهاك ..
و دي قال فيها عمك عبيد عبد الرحمن و هو يخاطب العين:
يا عين .. بتخافي مالك .. من عين الخايفة عينو .. يا عين لما إنهمالك .. ليه لونك إحمر لونو .. هل من زول بسهم رَمالك .. شال نومك و زاد نوم عيونو ..
Post: #19 Title: Re: العيون والدموع والابتسامه والخدود والشع� Author: مصطفى نور Date: 07-18-2022, 07:18 AM Parent: #18
يحي قباني اخى الغالى الف تحيه ليك وانت طعمت البوست بالجميل والجديد والله انا كنت عايز اكتب التفاصيل عن العيون وعن من قالوا فى العيون ومن كتبوا عن العيون وانت قدمت نماذج جمليه للعيون ومن كتبوا فى العيون وةالله يكفينا ويكفيك من عين الحسود الفيها عود انت والله شعله فى الموقع والف شكر ليك على البوستات والفيديو وياريت تواصل فى تنزيل كل فيديوهات اغانى العيون والخدود والشعر وفى انتظارك واهديك عيونى عشان استريح
Post: #20 Title: Re: العيون والدموع والابتسامه والخدود والشع� Author: مصطفى نور Date: 07-18-2022, 11:01 AM Parent: #19
“عيونك كانوا في عيوني.. يصدوني وينادوني.. أخاف لو قلت حبوني وأقول إمكن يحبوني.. يعزوني.. ويصافوني.. عيونك كانوا في عيوني”.. تلك الكلمات الرصينة كتبها شاعر العيون عبدالله النجيب وتغنى بها الفنان عبدالمنعم حسيب. شكلت أحرف النجيب الرنانة وكلماته الصادقة المعبرة أجمل الأغنيات في بلادنا، تغنى بكلماته العديد من المطربين الكبار أمثال عبدالعزيز محمد داود، صلاح بن البادية، صلاح محمد عيسى والعاقب محمد حسن وصلاح مصطفى. قدَّم العديد من البرامج الإذاعية، وعمل صحفياً في عدة صحف، وهو عضو مؤسس لاتحاد شعراء الأغنية، وتم تكريمه على مستوى ولايات السودان في العديد من المناسبات القومية، عمل عضواً في لجنة النصوص بالمصنفات الفنية، صدرت له عدة دواوين من بينها (عاشق الخلود) (وطن عزة وتاجوج).. (اليوم التالي) زارت منزل النجيب وأدارت معه الحوار التالي: * حدثنا عن لقب (شاعر العيون) ؟ – جاء لقب شاعر العيون من الشارع، ودائماً الشعب يقيّم الإنسان، وقد توشحت بمجموعة من الأوسمة وأحتفظ بأرفع وسام وهو الشعب البسيط رجل الشارع ولديَّ أغاني كثيرة عن العيون، تغنى بها فنانون كُثر، من بينهم عبدالعزيز محمد داود تغنى عن العيون، وصلاح مصطفى والعاقب محمد الحسن وصلاح بن البادية وعبد المنعم محمد حسيب، وهذه الأغانيات منحتني لقب شاعر العيون.. والإنسان عندما يكرمه الشارع يُعد ذلك أعظم تكريم. * سر العيون التي ارتبطت بشعرك؟ – العيون هي مرايا القلوب والأرواح، وعالمها الحب، والحب عالمه الخلود، والعيون ترسل الأنوار وتحجب الأسرار، وهي سلة الجمال في عالم الحياة، وهي اتكاءة الحب على سطح الحياة، والعيون هي كل شيء.. وزي ما قال جرير “العيون التي في طرفها حور قتلننا ثم لم يحيين قتلانا”. * الشعر العامي هو الأكثر شيوعاً في الغناء؟ – الشعر العامي يعرفه رجل الشارع العادي والمثقف والمتعلم، والكلمة العامية البسيطة سهلة الفهم، أما الكلمة الفصحى لا يفهمها كل الناس. * رأيك في الساحة الفنية الآن؟ – الشعر في الماضي كان أجمل وأجود وأكثر إتقاناً، لأن الشاعر لما يكتب القصيدة يكتب يتأنى، وبعد ذلك تُعرض على بعض الشعراء، وتبقى لفترة من الزمن عند اللجنة، ومن ثم تعرض الأغنية في ورشه تضم الفنانين والعازفين، ومن ثم تنطلق للجمهور، أما الآن فتتم بـ (كل كلفتة).. وقد غلبت عليها الماديات، وأصبح الفن حالة مادية أكثر من كونه تطريباً ورسالة. * رأيك في الحركة الشعرية الآن؟ – الحركة الشعرية مميزة، وأنا نصير للشباب من واقع أن هناك شعراء جيدين، ولما يجيني واحد من الشباب إذا شفت القصيدة تصلح بقعد معاه، لأنو لازم يكونوا في ناس امتداد لينا زي ما كنا نحن امتداد لشعراء كبار، وبدوري أنظر للقصيدة، لكن بشرط أن تكون هادفة. * هل تعتقد أن عبدالله نجيب لديه خليفة؟ – نعم، أعتقد أن شعري عام لكل الناس، وكل إنسان يرضع من ثدي عبدالله نجيب ولدي خلفاء كثيرون، وهم أحبائي، لا أريد أن أذكرهم. * هنالك اتهام للجنة النصوص والمصنفات الأدبية، بأنها شريك أساسي في انتشار الغناء الهابط؟ – أولاً لجنة النصوص لا تختار من فراغ، ويختارون خيرة الأشخاص الذين يستحقون المكان. والآن في لجنة النصوص هنالك رئيس جمهورية الحب إسحاق الحلنقي، والأستاذ متعدد المواهب عبدالوهاب هلاوي، وخنساء السودان روضة الحاج، ونحن لا نمرر الغناء الهابط، ولا ننظر إليه، لأنو هابط. * اختلاف العيون، هل لكل واحدة رسالة؟ – العيون هي عيون، وعيون العيون عيون. * أول قصيدة كتبتها وأول فنان تغنى بها؟ – كانت في مطلع الخمسينيات، وعمري وقتها كان (16) عاماً، وهي (بين همسة حائر)، على طريقة الحقيبة، وأول فنان تغنى لي هو مصطفى عبدالرحمن. * جديد الفنان عبدالله نجيب؟ – كثير جدا منها للأخ لصلاح مصطفى (نار الهوى) بجانب عمل للثنائي المميز خنساء ويس، وثلاثة أغانٍ منها (للشاقي عمري وين حمام وين إلقى منك بس ضمان) و(وأمي إنتي نور الكون وأمي إنتي لينا عيون) (عاشق الخلود) لعبد الله قوون الراقي الذي سمى بقناة (قون).. ومن هنا أتمنى له مستقبلاً كبيراً، إضافة إلى قصيدة “لو تصافي وتنسى أسباب الخصام كان حياتنا تبقى في لحن الغرام.. غنوة حلوة.. ونمشي في درب السلام”. * عبدالله النجيب كُرِّم عدة مرات؟ – اتكرمت كثير جداً، وأنا محظوظ جداً، ومن بين هذه التكريمات الأول كان في القاهرة بإذاعة ركن السودان بجانب أخرى في سنار وكوستي وبورتسودان ومناطق كثيرة، فضلاً على وسام من رئاسة الجمهورية، وهو وسام العلم والأدب والفنون ووسام الخدمة الطويلة من الدولة ووسام الاتحاد الاشتراكي من نميري ووسام الأبطال، وهذه تعد أرفع أربعة أوسمة نلتها، علاوة على عدد كبير من الوشاحات من عدة جهات. مواهب اخرى؟ في بداية حياتى كنت أهوى العزف على الكمان، وقد تعلمت من صديق حسن خواض وبدر التهامي وعزالدين علي حامد العزف، ولكن الظروف حالت دون مواصلتي، بجانب ذلك كتبت أشعار المسلسلات مثل (اللواء الأبيض) و(مدن ومعالم سودانية)، والكثير منها. * لمن تدندن؟ – أفضل أغنية (صدقت العيون) لصلاح مصطفى لأنها العتبة بالنسبة لي، ولصلاح مصطفى أحبها جدا لأنها تسبب فى شهرتى كشاعر
Post: #21 Title: Re: العيون والدموع والابتسامه والخدود والشع� Author: مصطفى نور Date: 07-18-2022, 11:04 AM Parent: #20
صدقت العيون وكلام المحنه ... هنانى بحنانه لما على حنه .. قال لى كلمه طيبه .. كانت منه حلوه .. مين غيره البيزرع أيام عمرى .. جنه .. فصل الحب قصير من البدايه .. والأيام تمر وتمر الروايه .. عشنا الدنيا شفنا .. شفنا الكون حكايه.. البصبر عليها ... بيلقى فى النهاية .. قال لى كلمه طيبه .. كانت منه حلوه .. مين غيره البيزرع أيام عمرى .. جنه .. ؟ صدقت العيون لما بقيت أسيرها.. عشقت الموجه ترقص .. ترقص فى الضفيره.. وشفت النور هناك .. والشامه الصغيره ... بتقول للخدود .. أحلام الأميره .. قال لى كلمه طيبه .. كانت منه حلوه .. مين غيره البيزرع أيام عمرى جنه .. صدقت العيون تعكس لى ضياه .. ويزيد فى حنانى .. وأسبح فى شذاه .. غرد يا كنارى .. واسجع من غناه . وأرقص يا فؤادى .. واسعد بى هواه .. قال لى كلمة طيبه .. كانت منه حلوه .. مين غيره البيزرع أيام عمرى جنه .. صدقت العيون يا ملهماتى .. ولقيت فكرى تايه.. وين أغنياتي.. الصادح بلحنى .. والمالك حياتي.. ألقاه ليه.. ليه ما ألأقى ذاتي...؟ قال لى كلمة طيب.. كانت منه حلوة .. مين غيره البيزرع أيام عمرى جنه ...
مشاعر حنانى ... وكل ما أعاني.. من أسمى المعاني ونغمة لسانى ... ألحان المودة .. تقول حبه تانى .. حبيت فيه فرحه .. وشوق للتسامى.. قال لى كلمة طيبه .. كانت منه حلوة .. مين غيره البيزرع أيام عمرى جنه... الميزه الرقيقه ... تزيد فى علاه... عرفت الدنيا غنوه ... ولى أحبابها حلوه.. تقول ليها العيون .. .. وتكون من صداه.. تغرد للمحبه .. وتزيد من هيامي.. قال لى كلمة طيبه .. كانت منه حلوة .. مين غيره البيزرع أيام عمرى جنه.. صدقت العيون
يا عيني وين تلقي المنام عمك عمر البنا لكن هناك مقطع اتغنى ليها ...بذلك الصوت التينور الفريد بطبقة وسيطة كأنه يخاف عليها من الصوت العالي... مع ان الشاعر ارتفع بها الى الفضاء وادخلها السحاب.. " عيونك زي سحابة صيف تجافي بلاد وتسقي بلاد" بعدها تجي اللازمة الموسيقية هادئة خافتة ثم مسرعة.. ويردد .. وردي "آه ... عيووووونك زي سحابة صيف تجافي بلاد و(....) بلاااااد"
والله يا احمد هذا المقطع واثنين آخرين الأول في عصافير الخريف عندما يقول العبقري في العالي : زي ما بتخافي من الرياح بنخاف كمان انحنا الضياع لتأتي لازمة موسيقية مباشرة من وادي عبقرية لتمكن العبقري من ترديد المقطع ثانية ثم تأتي واحدة اخري لتتيح له قفل الكوبليه
الثاني في المستحيل المقطع الذي يقول: في شبابك في و فاك ... في جمالك في بلاك هذا المقطع و الموسيقى الذي تلازمه تجعلك تبصم ان هذا ليس تأليف بشر
يا سلام يا ابو الزيك في عصافير الخريف ادخل وردي ايقاع"التمتم التقيل" من البداية .. محاكاة لرحلة الطيور وهنا يا استاذنا الكبير زكريا الرجل الجميل....في المقطع دا:
غايب السنين الليله مالو غُنا العصافير غلَّبو طرَّاهو زولا ً كان حنين كم رضَّى خاطرو وطيَّبو سمَّع قليبو كلام حنين هدهدْ مشاعرو ودوَّبو والناس سعيدهم فى الحياه لا ضاق فراق لا جرَّبو وردي ألف اعقد واجمل جملة موسيقية سودانية...تراكيب معقدة اتعبت الاوركسترا لءلك المقام الرفيع ...... ويجي بكور يقول مكررة
Post: #26 Title: Re: العيون والدموع والابتسامه والخدود والشع� Author: مصطفى نور Date: 07-18-2022, 10:02 PM Parent: #23
Zakaria Fadel الف شكر ليك على الرد الجميل وياريت تواصل فى المشاركه فى البوست واهديك وحاة عينيك ما تزعل لما عيوني تتوسل و تبكيلك و تشكيلك عمر حرمان زمن طول أنا المكتول وأسفي أموت بحسرتي و لهفي مراكب شوقي ما تاهت متين ترسى و متين توصل وحاة عينيك ما تزعل و سيبني أغني و إتغزل أضمك بخيال فنان سجد للحسن و إتذلل و صلى عشانك و إتعبد حضن دعواته و إتوسد و شال إسمك تسابيح فال يناجي الإله و يسأل
حملت فؤادي في عيوني منابع شوق بتسلسل أسافر في بحار عينيك أضيع في بلاد هناك و أرحل بلا كلمات تودعني و لا بسمات ترجعني و برضي أضيق و إتصبر منو البحمل منو البحمل أقولك يا عزيز القول كفاية أهيم و أتخيل مافي صمتي بتكلم و كم فاض وصفي و إسترسل و أطوي جراحي و إتوجع تخوني عيوني تضرع و كل كلامي بالعينين بتعتب ليه و ليه تزعل ♥ هذه الاغنه هي الوحيده التي لم يلحنها عثمان حسين هي من الحان عبد اللطيف الحاوي
Post: #25 Title: Re: العيون والدموع والابتسامه والخدود والشع� Author: مصطفى نور Date: 07-18-2022, 09:58 PM Parent: #22
Ahmed Yassin اخوى الغالى الف شكر ليك على الرد الرائع والله واهديك يا قلبي المقتول امل.. عاصر دموع غنوه لي سيد البلد يا حليلو.. حليلو قال سايب البلد يا حليلو... كل العمر كان لحظه واحده نشوفو و الشوق يكتر يزيد... المغيب من لطفو من دلو الحبيب... من لونو من كرز المغيب... بي شفايفو زي ياقوت ندر... من شكله زي نص القمر... انت المثير مخلوق عشان احلي الصدور.. اشواقنا تتعطر تطير من نفحه من مجري العبير من لفته من جيلو النضير من نظره من جيلو المثير... بيهو القلوب كم تاتمر.. لو مره سيد الناس امر بي نظره بتذوب حجر بي بسمه بتضوي العمر... يا حليييييلو حليلو قال ناوي السفر يا حليلو كيف الوداع لامن يحين وقت السفر... اهديك زهور حشايا ان تمد الزهر اهديك حروف يا اجمل احرف في الدهر... اهديك حنااااااان ما قلبي عندك من زمان... و انا راجي عطفك و منتظر.... اهديك حروف ما قالا زول.. و ما اظن يقولها وراي بشر اهديك عيوني، عشان استريح و الدنيا بعدك ما بتسر يا حليلو
طبعا زمان كان من الصعب او مستحيل تشوف عيون البت خليك من انك تشوفها هي نفسها....لاحكام ذلك الزمان عشان كدة سيد عبدالعزيز قال: تلاوة بادي نظرة ياالسمحة أم عجن لوكان قليل يشفي البدن عريس صفا الأيام وبيه... أنظر جمال تـلك الفتن قال "نظرة" وما قال عينيك ولا عيونك و لا عيناك... لانه في زمنا دا عيون البنات استهلكت وضعفت وهزلت بفعل الموبايلات زالكمبيوترات والغبار و المواصلات والحوامة في الشمس والمذاكرة ولكن الحسين الحسن ادخلنا في الغموض والاثارة وقال بالفصيح: وقد كنت أعلم أن العيون.... تقول الكثير الـمثير الـخطر
Post: #31 Title: Re: العيون والدموع والابتسامه والخدود والشع� Author: مصطفى نور Date: 07-18-2022, 10:56 PM Parent: #29
Ahmed Yassin
الف شكر ليك على الرد واغننيه الحسين الحسن حبيتى عمرى من اجمل ماغنى كابلى هذه الأغنية البديعة أضافت للموسيقى السودانية أكتشافا جديدا!!! يقال عندما بدأ الاستاذ الكابلي في وضع الالحان لأغنية اني اعتذر (حبيبة عمري تفشى الخبر) في اوائل الستينيات من القرن الفائت احس بحاجته إلى صوت وتر جديد يزيد على صوت الوتر الخامس ... فقام بدوزنة الوتر على صوت (فا) ولكنه لم يكن مجزياً لما كان يأمل فأعاد الدوزنة ليصبح الوتر الخامس مطابقأ لصوت (مي) وهكذا بدأ الكثيرون من واضعي الالحان ومن العازفين في تقليده وكان أول من أخذ بهذه الدوزنة الملحن السوداني المعروف الاستاذ بشير عباس... وقد أجمع كل المشتغلين بالتلحين والموسيقى بان هذه الاضافة قد أتاحت مساحة اكبر في وضع الالحان وهي مساحة تتسم بسهولة التدرج... أما شاعرنا القاضي (الحسين الحسن) فقد أودع في هذه القصيدة كمّا من الجمال يفوق الوصف... فهو يعتذر لحبيبته عن انه لم يسع أبدا يوما في أن يذيع خبرهما... أنظر بالله عليك للكلمات المرصوصة وكأنها دوائر موج في بحيرة حرك سكونها حجر!...(وذاع///وعم///القرى///والحضر/)!... أنه الكابلي بصوته (الملوكي) وابداعه المعهود يضيف اليها أبعادا أجمل في الترقي الصوتي من الخفيت في (وذاع) الى أن يكون في أعلى حالاته في كلمة(الحضر)... وكنت أقمت عليه الحصون وخبّأته من فضول البشر صنعت له من فؤادي المهاد ووسدته كبدي المنفطر ومن نور عيني نسجت الدثار ووشيته بنفيس الدرر أنه لعمري قد بذل كل مافي الوسع!... لقد جعل قلبه مهادا لحبه ...بل لقد وسده كبده المنفطر... وزاد على ذلك بأن صنع له من نور عينيه دثارا ليضمن اخفائه من فضول البشر!... فهو (القاضي) الذي تؤثر فيه كثيرا أحاديث الناس ان تفشى الخبر... ماذا عساه يفعل وحبها قد ملك منه الفؤاد والروح؟!... فقد كان يخشى ان تفضحه عيناه المستهامة في حبها... لذلك كان كثير الحرص على نفسه وعليها... فليت عيناه كانت قد تعلمت كيف تخفي حنينها وتواريه خلف ستار الحذر... فلا تهمس بشئ منه حتى في أذن النسيم...ولاتوشوش به لضوء القمر... ولكن وبرغم كل ذلك ...تفشى الخبر!... وظل على حاله ذاك يكابد ويتوخي الحذر وقد استبد به الهيام بحبها... ولكن غلبة الشوق اليها والحنين الى أيامها يضيّق عليه ولا يجد لنفسه منه فكاكا... فيسلم قواد نفسه الى ذكرى أيامها فينطلق كالمسيّر... وكان يومه ذاك يوما رقيق النسيم ...كثير الغيوم... وجد نفسه هناك...حيث كان يراها دوما!... وقف يستشرف أفق الشمس الغاربة ...فيجيؤه صوت (حبيبة قلبه) المفعم حياء وخجلا... فتقطّع قلبه وهو يتذكر بكاءها وويحها وهي تعاتبه على حديث الناس عنهما... قالت له من بين دموعها بأنه الملام من تفشى الخبر!... يومها أخذته المفاجأة ولم يعد يسمع من كلماتها شيئا... وقد كنت أعلمُ أن العيونَ تقولُ الكثيرَ المثير الخطر
فعلمتها كيف تخفي الحنين تواريه خلف ستار الحذر
فما همَسَتْهُ لأذن النسيم ولا وشوشته لضوء القمر
ولكن.. برغمي تفشي الخبر وذاع وعم القري والحضر
حبيبة قلبي وهل كان ذنبي إذا كنت يوما نسيتُ الحذر
ففي ذاتِ يومٍ رقيقِ النسيمِ كثيرِ الغيومِ، قصيرِ العمرْ
ذكرتُ مكانا عزيزا علي وأنتِ به وأنا والأُخر
ذكرت حديثك ذاك الخجولَ وصوتُك ينساب منه الخفرْ
تقولين ماذا تقولين ويحي وهل كنتُ أفهمُ حرفا يمرْ فصوتك كان يهدهد روحي ويحملني في جناحٍ أغر
يحلق بي حيث لا أمنياتٍ تخيب ولا كائناتٍ تمُرْ
وهومت حتي تبدّي أمامي ظلامٌ رهيب.. كفيفُ البصر
وقفت عليه أدقُّ الجدارَ فما لانَ هونا .. ولم ينشطرْ
فعدتُ تذكرتُ أن هواك حرامٌ علي قلبي المنكسر
حبيبة قلبي، وهل كان ذنبي إذا كنت يوما نسيتُ الحذر؟ فتنساب الدموع من عينيه ... ويطول به المقام الى أن يرخي عليه الليل سدوله وهو في مقامه ذاك... كيف له ان يتخيل حياته بدونها وقد خرجت من حياته؟... هاهي الدنيا خلاء بلقع ...وظلام داكن ...وجدار صلد لايسمح له بالولوج... فقد حرَم عليه حبها ...وضاعت هي عليه الى الابد... ليته لم ينس الحذر يوما ... ولكن هيهات فلات ساعة مندم...فقد تلاشت الى الأبد ــــــــــــ
حبيبة عمري
حبيبة عمري ..تفشي الخبر وذاع وعم ..القري والحضر
وكنت أقمت..عليه الحصونَ وخبأتُه من فضولِ البشرْ
صنعت له من فؤادي المهاد ووسدته كبدي المنفطر
ومن نور عيني نسجت الدثار ووشيته بنفيس الدرر
وقد كنت أعلمُ أن العيونَ تقولُ الكثيرَ المثير الخطر
فعلمتها كيف تخفي الحنين تواريه خلف ستار الحذر
فما همَسَتْهُ لأذن النسيم ولا وشوشته لضوء القمر
ولكن.. برغمي تفشي الخبر وذاع وعم القري والحضر
حبيبة قلبي وهل كان ذنبي إذا كنت يوما نسيتُ الحذر
ففي ذاتِ يومٍ رقيقِ النسيمِ كثيرِ الغيومِ، قصيرِ العمرْ
ذكرتُ مكانا عزيزا علي وأنتِ به وأنا والأُخر
ذكرت حديثك ذاك الخجولَ وصوتُك ينساب منه الخفرْ
تقولين ماذا تقولين ويحي وهل كنتُ أفهمُ حرفا يمرْ
ولكن برغمي تفشي الخبر وذاع وعم القري والحضر
تقولين ماذا تقولين ويحي وهل كنت أفهم حرفا يمر
فصوتك كان يهدهد روحي ويحملني في جناحٍ أغر
يحلق بي حيث لا أمنياتٍ تخيب ولا كائناتٍ تمُرْ
وهومت حتي تبدّي أمامي ظلامٌ رهيب.. كفيفُ البصر
وقفت عليه أدقُّ الجدارَ فما لانَ هونا .. ولم ينشطرْ
فعدتُ تذكرتُ أن هواك حرامٌ علي قلبي المنكسر
حبيبة قلبي، وهل كان ذنبي إذا كنت يوما نسيتُ الحذر؟
نواصل في العيون الناعسة ابو صلاح قال: طرفو ليه نعسان وطرفى ليه يصحالو عتيق قال: الطرفو واقول احور متناعس وطرفى صحى الامي رد: انت صاحي ولا نايم ولا طرفك من طبعه نعسان
Post: #34 Title: Re: العيون والدموع والابتسامه والخدود والشع� Author: مصطفى نور Date: 07-18-2022, 11:27 PM Parent: #33
الاخوه الافاضل لسه نحن مع العيون وباقى الخدود والدجموع والابتسامه والشعر وياريت المشاركه فى اثراء البوست والله
مع تحياتى
مصطفى نور
Post: #35 Title: Re: العيون والدموع والابتسامه والخدود والشع� Author: مصطفى نور Date: 07-18-2022, 11:29 PM Parent: #34
يحي قباني والله عطرت البوست بجميل الغناء والاشعار ياريت تواصل والله فتحت شهييتى للمزيد من الغناء والقصيد ونحن لسه مع العيون وباقى الدموع والخدود والشعر والابتسامه الف شكر اخوى الغالى يحيي القبانى واهديك اخى قبانى اجمل باقه زهور والفراش الحائر الفراش الحائر كلمات قرشي محمد حسن قيل والعهدة علي الراوي. قال الشاعر قرشي محمد حسن للأستاذ عمر الجزلي في برنامجه اسماء في حياتنا عن أغنية الفراش الحائر انه كتب المقطع الاول وزاره في تلك الأيام الفنان عثمان حسين ومعه صلاح احمد محمد صالح وكان صلاح وقتها يعمل في الإذاعة السودانية ومتعاونا مع جريدة النيل ،فقال عثمان حسين لقرشي ( ما عندك حاجه كويسه ) فقرا له قرشي محمد حسن المقطع الاول من الفراش الحائر فأخذه عثمان حسين وبدأ في تلحينه وبعد أسبوع التقى به قرشي محمد حسن وقال له إن شاء الله إتوفقت في اللحن فرد عثمان حسين بإنه قد هبط عليه لحن شبابي عجيب في نوعه وعليك أن تذهب معي إلى البيت لاسماعك اللحن ويواصل قرشي محمد حسن ويقول فذهبت مع عثمان حسين إلى منزله في السجانة والبيت دا بيت تاريخي نحن نسميه بيت الالحان وكان ذلك سنة 1950 ، فأعجبت باللحن وقال لي عثمان حسين أكمل لي القصيدة وبالفعل اكملتها له . طاف الفراش الحائر مشتاق الى زهراتك حبيبي آه.... اناغاير بخاف على وجناتك حبيبي طرفي مسهد أراك قريب وأتنهد ومره فيك... أتشهد أنا قلبي آمن ووحد بجمال صفاك وصفاتك صدقني بس وحياتك آمنت بيك يا نائر لانو مافى.... مثالك انا حكمي لو كان جائر حكم سواى في جمالك للناس عقول وبصائر عن حكمي غاضب مالك انت الجميل ومدلل وأنا قلبي ليك اتذلل وعيوني فيك تتأمل ثانية..... ما بتتحمل لو جلست حيالك شعوري ما بتمالك
تعال وريني كابلي ده خلال الرمية كلها .. خلى المزيكا واقفة دُد .. منتظراه في خشم باب الغنية عشان تدخل طوالي .. و انت مركز مع الرمية .. المزيكا بتسخن في روحها ..
تعال ورينا الكلام ده بي شرحكم اهل المزيكا ..
Post: #37 Title: Re: العيون والدموع والابتسامه والخدود والشع� Author: Ahmed Yassin Date: 07-19-2022, 00:24 AM Parent: #36
يحي ابراهيم "اصفيك اقصى الود" كيف الاوركسترا ما تتوقف وكابلي بصوته ال(بارتون/باص) العصر الحديث يصدح احيانا يتوقف الزمن ... باداء كابلي الكلام عن حبيبة عمري ما بنتهي... كابلي في لحن الاغنية دي .. عمل كوبري للسلم الموسيقي تحديدا الوتر الخامس دوزنه على مقام(فا) المفقود عندنا... برضو ما اتحمل اللحن قام كابلي اعاد الدوزنة على نغمة (مي). .. و( هدهد بيها روحنا) وطار بنا بجناح اغر الكلام دا في الستينات
Post: #38 Title: Re: العيون والدموع والابتسامه والخدود والشع� Author: Ahmed Yassin Date: 07-20-2022, 09:39 AM Parent: #37
يا اغلى من عينيا واحلى من ابتسامي روعة اداء كابلي تحس بمدى غلاوة عينيه وحلاوة ابتسامته وطبعا اكثر اتنين حبا لكابلي في المنبر دا.... (اميرة حسين....و تماضر الطاهر) غلاوتهن من غلاوة كابلي
Post: #39 Title: Re: العيون والدموع والابتسامه والخدود والشع� Author: مصطفى نور Date: 07-20-2022, 12:36 PM Parent: #38
كلمات اغنية اغلى من عينى - عبد الكريم الكابلي
يا اغلى من عينى واحلى من ابتسامى واحن من المحن فى رقه سلامى مكتوب فى جبينى غرامك وانت عارفو باين فى كلامى وفى عيني شايفو قلبى دعاه حبك ما بقدر يخالو لكن بعادك طال بعادك طال يا اصدق موده عاشت فى الضمير تقاسمنى المسره تملاء فؤادى نو انسى معاك صعابى يهون امرى العسير لكن بعادك طال بعادك طال واقول ليك يا حبيبى غيرك مافى تانى ليك نزرت عمرى ليك رقيق حنانى زمن جنات هوانا نهدى الناس اغانى لكن بعادك طال بعادك طال يا اغلى من عينى واحلى من ابتسامى واحن من المحن فى رقه سلامى
Post: #40 Title: Re: العيون والدموع والابتسامه والخدود والشع� Author: محمد عبد الله الحسين Date: 07-21-2022, 03:04 PM Parent: #39
أعغنية صلاح ابن البادية من هواك كلمات عبدالله النجيب التي ذكرها الأخ قباني فعلا تمثل لقاء السحاب...
تمثل قمة الأداء الشعري وقمة اللحن و التطريب ...الذي يناسب تلك المخاطبة الهادئة للمحبوب التي تماثل الهمس(من كلام عينيك وسحرك ....من بهاك)
القصيدة من الغزل الراقي رغم بساطة الكلمات إلا أنها تحمل كل معاني الإجلال و التقدير للمحبوب...والاندياح والبوح الرقيق:
(كنت سابح .. كنت ناعم .. بى رضاك.)
من ربيع الدنيا أِشرب .. من ضياك..
لما أسمع هذه الأغنية أحس كأنني في واحة يظللها الندى والعبير و يحيطها الهدوء والرقة و الجمال والجلال.
Post: #41 Title: Re: العيون والدموع والابتسامه والخدود والشع� Author: مصطفى نور Date: 07-21-2022, 03:17 PM Parent: #40
محمد عبد الله الحسين اخى الغالى تحيه طيبه وفى كل وقت طلتك تزيد البوست رونق وبهاء وجمال فلا تحرمنا من طلتك اخى الغالى واهديك نوم عينى البقى لى سهر كتب استاذنا الطيب ود الرضي في صفحته الشخصية وقال الكابلى يستلم قصيدة نوم عينى من ود الرضى شفاهة (قطع أخدر) إلتقى به فى مقهى الشعراء ذات صباح فدعاه لتناول طعام الفطور معه بمنزله بالخرطوم بحرى وفى لحظة صفاء إستلم الكابلى آلة العود وأخذ يدندن ..نوم عينى البقى لى سهر ..نوم عينى البقى لى سهر ..ويكررها فقال له ود الرضى انت ماك حافظة والله شنو؟ فاجاب الكابلى ما حافظه.. فأخرج ود الرضى من محفظته ورقة وقلم فكتب له المربع الأول.. حنَّيـــــتْ حَنِــِين الفَــــرُودْ لمْسَيكْةَ الحَجَــــرْ الـــوِرُودْ الحَـــــيْ لابُــدَّ بِيَعُـــــــــودْ أَزُور نَايْـــراتْ الخِــــــدُودْ فأخذ الكابلى يتغنى به مباشرة وعند الإنتهاء منه كان ود الرضى قد أعد له المربع الثانى وسلمه له. المـدَللَّ مِـــــنْ غَـــير دَلالْ رَاجِيـــــك السَّـــعَدْ الحَلاَلْ المُعَمَّــــــم هَيبَــة وجَـــلال فِى ودَاعـة الحَي ذُو الجلالْ ....... وما كاد ينتهى من أدائه حتى أعد له المربع الثالث. المُـــــدلَلَّ حَين جَانَا سَـــايِرْ مَرحَـــبْ مَشّـتُول الجَـــزَايِرْ المُكَحَّــــل وخِــــدَيدَو نَـــايِر القَمَــــرْ بينَــــاتْ الضَّــفَـايِرْ ثم كان المقطع الأخير .. المُسَّـــــرح لَــو إبتَسَــــــمْ الخِــدَيد فِى قِلُوبنَـا إترَسَــمْ المُدَعَّـجْ لَى قِلُوبنَــا سَـــــمْ يَاحَــــلاتُو القَـامْ وإِنقَسَـــــمْ فأعجب ود الرضى بسرعة الأداء والحفظ وأثنى عليه ثم استمر الحديث بينهما الكابلى يسأل وود الرضى يجيب وعندما لمس الكابلى لدي ود الرضى معلومات طيبة رغب فى تسجليها فطلب منود الرضى البقاء معه بمنزله حتى يفرغ من تسجيل تلك المعلومات والسيرة الذاتية له فأحضر المسجل القرندنق والشرائط الريل وسجل له الكثير من الذكريا ت وقصص الأغانى والأشعار ولكن للأسف قد ذكر لى الأستاذ الكابلى إن هذه الأشرطة قد ضاعت فضاعت ثروة قومية لا تقدر بثمن وتأسف لذلك غاية الأسف.. إنتشرت القصيدة وذاع صيتها وسجلها الكابلى للإذاعة السودانية والقنوات الفضائية وشركات الإنتاج الفنى (كاست) سمعتها البلابل وأعجبت بها فطلبت من الكابلى أن يسمح لهن بأدائها فوافق فتغنين بها وسجلنها ايضاً للإذاعة والتفزيون وشركات الإنتاج الفنى
Post: #42 Title: Re: العيون والدموع والابتسامه والخدود والشع� Author: مصطفى نور Date: 07-21-2022, 03:25 PM Parent: #41
الدمعة لو غلبا النزول حرمانه لو تنزل عليك شوقي لو غلبو الصبربتحدى لو يحن ليك لو قلبي إتقطع وراك أصلي ما بنذلا ليك و جروحي تنزف بالسنين ودواها يصبح بين ايديك مستحيل مستحيل أرجع إليك **** لو جاني إحساس بالامل ترجع علاقة حبي بيك أو جاني إحساس بالحنين أتمنى ما أرجع اليك أتمنى من كل الدروب تنسدى لو بتودي ليك بتمنى من الليل يطول لو الصباح واقف عليك مستحيل مستحيل أرجع إليك **** فاكرني بشتاق لي عينيك أنا أصلي ما لعبة بيديك فاكرني بجري عشان رضاك بنساك ولا أسفا عليك فاكرني غير حبك بموت أنا حي كيدا عليك آخر كلام من عندي ليك مستحيل مستحيل أندم عليك •
Post: #47 Title: Re: العيون والدموع والابتسامه والخدود والشع� Author: مصطفى نور Date: 07-21-2022, 04:13 PM Parent: #3
بناديها كلمات: عمر الطيب الدوش بناديها وبعْزِم كُلّ زول يرتاح على ضحكَة عيون فيهَا وأحْلم اني في أكوان بتْرحَل من مراسيها عصافير نبّتَت جِنْحات وطارت للغيوم بيهَا مسافرِ من فرح لس شوق ونازِل في حنان ليهاَ أغنّي مع مراكب جات وراها بلاد حتمْشيهَا واحزَن لي سُفُن جايات وما بْتلقَى البِلاقيه بنادِيــــــهَا ولمّا تغيب عن الميعاد بفتِّش ليهَا في التاريخ واسأل عنَّها الاجداد واسأل عنّها المستقبل اللسّع سنينو بُعاد بفتِّش ليها في اللوحات مَحَل الخاطر الما عاد في شهقَة لون وتكيَة خط وفي أحزان عيون الناس وفي الضُّل الوقَف ما زاد بناديــــــهَـا والاقيـــــهَــا واحِس بالُلقيا زي أحلام حتصْدِق يوم والاقيــــــهَــا واحْلًم في ليالي الصيف بَسَاهر الليل واحجِّيـــهَــا ادوبي ليهَا ماضيهَا واطنْبِر ليها جاييــهَا وارسِّل ليها غنوَة شوق واقيف مرات واْلُوليهَا بنادِيـــــــــهَــا
Post: #52 Title: Re: العيون والدموع والابتسامه والخدود والشع� Author: مصطفى نور Date: 08-02-2022, 09:00 AM Parent: #2
عيونك زي سحابه صيف تجافي بلاد وتسقي بلاد وزي فرحا يشيل مني الشقاء ويزداد وزي كلمات بتتاوه تتوه لمن يجي الميعاد وزي عيدا غشاني وفااات وعااد عمي البلد اعياد وزي فرح البعيد العااد وزي وطنا وكت أشتاقلو برحليهو من غير زاد "بدوون عينيك بصبح زول" "بدون زكري وبدون ميلاد " "رحلت وجييت في بعدك" "لقيت كل الارض منفي"
Post: #53 Title: Re: العيون والدموع والابتسامه والخدود والشع� Author: مصطفى نور Date: 08-02-2022, 09:02 AM Parent: #52
سألوني عن حبي أنكرت ماقَريت شافوهو متخبي في عيون تقول ياريت ياريت ياريت ياريت حاولت أكتب ليك وأصَوًر الإحساس وأقول كلام في الريد زي النجوم والماس تعبت تعبت آه آه آآآه تعبت وألقى حروف ماسمعوا بيها الناس سبت الكلام ومشيت تاني وأقول ياريت ياريت , ياريت ياريت ياريتني أقدر أبوح وأقول لو يا عمري ياعمري إنت الحبيب للروح لكني خايف أقول يزعل مني يروح عشان كده إستخفيت وكفايه إني هويت لما الحنين فاض بي من الحنين جنيت
Post: #54 Title: Re: العيون والدموع والابتسامه والخدود والشع� Author: مصطفى نور Date: 08-02-2022, 09:04 AM Parent: #53
Post: #43 Title: Re: العيون والدموع والابتسامه والخدود والشع� Author: مصطفى نور Date: 07-21-2022, 03:36 PM Parent: #1
الاخوه الافاضل ماخلصنا العيون فى الغناء ولكن نبدا فى الدموع واجمل ماقال اسمعيل حسن بلادي أنا للشاعر اسماعيل حسن بلاد ناسا في أول شئ مواريثهم كتاب الله ، وخيل مشدود، وسيف مسنون حداه درع، وتقاقيبهم تسرج الليل مع الحيران وشيخا في الخلاوي ورع وكم نخلات تهبهب فوق جروف الساب وبقرة حلوبة تتضرع وليها ضرع ،،، وساقية تصحّي الليل مع الفجراوى.. يبكى الليل ويدلق في جداولو دمع يخدر في بلادي سلام .. خدرة شاربي موية النيل .. تزرد في البوادي زرع بلادي أنا بتشيل الناس وكل الناس وساع بخيرها لينا يسع، وتدفق مياه النيل علي الوديان بياض الفضة في وهج الهجير بتشع،،، بلادي سهول ،،بلادي حقول،، بلادي الجنة للشـافوها ،أو للبرة بيها سمع ،، بلادي أنا بلاد ناساً تكرم الضيف وحتى الطير يجيها جيعان ومن أطراف تقيها شبع ،، بلادي الصفقة والطنبور ،، وبنوتاً تحاكي الخيل ،يشابن زيي جدي الريل، وشبالن مكنن في طريفو ودع ،، بلادي أمان ،،بلادي حنان،، وناسها حنان ،يكفكفوا دمعة المفجوع ، يبدوا الغير علي ذاتهم ، يقسموا اللقمة بيناتهم ، ويدوا الزاد ،حتى إن كان مصيرهم جوع ، يحبوا الدار ، يموتوا عشان حقوق الجار ، ويخوضوا النار عشان فد دمعة ،، وكيف الحال كان شافوها سايلة دموع ؟؟،،،، ديل أهلى.. البقيف في الداره وسط الداره وأتنبر وأقول للدنيا ديل أهلي عرب ممزوجة بي دم الزنوج الحارة.. ديل أهلي ديل قبيلتي لما أدور أفصل للبدور فصلي.. أسياد قلبي والإحساس وسافر في بحار شوقم زمان عقلي أقول بعضى.. ألاقيهم تسربوا فى مسارب الروح بقو كلي محل قبلت ألقاهم معايا معايا زي ضلى لو ما جيت من زي ديل.. كان أسفاي وأسفاي وآمأساتي وآذلي. تصور كيف يكون الحال لو ما كنت سوداني وأهل الحارة ما أهلي تصور كيف يكون الحال؟
Post: #44 Title: Re: العيون والدموع والابتسامه والخدود والشع� Author: مصطفى نور Date: 07-21-2022, 03:41 PM Parent: #43
احترامي اليك من صميم قلبي واتفاني عليك والدليل حبي تسمح تنظر شوف دموع عيني سايلة فوق خدي من اللهيب يعني مافي خلاص هكذا يا ظالم جزي الاخلاص دبتا في حبك والفؤاد مجروح مافضل مني شئ خلاف الروح هكذا الاشواق تسمو بالعشاق من ثري الاشباح لسما الارواح للنجوم معناك سامية في علياك طاهرة الاملاك انت ابهج نور من بذور الكمال تجعل الفنان عبقري الخيال لو نظم اشعار او عزف اوتار تندهش افكار والعقول تحتار ياجميل ياما في الجمال اسفار انا في شخصك بحترم اشخاص وطبعا عندي احترامك خاص
Post: #45 Title: Re: العيون والدموع والابتسامه والخدود والشع� Author: مصطفى نور Date: 07-21-2022, 03:50 PM Parent: #44
Post: #46 Title: Re: العيون والدموع والابتسامه والخدود والشع� Author: مصطفى نور Date: 07-21-2022, 03:59 PM Parent: #45
وجه القمر سافِر يضوى شعاع ونور وافر يا بدر ساءلك جاوب ليش أخوك نافر من حيو السباع تنتر ومن رمشو السهم طافر ريم يسحبلى سيف لحظو وآخر بالسلاح غافر يادمع ادفق ودع يا قلب سافر شوقي لي ضامر هل بى نظرتك اظفر يا من بى القلوب ظافر كاحل طرفك الناعس والجيد بالاسيس غامر مجدولات اديك صدرك رجح طبق الضامر زيدنى من تيهك طائع ليك يا آمر زهرة السامر رفقا بمجنونك يا ليلة بنى عامر اعلم لولا ما طرفك للبيض الرقاق شاهر إنسان عيني كاد يغرق في ماء خدك الزاهر ونورك يتوقد لي عيون الخلوق جاهر ظلمي شئ ظاهر وإشراق الفجر يشهد على طرفي العليل ساهر في دولة صباك تايه يا الفى عشقي ماك فاكر أصبح مسكنك قلبي الفى كل ثانيه ليك ذاكر لو رأيت محيك يا البى نظرتك ماكر ليك أكون شاكر وأم الأفق بيك تقنع لا تولد شمس باكر تنظر بانه تتمايل في ثياب لو قدم خاتر وتنظر كيف صدير يقلع تفاحو وردف ناتر وبين ناعساتو يضوى الصارم الباتر اللحاظ فاتر لامعه سيوفو تتبارق من كسراتو يا ساتر عاشق محيك الضاوى وعاشق حسنك النادر تقبل لحظك يمرضني وانت على شفاى قادر في هواك قابل تنفيذ أمرك الصادر لي ليه غادر حلمك جود وأتعطف سارع بى لقاي بادر وحيات طرفك الناعس وحيات حاجبك الداير وحيات خدك المجلى ومنظوم ثغرك الناير بى لقاك تسمح لو كان في المنام زاير فكرى فيك حاير كل ساعة جيش حبك يهجم في الصدر غاير
Post: #48 Title: Re: العيون والدموع والابتسامه والخدود والشع� Author: مصطفى نور Date: 07-22-2022, 09:52 AM Parent: #1
وجاء دور الدموع فى الاغانى السودانيه
دمعة الشوق كبي حكم حبي ..أرعى نجم الليل نسمة السحار.... ليلى طال هبي أنا مساهر...ونومي متخبى انتحل جسمي والمحال طبي مصدره الزهرة الفى نواحي سهيل انشغال فكرى وانفقاد لبى وشحوب لونى.... كلو من حبي انسلب بالى وانتزع قلبي أما امالى طوحت بالميل صدري مزماري والدموع شربي أنطرب كل ما ذكره يخطر بى ماله جافى نفور ما بدور قربى وأنا مالي دوام لي خياله أميل حين قوامه يميل للعقول يسبى وازدهار محيه للبدور يخبى في جبينه تشوف حكمة الرب زى سواد حظي جوز دواعجه كحيل يا بديع الزى وأزهر اللون يا خفيف الروح يا سما الصون خلقك مولاك زينة للكون وحبب الأرواح في هواك ياجميل عهدي بيك يا جميل دأبك الحلم وارى هجرك لي نير الظلم وأنت عارف نوع حبي ليك سلمى شوقي مهما ازداد برضي شايفه قليل
Post: #49 Title: Re: العيون والدموع والابتسامه والخدود والشع� Author: مصطفى نور Date: 07-22-2022, 10:00 AM Parent: #48
ببكي وبنوح وبصيح كلمات ابراهيم العبادي الحان محمد احمد سرور غناء بادي محمد الطيب ببكي وبنوح وبصيح للشـوفـتـن بتـريح فرع النقا المميح مـنو المـسـك بفيح وكتين صباحو يبيح بلـبل قلوبـنا يصـيح ياجـنـة الطبيعة ايـاك زهـرة ربـيعا صحت شراها وبيعاعـينيك حروب ربيعة ختمو البروق ورعودو تـغـريد بلابل عودو نظروا الخلق لي عودو جافي المنام مـا بعودو متنوعات ازهارا في خدودا تجري انهارا ليلا الطلع في نهارا ضـلل فـؤادي و هرا آه لو قطوفك دانية احـظي ولـو فد ثانية كت اعصي ياغانيةواعـلن فيالقي تمانية الجيدا طال واتني ودر جـماعـة متـلنا التوب شبك في التنة يانـاس انحـنا كتـلنا لابسة الحشم ازمة و مـالك مـلايين ذمة الحاشا ما بتذما ضـيع اخـوك بالذمة في رويحتي وباكرتي دايـماً مـقدم كـرتي مابتسهي عن ذاكرتي يـاللي صفاي عكرتي
Post: #50 Title: Re: العيون والدموع والابتسامه والخدود والشع� Author: مصطفى نور Date: 07-22-2022, 10:41 AM Parent: #49
يا ناعس الأجفان أنا من صفاك مسحور بالله انت ملاك ولا من حسان الحور تذرف عيوني بحور اقضي الليالي قيام ما بين شوق وهيام وأرعى النجم في سحور وفوؤادي آه منحور مقتول بغير سلاح واقول بكل صراح سببي العيون الحور فيك الكمال محصور اكظمت كل حسود وحسنك مقامه يسود على كل جيل في عصور وطرفك لحاظه تريع اسدا شجاع وهصور ليك نفرة الغزلان مع جبرة الفرسان في هيبة المنصور أهيف رشيق متبور تتهادى تيه ودلال ما بين غرف وظلال نعمه وترف وحبور وسهمك علي مهبور ايه ذنبي غير هواك وأنا يا جميل بهواك من قلبي ما مجبور يالبي العفاف مشهور نيدك عبير فياح وقوامك المياح اينع ثمر وزهور بي حبي دمعي جهور أنا في دجاك يا ليل . نجمك بقالي خليل فارقت نومي دهور انا من زمن مأسور هجراني ما هماك يا اللبي قاسي لماك من طول جفاك محسور وحياة خديدك وجيدك وطريفك المكسور أنا شعري ما بيوفيك مهما ابلغ فيك منظومي والمنثور
Post: #51 Title: Re: العيون والدموع والابتسامه والخدود والشع� Author: مصطفى نور Date: 07-25-2022, 12:18 PM Parent: #1
الابتسامه فى الغناء السودانى
وحياة ابتسامتك ياحبيبى وحياة عينيك قلبى حاذرك ومن زمان سائل عليك كلو لمسه فى خيالى عن جمالك هى فيك قبل ماشوفك كنت فاكر الريد مستحيل كنت هايم فى طريق خالى طوييل لليلى دون الناس كللو ااهات وويل تشهد الايام ويشهد الليل والنحيب قلبى عاشق ودربى خالى من حبيب قلبي عاشق ودربى خالى من حبيب لكن يا حبيبي من يوم ماشفتك قلبى للدنيا ابتسم اشرقت دنياى وفارق دربى هم
