Post: #1
Title: وهمي ووهمية
Author: أبوبكر عباس
Date: 07-16-2022, 04:22 PM
03:22 PM July, 16 2022 سودانيز اون لاين
أبوبكر عباس-الإمارات
مكتبتى
رابط مختصر
وهمي ووهمية:
فترة كدا جاني إحساس إنو عندي خيال وموهبة ممكن أكتب بيهن رواية، ثم لقيت عيسى الحلو قال؛
الطيب صالح هو سقف الرواية السودانية وما ح يجي زول يقدر يكتب حاجة ترقى لمستوى رواية بعدو،
لسبب بسيط، الحياة السودانية تفتقد العمق وهي حياة بسيطة جداً، ولدوك، طهروك جلبطوك بالحاجة ديك في رأسك في عرسك وطهورك وأمك قعدت تبكي، وبالليل الكلاب بتاكل في الفضلات والشارع والبيوت وسخانة، يا ها حياة عادية، حتى ألحان وردي نغمة واحدة مكررة ويقولوا ليك الموسيقار، حياة رتيبة فيها شوية دهشة في قصص كضب الصوفية، ودكنان مات في الكريبة، قام العنقريب طار ركّ في دباغة مدني عملوا فوقو قبة، جن نسوان الدباغة للزيارة، واحد من الحيران لقاها فرصة بقى يسرق قروش النذور، وناس المولد بعد أيام ميدان بانت يتحولوا لقبة ودكنان عشان يبيعوا باقي السمسمية،
وبعد داك يموت ليك زول ولّ تموت انت يقوموا يتغالطوا ليك في مواساة القبر، والناس ترجع من المقابر تاكل أم رقيقية بالجرادل،
ولو ناس البكا مناسبين ناس أم درمان، ممكن يجيبوا لناس المقابر عصير فراولة، وواحدين بعد يكتحوا العصير، يقولوا؛
عجيب عصير في بيت البكا؟!!
وانت حزين يجوك يخلعوك بالفاتحة
الفاتحة، الفاتحة
بصوت عالي يخلعك ويخلع الميت،
ترسل لدينا خالد في الخاص داير تقطع في زول صاحبكم اللتنين تقول ليها في بداية الرسالة؛
وينك يا وهمية؟
ترد ليك؛ مشتاقين يا وهمي.
لو ما بلد وحياة وهمية ود تور شين جاء بحمار من الغرب أقنع المهدي انو الله رسلو وحكم البلد،
بعد مائة وتلاتين سنة، حميدتي لقى حمار ود تور شين سرقو جا بيهو الخرطوم وهسّ حاكم بيهو البلد،
ونحن نلقى كتشنر تاني وين؟
|
Post: #2
Title: Re: وهمي ووهمية
Author: حيدر حسن ميرغني
Date: 07-16-2022, 05:06 PM
Parent: #1
إبداع يا شعلة الوعي والإستنارة في الزمن الغلط
هذا بعض حالنا .. عشان كده موعودين بالجنة 
الصِرفة كيف مع الحمار ده قبل يبرانا للجنة 
|
Post: #3
Title: Re: وهمي ووهمية
Author: أبوبكر عباس
Date: 07-16-2022, 05:57 PM
Parent: #2
حبيبنا الذي في سيرلانكا الوهمية وهمة السودان
|
Post: #4
Title: Re: وهمي ووهمية
Author: علاء الدين صلاح محمد
Date: 07-16-2022, 06:15 PM
Parent: #3
و رب المجرات صدقت يا شيخ بكري
لكن نعمل شنو
بعد ده كلو يجيك اسمعين ود ام حقين ييقول ليك
كان ما جيت من زي ديل واسفاي وا ماساتي وا زّلي
تصور كيف يكون الحال لو ماكنت سوداني
بالله عليك الله في وهمية اكتر من انو (حميدتي لقى حمار ود تور شين سرقو جا بيهو الخرطوم )
يكون امل الامة و امير قبيلة ما عارف مين يقول ليك اليرش حميتي بالموية نرش بالنار
|
Post: #5
Title: Re: وهمي ووهمية
Author: علاء الدين صلاح محمد
Date: 07-16-2022, 06:20 PM
Parent: #4
وهميات
في 2022
مبارك اردول وهو يدشن حزبه الجديد في جبل أولياء :
تاااني مافي مواطن (مننا) بيقبل ب ٢٠٠ متر عشان يسكن فيها مع اولادو زي الدجاج ، حقنا الصاح هو ٥٠٠ متر لكل أسرة،
والسودان دا ما حق زول عشان يحدد لينا المساحة بمزاجو ، اذا ما ادوكم حقكم زي ما انتو عاوزين ابنو في الميدان الفاضي وفي الشارع ذااااتو..
|
Post: #6
Title: Re: وهمي ووهمية
Author: علاء الدين صلاح محمد
Date: 07-16-2022, 06:24 PM
Parent: #5
وهميات
أمير الكواهلة في احتفال قبلي وسط حس قبيل مدجج بالكلاش :
البرش (حميدتي) بالموية ح نرشو بالدم،
قبيلة الكواهلة على قلب رجل واحد تقف مع حميتي
|
Post: #7
Title: Re: وهمي ووهمية
Author: قسم الفضيل مضوي محمد
Date: 07-16-2022, 06:59 PM
Parent: #6
كان عندنا دكتور جنوبي في جامعة جوبا بدرس منجمنت..
لما تجاوب اجابة صحيحة بقول ليك ..
فَقرِررري ..
|
Post: #8
Title: Re: وهمي ووهمية
Author: أبوبكر عباس
Date: 07-17-2022, 10:19 AM
Parent: #7
وين يا علاء الدين؟
مشتاقين يا أخ
غايتو محاولة كتشنر لخلق دولة حديثة في الفضاء الجغرافي دا باءت بالفشل
|
Post: #9
Title: Re: وهمي ووهمية
Author: أبوبكر عباس
Date: 07-17-2022, 10:34 AM
Parent: #8
قسوم وينك ما ظاهر؟
سودانيزاونلاين نفسها تشهد أنفاسها الأخيرة
الفاتحة
|
Post: #10
Title: Re: وهمي ووهمية
Author: Omer Abdalla Omer
Date: 07-17-2022, 10:45 AM
Parent: #9
هههه.. والله يا الدرويش إنت بلوة!
انا مستغرب لحدي هسع و البوست به اكثر من 10 مشاركات ما جبت سيرة صديقك اللدود و لا كاويتو
Post: #11
Title: Re: وهمي ووهمية
Author: أبوبكر عباس
Date: 07-17-2022, 03:57 PM
Parent: #10
الرابط ما بفتح يا عمار.
يا أخي، شاعر الغفلة خليتو؛
أنا وهو زي ريال مدريد والأمل الطِقيًع!
|
Post: #12
Title: Re: وهمي ووهمية
Author: محمد جمال الدين
Date: 07-17-2022, 09:13 PM
Parent: #11
ابو بكر عباس .. سلامات
بالمناسبة السودان عنده موارد كامنة أكبر مما لدي المانيا واليابان وبريطانيا وفرنسا وهولندا مجتمعين.. الكلام دا ما ساي دا كلام حقيقي.. الناس دي إستهلكت كلما عندها من موارد اراضيهم الخاصة زماااااان
وما عندهم قصص خارقة زينا، كله مافي، بجيبو كل شيء من العالم التاني ومننا وبصنعو وبصدرو وهم أغنى البشر الآن.. وبعملو الأفكار والقصص وببيعوها لينا والدنيا.. ما عندهم شيء غير أهم شيء: الدماغ!
---
قال الخالق: أريد أن أخفي شيئًا عن البشر
ويبقى مخفيا الى ان يصبحوا مستعدون له.
هو الإدراك بأنهم هم من يصنعون واقعهم .
قال النسر: أعطني إياه. سوف آخذه إلى القمر.
قال الخالق: لا.
ففي يوم من الأيام سيذهبون إلى هناك ويجدونه.
قال سمك السلمون ، سأدفنه في قاع المحيط.
قال الخالق: لا. سوف يذهبون إلى هناك أيضًا .
قال الجاموس ، سأدفنه في السهول الكبرى.
قال الخالق: سيقطعون جلد الأرض ويجدونه هناك.
قالت الجدة التي تعيش في رحم أمنا الأرض ، والتي ليس لها عيون جسدية ولكنها ترى بعيون روحية: ضعها في داخلهم.
فقال الخالق: قد تم، هو كذلك.
قصة عن الخلق من شعب الهوبي، أريزونا
|
Post: #13
Title: Re: وهمي ووهمية
Author: Ahmed Yassin
Date: 07-18-2022, 09:24 AM
Parent: #12
| Quote: حتى ألحان وردي نغمة واحدة مكررة ويقولوا ليك الموسيقار |
دي وهمة منك ساي...
جيب لي"مازورة واحدة" او جملة موسيقية واحدة مكررة... لحن "ارحل" لا يمكن لبشر عادي
يألف التاليف الموسيقي بهذا الشكل المتكامل... في"الطير المهاجر" تكفي المقدمة الموسيقية
وردي عمل اعظم"لازمة" موسيقية ممكن يسمعها الواحد في" عصافير الخريف'
انت يا بكور ..ممكن تسرح وتمرح في مساحاتك الادبية الواسعة مافي زول بغالطك الا الادباء
و تكتب عن اغنية"القطر" لى"حداثة" ما عارف شنو شافع صغير في سنو وما عارف... شنو كدة
لكن تجي ناحية وردي حتى ولو من باب الهظار او من اي باب اخر.... دا شىء صعب احتماله..
ممكن تجيب اي زول لكن وردي وعثمان حسين...معقولة؟
|
Post: #14
Title: Re: وهمي ووهمية
Author: Zakaria Fadel
Date: 07-18-2022, 09:28 AM
Parent: #13
والله يا احمد
المستنير خذلني في العبارة دي
|
Post: #15
Title: Re: وهمي ووهمية
Author: أبوبكر عباس
Date: 07-18-2022, 09:49 AM
Parent: #14
يا بس،
بجيب ليك عشرة أغاني لوردي فيهن تكرار
|
Post: #16
Title: Re: وهمي ووهمية
Author: أبوبكر عباس
Date: 07-18-2022, 09:53 AM
Parent: #15
أمسك:
١/ القمر بوبا نغمتين مكررات لمدة ثمانية دقائق
|
Post: #17
Title: Re: وهمي ووهمية
Author: أبوبكر عباس
Date: 07-18-2022, 10:02 AM
Parent: #16
يا محمد جمال،
السودان فيهو مورد الأراضي المسطحة وماء جاري
وتنقصة طاقة رخيصة
نعمة الأمطار بأوربا وأمريكا تساوي كل موارد السودان
يا رجل نحن نعيش في صحراء يصعب معها قيام دولة
|
Post: #18
Title: Re: وهمي ووهمية
Author: أبوبكر عباس
Date: 07-18-2022, 10:03 AM
Parent: #17
٢/ حارسنا وفارسنا نغمتين برضو لمدة تمانية دقائق وأربعة ثواني
|
Post: #19
Title: Re: وهمي ووهمية
Author: MOHAMMED ELSHEIKH
Date: 07-18-2022, 10:11 AM
Parent: #18
حسي يا بكور حكاية الماعز السعانين
و العساكر الما ماليين قاشاتهم
وجدي محمد علي قرم الكان مفتي الدولة السنارية
برضها وهمات؟
|
Post: #20
Title: Re: وهمي ووهمية
Author: أبوبكر عباس
Date: 07-18-2022, 10:29 AM
Parent: #19
الدولة السنارية دولة مريسة ساكت
أقرب لكونها خلوة كبيرة من مملكة والملك أقرب لفكي من ملك
|
Post: #21
Title: Re: وهمي ووهمية
Author: محمد جمال الدين
Date: 07-18-2022, 10:30 AM
Parent: #19
Quote: نعمة الأمطار بأوربا وأمريكا تساوي كل موارد السودان
يا رجل نحن نعيش في صحراء يصعب معها قيام دولة |
للصحراء مواردها الكامنة من دهب وسيلكون وغاز وبترول ومياة جوفية الخ.. وهل في صحراء في العالم اكتر من الامارات وقدر علبة الصلصة وعاملة الجوطة دي كلها.. وكاس العالم شهر الجاي 11 في دويلة قطر!
القصة ما نقص في الموارد.. صدقني
|
Post: #22
Title: Re: وهمي ووهمية
Author: أبوبكر عباس
Date: 07-18-2022, 10:43 AM
Parent: #21
الأمارات فيها بترول والباقي كلو ديكور للشركة،
المشكلة صحراء السودان ما فيها بترول ولا أي مورد آخر مجدي غير الماء
الماء والأرض لازمن طاقة رخيصة جداً وخت تلاتة خطوط تحت رخيصة جداً.
ما في دهب ذاتو
دي وهمة ساكت وتكلفة استخراج الدهب بالتعدين الأهلي دا أكبر من عائد الدهب
وممكن أحسبها ليك
لا يوجد بترول بشكل مجدي إلا في حوض بانتيو
في احتمال يتلقي فحم حجري في منطقة ما بقولها ودا ممكن يحل مشكلة الكهرباء،
غير كدا إلا تنتظروا تكنولوجيا الطاقة الشمسية دي تبقى رخيصة وفعالة
|
Post: #23
Title: Re: وهمي ووهمية
Author: أبوبكر عباس
Date: 07-18-2022, 10:58 AM
Parent: #22
يا ود الشيخ،
ما فهمت وجدي مفتي الدولة السنارية!!
|
Post: #24
Title: Re: وهمي ووهمية
Author: Biraima M Adam
Date: 07-18-2022, 12:20 PM
Parent: #23
Quote: بعد مائة وتلاتين سنة، حميدتي لقى حمار ود تور شين سرقو جا بيهو الخرطوم وهسّ حاكم بيهو البلد،
ونحن نلقى كتشنر تاني وين؟ |
عنصرية أولاد البحر .. وبس
بريمة
|
Post: #25
Title: Re: وهمي ووهمية
Author: Biraima M Adam
Date: 07-18-2022, 12:20 PM
Parent: #23
Quote: بعد مائة وتلاتين سنة، حميدتي لقى حمار ود تور شين سرقو جا بيهو الخرطوم وهسّ حاكم بيهو البلد،
ونحن نلقى كتشنر تاني وين؟ |
عنصرية أولاد البحر .. وبس
بريمة
|
Post: #26
Title: Re: وهمي ووهمية
Author: Ahmed Yassin
Date: 07-18-2022, 12:37 PM
Parent: #25
Quote:
المستنير خذلني في العبارة دي |
انا برضو يا زكريا خذلني خذلة!!
كدة في لمبة انطفت... من اللتنين الباقيات
|
Post: #27
Title: Re: وهمي ووهمية
Author: MOHAMMED ELSHEIKH
Date: 07-18-2022, 03:01 PM
Parent: #26
في كتاب الطبقات لابن ضيف الله ذكر ان مفتي الدولة السنارية
الشيخ محمد بن علي قرم والذي اكون من احفاده
دي الطلعنا بيها من السودان
عايز تضيف ليها المريسة عشان تطلعنا وهم؟
ومالها المريسة اريتها عيشتي
|
Post: #28
Title: Re: وهمي ووهمية
Author: أبوبكر عباس
Date: 07-18-2022, 03:53 PM
Parent: #27
يا ود الشيخ،
دولة قلتو قامت من 1500 وسقطت بعد ثلاثمائة سنة،
أوضة ساكت مبنية بحجر ما نلقاها كأثر!!
نحمد الله على مغامرة المماليك وفتحهم للسودان
|
Post: #29
Title: Re: وهمي ووهمية
Author: قسم الفضيل مضوي محمد
Date: 07-18-2022, 08:15 PM
Parent: #28
ول ابا بريمة..
لكل اكشن ري اكشن ..
انت وسمعة ياما سخرتوا من الجلابة والارشيف موجود وقلتوا عليهم حبل القيطان كان لاقاك في الدكان بيديك وليدا .. الخ..
فااا هذه بضاعتكم ردت اليكم ..
|
|
|