π طالوش صاموطي في صالة القادمين£

Post: #1
Title: π طالوش صاموطي في صالة القادمين£
Author: دفع الله ود الأصيل
Date: 07-16-2022, 01:44 AM

00:44 AM July, 16 2022
سودانيز اون لاين
دفع الله ود الأصيل-
مكتبتى
رابط مختصر

∆ الذمة على الرواة المليفين و المفسفسين و بقية رواد
منصات التواصل اللا~اجتماعي و ناقل الكفر ليس بكافر!

Post: #2
Title: Re: π طالوش صاموطي في صالة القادمين£
Author: دفع الله ود الأصيل
Date: 07-16-2022, 07:55 AM
Parent: #1

∆ دي واحدة حنكوشاية ملقوفة من المقترنات بالخارج
و شكلها ظاهرة شهادة عربية مولودة في بلادي برة حيث
البترو~دلار و كدي، و جاية رافعة مناخيرا في السما اللحمر
∆ و يلا لامن جمبلغ هبطت في مطار هرتومنا دا ، بكان
تيارة بقوم و تيس الحلبة و نايبو حميرتي بنوم...

Post: #3
Title: Re: π طالوش صاموطي في صالة القادمين£
Author: دفع الله ود الأصيل
Date: 07-16-2022, 08:09 AM
Parent: #2

∆ و كمان لي التسوت ختوتا، اليوم دا كان
جمعة و اللمة مستمعة و نازلة مطرة وتسابيح
القعونج تلعلع في الطمل..و جايبين كمان صورة
ورل عملاق متنكر في فروة تمساح جزاير الگرد
يتمرصع يبرطع « زاحفا »..و قدلة يامولاي
حافي حالق بالطريق الشاقي الترام!!

Post: #4
Title: Re: π طالوش صاموطي في صالة القادمين£
Author: دفع الله ود الأصيل
Date: 07-16-2022, 08:50 AM
Parent: #3

∆ فطوالي زولتك جاية قرفانة لامن شهامة ريحة صناحا
ولا نازلة ليك شليفة في البلد الحالتو تقرف الليمون..وخلاس
جينا للعواليق و البشتنة و قطوعات الكهربة و الموية بالحمير و
النت ترف يشتهى، و اللحمة دي بس« لحماك يا ملاك هواكي ملكني»
واللبن بقى زي لبن الطير الفي الباقير و الخدار و الفواكه كمان
حدس زي ما تحدس و لا حرج؛ بالله مش ليها خق تتزمر!!

Post: #5
Title: Re: π طالوش صاموطي في صالة القادمين£
Author: دفع الله ود الأصيل
Date: 07-16-2022, 09:21 AM
Parent: #4

∆ لكن تتزمري على منو يا عولاقة إنتي؟!!
على العتالي المتنتح ليك بمتقلات عفشك دافرو بي
ترولي أخلاقو مطرشقة و منزوع العجلات. و «مفتول
هواك أنا من زمان».. يمش خبط عشواء .. خطوة لقدام
ثم يتراجع يزحزح سبع خطوات ورا ورا. و لا تتزمري
على ضابط الجوازات حادر ليك بس متجهم وشو ينعل
قفاه و بنطلونو مقدود و بوتو فاتح خشمو باسم.لكن
متل ناس أبو الهول و الملك«خوفو» و منقرع
و ٱمون رع.. و كل شوية يمد ليك مناخيرو
داير يكرف ولو نفخة من عطرك الفواح!
و طبعن إنتي يا يمة جاية هنا عاوز ة
يزمرو ليك بي مزيكة حسب الله ..
فياااااا سبحااااان الله

Post: #6
Title: Re: π طالوش صاموطي في صالة القادمين£
Author: Hafiz Bashir
Date: 07-16-2022, 10:22 AM
Parent: #5

سلام يا ود الاصيل
دا ياهو نفس الكف الأدناهو زمان داك في اغسطس 2019 ول واحد جديد؟
عشان تاني ندين ونشجب السلوك البهيمي المتخلف بتاع الزول البنطلونو مقدود وما عارف منو اللبسو بنطلون مقدود وما عارف المعركة بكانها وين.

Post: #7
Title: Re: π طالوش صاموطي في صالة القادمين£
Author: دفع الله ود الأصيل
Date: 07-16-2022, 08:14 PM
Parent: #6

∆مولانا حبابك و العيد السعيد الليلة جابك
و الله ياخي الكضب خيبة، ربما يكون هو نفسو
و لا طالوشن تاني غيرو الله أعلم .. غايتو نحنا
و نحنا عنقالة الكنبة الورانية بنجي دايمن بعد تغلق
مطرظنين بالشباك؛وحتى لو ياهو الانتو كان شاجبنو
فهو هنا ملفوح من لايف بالفيس، بس بإخراج و إيقاع
مختلف ، بعدما قمنا عشقناه بالبهارات و المحدقات
اللازمة ، خسوسن الرواية الواصلاني بإنو بطولة
الطالوش لي زول غير أبو بنطلون مرقوع؛
فكون قريب و تابعنا و فالك طيب.