Post: #1
Title: دعوات لحملة (انترنت غير محدود فى السودان)
Author: Asim Ali
Date: 07-11-2022, 11:34 AM
10:34 AM July, 11 2022 سودانيز اون لاين
Asim Ali-
مكتبتى
رابط مختصر
Quote:
انا المقداد ابراهيم.. الحملة الجاية دي انا بديتها امس على تويتر واتصدرت الترند في أقل من ١٨ ساعة👌، الحملة انا اقتبستها من الحملة المصرية القامت قبل٣ يوم في مصر ضد شركات الإتصالات وكبّدتهم خسارات كبيرة، وكانت مطالبهم إنترنت غير محدود بأسعار مخفضة، ووصل الهاشتاق لـ ٢ مليون مشاركة، حتى المشاهير في مصر دعموا الحملة وكانت على هاشتاق #إنترنت_غير_محدود_في_مصر.
وأمس وافقوا ليهم على مطالبهم اللي هي:
- إنترنت غير محدود
- اهدوهم باقات إنترنت مجانية
- وإلغاء سياسة الاستخدام العادل (بمعنى لو فعلت خدمة سوداني اليومية.. بتقدر تفتح يوتيوب وفجأة النت يبقى تقيل وما بتقدر تشاهد فيديو حتى، يلا دي اسمها سياسة الاستخدام العادل) ونحن بنطالب بإلغاء السياسة دي وعايزين إنترنت غير محدود بسرعة عالية وبأسعار مخفضة، مش كل يومين زايدين لينا اسعار الإنترنت.
انتو عارفين انو النت عندنا أغلى من مصر ومن وامريكا وأوروبا؟ انت متخيل؟
يعني عرض نت المنزل 200 قيقا في مصر بالسوداني 5800ج ايوا وكمان سرعتو 30 ميغا في الثانيه الواحدة.
عندنا تنشيط سوداني 60 قيقا فقط بـ 7000ج ،والأسبوع الجاي قالوا ح تبقى 10.000ج انت متخيل معاي؟؟ 😯
النت عندنا غالي وما عايزه اتنين تلاته ولازم نعمل حمله مقاطعه ،
نطالب فيها بأهداف واضحة وهي تحسين التغطيه في السودان وأسعار إنترنت عادلة، يعني ما ممكن.. ما نفس السرعة واغلا كمان، يلا اقصي سرعه نت منزلي هي 16 ميغابت تخيل وسرعها بالدولار بجي معاك 45$ يلا في اوربا سعرها 27 السرعه كم تخيل 100 ميقابايت في الثانية ودي اقل باقة سرعة أكبر وسعر أقل وخليك منها نمشي الهند السعر 5800 والسرعه 100 ميقابايت في الثانية وغير محدود اكيد ما بقارن السودان بـ أوربا نقارنو بدولة منهارة مثلا اكتر مننا بكتير زي لبنان مثلا انترنتهم ارخص مننا وخدمات افضل كلنا لازم نتعاون ولو يد واحد ونقاطعهم كلهم دفعة واحدة لأنهم كلهم اسعارهم نار وبدون سبب وخدمه زباله وكلنا نفعِّل الهاشتاق على الفيس بوك ونحمل تويتر ونفعل هاشتاق
(هاشتاق نشط وح نشتغل عليه) 👇
#انترنت_غير_محدود_في_السودان
#Unlimited_internet_in_sudan
حملة الناس الغلابة وشُفّع العرب الفُقارىٰ
|
من امبارح بدت دعوات لتفعيل هاشتاق
#انترنت_غير_محدود_في_السودان
بعد نجاح حملة شبيهة فى مصر(التقليد جايب خبرنا مش كفايه قليد ثورتهم لغايه مابقينا فى مازق تاريخى؟)
القصه الناس دايرة تقلد وتطالب بحاجه اعتقد انها من الحقوق فى عصرنا الحالى بالسنبه لمجتمعات جاده فى انها تتحول للعصر الرقمى فى مجالات وانشطة حياتها الحقيقيه (مش الترفيه والوسائط الاجتماعيه)
قبل كل شىءنمسك الموضوع هل الحمله فى السودان دا وقتها المنطقى ؟
-بلد فيهو لسه الانترنت بيتقطع باوامر الاججهزة الامنيه وتكبيد المواطن وشركات الاتصالات خسائر نوعيه وكميه
-دا غيرتوابع السيطرة دى من تنصت وتجسس على المواطن المؤثرة على فعاليه وجودة سرعات الانترنت(احيانا)
-هل البنيات الاساسيه للاتصالات وكلفه التشغيل الفعليه مهياة فعلا لخطوة ودعوات لامحدودويه الانترنت فى بلد نامى يحتاج امكانياتو دى فى تتوجه للتحول الرقمى الجاد مش فى انشطه مهمه وهامة مش فى استنزافها فى فى الترفيه والوسائط الاجتماعيه فى بلد يحتاج ومن المواطن يتوجه للانتاج بجانب استيعاب الامكانات المتواضعه لشبكه الاتصالات من بنيات وخبرات تتوجه لفائد المجتمع والمواطن على مستوى الانتاج والخدمات على تواضع المتاح
.
يتبع
|
Post: #2
Title: Re: دعوات لحملة (انترنت غير محدود فى السودان)
Author: Asim Ali
Date: 07-11-2022, 08:16 PM
Parent: #1
|
Post: #3
Title: Re: دعوات لحملة (انترنت غير محدود فى السودان)
Author: Asim Ali
Date: 07-14-2022, 00:26 AM
Parent: #2
الدعوات لمليونيه 15 يوليو مازالت قائمه اسفيريا
Quote:
المليونية دي نحنا ماشين فيها برانا كشعب مافي اعلامي واحد واقف معانا ولا صحفي والفنانين غير المحترم الراقي الخال احمد الصادق مافي فنان تأني..
اغلب الصفحيين المتابعين الصفحه والفنانين نزلت ليهم البوست في صفحاتهم مسحو ..
برضو ما بنقيف ومليونيتنا قائمه ضد كل شركات الاتصالات حننتصرهم عليهم وتعالو انتو بعدين انعمو بخدمات طيبه رخيصه سريعه بفضل الشعب العملكم وبقيتو ما فاضين لي.
#مليونية15يوليو_ضد_شركات_الاتصال
#انترنت_غير_محدود_في_السودان
#Unlimited_internet_in_sudan
#Zain_Sudan
#Sudani
#MTN_Sudan
#فتلونا
صفحة سودانيز بوست
|
.
وعلى صعيد اخر اصوات منتقدة لرفع شعار الحمله المصريه فيما يخص تكلفه الاتصالات العاليه على المواطن
Quote:
#إنترنت_غير_محدود_في_السودان
- الناس دي بتتكلم ساي شغالين نسخ لصق من مصر و خلاص
ناس مصر بتكلمو عن الانترنت اللامحدود في باقات الانترنت الارضي و ده حق ليهم ، و عشان نوضح المفاضله دي نقسم المطلب ده أجزاء :
• اولاً هم في مصر عندهم شبكة ارضية في كل بيت ما زينا بالسودان لانها اول ما اتباعة شركة سوداتيل الناس قلعت الاسلاك الارضية و باعتها نحاس و خرد .
• ثانيا الإنترنت اللامحدود معروف انه باقاته تابعة للإنترنت الارضي ما للموبايل زي ما عايزينه ناسنا في السودان ديل .
• ثالثاً احنا في السودان ما عندنا اساسا التغطية الواسعه دي في الشبكة الارضية يعني عشان نطالب بي انترنت ارضي ولا محدود .
• رابعاً الانترنت اللامحدود متوفر في شبكة سوداني بي خطوط ال ADSL بس الناس م عارفه و دي مشكلة كبيرة .
الحل:
شركات الانترنت الأرضي الغير محدود في السودان ذي شركة سوداني ADSL وكنار جو وماكس نت وصالنكو وغيرها أنو يوسعو التغطية حقتهم الى الولايات كلها
صفجة :فورجي السودان - 4G Sudan
|
|
Post: #4
Title: Re: دعوات لحملة (انترنت غير محدود فى السودان)
Author: Hani Arabi Mohamed
Date: 07-14-2022, 00:35 AM
Parent: #1
قبل 12 عاماً من الآن كان الإنترنت غير المحدود متوفراً في هواتف جميع السودانيين مقابل تنشيط يومي بجنيه واحد.
|
Post: #5
Title: Re: دعوات لحملة (انترنت غير محدود فى السودان)
Author: Hani Arabi Mohamed
Date: 07-14-2022, 00:47 AM
Parent: #4
ثم بدأ الجشع لدى شركات الاتصالات ....
وبدأوا في زيادة الأسعار تدريجياً
ثم إلغاء الباقات غير المحدودة ...
وقد زاد هذا الجشع كثيراً بعد انقلاب 25 أكتوبر 2021
إذ بدأت شركات الاتصالات في زيادة الأسعار تتابعياً بمعدل زيادة شهرية وبنسب كبيرة غير منطقية
ولم يتوقف هذا الأمر إلى الآن ...
أحياناً قد يتهادى إلى الذهن تساؤل إن كانت هذه الزيادات المتكررة مقصودة ونابعة من أوامر حكومية - ربما - تحاول زيادة وصول المواطنين عموماً والشباب خصوصاً إلى الإنترنت عبر زيادة التكاليف وزيادة سوء الخدمة في نفس الوقت ...
|
Post: #6
Title: Re: دعوات لحملة (انترنت غير محدود فى السودان)
Author: Asim Ali
Date: 07-14-2022, 07:41 PM
Parent: #5
سلامات هانى وعيد مبارك واعد باالتفاؤل انشاءالله
فعلا بتذكر قببل 2010كانعدى فى البدايه (ام دى اس ال) غيرمحدود بمشىسودانى اسدد شهرى
فجاءة وقفو الخدمه (قالو فى تحديث وتغيير )اضطريت بعدها ارحل لناس زين واستخدم الكونكت
بعد فترة رجعو ناس سودانى وادونا كونكت
من هنا بدت رحله المعانة مع سوء الخدمه وتصاعد الاسعار بشكل عشوائى جزافى لايتناسب مع طبيعه الخدمه القدمه ولا تجد اىتحسين بعد الزيادات
اما مؤخرا عدم استقرار العمله اصبح ذريعه لزيادات متتاليه فلكيه فى مضمونها تحارب الشركات نفسها لانو التعاملات الرقميه والدراسه الرقميه (اونلاين وا اوفلاين) خاصهبعد ازمه السيوله فى 2018 وازمه كورونا
وللاسف لهاث الناس وراء الوسائط والانترنت للترفيه غالبا صرفهم عن موقف مبكر لحسم فوضى شركات الاتصال
من جهة اخرى لاوجود فعلى للجهات الضابطه كهيئه الاتصالات ووزارة الاتصالات (رسميا) من جهة وحمايه المستهلك المفترض وجودها رسمياكقانون ونيابه وشرطه وشعبيا كحمعيه حمايه المستهلك اللى مفترض انها تكون المبادرة بحراك كحراك المقاطعه
لااعلم مدى فعاليه الحراك الحالى جل الضغط على شركات الاتصالات لكن يبدو انو حجر فى بركه ساكنه
|
Post: #7
Title: Re: دعوات لحملة (انترنت غير محدود فى السودان)
Author: Hani Arabi Mohamed
Date: 07-15-2022, 01:23 AM
Parent: #6
مصمم الصورة المنشورة في بداية البوست ليه اغفل بعض الشركات المقدمة لخدمات الإنترنت واكتفى بثلاث شركات؟
|
Post: #8
Title: Re: دعوات لحملة (انترنت غير محدود فى السودان)
Author: Asim Ali
Date: 07-15-2022, 05:01 PM
Parent: #7
فعلا فى شبكات انتشارها محدود لذلك اظن تجاوزها
|
Post: #9
Title: Re: دعوات لحملة (انترنت غير محدود فى السودان)
Author: محمد البشرى الخضر
Date: 07-15-2022, 05:21 PM
Parent: #8
فكرة اغلاق الهاتف لزول اولريدي دفع حق الباقة مقدما لن تضر مقدم الخدمة بل بتقلل عليه تكلفة تسغيل خدمة قبض ثمنها مقدما، واذا انتهى زمن الباقة ولم يستهلكها من دفع ثمنها فا قروشه حتكون عبارة عن ربح صافي لمقدم الخدمة!!
الضغط يكون بإلغاء الاشتراك اساسا في الدفع الآجل و عدم شراء باقات دفع مقدم، غير كدا ونسة ساي
|
Post: #10
Title: Re: دعوات لحملة (انترنت غير محدود فى السودان)
Author: Asim Ali
Date: 07-15-2022, 05:31 PM
Parent: #9
Quote:
فكرة اغلاق الهاتف لزول اولريدي دفع حق الباقة مقدما لن تضر مقدم الخدمة بل بتقلل عليه تكلفة تسغيل خدمة قبض ثمنها مقدما، واذا انتهى زمن الباقة ولم يستهلكها من دفع ثمنها فا قروشه حتكون عبارة عن ربح صافي لمقدم الخدمة!!
الضغط يكون بإلغاء الاشتراك اساسا في الدفع الآجل و عدم شراء باقات دفع مقدم، غير كدا ونسة ساي
|
Quote:
من امبارح بدت دعوات لتفعيل هاشتاق
#انترنت_غير_محدود_في_السودان
بعد نجاح حملة شبيهة فى مصر(التقليد جايب خبرنا مش كفايه قليد ثورتهم لغايه مابقينا فى مازق تاريخى؟)
القصه الناس دايرة تقلد وتطالب بحاجه اعتقد انها من الحقوق فى عصرنا الحالى بالسنبه لمجتمعات جاده فى انها تتحول للعصر الرقمى فى مجالات وانشطة حياتها الحقيقيه (مش الترفيه والوسائط الاجتماعيه)
قبل كل شىءنمسك الموضوع هل الحمله فى السودان دا وقتها المنطقى ؟
|
|
|