اول تصريح من حكومة الانقلاب حول مدى تعاونها مع المحكمة الجنائية الدولية.. المصدر خطبة العيد في منطقة (الزرقة بدارفور) حيث قال حميدتي : ٢٠ سنة الخواجات بكذبوا وبقولو في مذابح وابادة جماعية في دارفور.. ويسأل طيب الناس القدامى ديل جو من وين؟؟ اذا كان اصلاً الحكومة قتلتهم وابادتهم؟؟ ويقول انهم في دارفور قاموا بعقد المصالحات بين القبائل في مدة ١٥ يوم بس كانت احسن من عشرة سنة ضيعوها الخواجات في التحريش والفتنة.. وتهكم أيضاً على محاكمة كوشيب.. بالقول : الان عندهم زول واحد و لمن القيامة تقوم ما ح يلقو تهمة ثابتة عليهو... وقال حميدتي ان الغرض من المحكمة الدولية هو نهب ثروات السودان ومحاربة الدين وجلب الاستعمار لهذا البلد وقال حتى لو سلمناهم البشير واحمد هارون كانوا تاني ح يجو راجعين ويقولو عاوزين فلان وعلان... عشان كدا كسرنا ليهم (الدش) في يدهم ونحنا برانا بنحل مشاكل بلدنا ... وتاني مافي خواجة بخش البلد دي الا يورينا عشان شنو وعاوز منو... ثم علت الهتافات من قبل الحاضرين الله اكبر.. الله اكبر..
Post: #2 Title: Re: ماقاله القاتل حميدتي هل تقبل به حركات الك� Author: ترهاقا Date: 07-10-2022, 05:08 PM Parent: #1
الحركات المصلحة لا حول لها ولا قوة ولا واحد فيهم حيقول بغم لأنهم قعدو امفكو بعد وضع يدهم مع عسكر الكيزان، وبعدين ما تهمهم إلا مصالحهم الشخصية وإن شاء الله دارفور تحترق، الحركات دي اتعرت تماما .
Post: #3 Title: Re: ماقاله القاتل حميدتي هل تقبل به حركات الك� Author: حيدر حسن ميرغني Date: 07-10-2022, 05:39 PM Parent: #2
الحركات ما عتدها حل غير انها تبصم على كلامه طالما ارتضوا يكونوا تابعين له ولأجل ذلك تدخرهم السلطة الغاشمة للحظات الحرجة وهي تعلم عن يقين بأنهم لا يمتلكون أدوات التاثير حتى على من يتحدثون بإسمهم في دارفور هركات بطالة جدا
Post: #4 Title: Re: ماقاله القاتل حميدتي هل تقبل به حركات الك� Author: Asim Ali Date: 07-10-2022, 05:41 PM Parent: #2
مايسمى حركات مسلحه كل شىء واضح بخصوصهموانهم ابعد مايكونو عن النضال الوطنى لاجل حقوق وطن او (حتى جهة) من ماقفز لقيادة اغلبها كيزان معلومي الكوزنه (قصه خلافات وشنو ماعارف وانشقاق دا كلام سااااى)
سلام للجميع وكل عام وأنتم بخير فى وطن حر~ جاء فى سودانايل:
Quote: 23 يونيو, 2022
الخرطوم: الجريدة تعرض القياديان بالتحالف السوداني، البخاري أحمد عبد الله وعبد الرحمن محمد الحسن، للطرد من قبل عضو المجلس السيادي الانقلابي، دكتور الهادي أدريس، خلال اجتماع الامانة العامة بولاية غرب دارفور الذي انعقد أمس من أجل مناقشة الأوضاع الأمنية بالولاية بحضور نائب رئيس مجلس السيادة الانقلابي محمد حمدان دقلو حميدتي وعضو السيادي الانقلابي الطاهر حجر. وفي الأثناء ذكر محمد الحسن عبد الرحمن أحد الذين تعرضوا للطرد في تصريح لـ"الجريدة" انهم قد تعرضوا للخطوة عقب ان توجه إليهم دكتور الهادي ادريس وطالبهم بطرح اسئلتهم ، وأشار إلى انهم أخبروه بأنهم ليسو المجموعة التي رتبت للعمل، وزاد: " تم إقصائنا وطردنا بمعية البخاري وطالبنا بالخروج على الفور وهذا أمر غريب ومؤسف ولا ندري لماذا حدث".