Post: #2 Title: Re: مليشيات دقو جوة الجنجويدية و الحركاتية ان Author: محمد جمال الدين Date: 07-10-2022, 00:03 AM Parent: #1
واضح أنهم يعملون بهمة عالية لتدمير بلدنا.. للأسف.. ونحن معظمنا غافلين
Post: #3 Title: Re: مليشيات دقو جوة الجنجويدية و الحركاتية ان Author: بكرى ابوبكر Date: 07-10-2022, 00:15 AM Parent: #2
شكرا يا دفعة للزيارة و المداخلة و كل سنة و انت طيب
طبعا يا استاذ محمد جمال، الاستاذ عبد العزيز عثمان سام كان المستشار القانوني و يعرف حركة مناوي جيدا و كل اعضاد الحركات و تفكيرهم و بعد ان كشف حقيقتهم استقال منهم.... وهو دفعتا و كان في القانون
Post: #4 Title: Re: مليشيات دقو جوة الجنجويدية و الحركاتية ان Author: محمد جمال الدين Date: 07-10-2022, 00:44 AM Parent: #3
الناس ديل وراهم عملاء أقليميين وعالميين عندهم شنط مليانة دولارات متلتلة ولا يهمهم وطن ولا دم ولا مستقبل أجيال.. وكلنا عارفين والباقي واضح!
تحيات يا زعيم وكل عام وانت صابر معانا
Post: #5 Title: Re: مليشيات دقو جوة الجنجويدية و الحركاتية ان Author: ترهاقا Date: 07-10-2022, 01:14 AM Parent: #4
كل عام وانتم بخير البرهان ، حميدتي، مناوي، جبريل، أردول وما تابعوهم من الرجرجة دييل حيدمروا السودان بأفكارهم المتخلفة ، دقو جوه يعني الخرطوم ولابد من إبادة من فيها في تفكيرهم ، الناس حقو توعى لهذه المؤامرة الخسيسة. لابد من بتر هؤلاء من المجتمع السوداني
Post: #6 Title: Re: مليشيات دقو جوة الجنجويدية و الحركاتية ان Author: بكرى ابوبكر Date: 07-10-2022, 01:38 AM Parent: #5
شكرا ساطور و م جمال وكل سنة وانتم طيبين
طبعا يا شباب تحالف الجنجويد و الحركات وهنا اقصد حركات الهادي ادريس،الطاهر حجر،مناوي و جبريل ابراهيم و كل هذه الحركات تتبع لمكون قبلي محدد في دارفور و يشكل ٤ في المائة من بقية المكونات ....و هنا الخطورة لانها مهدد امني لبقية القبائل الاخري في دارفور......
تخيل الجماعة ديل بشكلوا فقط حوالي ٤٪ من السودان و اتفافية جوبا المعطوبة اعطتهم ٢ في السيادي ٢ وزارات سيادية وحاكم اقليم .... غايتو الطبخ حلة جوبا دا طباخ ماهر ....يا ريت لو يفتح لينا مطعم للتوم هجو......يتعلم فيه فن الطبخ
Post: #7 Title: الفريق سليمان صندل حقار مسئول الترتيبات الامنية والأمين السياسي لحركة العدل والمساواة السودانية Author: بكرى ابوبكر Date: 07-10-2022, 02:05 AM Parent: #6
الفريق سليمان صندل حقار مسئول الترتيبات الامنية والأمين السياسي لحركة العدل والمساواة السودانية
Post: #8 Title: Re: الفريق سليمان صندل حقار مسئول الترتيبات ا Author: بكرى ابوبكر Date: 07-10-2022, 02:07 AM Parent: #7
Post: #9 Title: Re: الفريق سليمان صندل حقار مسئول الترتيبات ا Author: bakri abdalla Date: 07-10-2022, 05:35 AM Parent: #8
Quote: طبعا يا شباب تحالف الجنجويد و الحركات وهنا اقصد حركات الهادي ادريس،الطاهر حجر،مناوي و جبريل ابراهيم و كل هذه الحركات تتبع لمكون قبلي محدد في دارفور و يشكل ٤ في المائة من بقية المكونات ....و هنا الخطورة لانها مهدد امني لبقية القبائل الاخري في دارفور......
تخيل الجماعة ديل بشكلوا فقط حوالي ٤٪ من السودان و اتفافية جوبا المعطوبة اعطتهم ٢ في السيادي ٢ وزارات سيادية
سلامات يا صديق
شفت المصيبة الاحنا فيها ؟؟؟
هذا هو الحال!!! وبلا خجل يقولوا ليك "الدارفوريين" لزوم تكبير الكوم وكدة
ولا يدروا أن دورهم قد انكشف منذ عهد بعيد
يفترضوا الغباء في الناس ولكن ليس إلا هم
Post: #10 Title: Re: الفريق سليمان صندل حقار مسئول الترتيبات ا Author: هدى ميرغنى Date: 07-10-2022, 06:27 AM Parent: #9
سلام للجميع~ السودان تحت إحتلال الكيزان والجنجويد -الكيزان سرقوا أموال الشعب السودانى وقادتهم عايشين مرفهين فى تركيا وغيرها ومرتزقتهم مليشيات تقتل فى الشعب السودانى، -لوردات الحرب يأجروا خدماتهم لأى شخص يدفع . -الجنجويد صنيعة الكيزان فاتوا صانعهم وأصبحوا سادة النهب والقتل #ليقف الشعب السودانى متوحدا حتى هزيمة هؤلاء جميعا، والنصر حليف الشعوب
Post: #11 Title: Re: مليشيات دقو جوة الجنجويدية و الحركاتية ان Author: Asim Ali Date: 07-10-2022, 09:39 AM Parent: #6
Quote: طبعا يا شباب تحالف الجنجويد و الحركات وهنا اقصد حركات الهادي ادريس،الطاهر حجر،مناوي و جبريل ابراهيم و كل هذه الحركات تتبع لمكون قبلي محدد في دارفور و يشكل ٤ في المائة من بقية المكونات ....و هنا الخطورة لانها مهدد امني لبقية القبائل الاخري في دارفور......
تخيل الجماعة ديل بشكلوا فقط حوالي ٤٪ من السودان و اتفافية جوبا المعطوبة اعطتهم ٢ في السيادي ٢ وزارات سيادية وحاكم اقليم .... غايتو الطبخ حلة جوبا دا طباخ ماهر ....يا ريت لو يفتح لينا مطعم للتوم هجو......يتعلم فيه فن الطبخ
سلام عليكم والعيدمباركعليك وعلى زوارك وكل جماعه الحوش والسنه الجايه الوطن معافى تماما من فيروس كوز-89 وطفراتو الجينيه حتى 25 اكتوبر 2021 المشكله مش طبخة جوبا فى طبخة بنى كوز الخبيثه لسرقة الثورة من بدايات الثورة ومواقف ومنعطفات كثيرة فيها مايقلق ويثيرالشك فى فى نقاء من كنا نظنهماهل نضال وهم ما اكتر من ادوات ودمى فى يدقوش عراب خدعه بنى كوز
Post: #12 Title: Re: مليشيات دقو جوة الجنجويدية و الحركاتية ان Author: نعمات عماد Date: 07-11-2022, 05:50 AM Parent: #11
سلام
بما إن الدم السريع و الحركات رفضوا الدمج و أنشاوا هذه ال (دقو جوة) لنشرها في دارفور،
فهذا يعني أن دارفور ستصبح عملياً تحت سيطرة الدعم والحركات و قد يخرج الجيش السوداني
و الشرطة و الأمن كذلك.فهل هذا يعني فصل دارفور عن السودان على يد الدم السريع و الحركات؟
Post: #13 Title: Re: مليشيات دقو جوة الجنجويدية و الحركاتية ان Author: Yasir Elsharif Date: 07-11-2022, 12:10 PM Parent: #12
سلام بكري والجميع وكل عام وأنتم بخير وربنا يعيد العيد وقد شفي السودان من جراحاته.
تسجيل عبد العزيز سام كشف الضوء على ما يحاك للسودان من خطط إجرامية.
Post: #14 Title: Re: مليشيات دقو جوة الجنجويدية و الحركاتية ان Author: Mahjob Abdalla Date: 07-11-2022, 02:22 PM Parent: #13
للحقيقة, الناس ديل ابدا ما طرحو انفسهم انهم يمثلون قبائلهم او يمثلون دارفور على الاطلاق. ناس عندهم تنظيماتهم العسكرية و السياسية و كانو جزء من المكون العريض لتحالف المعارضة المدنية لاسقاط نظام المؤتمر الوطنى. البيعة حصلت من جانب المكون المدنى (قحت) الذين اصرو علي وضعهم في خانة انهم يمثلون دارفور فقط في حين امثال وجدى صالح (حزب البعث) و خالد سلك (المؤتمر السودانى) يمثلون السودان و بعد الخلاف الذى حدث اخرجوهم من المحاصصة التى تمت بين مكونات قحت المدنية و قالو ليهم بالواضح انتو لسه في خانة متمردين و لازم تقيفو في الصف هناك, احنا نكون حكومتنا و بعد داك نفاوضكم و نعمل معاكم سلام في خلال 6 اشهر. لما مشو جوبا, صنعو مسارات لكل السودان و فاوضو كل الناس علي انهم يمثلون مناطقهم الجغرافية في السودانية رغم علم الجميع انه لا احد يمكن ان يدعى بتمثيل السودان ككل او اى جهة من جهات السودان. و مع ذلك كل الناس (يشملكم انتم معشر سودانيز اونلاين) سكتم علي المهزلة التى تمت و انتجت ما انتجت و بدا الاحتجاج ليس لان هؤلاء لا يمثلون دارفور بل كان الاحتجاج انو كيف ناس دارفور اخدو نصيب اكبر من بقية السودان؟ اما بخصوص الاتفاق و عودة الجميع الي الخرطوم, فكان واضحا ان التفاوض في الاساس اتبنى علي التحاصص الذى انتج حكومة محاصصات حزبية من احزاب ليس لها اى رصيد انتخابى من قبل يمكنهم الادعاء انهم يمثلون اعضاء اكثر من ركاب حافلة مواصلات في مسارات و دروب الخرطوم, فكيف بكم تتقاضون عن كل هذه التخاذلات و الاخطاء التى حدثت و تفترضو ان ديل يمثلون قبائلهم التى في مجملها اقل من 4% من سكان دارفور؟
و بعد كل هذا و قد اكتمل السلام, بدات المشاكل من داخل قحت و التى نتجت عنها المفاصلة و انقسام قحت الي مركزى و موزى و التى ادت الي الانقلاب. الكيل بمكاييل مختلفة يقلل من فرص تشخيص المشكلة بكاملها و من ثم وضع الوصفة الصحيحة للعلاج.
Post: #15 Title: Re: مليشيات دقو جوة الجنجويدية و الحركاتية ان Author: كمال عباس Date: 07-11-2022, 02:57 PM Parent: #14
لا يا أخونا محجوب الحركات المسلحة كانت ضمن كتلة نداء السودان والمفاوضات والتوقيعات كانت تبصم بواسطة الكتل ـ لا المكونات الفردية لها ـ وعليه يعتبر التفاوض ـ نظريا ممثلا لحركة مناوي والعدل والمساوة ولكن الحركات ـ رفضت الإتفاق النهائي ـ بحجة أن لها قضايا ذات خصوصية يجب ـ تعالج منفردة ويتفق عليها وتضمن بعدها كجزء من الوثائق الحاكمة - ثانيا شخصيا ومثلي كثر إعترضوا علي الوثيقة الدستورية والإتفاق السياسي بل وعلي التفاوض مع اللجنة الأمنية وإختلفت مع قحت في هذا وغيره ثالثا وإنطلاقا من ذات المبدأإختلفت وإختلف مع تحالف الحركات مع اللجنة الأمنية ـ وهو تحالف سبقه ـ إجتماع قاعة الصداقة وإعتصام القصرـ كموسيقي تصورية وتمهيد للإنقلاب ولم إذكر هنا تحفظاتي علي إتفاق جوبا ,,,
هذا هو موقفي ومثلي كثر ـ وبالتالي bأرفض التبرير للحركات وإظهارها بمظهر الضحيةـ أنظر لمواقف هذه الحركات بعد الإنقلاب ـ هذه الحركات لها إرادات وقد فضلت هذه الخيارات وعليها تحمل هذه الخيارات أمام الثوار والشعب السوداني وأهلنا في دارفور
ـ
Post: #16 Title: Re: مليشيات دقو جوة الجنجويدية و الحركاتية ان Author: محمد نور عودو Date: 07-11-2022, 03:53 PM Parent: #15
كتب كمال عباس لا يا أخونا محجوب الحركات المسلحة كانت ضمن كتلة نداء السودان.....
سلامات كمال عباس عيد سعيد وكل سنة انت طيب وكتلة نداء السودان دا يا كمال عباس مؤسس وجزء أساسي في الحرية التغيير لكن بعد سقوط البشير مجموعة الانتهازيين وسارقي الثورات وعنصري قحت قاموا باقصاء حركات الكفاح المسلحة من المشاركة بل حتي المشاورات في كيفية إدارة الدولة في الفترة الانتقالية. ونصبوا أنفسهم حكومة وأصحاب الثورة وأولاد البلد بطريقة اسواء من طريقة حكومة الإنقاذ ووضعوا تنظيمات الحركات المسلحة في خانة المتمردين كما قال الاخ المحجوب وما قالوه الاخ محجوب هي الحقيقة البتهرب منها الكثير في هذا المنبر ويرموا اللوم علي تنظيمات حركات الكفاح المسلحة. بدل لوم المتسبب في هذا الوضع المحزن في السودان .
Post: #17 Title: Re: مليشيات دقو جوة الجنجويدية و الحركاتية ان Author: علاء سيداحمد Date: 07-11-2022, 04:17 PM Parent: #16
بالنسبة لتحالف نداء السودان كان من اعظم التحالفات المدنية والعسكرية فى تاريخ السودان الحركات المسلحة المنضوية فى تحالف نداء السودان رفضت الوثيقة الدستورية وتبع ذلك استقالة الصادق المهدي من رئاسة تحالف نداء السودان وما تبع ذلك من انشقاقات فى جسم التحالف .
Post: #18 Title: Re: مليشيات دقو جوة الجنجويدية و الحركاتية ان Author: Mahjob Abdalla Date: 07-11-2022, 04:42 PM Parent: #17
Quote: وبالتالي bأرفض التبرير للحركات وإظهارها بمظهر الضحيةـ أنظر لمواقف هذه الحركات بعد الإنقلاب
سلام استاذ كمال, انا لم ابرر, فقط رفضت مبدأ قبلنة قادتهم و بالتالى وصفهم انهم لا يمثلون اكثر من 4% من سكان دافور و حسب معرفتى ليس في السودان كلو, قبيلة واحدة تمثل اكثر 2% من سكان السودان و اذا حاولنا التقوقع في القبلية فلن يكون هناك شخص مؤهل لحكم السودان. الكيل بمكياليين فى رأى هو محاولة دمغ هؤلاء بالقبيلة و البعض الاخر يأخد صكوك الحزبية و التى هى ايضا لا تؤهل اى من الاحزاب السياسية بامتلاك اغلبية قبل الانتخابات و التى يتهرب منها الجميع.
بخصوص الوثيقة الدستورية تم رفضها لانها فعلا ناقصة و اثبتت الايام نقصانها و ان كان استبعادهم كان بسبب رفضهم لتلك الوثيقة, ده كريديت لصالحهم و ليس ضدهم.
المهم عندى هو ان المبتدأ كان خطأ و توالت الاخطاء التى حتميتها ما نحن فيه الان. كيف تداركها؟
Post: #19 Title: Re: مليشيات دقو جوة الجنجويدية و الحركاتية ان Author: كمال عباس Date: 07-11-2022, 04:59 PM Parent: #18
لا يا محجوب انهم لم يستبعدو وانما اختارهم وحدهم الابتعاد وذلك سعيا لاتفاق اخر يتضمن خصوصية قضايهم
وقد فعلو ذلك. عبر اتفاق جوبا. والذي تم تضمينه. ضمن الوثيقة والدستورية والتي ارتضتها حركات اتفاق جوبا بعدذلك وطبعا اعتبر ان والوثيقة معيبة قبل وبعد اتفاق جوبا وذلك اتفاق جوبا
واعتقد ان الحلو وعبد الواحد كانو اكثر. مبدئية من هولاء
الطابع القبلي للحركات موجود ومؤثر حتي وان انكروه. - والتركيبة الاجتماعية للحركات. تثبت هذا
ولكن. هذا بالبطبع لايعني اهل دارفور هم بالضرورة انصار للحركات فاليوم مدن دارفور في قلب الثورة ضد حكومة. الجنجويد والحركات
Post: #20 Title: Re: مليشيات دقلو جوة الجنجويدية و الحركاتية ان Author: adil amin Date: 07-11-2022, 05:08 PM Parent: #19
وايضا يا بكوري انظر في تويتر ايدي كوهين يشيد بهذا الجنجويدي وينسبه لشعب السودان لازم كل السودانيين يعملو غارة علي توتير ايدي كوهيم يوروهو السودان ده شنو والسودانيين ديل منو
صفحة ايدي كوهين في تويتر فرصة لنقدم درس مجاني للعرب والاسرائيلين ما هو السودان وما هي الديمقراطية ابت الصفحة تفتح معاي هنا \
Post: #21 Title: Re: مليشيات دقلو جوة الجنجويدية و الحركاتية ا Author: قسم الفضيل مضوي محمد Date: 07-11-2022, 09:21 PM Parent: #20
ناس دارفور ديل لو نقطتوا ليهم العسل في خشمم ما حيرضوا عنكم يا جلابة وح تظلوا في نظرهم ذلك الجلابي المستهبل والمخادع .. واحسن ليكم تبطلوا مثالياتكم دي وتطبقوا نظرية مثلث حمدي .. . بدل مضيعين وقتكم في جدل بيزنطي لا يسمن ولا يغني من جوع .. ولكم في تجربة بشاشا معهم عبرة يا أولي الألباب .. . .. نقطة سطر جديد .. .
Post: #22 Title: Re: مليشيات دقلو جوة الجنجويدية و الحركاتية ا Author: Mahjob Abdalla Date: 07-12-2022, 01:33 AM Parent: #21
Quote: وانما اختارهم وحدهم الابتعاد وذلك سعيا لاتفاق اخر يتضمن خصوصية قضايهم
هذا ليس صحيحا يا كمال, و استخدام مصطلحات مثل (خصوصية) هو الاستهبال بعينه, اى في زول حيقعد في الكرسى الكبير و بعد داك يوزع للاخرين اصحاب الخصوصية (ليسو في ذات المستوى و يظلو فى موقع اليد السفلى ينتظرون المن عليهم بحقوقهم). و ثانيا, الكل يعرف حقيقة انهم لا يمثلون دارفور و مع ذلك جلسو معهم و اعطوهم حق كل الدارفوريين. كيف يستقيم هذا الامر؟ هو اسلوب الابتزاز. عشان كدا قلنا من اول يوم انو ناس قحت ما كانو مخلصين في مسألة حل مشكلة الدولة السودانية الهيكلية و كل همهم استحواذ مناصب تركة الانقاذ و مواصلة ذات السياسة بحذافيرها و لا غرابة ان النتائج جاءت سريعة ليس في صالحهم و لا صالح السودان. الدولة في مرحلة الانهيار الكلى الان.
Post: #23 Title: Re: مليشيات دقلو جوة الجنجويدية و الحركاتية ا Author: adil amin Date: 07-12-2022, 03:28 AM Parent: #22
https://www.0zz0.com
Post: #24 Title: Re: مليشيات دقلو جوة الجنجويدية و الحركاتية ا Author: adil amin Date: 07-12-2022, 03:33 AM Parent: #23
والعدد التقريبي لكل اقليم عشان توفر التعقيدات الاجرائية https://www.0zz0.com بعد داك بتفرز السوداني الحر المحترم من الكعوك والبازنقر وخدم 9 طويلة الدولية في كل السودان المشورة الشعبية في الاقاليم هي البداية الحقيقة ومع علم الاستقلال او علي حسنين والاعتصام في ميدان المولد في عواصم الاقاليم الخمسة نشوف الاقوى شنو مدرعات المجرمين والحثالة الدولية ما بصلو نص مليون ولي الشعب الواعي 40 مليون
