Post: #1
Title: قرار بالانصراف من الاعتصام لحين#
Author: زهير ابو الزهراء
Date: 07-08-2022, 04:10 PM
03:10 PM July, 08 2022 سودانيز اون لاين
زهير ابو الزهراء-السودان
مكتبتى
رابط مختصر
خليني فى سجنك وأنساني
فى سجنك جوا زنازين
أرميني وكتف إيديَّ
علشان مستقبل إنساني
وعشان أطفالنا الجايين
والطالع ماشي الوردية
وحياة الشعب السوداني
فى وش المدفع تلقاني
قدام السونكي حتلقاني
وأنا بهتف تحت السكين
والثورة طريقي وأيامي
معدودة وتحيا الحرية
شعبنا الباسل الجسور نخاطبكم في هذا اليوم المبارك يوم عرفة الذي يعقبه أولى أيام عيد الأضحى المبارك أعاده على أمتنا و بلادنا وهي تنعم بحكم مدني كامل يضع حداً للإنقلاب العسكري الدموي والذي قدمنا خلاله أكثر من مائة شهيد، وآلاف الإصابات ومئات الاعتقالات، وتوجناه عقب زلزال الثلاثين من يونيو، الذي زلزل أركان النظام الانقلابي ليقدم طرحاً واهياً يشبه ما تبقا من النظام الإنقلابي، امتدت #مليونية٣٠يونيو لاعتصامات المدن، مواصلةً للمد الثوري الجماهيري المتزايد، عبر أساليب شعبنا الثورية السلمية، المجربة والمبتكرة، فكان الاعتصام خنجراً في صدور أعداء الثورة، فهو اقتلاع لأراضٍ وطرق وساحات للتعبير عن رفض النظام، فكان الاعتصام ساحةً للنقاشات الثورية و الترابط بين الجماهير الثورية وتبادل الأراء الثورية حول مستقبل الثورة وتحدياتها.
و نظراً لمراعاة أهالي الديوم و المناطق المجاورة لساحة الاعتصام ورغبةً في تسهيل طقوس العيد الأضحى المبارك، من زيارات وغيرها، بالإضافة لتضرر مستشفى الجودة بسبب مكان الاعتصام، ولانحسار الحراك الثوري اللامركزي من مختلف الأحياء والفرقان في شكل مركزي متواصل.
وعليه نعلن نحن في تنسيقيات لجان مقاومة مدينة الخرطوم رفع #اعتصام_الجودة، وكلنا تمام الثقة بأن لنا عودة لسلاح الاعتصامات، ونحن أكثر تنظيماً وتماسكاً وقوة، مستفيدين من تجارب الماضي و ممارسة اليوم ومتطلعين نحو الأفضل سياسياً وميدانياً نحو تطلعات شعبنا الكريم في الحرية والسلام والعدالة.
هنا على صدوركم باقون، كالجدار...
تنسيقيات لجان مقاومة مدينة الخرطوم
٨ يوليو ٢٠٢٢م
#لا_تفاوض_لاشراكة_لاشرعية
#اعتصام_الجودة
#مليونية30يونيو
|
Post: #2
Title: Re: قرار بالانصراف من الاعتصام لحين#
Author: امتثال عبدالله
Date: 07-08-2022, 05:33 PM
Parent: #1
قرار صائب وحكيم ..
على ضرورة العودة بعد العيد للاعتصام أكثر قوة وتماسكا لحين
زوال هذه الغمة التي أصابت البلاد وزوال القتلة والمجرمين وعودة
المدنية كاملة غير منقوصة ....ويعود الأمن والسلام للبلاد
|
Post: #3
Title: Re: قرار بالانصراف من الاعتصام لحين#
Author: كمال عباس
Date: 07-08-2022, 05:42 PM
Parent: #2
اهل الداخل ادري
ولكني اري ان يكون اعتصام الخرطوم مركزيا في موقع واحد
ساحة الحربة مثلا
او في منطقة عامة قريبة من المطار او وسط الخرطوم بحيث يتوج. الاعتصام - ادوات ومراحل الثورة المختلفة ليكون ناضجا ومدروسا تتوفر له كافة مقومات النجاح
وحتي ذلك الحين يجب ان تتواصل التظاهرات والمواكب والحضور الثوري البومي
|
Post: #4
Title: Re: قرار بالانصراف من الاعتصام لحين#
Author: كمال عباس
Date: 07-08-2022, 05:42 PM
Parent: #2
اهل الداخل ادري
ولكني اري ان يكون اعتصام الخرطوم مركزيا في موقع واحد
ساحة الحربة مثلا
او في منطقة عامة قريبة من المطار او وسط الخرطوم بحيث يتوج. الاعتصام - ادوات ومراحل الثورة المختلفة ليكون ناضجا ومدروسا تتوفر له كافة مقومات النجاح
وحتي ذلك الحين يجب ان تتواصل التظاهرات والمواكب والحضور الثوري البومي
|
Post: #5
Title: Re: قرار بالانصراف من الاعتصام لحين#
Author: Asim Ali
Date: 07-08-2022, 06:09 PM
Parent: #4
سلام عليكم وعيد مبارك للجميع
تعرف انو حسب وصف واحد من الزملاء من السكان قربمنطقه اعتصام الخرطوم /الجوده
ذكر انو الاعتصام ممد داخل الحى وبيوتالحى مفتوحه للمعتصمين
الاعتصام كدا زى العندو جذور مثبتاهو من داخل الحى كانها الارض اللى بستوى عليها الشجرة فى ثقه وصمود
اعتصام مختلفعن عن فخ اعتصام القيادة اللى انتهى بمجزرة واتخللو حالات هجوم مسلح متعدده من مليشيات تنظيم الكيزان تحت عين وانف رفاقهم بنى كوز من اللجنه امنيه (الضامنين للاستقرار والامن كما يردد جنرال الخلا !!!!!)
الاعتصامات فى مناطق مفتوحه دى كشفظهر للمعتصمين لمجزرة ومجازر اخرى
اعتصام الخرطوم نموذج اعتصام بظهير شعبى معنويا وجغرافيا على الارض
.
اعتصام الخرطوم فى طيعتو وقد يكون انسب واحد تانى بتاع ش الشهيد عبدالعظيم هم انسب للالا عتصامات
بخلاف اعتصام المؤسسه فى منطقه طبيعتها تجاريه وخدميه (مستشفى احمد قاسم جزء من منطقه الاعتصام ) بخلاف اعتصامات الجوده والاربعين
|
Post: #6
Title: Re: قرار بالانصراف من الاعتصام لحين#
Author: Asim Ali
Date: 07-08-2022, 11:42 PM
Parent: #5
Quote:
الشعب السوداني الكريم،،
في البدء يطيب لنا تهنئتكم بعيد الأضحى المبارك، و ندعو الله في هذه الأيام الطيبة أن ينتصر الحق و تَعُم العدالة و تنعم بلادنا بالأمن و السلام.
شعبُنا المُقاوم،،
نعلن في لجان أحياء بحري استمرار اعتصامنا الباسل من أجل الحريّة، و نوجه دعوتنا لكافة الثائرات و الثوار و المواطنين الشرفاء لإقامة صلاة العيد بمؤسسة الصمود في السادسة و النصف من صباح الغد، و تمتد دعوتنا لمشاركة جميع أطياف المجتمع السوداني و الشرفاء من أبناء الوطن من رجال الدين، أئمة المساجد و الطرق الصوفية.
إنّنا نهدف لإقامة صلاة العيد الجَامعة بأرض الإعتصام في مؤسسة الصمود لما فيها من تعبير عن قيم الترابط و التكاتف، و مؤازرة لأسر الشهداء الذين يُمر عليهم عيد الأضحى في غياب أبناءهم، كما أننا بهذا نود أن نؤكد أنّ هذة الثورة العظيمة أصبحت مُتجذِرة في أعماقنا و صرنا نحيا أيامنا و نحتفل بأعيادنا في ساحات المقاومة و النضال.
ختاماً.. تقبل الله منّا و منكم صالح الأعمال و أعاد الله علينا و عليكم عيد الأضحى المبارك بالخير و اليُمن و البركات.
اعلام لجان أحياء بحري
٨ يوليو ٢٠٢٢
#صلاة_العيد_في_المؤسسة
|
|
Post: #7
Title: Re: قرار بالانصراف من الاعتصام لحين#
Author: Asim Ali
Date: 07-09-2022, 00:42 AM
Parent: #6
Quote:
لجان مقاومة الختمية
#بيان
وماعندو رجعة علي
البيوت
إلا البيوت تلقى
الخلاص !
في البدء نهنئ شعبنا العظيم بحلول عيد الاضحى اعاده الله علينا باليمن و البركات ، ففي ذكرى وقفة العيد نتذكر شهدائنا الأماجد الذين كانوا يمنون النفس بإقامة صلاة العيد بأرض إعتصام المدينة الفاضلة قبل 3 سنوات..
و عليه ندعوا جميع اهالي و سكان حي الختمية شبابا و شيابا و كل سكان مدينة بحري انه قد حانت الفرصة لتحقيق الأمنية بإقامة صلاة العيد بأرض إعتصام مؤسسة الصمود في تمام الساعة 6:30 صباحا في عيد الفداء الأعظم …
وننوه ايضا انه ستكون هناك نقطه لجمع جلود الاضاحي بساحة اعتصام المؤسسة للتبرع بها لمنظمة حاضرين لعلاج جرحى و مصابين الثورة السودانية .
#صلاة_العيد_في_المؤسسة
#إعتصام_المؤسسة
#ميثاق_تأسيس_سلطة_الشعب
#لاتفاوض_لاشراكة_لاشرعية
#اعتصامات_المدن
#مدن_السودان_تعتصم
|
|
Post: #8
Title: Re: قرار بالانصراف من الاعتصام لحين#
Author: هدى ميرغنى
Date: 07-09-2022, 03:16 AM
Parent: #7
سلام زهير وعاصم والجميع ~
وكل عام وأنتم بخير والتحية للشعب السودانى صانع المعجزات.
حقيقة صلاة العيد بارض الإعتصام فيها رد إعتبار وحتى لو بسيط.
|
Post: #9
Title: Re: قرار بالانصراف من الاعتصام لحين#
Author: adil amin
Date: 07-09-2022, 03:58 AM
Parent: #7
شوف كمان "الشعب السوداني العظيم " وهم ما فايتين اللفة وصابرين ومستشفي الجودة وشروني والقصر
انتو لمن تسرقو برنامج علي محمود حسنين اسرقو كويس بعد كسكم فضى يا قحاتة 24 شهر سايقين الشباب بي الخلا بي علم مايو القبيح
والرفس والمحاصصة
الاعتصام بي علم علي محمود حسنين ورؤيتو وبرنامجو ودستورو الواضح او علم الاستقلال فقط
في المركز والاقاليم الخمسة القديمة في "ساحات المولد" في عواصم الاقاليم الخمسة
وفي العاصمة يوم الجمعة العصر في الساحة الخضراء
ويتحدد الاهداف زي ما قال حسنين الثورة رؤية واهداف
ناس الاقاليم
يطالبو بي اعادة المؤسسات الاقليمية دي وبي مرجعيات دستورية واضحة
بالمشورة الشعبية
حاكم الاقليم
حكومة الاقليم
مجلس تشريعي الاقليم
مجالس محلية الاقليم
الادارة الاهلية بمرجعية الجنسية الخضراء في دستور 1973 قبل الرقم الوطني المضروب
ترجع الاقاليم محل الموارد وتملا الوظائف الدستورية بي المشورة الشعبية فقط
اما ناس الخرطوم
يطالبو بتفعيل
1- المحكمة الدستورية ورفدها بقضاة محترمين تدير المرحلة بدل الجيش بقوة القانون مش قانون القوة
2- المراجع العام بالدكلاريشن
3- مجلس سيادي رئيس مدني + حكام اقاليم فقط
4- مجلس تشريعي مركزي بالمشورة الشعبية وبي نسب من الاقاليم الخمسة ناس الاقاليم يجهزو كوتهم للبرلمان المركزي
مش ناس سيداو وعلمانيو وناس الخرطوم 50 مقعد بس
5- وزارة التخطيط والتعاون الدولي بدل كمونية وزارة الاستثمار في بلد والمالية والتخطيط في بلد
6- حكومة مركزية محددة المهام في سنة ونص توصلنا انتخابات وتنقلنا للشرعية الدستورية بدل المشورة الشعبية "اللو جيركا "
ال11 مؤسسة دي هي الدولة اي حاجة غير كده وتراهات
بكون توهان والسقوط في مستنقع الفصل السابع والتتار
وعشان مخنا ما يجي الساعة 12 تاني
ده تقسيم تقريبي للمناصب الدستورية في الاقاليم والمركز لحدي الاحصاء السكاني الحقيقي لي كل اقاليم والمركز
https://www.0zz0.com
عرفتو كيف الدولة بترجع من 1978-2022 يا ناس حقي سميح وحق الناس ليه شتيح
الله يرحم البلدوزر حسنين وانا بس طورت رؤيته وخليتا عملية وعلمية
هسة ارفعو لينا علم الاستقلال او علم حسنين في كل بيوت السودان اذا وصلك البرنامج ده
|
Post: #10
Title: Re: قرار بالانصراف من الاعتصام لحين#
Author: adil amin
Date: 07-09-2022, 04:08 AM
Parent: #9
| Quote: بعد كسكم فضى يا قحاتة 24 شهر سايقين الشباب بي الخلا بي علم مايو القبيح |
كيسكم فضى
ناسف للخطا المطبعي يا كعوك مايو وايتام الترابي
عرفتو ال11 مؤسسة المفروض ترجع الان ليه ؟
وتبقي الاعتصامات ساحة تنوير وتوعية مستمرة لحدي ما نجدع الولايات القبيحة والاقاليم المشوهة وسلام جوبا البييض كمان
ويرجع السودان الدولة والحضارية وكمان نشوف نسمكر جنوب السودان كيف من جديد بي
12-الحريات الاربعة والجنسية والمزدوجة
-13وكمان نحدد موقع وموقف السودان الدولي مع طريق الحرير والحزام والصين ودول وبريكس وليس نادي باريس والبنك الدولي
وشيلوك تاجر البندقية ودلالنه المفضوحين في السودان والعالم العربي الكئيب
والمتغطي بي امريكا والعرب في السودان عريان
https://www.0zz0.com
دول البريكس و الايقاد وافريقيا المدارية بس هي الافق الجديد للسودان الغني الموارد
تحت شعار السودان للسودانيين بتاع المؤسسين وجيل الاستقلال الذهبي 1938-1956
ووراكم والفورة مليون يا ابو الزهور
الثورة بلا افق احسن منها قعااااد ساكت بدل موت الشباب الرخيس والمجاني ده وولولة القحاتة الكيسهم فاضي
سمكرة ثورة الشباب من جديد
يضقلو بيهم الجنرالات 24 شهر حاصل فارغ
|
|