** أحرموني ولا تحرموني شعر محجوب شريف * أحرموني ولا تحرموني سنة الإسلام السلام اﻟﻤﺠد لله في الأعالي وعلى الأرض السلام قدلة يا مولاي حافي حالق في الطريق الشاقِّي الكلام في الفؤاد ترعاه العنايه ملء ُ روحي وعزَّ المنام لو هزمت بلملم ُ غنايا ما بخونو وأبيع الكلام ما بسلم شرف الدوايه للهواجس وليل الخصام غير ذلك ما عندي غايه غير ذلك بئس الختام مني شايف شابت مفارق ما ني خايف وللاَّ انهزا ْم العزايم قط لم تفارق والأماني تمام التمام لو علي أنا بس ماهو فارق الدوام ِ لله الدوام تهنا بين هوَّات الفوارق ياخي ديلك ناس أم هوام كم وكم هم في القلب عالق كم جراحًا تحت المسام المسالك صبحت مهالك والحلال في إيد الحرام البخونك لا شكَّ هالك البجيك في جنح الظلام نحن منَّك ما من هنالك أيُّ هذا الشعب الهمام نحن منك حقًَّا لذلك مستحيل أن نقبل تضام كنت ماهل يابوي وساهل كل دربًا بي ناسو آهل ياحنونًا دافي المناهل مالو زولك ممكون وناحل وأنت عندك يابا السواحل والسهول غاباتك مراحل والشمس والنيل والغمام ياحفيف أنفاس البيارق في الشوارع ودفء الزحام مشتهنَّك مالك مفارق لفته منك تشفى السقام الملامح كانت تسامح والجلوس للحق والقيام
والحناجر ليست خناجر والمنابر ذات احترام كل مايك ولا سلك شايك بين جموع الناس والكلام يا جلوسًا فوق الأرايك والمسدس تحت الحزام
نحن شعبًا للفجر حايك دربتنا أيادي الصدام حصُّلوهم حتى الأجنَّه وصِّلوهم عتبة سجنَّا كنتو إنسًا أم كن ُ تو جنَّا سوف نصمد مهما ِ حزنَّا لو نلاقي الموت ِ سنَّه ِ سنَّه وكل قطرة دم تبقى حنه الليالي لكي تمتحنَّا
التحية والشكر للشاعر أزهرى محمد على الذى سجل للتاريخ: والعمر البروح إيدية *هدر فى مسخرة دعامة* ما ناخد فداه الدية ما بنقبل قصاده غرامة ___________________________ *الدعامة هم ياهو الجنجويد القتلة الغادرون
شكرا الشاعر أزهرى محمد على الذى عبر عنا: * زي سرب القماري صعدنا .. في لحظة وقوع الطامة إتوسمنا خير وقعدنا .. في جحر الأفاعي السامة شن طعم القيادة بعدنا .. شن معناه طولة القامة في القلعة المشيد سورا .. قايلين الوراها نشامة تبت دوشكتا المأجورة تاكل من حلالا حراما .. تتلامع سماحة صورا .. وأولادنا بتموت قداما يا عار القيادة العامة
تحياتى أخى المحترم ، أبو حسين~ *نعم، النصر دائما حليف الشعوب. #تسقط كتائب الجنجويد القتلة المجرمين ،والكيزان والمليشيات ولوردات الحرب وكل المرتزقة وكل عسكرى باع ضميره
Quote: الإعتصام إنفض فى شارع القيادة لكن نبت فى كل قطرة دم وقام فى كل بيت فى كل قصة ثورة قدام… فى كل شهيد صعد عند الله محمود المقام قام إعتصام
Post: #10 Title: Re: 30 يونيو Author: عبد الله حسين Date: 06-29-2022, 03:00 PM Parent: #8
يا بلدي يا فردة جناحي التاني وكت الناس تطير لي عالما وا فجعة الزول البيجيك ما يلقى فيك غير الهجير ناسا تواتي مسالمة كل البشاشات القبيل تلقاها ميتة مسممة والجاتا جاتا من الارض ما جاتا من تال السما ما أعتى غبنك يا ولد وأعدل قضيتك وأعظما لا ترجع السيف الجفير والدنيا فايرة مصادمة
تحياتى يا عبد الله~ نعم. الجات على السودان ما كانت مصيبة إلهية ،جاتها من الأرض من الكيزان اللذين خربوا البلد وقتلوا وسرقوا وشردوا، وأتوا بالمصيبة الكبرى الجنجويد القتلة بمليشاتهم ومرتزقتهم وتحالفهم الآن مع لوردات الحرب منعدمى الضمير ، بائعى دم الضحايا النازفة بلا توقف.
كلمات حميد عليه السلام: فيا حزن البلد عوك كَرْ ويا سعد الولد ضَرْ ضَرْ ... مع النسمي ولي قيمة العمل عمي .. وافتحي ظلمتك للضي *سِنِّي على النضال إيدي *سوِّكي بالهتاف فمي *شوارعك لي دويها علي اذا ما اخر العلاج الكي ... مراويدك حمر صمي مراويدك حمر يا امي بليلتي ولا ضبايح طي قليلتي ولا كُتُر سّمي وطني ولا ملي بطني سكاتي ولا الكلام الني سلام يا امي .. سلام يا امي .. سلام لا هكمي لا دكمي
إلى القتلة جميعهم من تركوا العاصمة وهربوا حتى لا يُواجهوا بمواكب 30 يونيو: إلى الذى ذهب للحج! حميد عليه السلام قال: *يا مُتلبد في الأدران الحجر الأسود ما هو البروة وماها مكاوي الكعبة تجيها حين يتكرفس توب التقوى
نورا تحلم بي عوالِم زي رؤى الأطفال حوالم لا درادر لا عساكر لا مظاليم لا مظالم *** https://www.0zz0.com موكب الثوب الأبيض بأمدرمان السبت 25 يونيو دعما لمواكب 30 يونيو
Post: #17 Title: Re: 30 يونيو Author: عبد الله حسين Date: 06-29-2022, 09:52 PM Parent: #16
30 يونيو شاذ فعل الامر شذ خلي الروح تروح خلي الدم ينز انتوا رصاص شديد ونحنا هتاف يهز وحقنا في الكلام وصوت الحق يرز أطبع ثم وزع هكذا نحن قولنا بسم الله قولكم أقطع جاف وجز 30 يونيو قف مين يقدر يلز البنزين خلاص والسوق مستفز سترة حال نريد وعايشين انتو عز أحسن ليك تسلم ولو ما قدرت فز هذي المرة أعلم الخرطوم تعلم قاهرة المعز
شاعر الشعب الشريف محجوب
ألحان وغناء شمت محمد نور والمجموعة
Post: #18 Title: Re: 30 يونيو Author: هدى ميرغنى Date: 06-30-2022, 03:45 AM Parent: #17
تحياتى وسلامى يا عبد الله~
Post: #19 Title: Re: 30 يونيو Author: هدى ميرغنى Date: 06-30-2022, 04:27 AM Parent: #18
مد كفك يا بنى آدم حرية …سلام …حرية
-حميد عليه السلام
Post: #20 Title: Re: 30 يونيو Author: هدى ميرغنى Date: 06-30-2022, 04:50 AM Parent: #19