الشيوعي يكشف عن تفاصيل التحالف الجديد لمرحلة مابعد 30 يونيو

09:55 AM June, 28 2022

سودانيز اون لاين
مدثر صديق-
مكتبتى
رابط مختصر

الخرطوم: الجريدة
قال الحزب الشيوعي إنه يعمل على بناء تحالف مع نقابات العمال ولجنة المعلمين وتجمع المهنيين السودانيين، للتحضير
لمرحلة العصيان المدني بعد مواكب 30 يونيو.
وقال المتحدث باسم الحزب الشيوعي فتحي فضل، لـ “سودان تربيون”، إننا “نعمل على بناء تحالف مع نقابات العمال وتجمع
المهنيين السودانيين للتحضير لمرحلة العصيان المدني”.
وأشار إلى أنهم عقدوا يومي الجمعة والسبت اجتماعات تتعلق بالوقوف على آخر الاستعدادات لمواكب نهاية الأسبوع لإسقاط
الانقلاب.وأفاد بأن الحزب الشيوعي ينشط في بناء جبهة عريضة من لجان المقاومة والأجسام المطلبية وبعض القوى
السياسية، تتوافق على وثيقة برامجية واحدة، علاوة على العمل على إسقاط الانقلاب.
وانتقد المتحدث الآلية الثلاثية وقال إنها تسعى لإجراء تسوية سياسية وتقاسم السُّلطة مع قادة الجيش، ونحن نعمل على
إسقاط الانقلاب.

الناس البهمهم الامر
كدي فصلوا شوية عشان نفهم
فهنا كثير من الإبهام والخربطة

Quote: وأفاد بأن الحزب الشيوعي ينشط في بناء جبهة عريضة من لجان المقاومة والأجسام المطلبية وبعض القوى السياسية، تتوافق على وثيقة برامجية واحدة، علاوة على العمل على إسقاط الانقلاب.

فلنفترض أن الحراك المدور هسع دا أسقط الإنقلاب وحكومته
الجبهة العريضة دي حتواصل في حراكها براها (بما في ذلك العصيان المدني )
عشان تجيب حكمها هي (يعني ثورة بعد الثورة ؟؟؟؟؟)
ولا ترضو بإنتقالية (من كل القوي السياسية والمهنية ولجان المقاومة )
توصلنا لديمقراطية برلمانية لبرالية (اللبرالية القديمة ديك ما اللبرالية الجديدة )
أها لو ناس الهبوط الناعم شاركوكم في الحراك السياسي المفضي لإسقاط الإنقلاب
حتشاركوهم أو تشتركوا معاهم في أي حكومة إنتقالية قادمة؟؟؟؟
ولا تقولوا لسه التغيير الجذري ما حصل وحتواصلوا حتي تأتوا به ؟؟؟؟

لو برنامجكم دا فيهو أي حاحة غير فترة إنتقالية تفضي إلي إنتخابات حرة نزيهة
نورونا !!!!!!!

ولتفعيل الحوار أورد هنا مقطعا من رزونامة كمال الجزولي المنشورة في الراكوبة هذا الصباح

Quote: ربَّما احتاجت «قوى الحريَّة والتغيير ـ المجلس المركزي» لأن تدفع عن نفسها ، أكثر من اتِّهامها الجَّهير بالرَّغبة في استعادة الشَّراكة مع عسكريِّي «السَّـيادة» الانقلابيِّين ، الهمس الذي ما ينفكُّ يعلو متَّهماً إيَّاها بأنَّ هدف قبولها اللقاءات المتواترة مع جنرالات هذا المجلس ، تبعاً للوساطة الأمريكيَّة ـ السُّعوديَّة ، هو التَّواطؤ لمنع الشِّيوعيِّين من التَّأثير على خيار الشَّارع الغاضب، والمطالب بإسقاط الانقلاب، ومحاكمة رموزه على جرائمهم ! .

يعني ناس الحرية والتغيير لسه عندهم أمل في مشاركة العسكر
وما عندهم رغبة في إسقاط الإنقلاب ومحاكمة رموزه .....
ولا دي هواجس يسارية ساكت؟؟؟؟؟

هل هناك منافسة علي أرض واقع الثورة
بين الشيوعيين وحلفاءهم من جهة وقحت من جهة تانية ؟؟؟؟؟؟؟؟

سلام ناصر الحزب الشيوعي زي ديك العدة كان حاولت طرده بطير بكسر العدة وكان خليتو بخرا فيها ههههه والله انا ما عارف الحزب الشيوعي عايز شنو امو في حمدوك لحدي ما طيرو وفي الفترة الانتقالية لقيت ما جابوا خبرها السؤال الذي يطرح نفسه :-
ماذا يريد الحزب الشيوعي السوداني من السودان واهله؟
تحياتي