هى أكثر شدة من بت قبورة .. وأقوي عيناً من ماما أميرة .. أمرأة بسيطة في تعليمها .. تعصف بالميديا ..
ظهرت خديجة أمريكا .. تتحدي كل الميديا السوداني .. وقدمت أنموذج جديد لنج ... لشيئ أنا ذاتا ما شفت مثله .. متزوجة ومصونة ولها أبناء وأحباب .. لكن شوفوا يعنكم ماذا تفعل خديجة أمريكا .
تعيش كتير .. تشوف كتير .. ح اغرف ليكم من طرف .. وأعرفوا كل ما تشاهدونه ربما لم أشهادة .. أنا فقط مهتم بالنموذج السوداني دا .. دا شنو؟ كوميديا؟
أنا أفتكر هذه السيدة أدخلت .. الميديا المباشر .. كما في أمريكا .. ما في أي شيئ مدسوس .. لا سنسرة للكلام .. تصالح وتخاصم علي الهواء مباشرة ..
من أقوالها: جزمة مقطعة من تحت .. وبنطلونك مقدود ..
وهى حاضرة علي مدي سنين في تك توك .. الواتساب .. واليوتيوب ..
ربنا هباها برجل .. صنف قليل من الرجال .. في كل خرمجاتها التى تسوي فيها .. زوجها حامد قاعد بجوارها .. ولا يقول بغم .. بس حضور مشرف وعنيق دائماً
غايتو تابعوا في بأنفسكم ..
الممثلة القدرة سحر إبراهيم .. تقوم بدور كوميدي عن خديجة أمريكا .. وطبعاً خديجة أمريكا سوت البدع في سحر ابراهيم ..
بريمة
Post: #2 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 06:08 AM Parent: #1
الممثلة سحر إبراهيم
ههههاي!
بريمة
Post: #3 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 06:11 AM Parent: #2
خديجة أمريكا .. ترد علي سحر أبراهيم
بريمة
Post: #4 Title: Re: خديجة أمريكا .. ظاهرة جديدة .. في الأسافير! Author: Hassan Farah Date: 06-28-2022, 06:30 AM Parent: #1
ههههههه غايتو جنس فياقة !!!!!!!
Post: #5 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 06:40 AM Parent: #4
أستاذا حسن فرح سلام ..
بالله، شوف حامد زوجها .. يا أخ دا صنف نادر من الرجال السودانيين .. تخته في الجرح يبري .. طبعاً يوم حامد تكلم الأسافير كلها تناقلت خبره .. اليوم حامد تكلم .. اليوم حامد تكلم ..
ههههاي!
بريمة
Post: #6 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 06:45 AM Parent: #5
تعالوا شوفوا الأقاشي .. أصلي بلادو .. علي يد خديجة أمريكا ..
بريمة
Post: #7 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 06:56 AM Parent: #6
بقية فيديوهات الأقاشي ..
بريمة
Post: #8 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 07:05 AM Parent: #7
بريمة
Post: #9 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 12:31 PM Parent: #8
خديجة أمريكا . منفعلة بشدة
بريمة
Post: #10 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 12:31 PM Parent: #8
خديجة أمريكا . منفعلة بشدة
بريمة
Post: #11 Title: Re: خديجة أمريكا .. ظاهرة جديدة .. في الأسافير! Author: Deng Date: 06-28-2022, 12:54 PM Parent: #10
بقيت زول فارغة يا عبار؟
من الجنجويد الى الشمارات؟
ما عندك خيارات أفضل؟
Post: #12 Title: Re: خديجة أمريكا .. ظاهرة جديدة .. في الأسافير! Author: أبوبكر عباس Date: 06-28-2022, 12:59 PM Parent: #11
بعدين يا عبار، نحن ناس مثقفين كبار، قد نشوف لخديجة أمريكا فيديو واحد من باب حب الاستطلاع، لكن لا يمكن مشاهدة التاني
مشتاقين يا ولد يا أبا
Post: #19 Title: Re: خديجة أمريكا .. ظاهرة جديدة .. في الأسافير! Author: Abureesh Date: 06-28-2022, 03:06 PM Parent: #12
فى الفيديو الأول يا بريمـة.. شفت الحاجة التى ظهرت فى الخلفيـة وكانت تقول بالإشــارة.. لا تسمعوا كلامها ولا تدفعوا.. وهى حتشيل القروش وتنوم. شفت اللقطة؟
Post: #13 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 01:02 PM Parent: #11
خلينا نبتسم يا العبار .. وأبتسم معنا ..!
حسي لو خديجة أمريكا سمعتك ح تقول أنت نعالك مقطعة .. وبنطلونك مقدود من الخلف ..
بريمة
Post: #14 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 01:08 PM Parent: #13
Quote: بعدين يا عبار، نحن ناس مثقفين كبار، قد نشوف لخديجة أمريكا فيديو واحد من باب حب الاستطلاع، لكن لا يمكن مشاهدة التاني
مشتاقين يا ولد يا أبا
رسالتك واصلة يا ول أبا المستنير القصد .. أن الأمر ليس كله ساس يسوس .. السودانيين حتى في منافيهم عايشين ..
هل شفت فيديو صلاح سندالة .. الدقيقة 23 .. قال حلابيب مصرية .. وتعليله بدل الجوع والمهانة أحسن يرطبوا مع المصريين .. تعجبنى هذه الاشياء كتعبير عن مواقف إنسانا السوداني البسيط ..
بريمة
Post: #15 Title: Re: خديجة أمريكا .. ظاهرة جديدة .. في الأسافير! Author: محمد قسم الله محمد Date: 06-28-2022, 02:15 PM Parent: #14
خجيجه بتاعت الساعه كم ياخ الايام دي الدوري شغال منويه وود برلين ههههههه غايتو البباري الأسافير بتودي الكوشه. لكن قطعاً هذه الظواهر مؤشرات للمتغيرات التي طالتنا كسودانيين داخل وخارج البلد..
تحياتي أخونا بريمه
Post: #16 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 02:20 PM Parent: #15
Quote: خجيجه بتاعت الساعه كم ياخ الايام دي الدوري شغال منويه وود برلين ههههههه غايتو البباري الأسافير بتودي الكوشه. لكن قطعاً هذه الظواهر مؤشرات للمتغيرات التي طالتنا كسودانيين داخل وخارج البلد..
تحياتي أخونا بريمه
محمد قسم الله، أخوك نايم نوم في الشمارات بتاعت ود برلين .. المصيبة في الحشرت نفسها .. جوجو . والله جاب دقلها ..
ههههاي .. أنت ذاتك ما ساهل .. متابع ..
كده ورينا أنت داخل السودان أم خارجة .. حتماً خارج السودان!
بريمة
Post: #17 Title: Re: خديجة أمريكا .. ظاهرة جديدة .. في الأسافير! Author: Elhadi Date: 06-28-2022, 02:20 PM Parent: #15
بتجيبوا زمن تتابعوا الحاجات دي من وين ؟؟
نزلت المعاش ولا شنو يا بريمة ؟؟
Post: #18 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 02:24 PM Parent: #17
وينك يا الهادي
Quote: بتجيبوا زمن تتابعوا الحاجات دي من وين ؟؟
نزلت المعاش ولا شنو يا بريمة ؟؟
أبداً والله .. الهنود في الشغل مزرزرني اكثر من ناس سودانيز أونلاين .. عشان كده نمشي نغير الرتابة في الحياة.
بريمة
Post: #20 Title: Re: خديجة أمريكا .. ظاهرة جديدة .. في الأسافير! Author: امتثال عبدالله Date: 06-28-2022, 04:16 PM Parent: #18
يا الهادي حتى الناس الشغالة والطلبة والطالبات في مختلف المراحل الدراسية من الاساس وحتى الجامعة بيقضوا ٢٣ ساعة امام الكمبيوتر والجوال ...والناس حياتها كلها بقت جوال وكمبيوتر .. الله لا كسب الاخترع التكتلوجيا دي ... ونحن ننبذ هذه التكتلوجيا وفي نفس الوقت بنشعر ما بنقدر نعيش من دونها ..واذا الانترنت انقطع لمدة ٥ دقائق نشعر ان الحياة توقفت ... الله لا كسب الاخترع التكنلوجيا دي...
Post: #21 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 04:53 PM Parent: #20
الباشمهندس أبو الريش
Quote: فى الفيديو الأول يا بريمـة.. شفت الحاجة التى ظهرت فى الخلفيـة وكانت تقول بالإشــارة.. لا تسمعوا كلامها ولا تدفعوا.. وهى حتشيل القروش وتنوم. شفت اللقطة؟
ههههاي .. في الفيديو الأول .. دا زوجها حامد .. في الدقيقة 9:01 .. يقول ما تدفعوا ليها أي قرش ..!
بريمة
Post: #22 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-28-2022, 05:00 PM Parent: #21
إمتثال، سلام ..
Quote: الله لا كسب الاخترع التكنلوجيا دي...
ههههاي .. يا أمتثال، المشكلة ليس في الأختراع التكنولجي .. المشكلة في كيفية استغلال التكنولجي ! في علوم الكمبيوتر .. يا أمتثال، هناك مواد تسمى بأخلاقيات مهنة الكمبيوتر .. لازم تنجح فيها حتى يعطوك شهادة مبرمج ..
لكن الله لينا مع خديجة أمريكا، و ود برلين، وجوجو .. والمنهم ..
أتفرجي وأضحكي .. وأمشي في غرضك كل ما يمكن أن نعملوه.
بريمة
Post: #23 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-29-2022, 03:57 AM Parent: #22
خديجة أمريكا .. اليوم رايقة .. ولذيذة.
بريمة
Post: #24 Title: Re: خديجة أمريكا .. ظاهرة جديدة .. في الأسافير! Author: Abureesh Date: 06-29-2022, 01:11 PM Parent: #23
Quote: في الفيديو الأول .. دا زوجها حامد
زوجها كيف يا هندسـة.. هل كان متنكر؟ دى مرة كبيرة فى السن ولابسـة توب.
Post: #25 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-30-2022, 02:02 PM Parent: #24
الباشهندس،
Quote: زوجها كيف يا هندسـة.. هل كان متنكر؟ دى مرة كبيرة فى السن ولابسـة توب.
نعم هو زوجها ظهر خلفها ..
خديجة خمج!
بريمة
Post: #26 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 06-30-2022, 02:02 PM Parent: #24
الباشهندس،
Quote: زوجها كيف يا هندسـة.. هل كان متنكر؟ دى مرة كبيرة فى السن ولابسـة توب.
نعم هو زوجها ظهر خلفها ..
خديجة خمج!
بريمة
Post: #27 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 07-02-2022, 04:33 AM Parent: #26
خديجة أمريكا .. سيدة تجيد الطبخ .. المندي السعودي
بريمة
Post: #28 Title: Re: خديجة أمريكا .. ظاهرة جديدة .. في الأسافير! Author: Biraima M Adam Date: 08-10-2022, 02:29 AM Parent: #27