ألإتحاد الأفريقي وسؤال الأخلاق

00:09 AM June, 23 2022

سودانيز اون لاين
abdalla elshaikh-MEMPHISE-TN-USA
مكتبتى
رابط مختصر

ألإتحاد الأفريقي وسؤال الأخلاق
كل المنظمات والهيئات الدوليه تقوم علي قاعده أخلاقيه تتراضي عليها الدول الموقعه علي إنشاء هذه المنظمة أو تلك وعليه نطرح سؤال الأخلاق علي هذه ~الإتحاد الأفريقي~ لكونه كان الشاهد والراعي الوحيد للوثيقة الدستوريه التي تراضي عليها طرفا الصراع في السودان ~المكون العسكري والمدني وكان شاهد هذا اللقاء تحديداً محمد ولد لباد وعليه أخلاقياً هل سأل ولد لباد الطرف الذي قام بنقض الاتفاق !

محمد ود لباد وبدلاً ان يسائل المجلس العسكري قفز فوق السور وعقّد الأزمه بالجلوس مع وجوه لم يراها يوم أن كان شاهدا علي الإتفاق والذي تمّ تحت رعايته وعليه فهل هو مؤهل أخلاقياً لحل هذه الأزمة ؟ وأظن أن التدخل الأمريكي والذي فاجأ ودلباد كان هو كلمة السر التي أربكت حسابات ودلباد ومجموعة ناس الجهل النشط السيسي و مياده وناس فكي جبرين والمهرج مناوي وتابعيهم من جماعة الموز !

ألشارع السوداني هو الذي أجبر أمريكا لأن تأخذ هذا الملف من يد الإتحاد الأفريقي فأمريكا تراهن علي المستقبل فمعظم المتظاهرين أعمارهم دون الثلاثين عاماً يا مالك عقار وهم قادة البلد مستقبلاً يا التور هجو !

ود الشيخ ياعبدالله
سؤال اخلاقى بتاع الساعة كم
ديل كلهم صنيعة كيزان ودلباد موسى
فكى وقبلهم الهطلة امبيكى مشترنهم
ومدفوع لهم لايخدمون غير اجندة الكيزان
وعساكرهم لجنة البشير الامنية الحاكمة حاليا
بالانقلاب وتذبح يوميا في بناتنا والادنا وتحتقر
الكبير قبل الصغير

حبيبنا ودالشيخ تحياتي يا جميل

99 % من دول افريقيا بدون ديمقراطية
وهم المكون الاساسي للاتحاد الافريقي

كيف يمكن لممثلي هذه الدول تأييد حكومة ديمقراطية

أيضاً اي تعامل من القوى السياسية تجاه المفاوضات
للتخطيط للبقاء في السلطة أو الوصول الى السلطة
يعني فشل كل المحاولات والمبادرات وكامل العملية السياسية
لا بد للاحزاب أن تفكر في الدولة وليس في نظام الحكم ومن يحكم

مشكلتنا الحبيب ودالشيخ .. الصراخ والضجيج بالقيم والاخلاق والديمقراطية
وعند بلوغ الهدف نرجع الى الصفر .. لقد مضت سنوات العمر ولا مفر من الحقيقة
لأبنائنا وأحفادنا .. منذ الاستقلال أو قبله فشلنا في إيجاد نموذج لحكم السودان

أذكر زمان جملة للكاتب الساخر محمد عبدالله الريح قال فيما معناه
(( شباب السوق العربي أنهوا حكم نميري وبعدها رجعوا
وهم يرددوا "حلاتو صابون فونا" .. ولم يعرفوا من البديل في القصر))

المفروض الوصول إلى حل وسط ( تنازلات وتسويات) بدون إقصاء
وإلا ستكون النتيجة نفس أكتوبر وأبريل
قحت ، مهنيين ، شيوعيين ، اسلاميين ، عسكر .... الخ ، وضع الاولوية
لرفاهية الشعب أولاً ..

تحياتي الحبيب ودالشيخ .. ما شاء الله بقينا ننظر في السياسة بعيداً عن التراث النوبي
كنا عايزين وطن آمن وهاديء لنرجع من الاغتراب ونقضي ما تبقى من سنوات العمر
نحن ما مشكلة لم يتقى من العمر الكثير ولكن خوفنا على الابناء والاحفاد

تحياتي الحبيب ودالشيخ .. معليش ما قادر أركز (بدون أي توجه سياسي )
عايزين أمن وجازولين وسماد في ضواحي الدنيا وعلاجنا ما مشكلة في مصر

مودتي يا جميل معليش بدون ترتيب
تحياتي الجميل ودالشيخ

Quote: هل هو مؤهل أخلاقياً لحل هذه الأزمة ؟

الاتحاد الافريقي نفسه اذا مؤهل اخلاقيا
هل المنصة اللي بيعلن منها الانسحاب هي بيت جبريل ابراهيم وجنبو مناوي

ويقال أنه محمد بلعيش شريك فى الشركة المغربية للتنقيب عن الذهب

فى ولاية نهر النيل

ودفى يامزيكا

تحياتى

سلام لصاحب البوست وضيوفه~
يا أخ عبد الله الشيخ مش كان أحسن الصحاب يلقبوك بيكاسو بدلا عن كارلوس😀
——

Quote: * ولد لبات صاحب سجل مخزي في الانتهاكات ويجب استبعاده ‎الخرطوم - الميدان ‎دفعت هيئات ومنظمات ســودانية، بمذكرة إلى الأمين العام للأمم المتحــدة، ورئيــس مفوضيــة الاتحــاد الأفريقــي، تطلــب اســتبعاد محمــد ولــد لبــات ممثل الاتحــاد الأفريقــي، وعضو الآليــة الثلاثية، عن ملف التفاوض الســوداني/ السوداني، لافتقاده لمعايير النزاهة والكفــاءة الأخلاقيــة والمهنيــة، المطلــوب توفرها لــدى الموظفين الأمميين والوسطاء. وقالــت مذكرة الالتماس العاجل، إن “وجود ولد لبات ضمن اعضاء الآليــة الثلاثيــة، مضــر بالعمليــة التفاوضية الحساســة التــي تجري الآن وتهم مســتقبل الاســتقرار في الســودان والمنطقة الأفريقية، وأن مشــاركته في العملية لن تســاعد على الوصــول إلى حل الأزمة السودانية وترسيخ دولة القانون وصيانة قيم حقوق الأنسان”. وأشارت المذكرة إلى أن ولد لبات سبق وشغل منصب وزير الخارجية في نظام دكتاتوري تحت الرئيس معاوية ولد سيدي احمد الطائع، فــي موريتانيا، صاحب الســجل المخزي في انتهاك حقوق الأنســان، حســب ما وثقته منظمات حقوقية وترتبــت عليه ادانات من الأمم المتحــدة. وقالــت المذكــرة إن “شــغله لأعلــى الوظائف الســيادية لنظام معاوية ولد ســيدي احمــد الطائع، أبان ارتكاب هذه الجرائم، يجــرد ولد لبــات من معاييــر النزاهة والكفــاءة الأخلاقيــة والمهنية ‎المطلــوب توفرهــا لــدي الموظفيــن الأممييــن والوســطاء الذيــن تبتعثهم الأمم المتحدة للعمل تحت اشرافها”. ‎وأكدت أن “احترام معايير النزاهة والمصداقية والســلوك المحايد المســتقل هــي مســؤولية الأمــم المتحــدة، كمــا أن الــدول الأعضــاء فــي الاتحــاد الأفريقي والمنظمة الإقليمية نفســها معنية بترســيخ قيــم ومبــادئ الأمــم المتحــدة ولا يمكن أن تقوم بــأي عمل ينتهك هــذه المبــادئ، ومــن بينهــا اختيــار ممثليــن يتحلون بأعلــى درجات المصداقيــة والنزاهــة والحيــاد وســجل نظيــف لــم يتورطــوا فــي انتهــاكات لحقوق الأنســان او كانوا جزء من حكومــات او أنظمة لها ‎سجل سيئ في انتهاكات حقوق الإنسان”. وتابعت: “استناداً على ‎هذه الخلفية وحدها فإن استبعاد ولد لبات من منصب الوسيط هو أمــر مــن صميم عمــل منظمة الأمــم المتحدة، وحتــى لا تجعل من وجــوده كلاعب أساســي في تحريــك هذا الملف، وهو أمر لا يتســق والمعايير الأخلاقية والمهنية الرفيعة التي تنشــدها منظمة الأمم المتحدة في كبار موظفيها والخبراء المستقلين المتعاونين معها”. وأكــدت المذكــرة أن “ولــد لبــات وضح لكثيــر من القوى السياســية وأصحــاب المصلحــة بأنــه صاحــب تأثير ســيئ على ملــف التفاوض الســوداني، بانحيــازه إلــى طــرف المكــون العســكري وخروجــه عــن ‎مقتضيات مهمته كمسهل للتفاوض ليصبح طرفاً فيه”.

دراويش المحبه ناس بدرالدين وشيخ علي و جعفربشير و مهيره وهدي ميرغني سلام عليكم وعبركم نقول لاصحابنا في الحرية والتغيير ما تمشوا أديس أبابا عشان تجتمعوا بالإتحاد الأفريقي لأنو دا تشتيت للكوره وضياع زمن ألزموا ألشارع السوداني فهو وحده من يجبر الخارج للجلوس معكم فالشارع يا جماعه كما النهر سيظل ويظل لمجراهُ أمينا كما قالها مظفر النواب !

ألأخت هدي ميرغني
عارفه أصحابي ناس الثقافه شبكوني كارلوس ! كارلوس ! وضيعوا علي إسم جدي المنا إسماعيل والذي لولاه لما إنتصرت المهديه في كردفان ! مساخيط الثقافه ألاّ لا كسبهم ضيعوا علي لقب كان هسع ختّاني فيلد مارشال جنباً إلي جنب مع ناس مالك عقار وأرزقية دارفور في سنتر الخرطوم ! لكن نقول شنو ؟ ما بتدي حريف ! أقصد ما بتدي مثقف !

عبدالله ياود الشيخ
وياود الضعين وكوستى
ومعهد الموسيقى والمسرح
وصديقى في اصدقائى
مصطفى سيد احمد ومعاوية
عبدالمجيد ومسعود محمد على
انا قاعد هنا في دكان بكرى ابوبكر
وبرضو في الوتساب ناس الفيس بك
ماعندى ليهم زمن ولابعرف كيف احوم
حولهم المهم الغربة طالت والعيال كبرو
وبقو مغتربين وشغالين يحمدو سيدهم في قطر
واناخلاص نويت ارجع لقواعدى سالم مزارع في
جنينة الوالد له الرحمة بارابجى وبرضو ناس الحركة
الشعبية قالو لى تعال كاودا من دربى دا بمش كاودا
المهم دا رقم الوتساب بتاعى 0097455030201
على فكرة الرسائل الخاصة في منبر بكرى مابتمش
المهم نلتقى اتصلا ياصديقى

Quote: ألأخت هدي ميرغني عارفه أصحابي ناس الثقافه شبكوني كارلوس ! كارلوس ! وضيعوا علي إسم جدي المنا إسماعيل والذي لولاه لما إنتصرت المهديه في كردفان ! مساخيط الثقافه ألاّ لا كسبهم ضيعوا علي لقب كان هسع ختّاني فيلد مارشال جنباً إلي جنب مع ناس مالك عقار وأرزقية دارفور في سنتر الخرطوم ! لكن نقول شنو ؟ ما بتدي حريف ! أقصد ما بتدي مثقف !

تحياتى أخى عبد الله~
لا لا تبرأ من المجموعة الرصيتهم ديل. أحسن ليك كارلوس دا، ويا حبذا لو كانوا عملوها بيكاسو😀

ماسك ليه الكرسى!
ولا إتلفت عليه ، يوسوس ساكت مع بتاع المؤمرات الآخر


https://www.0zz0.com

يا ود الشيخ
النديك نشرة اخبار
اصحابك المعنا بالدوحة
عبدالرحمن نجدى دخل نادى
الزهايمر وبقى يقضى معظم
وقته مع حفيدته ياسميت ذات
الثلاثة سنوات يكلمها عن معهد
الموسيقى والمسرح ونادى السنما
وام درمان زمان وخالد الكد وفاطمة
احمد ابراهيم وسعاد ابراهيم احمد
محمد السنى دفع الله طبعا ركبو ليهو
بطارية في القلب وفرحان بيها قال لورجع
السودان مش حايحتاج لكهرباء من فكي جبريل
وهو لان يعمل مدير للمركز الثقافى السودانى
ويساعده ابنه ذو ال 12 سنة محمد سامى الدين
السهرة وردى محمد السنى دفع الله شوف جنس
الجن دا لاقاك وفوق دا دخل الود مدرسة هندية
كلمة التانية يهز ليك الراس هندى موديل سودانى
بس الولد بقى خطير في مسرح العرايس بشتغلو
هو ابوهو لو حضرتهم مش تقدر تمسك نفسك من الضحك
وبرضو سامى بساعد نجدى في اللقاء الشهرى نادى السنما
بالمركز الثقافى