Post: #1
Title: قصه عمك البلوله بقت على البرهان يكون انتبه إنو ماشي أم فكو والله
Author: مصطفى نور
Date: 06-20-2022, 11:49 AM
الاخوه فى المنتدي العام
تحيه طيبه
ابارك ليكم تنحي البرهان فى الايام القادمه سوي تنحي ام اجبر على التنحي ام غرق فى طوفان الشباب والله يحلنا كمان من حميدتي
قصه عمك البلوله بقت على البرهان والله
قالوا ناس حلة جاهم خبر وفاة في حلة بعيده ركبوا لوري نسوان ورجال.
الرجال قاعدين فوق في السيخ والنسوان تحت...
عمك البلوله الزول الاتوفي ده قريبو لما سمع الخبر اتخلع لبس الجلابيه بدون سروال وهو ماعارف
والهبوب يشيل في الجلابيه ويرفعه وعمك ماعارف....
والنسوان بحياء يغضن الطرف ويضحكن سرا
مرتو بخيته قاعده تحته وتقول ليه ياراجل انت بتقع
يقول ليها انا ماسك كويس.
تاني تقول ليه ياراجل انت بتقع دايراهو يستر نفسو.
هو ما جايب خبر ، يقول ليها ياوليه انا ماسك كويس.
بتاع اللوري وقف للصلاه عمك البلولة شال الابريق ودقش الخلا.
لما رفع الجلابيه لقي نفسو ام فكو خجل واتذكر كلام بخيته القبيل...
المهم صلوا وركبوا اللوري عمك البلوله قعد تحت😂
واحده من نسوان الحله قالت ليه انت يالبلوله المقعدك مع الحريم شنو❓
قال ليها انا بقع
🙈🙊
🤣🤣
من زمان الناس بقولوا لي برهان دا انزل بتقع وهو يقول لا انا ماسك كويس هسي امس في اللقاء الاذاعي قال لو دايريني اتنحي بتنحي واعمل تعظيم سلام
يا ربي يكون انتبه إنو ماشي أم فكو😉 ولقي نفسه براه ومافي زول عايزو تبا على العسكر الفاشلين من ضيعوا السودان
|
Post: #2
Title: Re: قصه عمك البلوله بقت على البرهان يكون انتب
Author: مهيرة
Date: 06-20-2022, 01:08 PM
Parent: #1
سلام مصطفى أخوى
ضحكتنا وفرحتنا
البرهان دة وجهه فيه بلاهة وعلامات تخلف عقلى واضح
المهم ربنا يكفى البلد شره وغباءه
أسمح لى أنقل البوست بإسمك طبعاً
تحياتى
|
Post: #3
Title: Re: قصه عمك البلوله بقت على البرهان يكون انتب
Author: مصطفى نور
Date: 06-20-2022, 01:25 PM
Parent: #2
مهيرة
اختاه
تحيه طيبه
نحن فى زمن المحن الزمن الذي حير كل زول ومصيبه نحن من قام بتعليم كل دول ناس دول الخليج يجي اخر الزمن
يحكمنا البرهان وحميدتي وكباشي والتوم هجو وجبريل يعني والله محو اميه عديل كده
ونحن كان لدينا المحجوب ولدينا الازهري وعبدالله خليل وكل من كانوا يشار اليهم بالبنان فى افريقيا وفى العالم
تنقلب علينا الدنيا ويحكمنا الان ناس التوم هجو من كان الامام فى صلاه المغرب ايام اعتصام القصر
وقرا سوره ( لإيلافِ قُرَيْشٍ ) وقال ليلي فى قريش
معقول توصل بنا الحاله لدرجه انو الرجال البلهاء من يحكمونا
ماعارف اقول عليهم شنو غايتو ربنا من فوق سبعه سماوات يحلنا من المصيبه دي
مع تحياتي
مصطفى نور
|
Post: #5
Title: Re: قصه عمك البلوله بقت على البرهان يكون انتب
Author: Asim Ali
Date: 06-20-2022, 06:02 PM
Parent: #3
سلام عليكم
البرهان باجراءات مابعد الانقلاب
ادى دورو فى تقديم النسخه الجديده من نظام الانقاذ والوجوه الجديده لهذا النظام
ولو ذهب الان الان
حتبقى مشكله ازاله تمكين انقلاب 25 اكتوبر 2021
|
Post: #6
Title: Re: قصه عمك البلوله بقت على البرهان يكون انتب
Author: مصطفى نور
Date: 06-21-2022, 07:05 AM
Parent: #5
Asim Ali
لو مشي البرهان الناس بتعرف المره الجايه كيف تتصرف
قطع الرقاب والاعدامات من اول يوم والقطع من خلاف لكل سارق
واعدام كم وواحد من الفاسدين ويكون فى حبل المشنقه فى ميادين عامه حتى يعفن وتاكله الصقور
تبا عليهم ولعنه الله عليهم اجمعين
|
Post: #4
Title: Re: قصه عمك البلوله بقت على البرهان يكون انتب
Author: مهيرة
Date: 06-20-2022, 03:46 PM
Parent: #1
مكرر
|
|