Post: #1
Title: إحذر ... ثلاثه أعضاء ؟؟؟ إحذر ...هولاء الثلاث أعضاء ؟؟؟
Author: مصطفى نور
Date: 06-14-2022, 05:54 AM
04:54 AM June, 14 2022 سودانيز اون لاين
مصطفى نور-مصر
مكتبتى
رابط مختصر
الاخوه فى المنتدي العام فى الموقع الرائع سودانيز اون لاين
السلام عليكم ورحمه الله وبركاته
اخي العضو الغالي الكريم
إحذر ... ثلاثه أعضاء ؟؟؟ إحذر ...هولاء الثلاث أعضاء ؟؟؟
v
v
v
v
v
v
v
v
v
اللســـــــــــــــــــــ ـــــــــــــــان
هذا العضو الخطير والصغير في حجمه الكبير في جرمه كم دخل الناس في
المشاكل من غيبه ونميمه وقطعيه وشمارات وقول فاحش وشتيمه وكذب
وعقوق والداين
ولم يتنبه له أحد إلا من رحم الله فقد حذرنا منه رسولنا الكريم
في أحاديث عديدة وبين أن الكلمة التي ينطق بها اللسان قد تهوي
بصاحبها في جهنم والعياذ بالله بل أن الله قال:
"ما يلفظ من قولٍ إلا لديه رقيب عتيد "
وهذا اللسان للأسف هو مصدر
الغيبة والنميمة والكذب
والسب واللعن والفاحش من الكلام
وياله من عضو فعال في الخير والشر فبكلمة
واحدة قد يدخل الجنة وبكلمة واحدة قد يدخل النار ومن
العجب أن الواحد منا يمتنع عن كثير من المحرمات ان تاكل المال الحرام
والسرقة والزنا وشرب الخمر والمخدرات وغيرها
ولكن يصعب عليه التحفظ من حركة لسانه
واحفظ لسانك يحفظك اعمل حسابك من كل لفظه فالمرء يسلم باللسان
احفظ لسانك قبل ان يدخلك النار
العضو الثاني هو :
القــــــــــــــــــــــ ـــــــــلب
هذا العضو لا يقل خطورة وأهمية عن الأول فالقلب محل نظر الله الي البشر
فإن الله لا ينظر إلى صورنا بل ينظر إلى قلوبنا واعمالنا كما ثبت
في الحديث وهذا العضو إذا صلح صلح جميع الأعضاء
وإذا فسدفسدت جميع الاعضاء ويقول أبوهريرة
رضي الله عنه : "
القلب ملك والأعضاء جنوده فإذا طاب الملك طابت جنوده
وإذا خبث الملك خبثت جنوده "
ولا ينجو يوم القيامة إلا من كان قلبه سليماً من الشرك والبدع
والأمراض الكثيرة كالحسد والكبر والحقد والغل وغيرها
من أمراض القلوب وهذا العضو شديد التقلب
ولذا سمي بالقلب وكثيراً ما كان
الرسول صلى الله عليه وسلم
يدعو في سجوده " يا مقلب القلوب صرف قلبي على طاعتك "
فليتنا ً نسعى فى إصلاح قلوبنا والبحث عن عللها فقد لايخلو
الإنسان من وجود مرض في قلبه إما مرض شهوة أو مرض شبهة
العضو الثالث هو :
البــــــــــــــــــــــ ـــــــــــــــــــــــصر
نعمة عظيمة وهبها الله لنا وسيحاسبنا فيما استعملناها بل أمر الله
بحفظ البصر وغضه عن المحرمات وما أكثر ما نستعمل هذه النعمة
في غير مكانها عبر وسائل الإعلام من شاشات ومجلات وغيرها
من الصور المحرمة التي تعرض علينا صبح مساء
حاول تعود نفسك بغض بصره واستعمله في
طاعة الله واعرف خطورة إطلاقه
في مانهى الله عنه
كل الحوادث مبدأها من النظر ومعظم النار من مستصغر الشرر
كم نظرة فتكت في قلب صاحبها فتك السيوف بلا قوس ولا وتر
مع تحياتي
مصطفي نور
|
Post: #2
Title: Re: إحذر ... ثلاثه أعضاء ؟؟؟ إحذر ...هولاء الثلا
Author: Salah Zubeir
Date: 06-14-2022, 10:26 AM
Parent: #1
هلا مصطفى ...
ياخي بالغتا فوكا ...
قنا الليله نحضر أكشن نضيف ...
أسامي أسامي مافي كلو كلو ...
يعني أحمد ٢٠ و١٠ المصفد ...
وكرومبو ومولانا ... ديل كلهم
لدغتم تفرتك ليك البوست حطبه حطبه ...
نجي نلقاك بتدي درس في الأخلاق ...
كلامك سمح واللهم أنعم وأكرم بس
معظم العضوية حا تقرأ اول متهم
اللسان وحا تغادر ...
😃😃😃
|
Post: #3
Title: Re: إحذر ... ثلاثه أعضاء ؟؟؟ إحذر ...هولاء الثلا
Author: مصطفى نور
Date: 06-14-2022, 03:12 PM
Parent: #2
Salah Zubeir
اخي الغالي
والله البوست كتبتوا فى موقع تاني قبل عشره سنوات ولقيت الناس
بترد وتقول لي خوفتنا يازول
دة رد اخو فى المنتدي الكان كتبت فيه الموضوع زمان
ابدعت وتألقت بهذا الموضوع يا مصطفى نور عسى الله ينور دربك امين ويهديك صراط الحق
ودمت بسلام
تحــياتي ومودتي
|
Post: #4
Title: Re: إحذر ... ثلاثه أعضاء ؟؟؟ إحذر ...هولاء الثلا
Author: محمد عبد الله الحسين
Date: 06-14-2022, 03:43 PM
Parent: #3
صفصف مساءك خير
العنوان خلعني قلت الليلة مصطفى ده داير يقلب الصفحة والأ شنو؟
كيف يا حبيب
|
Post: #5
Title: Re: إحذر ... ثلاثه أعضاء ؟؟؟ إحذر ...هولاء الثلا
Author: مصطفى نور
Date: 06-15-2022, 07:02 AM
Parent: #4
محمد عبد الله الحسين
اخوي الغالي
والله العظيم افتقدك فى المنتدي العام
وان شاء الله بالف خير ولا المشغوليات كتيره الايام دى
وما تكتتر الغياب
وبهديك اجمل ماقيل فى الغياب وصدقني الاغننيه دى كانت رفيقه غربتي
فى كل يوم من ايام الغربه رغم انو العيال والمدام معاي ولكن كنت اسمع الفنان عثمان مصطفي
يوميا وهو يردد الاغنيه الابداع دي
ﻃﺎﻝ ﻋﻠﻴﻨﺎ ﻓﺮﺍﻗﻜﻢ
ﻭﺍﻟﻠﻪ ﻳﺎ ﻏﺎﻳﺒﻴﻦ
ﻗﺪﺭ ﻣﺎ ﻧﻨﺴﻰ ﺍﻟﻌﻠﻴﻨﺎ
ﺑﺮﺿﻮ ﻣﺸﺘﺎﻗﻴﻦ
ﺍﻟﺨﺪﻭﺩ ﺍﻟﺸﺎﺭﺑﺔ
ﻣﻦ ﻟﻮﻥ ﺍﻟﺸﻔﻖ ﻋﻨﺪ ﺍﻟﻤﻐﺎﺭﺏ
ﺩﻳﻞ ﺧﺪﻭﺩﻙ ﺳﻴﺪﻱ
ﺳﻴﺪ ﺍﻟﻨﺎﺱ
ﻳﺎ ﺳﻴﺪ ﺍﻟﺤﺒﺎﻳﺐ
ﺍﻟﻌﻴﻮﻥ ﻃﺮﺗﻨﻲ ﺯﻭﻝ
ﻣﻦ ﺃﻫﻠﻮ ﻏﺎﻳﺐ
ﻭﺍﻟﺸﻌﺮ ﻓﻲ ﻛﺘﻴﻔﻮ
ﻳﺘﻬﺎﺩﻝ ﺳﺒﺎﻳﺐ
ﻭﺍﻟﻠﻪ ﻣﺸﺘﺎﻗﻴﻦ
ﻓﻲ ﻋﻴﻨﻴﻚ ﺗﻈﻬﺮ ﻟﻲ ﺩﻧﻴﺎ..
ﺩﻧﻴﺎ ﺷﻮﻗﻚ ﻓﻴﻬﺎ ﻇﺎﻫﺮ
ﺍﻷﻣﺎﻧﻲ ﺍﻟﺤﻠﻮﺓ ﻫﺎﻳﻤﺔ
ﺯﻱ ﺑﺤﻮﺭ ﻣﺎﻟﻴﻬﺎ ﺁﺧﺮ
ﺍﻟﻜﻠﻴﻤﺔ ﺍﻟﻄﻴﺒﺔ ﻣﻨﻚ ﺯﺍﺩﻱ
ﻭﺣﻴﺎﺗﻚ ﻟﺒﺎﻛﺮ
ﻭﺍﻻﻣﻞ ﻓﺎﺭﺩ ﺟﻨﺎﺣﻮ ..
ﺩﻳﻤﺔ ﺯﻱ ﻋﻴﻨﻴﻚ ﻣﺴﺎﻫﺮ
ﻭﺍﻟﻠﻪ ﻣﺸﺘﺎﻗﻴﻦ
ﺍﻟﻐﺮﻭﺏ ﻳﺴﺄﻟﻨﻲ ﻣﻨﻚ ..
ﺍﻣﺴﻴﺎﺗﻨﺎ ﻓﻲ ﺷﻮﻗﻲ ﺍﻟﻴﻚ
ﺍﻟﺮﻣﺎﻝ ﺍﻟﻨﺎﻋﻤﺔ
ﻣﺸﺘﺎﻗﺔ ﻟﻤﺸﻴﻚ
ﺍﻟﻄﻴﻮﺭ ﺍﻟﺮﺍﺣﻠﺔ
ﻓﻲ ﺿﻞ ﺍﻟﻤﺴﺎ ﺗﺴﺄﻝ ﻋﻠﻴﻚ
ﻛﻴﻒ ﺗﻔﺎﺭﻕ ﺍﻟﻀﻔﺔ
ﻭﺍﻟﻨﻴﻞ ﻫﺎﻥ ﻋﻠﻴﻚ
ﻭﺍﻟﻠﻪ ﻣﺸﺘﺎﻗﻴﻦ
ﻃﺎﻝ ﻋﻠﻴﻨﺎ ﻓﺮﺍﻗﻜﻢ
ﻭﺍﻟﻠﻪ ﻳﺎ ﻏﺎﻳﺒﻴﻦ
ﻗﺪﺭ ﻣﺎ ﻧﻨﺴﻰ ﺍﻟﻌﻠﻴﻨﺎ
ﺑﺮﺿﻮ ﻣﺸﺘﺎﻗﻴﻦ
مع تحياتي
مصطفي نور
|
|