نجمك بالجمال فوق النجوم عليتو والتحتك بعاين لي سماك خليتو يا اهل المروه الفي الحجاز صليتو ليل الفرقه طال والانتظار مليتو عظيم احساسي نحوك يا الغيابك طول لا اترجم كلام لا سيل دموع بتحول عليك يا منادي احساسي وغرامي الاول الشوق ساقني غصباً والضمير اتهول
06-07-2022, 05:16 AM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
خلهن سوا لا تفرقن يالله توماتى انا بعشقن دوره دوره انا بنتاوقن لحظة مابقدر أفارقن ليه عيونى الشوق حارقن والدموع دايرى تغرقن والدن قال ما يمرقن خايف النظرات تلحقن وخايف العين ما تعوقن كان زمان لى شتلو يسقن ومره فى اللوبى يورقن ديمه بالقعده ينقنقن ويحلفن لو ابي ما يصدقن هن وين تانى بيتلقن وليه يحفظن الخالقن يا عيونى انا لا تزهجن ولى مشاعرى انا لا تزعجن لى خيوط السعد انسجن يمكن التومات يخرجن خطوه ... خطوه ... بيندرجن وفى عذابكن بيتفرجن انا ما بخاف الموت والسجن والله جسمى الصبى يتعجن هن مالن ابن ما يجن ويا الله مالى انا ماشى اجن ما بصح يا الحاج اب شنب ولسه ديل ما بقو للادب فى المعاملة ما تكون صعب انت ما تقسى على العنب وما تعكر موية الدهب شمعتين اوعه من اللهب ونحن يا الزينيين لينا رب متلى كم زول مات بالشجن وقبلى ود الزومه انسجن من ضفاير بتموجن من خدودا بتوهجن من تويمات اتخرجن من عيون اترابن نجن فوق عروش الحيا توجن لى مريضن ما عالجن قلبى نيرانو اتاججن وكل اعصابو اتبنجن مالى قبلاتى اتعوجن امشى وين يا نور الدجن
06-07-2022, 05:21 AM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
السلام عليكم الاخوه الاعضاء فى المنتدي العام من صفحتي فى الفيس بوك شعراء وفنانين وعازفين وملحنين واعلامين من السودان مجموعة خاصة · 2000 ألف عضو واغلبهم شباب معاي ليهم سنوات سوف اختار لكم القصائد وعسي ان تنال اعجابكم واغلبهم غير معروفين بس شباب بعرفوا يكتبوا
06-06-2022, 04:21 PM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
مصعب الشاعر ٥ أكتوبر ٢٠٢٠ · كفانا وجع من كم كم وكم كم كم راجين البلد يسلم ومن كم كم وكم جري دم عشان اطرافها تتلملم وياما كم وكم ناااحت علي فقد الفَلّز كم أُم وكم من كم وكم واحد رفع بندق علي راس الاخو وودعم ومن عام كم وليدك يابلد بنذم ظروف لاتحن ولا بترحم بلد محموله تتوحم عشان ايه بس وفوق ام كم بنتنابز ونتحارب وديمه الهم ورانا ورانا بارينا وحصادنا وهم نومنا خزاز حلمنا عشم ومافي عشم حصادو رُزم بلدنا حليلا بتعاني ونفِيسا كتم بلادي عيالا داسين جوه زادا السم بلادي رياحا صَابا سَقَم ولا فيا حيل يرفرف لي سماها علم بدل قندول هو في الافاق بلوح يلوح بندق ونزرع في ترابا لغم ومدام المولي هو الأرحم حانحلم مواصلين نحنا فيها عشم ومادام السلام بشر مؤكد عازه حاتنعم وتتراقص عدييييل وغنا وبتترنم وطول ماالدوشكه ماغنت شعبك دون حرِب بِغنم
06-06-2022, 04:24 PM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
عبدالعال صلاح ٧ ديسمبر ٢٠٢١ · حديث الكلمة و الطلقة يا كلمة قلناها ....... في سمانا منطلقة سلمية درناها...... حالفين عشان نبقي يا كلمة اتقالت........ ردت عليك طلقة ---------------------- يا كلمة قلناها..... هزت عروش الغي عمت شوارعنا ... طافت بيوت الحي من صدر الشهيد المات لحلق الشهيد الحي..... يرحل ظلام الليل يجينا الصباح الضي لا موت ولا سرقة يا كلمة اتقالت..... ردت عليك طلقة كلمتنا من همسة.......الليلة صارت مد سكنت قلوب الكل.....قلوب ما ليهن عد كلمتنا بنقولا.........خلي الرهيف ينقد كلمتنا راح تبقي.... رغم الزمن بتعيش و رغم الوجع بتعيش رغم تجار الدين......و قادة كبار الجيش كلمتنا راح تبقي رغم الكجر بتعيش و رغم السجون بتعيش رغم الرصاص بتعيش و براعة القناص بتعيش شهيدنا حاديها.....الهنا حاميها و الطلقة ما بتقدر..تكتل حرف فيها كلمتنا قلناها بالخطوة و الصفقة يا كلمة قلناها ما بتكتلك طلقة كلمات عبدالعال صلاح عبدالعال مبروك
06-06-2022, 04:26 PM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
١٣ أغسطس ٢٠٢١ · لعنة الإنتماء الي الدماء..!!! أنا من هناك.. من تلك الذري التي تموت وجعا وتمتشق الكبرياء بين غابات الظلام وحريق الشمس الصحراء وأقواس ليست قزحاً ما بين التعرج والإستواء أسود اللونين… بلسان الغرباء جميل القبح كالهيكل الوثني وركام الأشلاء منكم أنا يامن لا تعلمون من أنتم يا قبيلة الدخلاء يا عذاري الوهم يااا خطو جهل الخيلاء يا قتلي حقيقتكم يا كارهي الخير المكنون في كبد السماء نعم عاركم عاري أمجده… رغم تأريخ الخواء ومثلكم أحلم بالكوابيس العراة في حومة البيداء وأدفن رأسي بين الجماجم ورفاة الشهداء وأهرب مثلكم من الأرحام الي حضن شقاء وأعيش وهم السعادة أفرح بموت التعساء تباً لي ولكم وتباً لأرض الخصب حين تنبت الشقاء منكم ولستم مني لكنها لعنة الإنتماء الي الدماء أزهري أبواليسر مدني كاليفورنيا..١٢ اغسطس ٢٠٢١
06-06-2022, 04:28 PM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
عبدالعال صلاح ٢ يناير ٢٠٢١ · ... حبيبة و سكة سفر... افتحي الباب لي دواخلك كان القي لي جواك مكان يا عامرة بي فرح الليالي ضارينا من عين الزمان يا صابرة انتي علي الصبر تدندني الاهات تغني يا ماشة في سكة سفر تزرعي الطرقات تمني زي عوالم في خيالك عامرة بالحب و التهني لا مشقة ولا خصام لا عداوة ولا تجني بس تغني يا مالكة انتي لكل قلبي و كل قلبي حتة مني بفرح شديد لامن اشوفك يا الفي وش الريح و المطر كم طال وقوفك رغم خوفك من قسوة ظروفي و من ظروفك طال وقوفك يا جنتي الدانيات قطوفك يا كعبة الحب النبيل انا جاي اطوفك. كيف عيونك يا وحيدة فهمت الحب و التفاني و كيف في وش الزمان نضحك لا زمانك ولا زماني و كيف معاك في السكة الخطر بلقي في قربك اماني و كيف معادنا مهما طول تجري ساعاتو في ثواني و نتواعد نتلاقي بكرة و نتوادع كأنو ما بنتلاقي تاني كلمات عبدالعال صلاح عبدالعال مبروك.
06-06-2022, 04:33 PM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
مصعب الشاعر ٢٦ أكتوبر ٢٠٢٠ · أمي ونفسي يارسول فداكَ وابي واهلي كلنا نهواكَ قسما بربي بالذي سواكَ لا أرضي فيك حتي إذ ألقاكَ عهدي لك والذي علاكَ مانقص يوم في فؤادي غلاكَ ولا مَنَ مِني لا أذاً ياذاكَ من فوق سبعٍ حافظاً وحماكَ وانا اسيرُ في ظلال هداكَ لا ارضي غيرَ نُورك وثناكَ يانظر عيني إنني لولاكَ لا شئَ إلا أن أنال رضاكَ عليك صلي. أيا بدرُ ماكفاكَ الذي نصلي له والغمام ظلاكَ يكفيك فخرا أن ربي حماكَ وإنني واللهِ والذي أهداكَ خلقا عظيما وبالرساله أتاكَ لا أرجو خيراً ماعدا رؤياكَ وصلي الله وسلم علي سيدي رسول الله #إلا رسول الله
06-06-2022, 04:35 PM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
Tag Bagi ٤ مايو ٢٠٢٠ · اللواء شرطة م دكتور تاج السر عبدالباقي يكتب بمناسبة اسبوع المرور العربي ٤٢ ،،، في الفترة من ٤ مايو الى ١٠ مايو ،، اجتاحتني الذكريات واستعدت الايام الجميلة مع فرقة اطفال المرور التي ساكتب عنها الايام القادمة ،، وتذكرت بعض ما كتبت من اغاني واهازيج للسلامة المرورية استعرض بعض منها كتبنا يا سواق الزم مسارك حتى لا يطول انتظارك جاري مستعجل خبارك للحوادث ناقرو طارك وكتبنا يا سائق الزم طريقك خلي الصبر دايما رفيقك ادي الشارع حقو وزايد في السرعة ما تكون متزايد وكتبنا إشارة المرور تنظم المسير لما يكون النور احمر انت توقف تب لا تعبر ولما يكون النور اصفر استعداد بكل حذر ولما يكون النور اخضر دربك سالك بشويش مر وكتبنا يا سايق سوق بالمهلة مافيش داعي تب للعجلة مهما كان حاجتك بعيدة سوق براحة اكيد تصلها وكتبنا سوق بي مهلتك وما تضيق رجل المرور الفي الطريق اكيد بيكون افضل صديق وللسلامة بيكون رفيق كتبنا سلامتك تهمنا امنك وراحتك همنا طالما الطريق بيضمنا نبذل جميعنا كل جهدنا وكتبنا بالعلامات التزم وللاشارات احترم اجتهد قوي العزم السلامة شيء مهم
06-06-2022, 04:41 PM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
الشاعر فاروق ابراهيم علي ٤ ديسمبر ٢٠١٩ · رحلتي وفتي يا يمه رحل بعدك زمان الضي سكت بعدك غني المردوم وتلاشا الضمير الحي اتاريك ياامي زينت البيت فصل بعدك خرابه علي اشوف في الجدار وتخيل قريب الي بعد فوتك عرفت كتير الخافنو لي لي مين سبتيني يسمحه كترت هموم الدنيا علي وقفت براي فضلت وحيدوسط اقراني جوى الحي ماف زولا بسال حال صبح الزي. ياما شفته اهوال وغرقت بدموع عيني للاصحاب ولا الاخوان يجيب فال لو عارفاه يايمى شن الحال نعيش اغراب كي في كي وين لمتنا وا فرقتنا يا ضل الحراز في الصي بكت عيني صبح حوشنه الكبير وهي خوي الاالزكر بترود خيالك لي .ولا دمعاتي تطفي الهيب البي ولو برجع زمانه الفات ما فرقت يوم بعدك .يانور العيون والضي جاروالناسى ولا واسني اخي اتاري الغربه ما اسفار عرفت الغربه في دارا وسط الحي بترحم عليك كل ما الدنيا تصفني او زادت في جورا علي ببكي لو الدمعي بغسل عناي البي فاروق ابراهيم
06-07-2022, 05:18 AM
مصطفى نور مصطفى نور
تاريخ التسجيل: 05-13-2022
مجموع المشاركات: 5028
ما كفاى يا التومات اذى وما كفاى انا لعب الخذى هو طيف ! ويلاوز لى ملاوزه ما التويمات انا حاجزه وحاجه غيرن ما عايزه يا الجمالكن بقى معجزه السن النقاد عاجزه انت جيب اوصاف موجزه يا قليبى انا حبزه تبقى حالتنا مجهزه ولحظه تأخير ما جائزه *********** ليه يضايقونا الناس كده والغرام .. سنه .... مؤكده أنا قلبي من اول ما بدا بى غرام التومات شدا والعيون مويته جامده البعاد الطال سهده البكى المكتوم شاهده ليها سته شهور شارده من زمان فارقت الندى ما بتشوف ناس هاديه لا زيارات .... لا معايده لا صدف عن ساعه الغدا انا قلت بالصبر ازوده على البعاد يمكن اعوده تانى ترجع متمرده تعيد اشواقه تجدده روحى دركت ........ منو ينجده؟ بلا التويمات الرايده
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
مصطفى نور
فيس بوك
تويتر
انستقرام
يوتيوب
بنتيريست