يا شباب قوقل متلفزكم 24 ساعة ويسجل كمان وانتو ما عارفين (صــورة)

04:41 AM June, 05 2022

سودانيز اون لاين
Abureesh-
مكتبتى
رابط مختصر

اليوم بالصدفة فتحت إيميل من خرائط قوقل وعادة لا افتح هذه الإيملات.. فوجدت العجب العجاب.
الدول التى زرتها فى السنين القليلة الماضية.. ومواقعها على الخريطة..
المدن التى زرتها فى كل دولة
التأريخ الذى زرت فيه كل مدينة.. ومعلومات أخرى كثيرة جدا..
ونحن مبسوطين عشان نستعمل إيميل قوقل (مجاناً) ونستعمل التلفونات (الذكية).. فعلا ذكية..
شوف فى الصورة النقاط الحمراء هى التى زرتها أو أقمت فيها.. لو دست على أى نقطة يديك التفاصيل.. حتى المطاعم والمكاتب الحكومية التى زرتها يجيبها ليك بالصورة.

يا ابو الريش
هل يابق المرء
من ملك قوقل
ويخرج عن ارضا
لها وسماء

واللاى يا بدر حاجة تحيـر..
زى ما شايف فى الخريطة.. اماكن أنا زاتى نسيتها. يقول ليك انت زرت دبى وابوطبى والسودان والصين وبولتيمور ونورث كارولاينا .. وكلها بالتواريخ
يعنى الواحد شايل جاسوس فى جيبـه. والشئ المحير قال فى الصين أنا زرت الحتات دى.. 1و2و3.. وفى السودان قال لى زرت حى أزهرى وام درمان والسلمة.. وبالخارطة عشان ما تغالط.
طيب لو قوقل يعرف عنك دا كله، العم سام حيكون عارف شنو عنك.. واحدة مرة مشت المستشفى للكشف طلعت حامل.. الدكتور قال ليها الحمل حصل يوم كدا شهر كدا.. جات راجعة مبهورة
قالت والله ديل النـ**** زاتها يعرفوها حصلت متين.

Quote: ونحن مبسوطين عشان نستعمل إيميل قوقل (مجاناً) ونستعمل التلفونات (الذكية)

وليه ما نكون مبسوطين؟
اول حركة تسجيل تاريخ حركتك ورحلاتك دي خدمة من قوقل لو عايز توقفها ممكن توقفها.
تاني شي هسه عليك الله يا ابو الريش قوقل يتابعك يعمل بيك شنو؟
أنا غايتو لو قوقل متابعني يبقى قوقل ما عندو شغلة وما عندو موضوع وما في أي معلومة مفيدة حيطلع بيها من متابعتي.

كما قال الاخ حافظ ، ما لم تفعَل خاصية المتابعة بنفسك قوقل ما بشتغل بحركتك

أما كاميرا الهواتف الامامية فحدث ولا حرج !
هنالك دائما طرف ثالث !!!

يا سى حافظ اولا لا يهم انت ما عندك شئ خايف عليه.. ولكن مبدأ الخصوصية.. مافى زول يرضى ان يكون فى واحد ماشى وراه فى الشارع محل ما يمشى حتى لو ما عنده شئ خايف عليه.. واللا كيف؟
مفروض لا تكون مبسوط لأنك مراقب.. أعتقد سبب كافى بصرف النظر عن أى شئ. . بعدين المفروض قوقل يخلى الخاصية دى معطلة ويترك لك الخيار فى تفعيلها.. موش العكس، لأن ناس كتيرة وأنا
منهم لا يعرفون انها مفعلة من المصنع. by default

Quote: بعدين المفروض قوقل يخلى الخاصية دى معطلة ويترك لك الخيار فى تفعيلها

ودا الحاصل فعلا, قبل تفعيل الـ location بسال أي تطبيق السماح بتفعيلها
و تطبيق قوقل مابس ايضا يفعل في اول يوم تستخدم التلفون و تسجل بياناتك (الايميل و اسمك وقم الهاتف) ممكن مراجعة الاذونات الممنوحة للتطبيقات فيها التفاصيل

Quote: بعدين المفروض قوقل يخلى الخاصية دى معطلة ويترك لك الخيار فى تفعيلها

معقولة يا ابو الريش ما لاقتك حاجة زي الصورة التحت دي ووافقت عليها؟
ول الوقت داك ما إتذكرت الخصوصية؟