القمح كان ما كفى ناس السودان يحرم على الجيران

السلام عليكم
الاخوه فى المنبر العام
الاخ الغالي ابوالريش وكل من كتب عن القمح هل تعملوا كم يستهلك السودان من القمج سنويا واعلموا علم اليقين انو السودان والناس محتاجه لكل قمحه
السودان يبلغ استهلاكه السودان من القمح سنويا؟ويتجاوز استهلاك السودان من القمح مليوني طن سنويا،
فيما يتراوح إنتاج البلاد بين 12 - 17 بالمئة من احتياجاته كشف عبد المجيد محمد الطيب، وكيل وزارة الزراعة السودانية بالإنابة،
أن الفجوة بين إنتاج القمح واستهلاكه في السودان تتراوح ما بين 60 إلى 70 في المئة، إذ يبلع الاستهلاك السنوي حوالى 2.4 مليون طن
بينما لا يتجاوز الإنتاج المحلي الـ 700 ألف طن متري تقريباً، يغطي ما نسبته 30 إلى 40 في المئة من الاستهلاك، الكلام ده بتاريخ ...17‏/03‏/2022
طيب يا اخوي ابوالريش وانت الوطني الغيور على السودان من خلال المداخلات معاي فى كم بوست تجي وتقول للمزراعين بيعوا القمح للهند وللصين
وتقول ليهم بيعـوا القمــح - هذه فرصـة الله ساقها اليكم
مفتكر انو البوست كان يكون عن ما كتبت انا انو القمح كان ما كفي ناس البيت وهم ناس السودان بحرم على كل الناس والجيران
وكل زول الا ناس السودان كان الله فى عون الناس فى السودان
وانت عارف الزيت ما كفي ناس البيت يحرم على الاخرين ماعايز اقول على الجيران عشان ما تفهموا غلط
مش اولي ومش احسن القمح ده يباع فى السوق المحلي او الي اي مصنع دقيق عشان يحل ان شاء الله 2 فى الميه من ازمه الخبز فى البلاد
ده تفكيري انا الزول ومن هاجمني الكثير من الاخوه لانني كتبت بوست عن مصر ام الدنيا
السوال الاهم من ده كلوا ووين القروش دي يامن بتتكلموا عن الوطن الجريح الوطن الغالي
الوطن المسكين أعلن السودان، الأحد، عن تقديم السعودية والإمارات 400 مليون دولار، لمساعدته
في توفير مدخلات الإنتاج الزراعى للموسمين الصيفي والشتوى للعام الجاري. وقالت الوكالة إن السودان
تسلم ثلاث شحنات من القمح الأميركي، كل منها 48 ألف طن في يونيو، ويوليو، وأغسطس .25‏/09‏/
2021طيب الاخ الغالي ابوالريش الذي قال بيعـوا القمــح - هذه فرصـة الله ساقها إليك نحن بنستورد قمح من اوكرنيا
والان الحرب مولعه وتجي انت اخي تنصح التجار والمزراعين ان يبعوا القمح بره السودان من هي الدول التي تستورد القمح من اوكرانيا؟
روسيا وأوكرانيا هما من أكبر موردي القمح بالنسبة لعدة دول عربية من ضمنها السودان ومصر ولبنان واليمن،
وقد يجد مواطنو هذه الدول صعوبة قريباً في توفير الخبز على طاولة الطعام بسبب توقف محتمل لإمدادات القمح.26‏/02‏/2022
اخيرا اهديكم كم تنتج كم تصدر اوكرانيا من القمح؟وتعد أوكرانيا من بين كبار منتجي ومصدري الحبوب والزيوت النباتية في العالم
. وقالت أكبر دولة مصدرة لزيت دوار الشمس في العالم أيضا، إنها تستطيع تصدير أكثر من 60 مليون طن من الحبوب، منها 33 مليون طن من الذرة و23 مليون طن من القمح في موسم 2021/22.07‏/03‏/2022
اخيرا الحرب مدوره ومولعه وشوفوا اوكرنيا صدرت كم طن فى ابريل كم تصدر اوكرانيا؟
قالت وزارة الزراعة الأوكرانية إن صادرات الحبوب وصلت إلى 45.709 مليون طن منذ بداية موسم 2021-2022،
إذ استأنفت نشر بيانات تصدير الحبوب.30‏/04‏/2022أوكرانيا تصدر 763 ألف طن من الحبوب منذ بداية ابريل -2022
عشان كده حقوا البوست مفروض يكون فيه حقائق وارقام اخي ابوالريش اظن ماقصرت معاك فى البوست ده
اخي ابوالريش تحيه واحترام اخيرا الاخوه الافاضل اختلاف الراي لايفسد للود قضييه
اخيرا اهدي ليكم جمعيا كلمات محجوب شريف السنبلايه غناء وردي

مهجّنه من غنا الأطفال..
ومن سعف النخيل والنيل
ومن وهج الشمس موّال
وانا اخترتينى إنساناً..
عزيزَ النفس بتمنّى..
وبسيط الحال
علىَّ حرَّمت زرعاً
ما سقيتو حلال
ومافصّد حصادو قفاى
وبينى وبينك الضحكة..
ورحيق الشاى
وطعم الخبز والسُتْره..
ومساء النور
وعمق الإلفة..
بين النهر

والنخله
وغنا الطمبور
وصدق العُشْره بين الأرضِ..
والإنسان
وبيني وبينك الفكرة..
وجمال الذكرى
والنسيان
وحسن الظن
ومشوار الحيا اليوماتى
ما بين الجبل والسهل..
ما بين الصعب والسهل
عزّ الليل..
وفى سكّه مطر بكّاى
فلا هماً تشيلى براكْ
ولا جرحاً أعانى براى
ولانا على بعض نمتن
وتزعلى يوم..

وازعل
وننفعل مرات
تقبّلى منّى..
واتوسّد ضُراعى سكات
وفينا حنينة
تتشابك مودة..
تشابك الغابات
ونحن اذا اختلفنا سوا..
بنطيع الصاح
ولو بتنا القوا بنرتاح
اذا تمن الملح والعيش..
رُضا الشمّات
* وتتكى سنبلايه على ضراعى..
واميل
كأنى غنا الطفوله العذبْ
كأن الدنيا طى القلبِّ والمنديل
كأنّ الدنيا طىِّ القلب والمنديل


مع تحياتي

مصطفي نور