Post: #1
Title: الناظر ترك و تآمره على الشعب السوداني و ثورته
Author: Nasser Amin
Date: 05-31-2022, 09:37 PM
08:37 PM May, 31 2022 سودانيز اون لاين
Nasser Amin-
مكتبتى
رابط مختصر
محمد الامين ترك شن هجوم مباشر و ساهم ضد
حكومة الفترة الانتقالية السابقة بقيادة حمدوك
و اتهم ق ح ت بتضييع حق الشرق في اتفاقية
جوبا و حكاية المسارات الخ الخ الخ.
مع العلم أن الذي ادار و تحكم في مفاوضات جوبا
هم العسكر بقيادة حميدتي و بقية كمبارس ضباط
الجيش السوداني وهو يعلم ذلك تماما..
يتبع.....
|
Post: #2
Title: Re: الناظر ترك و تآمره على الشعب السوداني و ثو
Author: Nasser Amin
Date: 05-31-2022, 09:45 PM
Parent: #1
ترك قفل ميناء (السودان) بايعاز من العسكر و الفلول
لخنق الفترة الانتقالية و هذا أمر يعد بمثابة الخيانة
العظمى للبلد و تسببت في ضياع ثقة المستثمرين
و رؤوس الاموال و حتى العمالة المحلية.
و حدس الانقلاب بمعاونة ترك و اسياده ...
يتبع......
|
Post: #3
Title: Re: الناظر ترك و تآمره على الشعب السوداني و ثو
Author: Nasser Amin
Date: 05-31-2022, 09:57 PM
Parent: #2
مبروك الانقلاب...
طيب...الانقلاب اتعمل و جماعتك مسكوا الحكم
من ٣٥ اكتوبر ، مش مفروض يردو الجميل؟
حاكمين اكتر من ٧ شهور ، ليه ما عملوا تعديل
في المسارات ارضاء لخدماتك الجليلة؟
الثوار و اغلب السودانيين حاليا ما دايرين اتفاق جوبا
لانهم انقلابيين ...
بالواضح كدا
انتا مع اتفاق جوبا و الانقلابيين (عساكر، حركات مسلحة، مدنيين و ارادلة
و هلم زبالة) و ديل مع الاتفاقية و بدون تعديل و بنفس المسارات.
|
Post: #4
Title: Re: الناظر ترك و تآمره على الشعب السوداني و ثو
Author: زهير ابو الزهراء
Date: 05-31-2022, 10:09 PM
Parent: #3
هل تعرف ماذا يحدث في الشرق الان
ومن هم الذين وقعوا اتفاق جوبا
كم المظالم والاهمال وتنفذ الاجانب
هل تعرف عدد الارقام الوطنية التي منحت لبعض مواطني دول الجوار
المشكلة ليست هذا الرجل او ذلك الزعيم القبلي
قضايا الشرق ظلت مهملة منذ الاستقلال
والان المؤامرة اكبر تزوير في التاريخ شغل منظمات ومخابرات
|
Post: #6
Title: Re: الناظر ترك و تآمره على الشعب السوداني و ثو
Author: كمال عباس
Date: 05-31-2022, 10:15 PM
Parent: #4
فوكلر علاقتو شنو بمسار الشرق ؟
وعلاقتو شنو بهموم وتهميش الشرق؟
وعلاقتو شنو بوالي بالبحر الأحمر وناس كسلا وماتصنفوهم بالإرتريين؟
الناظر ترك أقذر شيخ إدارة أهلية وأقذر كوز لأنه يمتطي هموم وقضايا
الشرق لأهداف لاعلاقة بالشرق فقد أشعل الإعتصام الأول خدمة للجنة الأمنية والكيزان وكسلاح في وجه الثوار والقوي المدنية واليوم يرفع كارت عودة الإعتصام لضرب مخطط فوكلر
تماهيا مع حميدتي والكيزان
---
أبدا مافي مشكلة لو أعلن الخائن ترك إنه كان ضد الحكومة المدنية والان
يقف ضد فوكلر إنطلاقا من أجندة سياسية لاعلاقة لها بقضايا الشرق وإنما إنطلاقا من إنتماء كيزاني وتحالف مع قوي مؤثرة في اللجنة الأمنية
بعدها فلينظم إعتصام أو تظاهرة ــ فقط عليه أن يلعب علي المكشوف !
|
Post: #19
Title: Re: الناظر ترك و تآمره على الشعب السوداني و ثو
Author: مدثر صديق
Date: 06-01-2022, 06:33 AM
Parent: #6
سلام كمال عباس
| Quote: الناظر ترك أقذر شيخ إدارة أهلية وأقذر كوز لأنه يمتطي هموم وقضايا |
ترك هو كذلك و عمل على افشال الفترة الانقالية
و لكن لا تنسي البقية ...الحلو يمتطى قضايا النوبة ...و عبدالواحد نور قضايا الفور
مثلهم مثل جون قرنق ...امتطى قضايا الجنوبيين ...و افشل الفترة الانتقالية (1985)
!!!!!!
!!!
!
|
Post: #21
Title: Re: الناظر ترك و تآمره على الشعب السوداني و ثو
Author: Hassan Farah
Date: 06-01-2022, 09:56 AM
Parent: #19
مثلهم مثل جون قرنق ...امتطى قضايا الجنوبيين ...و افشل الفترة الانتقالية (1985)
-----------------------------------------------------
الاخ مدثر صديق هل تذكر ما حدث عام 1983؟
يمكن نسيت ما حدث حينما قام النميرى بإيحاء من الترابى باعلان قوانين الشريعة الناجزة والخروج من اتفاقية اديس اببا بين الشمال والجنوب التى اوقفت الحرب لمدة عشرة سنوات
|
Post: #5
Title: Re: الناظر ترك و تآمره على الشعب السوداني و ثو
Author: Nasser Amin
Date: 05-31-2022, 10:14 PM
Parent: #3
قال عايز يقفل الميناء وإلا يطردوا فولكر
المبعوث الاممي.
اولا حاجة فولكر ما عندو علاقة باتفاقية جوبا
و مساراتها ...
العندو علاقة ، الزول الهددك و قال ليك البحر يبقى دم
حميدتي عمل الشغل دا كلو....لو عندك حبة رجولة
امشي ليهو.
اقفل الميناء، الزول بي يضر في اهلو....انتا خليت سمعة للميناء
اوعك تفتحوا...
فولكر قاااااااعد..... بعدين ما زي حميدتي ...حميدتي قاليك برميكم
في البحر و بسجن 25000 منكم.
يتبع.....
|
Post: #7
Title: Re: الناظر ترك و تآمره على الشعب السوداني و ثو
Author: علاء سيداحمد
Date: 05-31-2022, 10:47 PM
Parent: #5
Quote: قال عايز يقفل الميناء وإلا يطردوا فولكر
المبعوث الاممي.
اولا حاجة فولكر ما عندو علاقة باتفاقية جوبا
و مساراتها ... |
سلمات يا ناصر امين
تم اليوم التمديد للمبعوث الاممي فولكر لمدة عام حتى يونيو 2023م .
|
Post: #8
Title: Re: الناظر ترك و تآمره على الشعب السوداني و ثو
Author: Nasser Amin
Date: 05-31-2022, 11:19 PM
Parent: #7
Quote:
هل تعرف ماذا يحدث في الشرق الان
ومن هم الذين وقعوا اتفاق جوبا
كم المظالم والاهمال وتنفذ الاجانب
هل تعرف عدد الارقام الوطنية التي
منحت لبعض مواطني دول الجوار
|
حبيبنا الزهير ابو الزهراء
يا ريت تدينا فكرة ، انا ما عارف حاجة
عن البتتكلم فيهو دا.
|
Post: #9
Title: Re: الناظر ترك و تآمره على الشعب السوداني و ثو
Author: Nasser Amin
Date: 05-31-2022, 11:49 PM
Parent: #8
Quote:
فوكلر علاقتو شنو بمسار الشرق ؟
وعلاقتو شنو بهموم وتهميش الشرق؟
وعلاقتو شنو بوالي بالبحر الأحمر وناس كسلا وماتصنفوهم بالإرتريين؟
الناظر ترك أقذر شيخ إدارة أهلية وأقذر كوز لأنه يمتطي هموم وقضايا
الشرق لأهداف لاعلاقة بالشرق فقد أشعل الإعتصام الأول خدمة للجنة الأمنية والكيزان وكسلاح في وجه الثوار والقوي المدنية واليوم يرفع كارت عودة الإعتصام لضرب مخطط فوكلر
تماهيا مع حميدتي والكيزان
---
أبدا مافي مشكلة لو أعلن الخائن ترك إنه كان ضد الحكومة المدنية والان
يقف ضد فوكلر إنطلاقا من أجندة سياسية لاعلاقة لها بقضايا الشرق وإنما إنطلاقا من إنتماء كيزاني وتحالف مع قوي مؤثرة في اللجنة الأمنية
بعدها فلينظم إعتصام أو تظاهرة ــ فقط عليه أن يلعب علي المكشوف !
|
سلامات استاذ كمال
ح يكون اكتر زول اضر بقضية الشرق ، ترك (الجاهل)...ترك يستخدم
كبيدق من الانقلابيين.
*عليك يا ترك قغل الميناء طوالي هسي و علي الفور...
فولكر يا( بيدق العسكر و الفلول) جاي بقرار من مجلس الامن
اقفل الميناء لا عايزين صادر و لا وارد
انت بتقدر؟ ما بتقدر
نكرر للحمير جماعتك الانقلابيين حكموا 7 شهور وما عملوا
ليك حاجة؟
دا يدل انك زول دلدول ووسخ....
ورينا سبب واحد انك تسكت الفترة دي كلها؟!!!
يا كوز يا جزمة
|
Post: #11
Title: Re: الناظر ترك و تآمره على الشعب السوداني و ثو
Author: Nasser Amin
Date: 06-01-2022, 00:03 AM
Parent: #9
Quote:
تم اليوم التمديد للمبعوث الاممي فولكر لمدة عام حتى يونيو 2023م .
|
يا علاء سلامات
...حميدتي اشترى ناس كتار ...شئ بكاسي و اموال
و علاج في الخارج(بواسير ) مثلا و يجو يعملوا فيها رجال
*حميدتي هو المسؤول عن التفاوض في جوبا وهو صاحب
المسارات (لا حمدوك و لا الحرية و التغيير) مسؤولة عن تفاوض
جوبا.
ترك لو انت راجل امشي لي حميدتي ...حميدتي الفي الفيديو
هددك بالقتل و السجن.
العساكر استخدموك و رموك زي المنديل الوسخ.
اقفل الميناء و لازم تقفل الميناء.
لو ما قفلت الميناء ، تبقى ما راجل.
بتقدر؟!!
|
Post: #10
Title: Re: الناظر ترك و تآمره على الشعب السوداني و ثو
Author: AMNA MUKHTAR
Date: 05-31-2022, 11:54 PM
Parent: #1
ترق يا معذبهم..😆
Quote: حبيبنا الزهير ابو الزهراء
يا ريت تدينا فكرة ، انا ما عارف حاجة
عن البتتكلم فيهو دا. |
قال ما عارف يا زهير البتتكلم عنه دا .
خليهو في عماهو ..
مراهقة نشطاء سودانيزأونلاين دي فترنا منها.
#ترق_مرق
#بجا_حديد
|
Post: #12
Title: Re: الناظر ترك و تآمره على الشعب السوداني و ثو
Author: Nasser Amin
Date: 06-01-2022, 00:11 AM
Parent: #10
Quote:
¯ قال ما عارف يا زهير البتتكلم عنه دا .
خليهو في عماهو ..
مراهقة نشطاء سودانيزأونلاين دي فترنا منها.
#ترق_مرق
#بجا_حديد
|
سلامات و حمد لله على السلامه يا أمونة
كدي وريني المراهق منو؟
في حاجات كتيرة دايره شرح
مادام جيتي ...أرح
|
Post: #13
Title: Re: الناظر ترك و تآمره على الشعب السوداني و ثو
Author: AMNA MUKHTAR
Date: 06-01-2022, 00:39 AM
Parent: #1
Quote: في حاجات كتيرة دايره شرح
مادام جيتي ...أرح |
مافي أأأي حاجة دايرة شرح.
كللللكم عارفين..كل شي .
من أيام حكومة قحت العسكرية بتاعة(مسرح العرائس).. لما أتباع القحاتة أمثالكم ..
كانوا باصمين بالعشرة على وموافقين على استبدال أهل الشرق بعصابة المسار الإريتريين..
أيام كان صعاليك قحت جعلوا من نفسهم (حاضنة سياسية ) للجنة بشة الأمنية..
الشاتتهم كورة وكشفت نومتهم...🤣🤣🤣
عمبلوك وين بالمناسبة دي ..
قالوا كان بيعزي في وفاة رئيس الإمارات
هو وفردته أسامة داؤوووود.....
|
Post: #14
Title: Re: الناظر ترك و تآمره على الشعب السوداني و ثو
Author: AMNA MUKHTAR
Date: 06-01-2022, 00:46 AM
Parent: #1
🤣🤣🤣
|
Post: #15
Title: Re: الناظر ترك و تآمره على الشعب السوداني و ثو
Author: Nasser Amin
Date: 06-01-2022, 01:33 AM
Parent: #14
يا أمونة
لا حمدوك و لا القحاتة و لا الصعاليك
ما عندهم علاقة بمؤتمر جوبا و لا مخرجاتها
الموضوع انو مؤامرة من البداية و معروف العاملينها
منو؟
الحيطة القصيرة ما بتنفع...
حميدتي و برهان حاكمين ٧ شهور ، رجعوا الكيزان
و رجعوا اجهزة القمع....ليه ما اتراجعوا عن مسار جوبا
المشؤوم.
انا قحاتي و أي شئ وبرضو ما عايزين اتفاق جوبا و لا مساراته
الاتفاق دا عملوا تجار الحروب و هسي راكبين في ضهورنا كلنا.
ما تركزي في القحاتة و (العمبلوك) و المراهقين،،ركزي
في من فعل هذا..
الشرق مهدد و البلد مهددة ككل ، الناس تبقى يد واحدة
|
Post: #16
Title: Re: الناظر ترك و تآمره على الشعب السوداني و ثو
Author: هدى ميرغنى
Date: 06-01-2022, 02:22 AM
Parent: #14
Quote: ترق يا معذبهم..😆
#ترق_مرق
#بجا_حديد |
سلام للجميع~
تحياتى يا آمنة~
قبل ما ابدأ، عايزة أقول ليك من المتابعات لكل كتاباتك بكل أنواعها ومن وجهة نظرى المسكين دا إنك متميزة كتابة وفكرا (ممكن تقول لى عارفة ،عارفة😀) ومن المعجبات بوعيكم إنتى ودكتورة نعمات (الدكتورة كشفت التهافت من أيامهم الأولى).
-عذرا لعدم إلمامى بواقع الشرق والبقرأ و البيسمع أو حتى لو عشت بينكم سنين ما اقدر أفهم قضيتكم بكل تاريخها زى معرفتكم بيها
*قصة الأرترين وغيرهم دى قادرة افهمها وبما إنى من أصحاب نظرية المؤامرة - البعملوا فيه الارترين وغيرهم زى العملوه الإسرائيلين فى فلسطين ، فى عملية إسمها المقشاشة (تكونى عارفة تفاصيلها) بمعنى المقشاشة حقتنا كانت حملة لكنس المواطنين وإحلال مكانهم؛
برضه فى نفس الفيلم التوثيقي حكت الفلسطينية قالت إنهم كانوا عاملات صاحباتهم ويحكوا ليهم مشاكل حياتهم والتفاصيل الإنسانية دى - وكل الفكرة كانت يتمكنوا ، جوا شايلين الاموال واشتروا البيوت والارض بأسعار مغرية واصبحوا هم المالكين ، ولما بنوا السور الفاصل المحزن عمال البناء كانوا أهل البلد لحاجتهم المادية
وفى نهاية يوم العمل يمشوا على أحيائهم البائسة ويطل السور يوميا…أها دى جزء مشابه للحاصل فى السودان.
* **نجئ لموضوع ترق دا - دى مسألة غالبنى افهمها مِنك كله كله كله.
-ترق لما فى البداية شفت تأييدك لمواقفه أيام قفل طريق الشرق - فكرت قلت ترق دا قلب 180 درجة وبقى يشتغل لمصالح أهل الشرق حقيقة ياربى؟.
للأسف ما حصل وياهو كان فى القاعة الجاء جارى ليها حمدوك بكل الذل المصلحى ووقع وناس ترق افتكر كانوا من الحضور.
والمسألة إتواصلت لما القاتل جاء زيارة الشرق- والشباب هتفوا (العسكر للثكنات والجنجويد ينحل) وترق نهرهم وزجرهم ورفع صوته "عايزين عسكرية".
بالمناسبة رأيك فى حمدوك أتفق معاك فيه وضد اى زول كان جاء من برا وبعدها من بدأت إرهاصات الإنقلاب ركبوا طياراتهم وخلوا الشعب واقف امام الرصاص.
لكن رغما عن عدم إتفاقى معاهم - لايمكن ومستحيل أقيف مع اى شخص مؤيد لهذا الإنقلاب الدموى.
|
Post: #17
Title: Re: الناظر ترك و تآمره على الشعب السوداني و ثو
Author: AMNA MUKHTAR
Date: 06-01-2022, 03:02 AM
Parent: #1
أختي الصغرى هدى الدوغرية، كيفك ؟
الله يسامحك رجعتيني هنا وكنت زاهدة..وكمان نعساااانة.
لكن عز على أن أتجاوز مداخلتك النبيهة والصريحة والواااضحة هنا..عكس بعض المرائين النكارين للحقائق
بغرض المكاواة وحظوظ النفس الصغيرة.. دون أي إحساس بالذنب تجاه وطن يتداعى!!
أعتقد إنك شيوعية؟
(صححينى لو أخطأت).
هل مر عليك مكتوب عبد الخالق محجوب المعنون ب :
إصلاح الخطأ في العمل بين الجماهير
هذا، وغيره من الكثير والمثير والخطر..فيما يتعلق بأسئلتك المنطقية أدناه ..وتسأولاتك عن مواقفي تجاهها
التي ترينها متناقضة أو غير مفهومة.
ولأنني أعرف أنها مفهوووومة تماما لغيرك من جلاكين هذا البورد..
بأفكارهم المجلكنة والمعتتة زي أفكار برامج قناة ( سودان بكرة) المسمية نفسها زورا بصوت الثورة 😅
فلذلك أرسلي لي رقم واتس أب حقك في الخاص ..كي أجيب على الأسئلة التي حيرتك هذه👇
Quote: * **نجئ لموضوع ترق دا - دى مسألة غالبنى افهمها مِنك كله كله كله.
-ترق لما فى البداية شفت تأييدك لمواقفه أيام قفل طريق الشرق - فكرت قلت ترق دا قلب 180 درجة وبقى يشتغل لمصالح أهل الشرق حقيقة ياربى؟.
للأسف ما حصل وياهو كان فى القاعة الجاء جارى ليها حمدوك بكل الذل المصلحى ووقع وناس ترق افتكر كانوا من الحضور.
والمسألة إتواصلت لما القاتل جاء زيارة الشرق- والشباب هتفوا (العسكر للثكنات والجنجويد ينحل) وترق نهرهم وزجرهم ورفع صوته "عايزين عسكرية". |
عسى ولعل تجدين عندي إجابات شافية ومنطقية.
تحياتي لك وللعزيزة اللبيبة د.نعمات .
|
Post: #18
Title: Re: الناظر ترك و تآمره على الشعب السوداني و ثو
Author: محمد البشرى الخضر
Date: 06-01-2022, 05:14 AM
Parent: #17
كلام الاغلاق بسبب فولكر دا واضح انه كلام فض مجالس من ترك الراجل جابوه فعالية هلامية لدعم العسكر في شتم فولكر فا كان لازم يقدم قدحه في الموضوع و يهد باغلاق الشرق
التحدي القدامه الآن قدام قواعده وليس غيرهم, معتصمين في الولاية و مطالبين باعفاء الوالي دا غير المطالب الرئيسة عن الغاء المسار, سيد ابو آمنة قال ح نغلق الشرق و ترك قرأت تصريح منسوب له لكن ما متأكد قال ما حنغلق تاني!
شد حيلك يا ترك قدام قواعدك الهتفت ليك الجنجويد ينحل فأنت بين مطرقتهم وبين سندان العسكر
|
Post: #20
Title: Re: الناظر ترك و تآمره على الشعب السوداني و ثو
Author: Abdelrahim Mohmed Salih
Date: 06-01-2022, 08:15 AM
Parent: #18
ليس من مصلحه ترك ولا حميدتى انتقال السودان الى مسار ديمقراطى يعالج الخلل من اركانه ويضع كل فرد فى مكانه
ترك وافق ان يكون مخلب قط ل حميدتى وفلول الكيزان فيما يختص بالشرق وغدا سيصنع حميدتى ترك فى الغرب وفى الوسط والشمال وما اكثر الانتهازيين فى الساحه
|
Post: #22
Title: Re: الناظر ترك و تآمره على الشعب السوداني و ثو
Author: هدى ميرغنى
Date: 06-01-2022, 12:46 PM
Parent: #20
سلام للجميع~
تحياتى يا أمونة~
Quote:
أختي الصغرى هدى الدوغرية، كيفك ؟
الله يسامحك رجعتيني هنا وكنت زاهدة..وكمان نعساااانة.
لكن عز على أن أتجاوز مداخلتك النبيهة والصريحة والواااضحة هنا..عكس بعض المرائين النكارين للحقائق
بغرض المكاواة وحظوظ النفس الصغيرة.. دون أي إحساس بالذنب تجاه وطن يتداعى!!
أعتقد إنك شيوعية؟
(صححينى لو أخطأت).
هل مر عليك مكتوب عبد الخالق محجوب المعنون ب :
إصلاح الخطأ في العمل بين الجماهير
|
أولا التقدير والشكر على الرد اللطيف وأرد على المودة بالمودة~
أختى الصغرى دى ضحكتنى يا أمونة - لكن ما ممكن أمررها ، زمان فى قديم الزمان ، حقيقة قديم الزمان مجموعة من الناس واقفة فى واحد قال لى تشبهى بت أختى ، مش عمرك 18 سنة ، اتلفت لقيت كل الناس مهجومين من ال18 سنة الشوية شديد شديد وشديد جدا على دى…
تانى شئ الشيوعية شرف لا ادعيه 😀 لكن للشمس حيمشي مبارينه
أيوة اطلعت على إصلاح الخطأ بين الجماهير وممكن أفهم موقفك من الطريقة البتشتغلى بيها وسط جماهير الشرق وقريت إضافاتك فى البوست الآخر الفيه المطالب العادلة (عصرت قلبى ، لكن كله بيرجع طالما إنسان السودان موجود ويناضل ، بس الموت المجانى فى السودان يجب أن يتوقف ).
الظلم والإحتلال دا ما بيتزاح إلا بالنضال الحار ولا يمكن الشرق ينال ذرة عدالة فى ظل هذا النظام الدموى القاتل.
الشرق حيفقد أكثر فى ظل هذا النظام الإنقلابى الكيزانى و مع ترق لأنه معاهم بالدرب العديل. حتى أسبابه الآن ما عندها علاقة بقضية الشرق.
•كلامى دا طبعا إنتى عارفاه أكثر منى 😀
|
Post: #23
Title: Re: الناظر ترك و تآمره على الشعب السوداني و ثو
Author: Nasser Amin
Date: 06-02-2022, 09:51 PM
Parent: #22
Up
|
Post: #24
Title: Re: الناظر ترك و تآمره على الشعب السوداني و ثو
Author: Abureesh
Date: 06-02-2022, 10:26 PM
Parent: #23
Quote: و اتهم ق ح ت بتضييع حق الشرق في اتفاقية
جوبا و حكاية المسارات الخ الخ الخ.
مع العلم أن الذي ادار و تحكم في مفاوضات جوبا
هم العسكر |
سلام يا ناصـر
هذا لا يعفى قحت من المسؤوليـة. كانت تعمل شنو؟ ولو ما عندهم سلطات تنفيذية حسب منطوق البتاع الدستورية المقعدهم فى القصر شنو؟ مرتبات؟
|
Post: #25
Title: Re: الناظر ترك و تآمره على الشعب السوداني و ثو
Author: Nasser Amin
Date: 06-02-2022, 11:43 PM
Parent: #24
Quote:
سلام يا ناصـر
هذا لا يعفى قحت من المسؤوليـة. كانت تعمل شنو؟ ولو ما عندهم سلطات تنفيذية
حسب منطوق البتاع الدستورية المقعدهم فى القصر شنو؟ مرتبات؟
|
سلامات اخي ابو الريش
في خطأ حصل و لا يمكن نكرانه ابدا..
المسارات يا هندسة حصلت لتكبير الاكوام
تخيل:
الجاكومي مسار الشمال
التوم هجو مسار الوسط
برطم مسار الشمال
و عملوا مسار الشرق
و مافي زول معترف بالناس ديل و لا بادوارهم
المفاوضات بقيادة دقلو و كباشي و التعايشي الخ
و بحضور المنظمات و ممثلي الدول ذات الصلة
تم تغييب الحرية و التغيير.
*** لو ترق و ناس الشرق كانوا مع الثورة و الثوار
زمااااااان امورهم وضحت و بدل يكونوا مع الانقلابيين
يكونوا مع قوى الثورة...بس الكوزنة لعبت دور.
افهمك اللعبة و من جوبا حميدتي و خادمه البرهان اخترعوا
المسارات لتكبير الكوم و الانقضاض على الحرية و التغيير و تقزيمها.
استخدموا ترق في الانقلاب و لم يستغنوا عن مسار الشرق
لمذيد من الابتزاز.
و تاني ليه؟
لأنو اي تعديل يلغي اتفاق جوبا (المشؤوم).
العايز الانصاف يقيف مع الحق و مع الثورة و الثوار
|
Post: #26
Title: Re: الناظر ترك و تآمره على الشعب السوداني و ثو
Author: ABUHUSSEIN
Date: 06-03-2022, 00:34 AM
Parent: #25
سلام ناصر و سلام لي ضيوفك
ترك زول متخلف و ما بقدر يعمل شي تاني غير الجعجعة
قفل الميناء و تضرروا اهل الشرق اكثر من غيرهم
و ما عندو شي تاني يهدد بيه ....
|
Post: #27
Title: Re: الناظر ترك و تآمره على الشعب السوداني و ثو
Author: Nasser Amin
Date: 06-03-2022, 01:34 AM
Parent: #26
Quote:
سلام ناصر و سلام لي ضيوفك
ترك زول متخلف و ما بقدر يعمل شي تاني غير الجعجعة
قفل الميناء و تضرروا اهل الشرق اكثر من غيرهم
و ما عندو شي تاني يهدد بيه ....
|
سلامات ابوحسين....المشكلة تكون في قضية عادله تضيع
بين المناورات و الترضيات و المواكب و السفر للعلاح و الخ ااخ..
تم استخدام ترق او ترك بصورة ما من العسكر و هسي قرروا
التخلي عنه.
ليه؟ لأنو ما زول مبدئي...ساعد الانقلابيين في انقلابهم ، و الانقلاب
عمره 7 شهور و لم يطالب بمطالبه التي بسببها قفل الميناء
ومن ثم تم تجاهله و مطالبه.
بس خاتينو كبيدق حين يحين استخدامه ، يأشروا ليهو
المرة دي لمن لقى الحرية و التغيير خارج السلطة، صوب سهامه
نحو فولكر و البعثة الاممية.
ترق أو ترك مسخرة حقيقة لاهل الشرق اولا
|
|