مطربة سودانية شهيرة تشتري شقتين بتركيا بما يقارب (500) ألف دولار
Post: #2 Title: امين حسن عمر:انت مفلسة ٢٥ مليون دولار دي قروش Author: بكرى ابوبكر Date: 05-26-2022, 02:56 PM Parent: #1
انت مفلسة ٢٥ مليون دولار دي قروش امين حسن عمر
Post: #3 Title: Re: امين حسن عمر:انت مفلسة ٢٥ مليون دولار دي ق� Author: امتثال عبدالله Date: 05-26-2022, 04:17 PM Parent: #2
يعني الدولارات في السودان ما في أمريكا .... والناس تعبانيين في دول الخليج والامريكتين وفي أصقاع الدنيا والناس جوه السودان بيتكلموا بي ملايين. الدولارات ....و٢٥ مليون دولار يشوفوها بسيطة ...والعنده المبلغ ده مفلس ...يا سبحان الله .!!!! ومطربة تشتري شقة في تركيا بي ٥٠٠ الف دولار ....لييه هي بنغني فقط ل الملوك والرؤساء البيدوها النقطة بالآلاف ؟؟؟؟ ان لله في خلقه شؤون ....
Post: #4 Title: Re: امين حسن عمر:انت مفلسة ٢٥ مليون دولار دي ق� Author: مصطفى نور Date: 05-26-2022, 04:37 PM Parent: #3
اخي الغالي بكري ابوبكر التحيه والاحترام سبحان الله امس كنت عايز اكتب بوست يصب في نفس الموضوع كان فى زيارتي امس الاخ التجاني يعقوب امام مسجد النو فى الحاره الثامنه الثوره وهو الحي الذي اسكن فيه الان فى السودان كنت قد تحدثت مع امام المسجد الاخ الشيخ التجاني وقال لي انا فى مصر فى اكتوبر وانا لي شهرين ومعي العيال حقيقه حزنت كل الحزن لما وصل اليه حال السودان بان يهاجر من السودان ائمه المساجد العلماء وهو امام مسجد النو لمده 25 عام التقيت معه امس فى منزلي وتجاذبنا الحديث فقلت للشيخ التجاني اسالك بالله العلي العظيم سبت البلد مالك يازول قال والله يامصطفي الوضع بقي صعب فسالته وقلت ليه عليك الله ياشيخ التجاني الراتب كم الان قال والله بصرف 13 الف جنيه في ال25 عام الفاتت والان قبل شهرين تكرموا علينا ناس وزراه الاوفاق وعدلوا الراتب الي 40 الف جنيه سوداني تحسرت والله ان يهاجر ائمه المساجد وقارنت الان بين المغني الفنان من لايملك اغنيه ويردد اغاني المراحيم والعداد بتاعه الان فيهم ناس الحفله بتاعته زي ما صرح الفنان كمال ترباس وقال إن عداد حفلاته سيصل الى سبعة ملايين جنيه، والا لن يغني وان وضعه المادي الجيد يساعده في ذلك.وقال ترباس لدي استضافته في برنامج اعترافات بقناة الهلال الفضائية، إن المطربة المثيرة للجدل عائشة الجبل ناجحة بغض النظر عن المحتوى الذي تقدمه، مضيفا أن لكل فنان صرفة ومن حق الجبلية تاخذ صرفتها من شهرة ومال، مؤكدا مشاركته في حفل زفافها الاخير مدفوع القيمة،والرد ياريت يوصل لشخص يقدر ينصف ائمه المساجد والدكاتره والعلماء وكل فئات الشعب الكادحه
Post: #5 Title: Re: امين حسن عمر:انت مفلسة ٢٥ مليون دولار دي ق� Author: Mahjob Abdalla Date: 05-26-2022, 04:56 PM Parent: #4
رد احترافى جدا. هو هنا فقط حاول يتجنب الاجابة و لذلك رمى الصحفية بكلام خلاها طفشت اللفي راسها و تكون نست سؤالها القادم.
دى حركة بعملوها السياسيين الغربيين كثير جدا مع الصحفيين و هنا طبعا بجى دور الصحفي المخضرم و كيف يعرف يزرزر السياسي.
Post: #6 Title: Re: امين حسن عمر:انت مفلسة ٢٥ مليون دولار دي ق� Author: بكرى ابوبكر Date: 05-26-2022, 05:05 PM Parent: #3
شكرا امتثال و مرحب بيك كدي تعالي نشوف السوداني الشغال في امريكا داير كم سنة علشان يوفر مئة الف دولار
لو قلنا شغال في مجال النقل اقصد تكاسي او يوبر
الف دولار في الاسبوع يعني في الشهر ٤ الف في السنة ٤٨ الف ايجار اقل حاجة ٢ الف في السنة ٢٤ الف انترنت +تامين عربية+تامين صحي+كهرباء+اكل و شراب...الخ اديها ١٥٠٠ الف في السنة ١٨ الف يعني حا يوفر ٦ الف في السنة يعني داير ليه تقريبا اكثر من عشرة سنوات علشان يوفر المبلغ ودا لو قلنا ما بدفع ضرائب
لو قلنا شغال مهندس في اي شركة في امريكا و ماهية المهندس في السنة ما بين ٧٥-١٢٠ الف دولار في السنة قول ٩٠ الف
ايجار اقل حاجة ٣ الف في السنة ٣٦ الف انترنت +تامين عربية+تامين صحي+كهرباء+اكل و شراب...الخ و شيل منها الضرائب اديها ٤ الف في السنة ٤٨ الف يعني حا يوفر ١٨ الف في السنة يعني داير ليه تقريبا حوالي عشرة سنوات علشان يوفر المبلغ
لو قلنا شغال طبيب و ماهية المهندس في السنة ما بين ١٢٠-٢٠٠ الف دولار في السنة قول ١٦٠ الف دولار في السنة
ايجار اقل حاجة ٤ الف في السنة ٤٨ الف انترنت +تامين عربية+تامين صحي+كهرباء+اكل و شراب...الخ و شيل منها الضرائب اديها ٧ الف في السنة ٨٤ الف يعني حا يوفر ٢٨ الف في السنة يعني داير ليه تقريبا حوالي ٤ سنوات علشان يوفر المبلغ
و قس علي ذلك
هل تعلمي ان البيوت في ميسوري حيث درس امين حسن عمر ممكن تاخذي بيت بحوالي ٢٠ الف دولار ...قال مفلسة قال زول مغرور و متعجرف
Post: #7 Title: Re: امين حسن عمر:انت مفلسة ٢٥ مليون دولار دي ق� Author: كمال عباس Date: 05-26-2022, 05:11 PM Parent: #6
ماري انطوانيت = وامين حسن عمر سالته المذيعة عنعن وجود مبلغ ٢٥ مليون دولار كاش وعدا ونقدا في غرفته فماذا كان رده ؟ قالبها انت مفلسة دا كلام زول مفلس ساي !خمسة عشرين مليون دولار دي قروش ؟يقول هذا ويطرح نفسه زعيما وقائدا بل وبديل لشعب يعاني الجوع والمرض والفقر. ويعيش. جله تحت خط الفقر !شعب. لايملك اغلب رسوم التعليم وروشتة العلاج ويعيش علي الكفاف ولكنه غني. بامانته. ونزاهته وبعده عن الشبهات ف مائة الف دولار كاش تعد ثروة. لايملكها ولايحلم بها اغلبية الشعبية- ومن سباق كلام امين حسن عمر الاستفزازيالمذيعة. يتضح. انه لايصنف نفسه كمفلس وقد يملك اضعاف هذا المبلغ فمن. اين له هذا المبلغ والثروات ؟وكم كان. يملك قبل انقلاب الانقاذ ؟وكم كان يملك البشير ؟البشير الذي كان يقول عشية الانقاذ انه يسكن في بيت متواضع في حي بسيط من اين لكم هذا ؟دعك من الشعب السوداني كيف يواجه امين حسن عمر البسطاء والمخمومين من الكيزان - ناس المواكب والتاهيل والتكبير - كيف يواجههم بهذا الكلام الاستفزازي ؟كيف يتطلع. لقيادة قواعد يستفزها وبتعالي عليها ؟امين حسن عمر يعيش في انفصام وغيبوبة عن الواقع ومن الواضح انه لايدري لماذا ثار الشعب عليهم ولفظهمعلي السيادةو معارضا للتدخل الأجنبي تعال جاي الحساب ولد !
Post: #8 Title: Re: امين حسن عمر:انت مفلسة ٢٥ مليون دولار دي ق� Author: بدر الدين الأمير Date: 05-26-2022, 05:27 PM Parent: #7
وين صورة امين حسن عمر بسوق الذهب بالدوحة وهو برفقة الدجال محمد محمد خير والاخير بايع كل القيم الانسانية كان الكيزان جابو ملحق ثقافى بالدوحة ابان المفاوضات بين حكومة الكيزان وبعض تجار الحروب في دارفور
Post: #9 Title: Re: امين حسن عمر:انت مفلسة ٢٥ مليون دولار دي ق� Author: مصطفى نور Date: 05-26-2022, 06:35 PM Parent: #6
الاخ الغالي بكري ابوبكر تحيه طيبه عندنا مثل بقول الما شفتو في بيت ابوك بخلعك. والسوال عايز اعرف وتعرفوا من هو امين حسن عمر ولد في 6/11/1951م بمدينة الأبيض بغرب السودان تلقي تعليمه الجامعي بجامعة الخرطوم 1971 - 1975مدرسة العلوم السياسية . وفوق الجامعي كولومبيا ميسوري -ماجستير علوم سياسية ثم دكتوراه العلوم السياسية مع الدكتور “أمين حسن عمر”..
} د. “أمين” هل أنت بديري؟ – أبداً.. نحن عبابدة، والعبابدة هم من قبائل الزبيرية، والقبائل الزبيرية فيهم العبابدة والكواهلة والمناصير والحسانية والحسيناب، كلها قبائل زبيرية، ويرجع نسبهم إلى جدهم “عبد الله بن الزبير”. } أين كان ميلادك ونشأتك؟ – ولدت بالأبيض. } ولماذا الأبيض وليس عطبرة؟ – السبب أن جدنا لوالدتنا كان يعمل بالتجارة في الأبيض، وعادة النساء أن تلد البنت مع أمها، وهذا كان سبب الميلاد ومعظم إخوتي ولدوا بالأبيض.. ووالدنا كان يعمل بالسكة الحديد بعطبرة، لذلك كانت نشأتنا بعطبرة. } كم عاماً أمضيت بالأبيض؟ – الأبيض كنا نذهب إليها في الإجازات والمناسبات، لذلك لم أعش فيها، ولكني عشت في عطبرة. } وأين كانت مراحل دراستك؟ – كل مراحل دراستي من الأولية حتى الثانوية كانت بعطبرة، عدا الجامعة، التي درستها بجامعة الخرطوم. } هل كل حياتك ارتبطت بعطبرة؟ – الوالد بعد أن ترك العمل بالسكة الحديد عمل بأسمنت عطبرة، ومن ثم انتقلنا إلى الخرطوم. } رقم كم أنت بالأسرة؟ – أنا الخامس. } وكم عدد إخوتك؟ – نحن أربعة أولاد وأربع بنات. شايف بابكري ابوبكر ابو امين حسن عمر كان عامل فى السكه حديد وكان عامل فى مصنع الاسمنت في عطبره – الوالد بعد أن ترك العمل بالسكة الحديد عمل بأسمنت عطبرة، ومن ثم انتقلنا إلى الخرطوم يعني لم يورث من ابوه ولا مليم طيب قول من ما اتخرج الي يوم انتهت الانقاذ ال 30 سنه كان شغال فى اخر وظيفه وهي ضابط علاقات عامة في شركة خاصة مدير لمكتب النائب العام مجلة ارابيا (صحفي) نائب رئيس تحرير - مدير تحرير (الراية) مدير مركز البحوث للدراسات الاجتماعية - الخرطوم أمين عام وزارة الثقافة والأعلام مستشار صحفي لرئيس الجمهورية وفي نفس الوقت رئيس مجلس إدارة. في عهد الإنقاذ الوطني عمل وزير دولة بوزارة الثقافة والأعلام رئيس مجلس الإدارة ورئيس هيئة التحرير بالدار الوطنية للأعلام رئيس مجلس إدارة الهيئة القومية للتلفزيون رئيس مجلس إدارة شركة تقانة الاتصالات رئيس مجلس إدارة شركة هواتف للنداء الآلي المدير العام للهيئة السودانية للإذاعة والتلفزيون. عضو الاتحاد العالمي للكتاب والمفكرين (باكستان) رئيس مجلس إدارة هيئة الأعمال الفكرية عضو اتحاد أدباء السودان (78-1981م) عضو اتحاد أدباء السودان (85-1989م) عضو اتحاد الصحفيين عضو ورئيس مجلس إدارة التلفزيون عضو مجلس الصحافة والمطبوعات (دورتان الأولى والثانية) عضو مجلس إدارة منظمة عربسات للأقمار الصناعية 2003-2007م عضو اللجنة الفنية لإعداد دستور 1998م عضو اللجنة القومية لإعداد دستور 1998م عضو الوفد الحكومي لمفاوضات الإيقاد عضو الفنية للدستور الانتقالي2005 عضو اللجنة القومية للدستور الانتقالي2005 عضو الوفد الحكومي لمقاوضات دارفور - أبوجا رئيس مجلس إدارة قناة الخرطوم الدولية رئيس مجلس إدارة مركز الإسلام والعالم المعاصر المدير العام للهيئة السودانية للإذاعة والتلفزيون ترأس الوفد الحكومى لمفاوضات دارفور بالدوحة من العام 2009 إلى العام 2011 وشغل ابان ذلك منصب وزير دولة بوزارة الثقافة والشباب والرياضة رئيس الوفد الحكومي لمفاوضات الدوحة مع الحركات المسلحة في دارفور. فول ال 30 سنه كان وزير الثقافه والاعلام راوح الراتب الاساسي لأعضاء الفئة الثانية بين ( 37 الف) جنيه في الشهر و ( 32 الف) جنيه في الشهر. وتضم الفئة الثالثة الوزير الاتحادي ووالي الولاية ورئيس المجلس التشريعي للولاية ويتراوح الراتب الاساسي للفرد من الفئة الثالثة بين ( 32 الف) جنيه في الشهر و ( 31 الف جنيه ) في الشهر وتضم الفئة الرابعة وزير الدولة الاتحادي والوزير الولائي ورئيس وقول ماصرف في ال 30 سنه ولا مليم من الرواتب الحلال دي مامفروض يكون عندو مليون دولار ولا نصف مليون دولار والشي المضحك كمان كتب شعر عن الوطن المنهوب
يبدو ان امين حسن عمر تعب من حركات ناس الحركات الدارفورية فكتب قصيده جميلة عن الوطن ----- اسميتها له ---- بين الخرطوم والدوحة ---------- -------------------------------- وطني العزيز يهب في جلبابه متسارعًا للمجد في أسبابِه قل للحزين تسيل ماء عيونه ماذا يفيد الدمع في تسكابِه إن كان فارقه الجنوب فإنما ذياك برء المرء من أوصابِه وطن توطَّنه النضارُ وأشرقت شمسُ الفخارِ بسهلِه وهضابِه هو صانعُ المجدِ التليدِ ووارثاً مجد الجدودِ الغُرِ من أنسابِه أخزى جيوش المعتدين وردَّهم كم طامعٍ يمضي على أعقابِه وطنُ الكرامِ المُكرِمين لضيفِهم يقضون حق وفادِه وذهابِه وطنُ الكرامِ الطيبين وإنما فعلُ الفتى يُنبيك عن أحسابِه أسقى بماء النيل كل مُعزَّزٍ وسقى العِداة بمرِّه وبصابِه فالدهر والتاريخ صنو شبابِه والعزُّ والامجادُ من أترابِه وطنَ النجومِ سلمتَ يا وطنَ السنا وفداك من شعبي كرامُ شبابِه وحبتْك أخلاقُ الشجاعةِ منعةً وكساك زهوُ المجدِ من أثوابِه أنت الشريفُ ابنُ الشريفِ بكسبِه والحافظُ العهدِ الوثيقِ كدابِه المستجيبُ لربِه ولدينِه والمستضئُ بنورِه وكتابِه الفارسُ الجحجاح في ميدانِه والعابدُ الأوّابُ في مِحرابِه وطني يؤرقني الفؤادُ بريبِه فكأنه دنفٌ على أحبابه فالحزنُ والتبريحُ رفقة ليلِه والهمُّ زائرُه وطارقُ بابِه يأسى لتقطيع الأواصر عنوة للفقر مسعوراً يعضُّ بنابِه ولذلك الطفل المُخدرِ عقله من بؤسِه من يأسِه مما بِه أما السياسةُ في بلادي سوقُها كلٌ به يسعى إلى آرابه غرَّتهُمُ الدنيا ببعضِ بريقِها فغدت لطالبِها مَنَاخ ركابِه يُزجون من جُمل الكلامِ بضاعةً لا تدري صدق حديثِهم وكِذابِه لكنَّما الوطنُ العزيز مقامُه يسمو برغم جراحِهم وعذابِه وطنَ النجومِ سلمت يا وطنَ السنا بك يستضيء القلب رغم ضبابه -------------------------- الانتباه --------------------------
Post: #10 Title: Re: امين حسن عمر:انت مفلسة ٢٥ مليون دولار دي ق� Author: امتثال عبدالله Date: 05-26-2022, 07:53 PM Parent: #9
اوع يكون قاصد ان جدهم هو عبد الله بن الزبير بن العوام ....الصحابي ...واذا كان هو قاصد الصحابي ..فنحن نسأله الجاب عبدالله بن الزبير السودان شنو ...وهو ما طلع من مكة إلى أن اغتاله الحجاج بن يوسف ...
Post: #11 Title: Re: امين حسن عمر:انت مفلسة ٢٥ مليون دولار دي ق� Author: Hafiz Bashir Date: 05-26-2022, 08:53 PM Parent: #10
"هل يعقل إنت كرئيس تحتفظ بخمسة وعشرين مليون دولار تحت الوسادة" "إنتي مفلسة يا عفراء ول شنو؟ خمسة وعشرين مليون دي شنو بالنسبة لدولة؟ دا كلام زول مفلس بس" سؤال مقدمة البرنامج كان عن إحتفاظ البشير بأموال تخص الدولة في منزله، وهي جريمة بغض النظر عن مقدار المبلغ سواء كان دولار واحد او ملايين الدولارات. أمين حسن عمر نجح في تخطي السؤال وشغل مقدمة اللقاء والناس بموضوع جانبي حول الفلس وما إذا كانت 25 مليون كتيرة ول شوية. أمين قصد أن يقلل حساسية المشاهد تجاه جرئم الفساد في زمن الإنقاذ.
Post: #12 Title: Re: انت مفلسة ٢٥ مليون دولار دي قروش:يا سوداني Author: كمال عباس Date: 05-26-2022, 09:33 PM Parent: #1
والجدير بالذكر ان الامير بن سلمان قد سلم مظروف ضخما يحوي مبلغا كبيرا. -بالدولار - قروش كاش ودولار اخضر سلمه البشير يد بيد وعدا ونقدا وليس عن طريق. مدير مكتبه او السكرتارية. او حتي ادارة المراسم سلمه مباشرة. في رسالة مباشرة - نعرف انك دني ورخيص وفاسد ومرتشي - دا ثمنك - كسر عين واذلال لمن حشد قواته لتقاتل بالوكالة البشير قبض مثل يقبض صغار اللصوص او عسكري. صغير وفاسد. عاوز حق الفطور
والجدير بالذكر ان كبار الضباط. والموظفين يقبضون عن طريق. موظف او جندي اخر وليس يد ليد
Post: #13 Title: Re: انت مفلسة ٢٥ مليون دولار دي قروش:يا سوداني Author: كمال عباس Date: 05-26-2022, 09:37 PM Parent: #12
وقال المتحري : ” المتهم فى أقواله بشأن المبالغ المالية التى عثر عليها بمنزله ببيت الضيافة وهي مبلغ 7 ملايين يورو، قال إنه متبقى مبلغ 25 مليون دولار حصل عليه من ولي العهد السعودي محمد بن سلمان ليصرفها كتبرعات وهبات للمحتاجين”.
وأضاف المتحري” البشير قال إن ولى العهد السعودي عند منحه المبلغ قال له إنهم محتاجين يصرفوا أموال خارج الميزانية للتبرعات والهبات والخدمات الصحية والتعليمية”.
وبحسب المتحري “أفاد البشير أنه تلقى فى وقت سابق مبلغى 35 مليون دولار و30 مليون من العاهل السعودي السابق الراحل الملك عبدالله بن عبدالعزيز، كما تسلم ظرف من الرئيس الإماراتي خليفة بن زايد وجد داخله شيكاً بمبلغ مليون دولار، وكل هذه المبالغ يتم صرفها فى التبرعات والهبات والخدمات الصحية والتعليمية
Post: #14 Title: Two Sudanese passengers were detained by the Central Industrial Security Force (CISF) Author: بكرى ابوبكر Date: 05-27-2022, 01:27 AM Parent: #13
صورة الخبر اعلاه و نص ادناه للقبض علي سودانيين و معهم حوالي ٦٠٠ الف دولار كاش في الهند وهم احمد محمد اسماعيل و عصام علي عمر محمد
Three Sudanese nationals held with US dollars worth Rs 12 crore in Mumbai PTI | May 25, 2022, 08.42 PM IST Three Sudanese nationals held with US dollars worth Rs 12 crore in Mumbai MUMBAI: The air intelligence unit (AIU) of customs has seized US dollars valued at around Rs 12 crore from three Sudanese nationals, an official said on Wednesday.
Two Sudanese passengers were detained by the Central Industrial Security Force (CISF) personnel on Tuesday during a check at the International Security Hold Area of Terminal -2 of the Chhatrapati Shivaji Maharaj International Airport here, he said.
US dollars worth around Rs 5.6 crore were found in their hand baggage, he said. The two passengers were identified as Ahmed Mohamed Ismail Haraza and Essam Ali Omer Mohamed who were on the way to Addis Ababa, the official said. The customs took them in custody. Subsequently, AIU officials raided a hotel on Mohammed Ali Road in South Mumbai and recovered a stash of US currency from another Sudanese national, the official said, adding that the total seizure was valued at Rs 12 crore. All three Sudanese nationals were arrested and a probe is on, he said.
Post: #15 Title: Sudanese woman, from whom they recovered US dollars valued around Rs 9 crore Author: بكرى ابوبكر Date: 05-27-2022, 01:34 AM Parent: #14
ودي امراة سودانية قبضوها و معاها ٩٠٠ الف دولار
Post: #16 Title: Re: Sudanese woman, from whom they recovered US dollars valued around Rs 9 cror Author: حيدر حسن ميرغني Date: 05-27-2022, 02:44 AM
تصدق يا بكري انا لي 5 سنوات برفع اخبار متل دي في الفيس بوك معظمها تهريب ذهب الغريبة كلهن بنات وبسافرن من دبي عملية القبض في مطارات مختلفة ده دليل على انهن متابعات من قبل السلطات الهندية من الذي يستخدمهن ؟ ولماذا من دبي بالتحديد؟
Post: #17 Title: Re: Sudanese woman, from whom they recovered US dollars valued around Rs 9 cror Author: مصطفى نور Date: 05-27-2022, 05:17 AM Parent: #16
خبر قبض الهنود لسودانيين داسين جرامات وكميات من دهب في اماكن غريبه فى اجزاء الجسم الحساسه دي تقريبا بقت كل اسبوع وكل سفريه للهند كل اسبوع قابضين نساء ورجال تافهين افتكر مش رجال عشان الواحد يهرب الدهب يكون الدهب فى اماكن محرمه الواحد يخجل يقول ووين داسين الدهب والله احنا برانا بنجيب لنفسنا المشاكل لانو الهنود اخترعو جهاز زي خابور البواسير لكن بكشف المعادن والدهب خاصه من يلقوك سوداني و جاي من الامارات بقولو ليك ( ادخل للتفتيش ) طوالي بعملوا ليك البحث بالجهاز بتاع الخابور وانت و حظك الجهاز لو صفر حقك راح لو الجهاز ما صفر بقولو ليك معليش نحن كنا نشك فيك ناسف علي ذلك اي سوداني او سودانية بخضعو للتفتيش السمو الخابور دا وكلو بسبب انو الان في ناس لايهم عندهم الشرف ولا الرجوله ولا اي شي غير مايعملوا قروش من التهريب الكتير ولا يهم السمعه والبنات مهربات الدهب للاسف الشديد حتي لو الوحداه تفقد عذريتها لو كانت عذراء عشان تهرب دهبنا ماعندها مانع ياخ ديل كملوا جبل عامر تهريب من الوزراء وكل الناس الذين لا يخجلوا من كيف يهربوا الذهب زمان المثل قال لا تاكل الحره من ثديها هسي بقت عشان تهريب الذهب يخليها تاكل من اي مكان في جسمها لعن الله من كانوا السبب فى تدميرنا يامن خربتتم اقتصاد البلد تبا لكم
