Post: #1
Title: ام درمان الان في صينية الازهري قتلى وجرحى
Author: صديق مهدى على
Date: 05-21-2022, 04:44 PM
03:44 PM May, 21 2022 سودانيز اون لاين
صديق مهدى على-
مكتبتى
رابط مختصر
مسيرة سلمية لا حول ولا قوة من هؤلاء الضالين المضلين
|
Post: #2
Title: Re: ام درمان الان في صينية الازهري قتلى وجرحى
Author: Asim Ali
Date: 05-21-2022, 05:03 PM
Parent: #1
سلامات صديق
برى رضو مدوره لكن مافى كلام عن شهداء او جرحى
|
Post: #3
Title: Re: ام درمان الان في صينية الازهري قتلى وجرحى
Author: Asim Ali
Date: 05-21-2022, 05:06 PM
Parent: #2
Quote:
⭕️ عاجل وشيرو البوست ده
نحنا حاليا في امدرمان محاصرين من اي اتجاه مف اي حل نطلع من الصندوق ده غير الناس تتطلع تترس كل امدرمان دي ويخففو الضغط علينا .
كل القادرين نعملو نقعد في البيوت بس وحاليآ كل الثوار في البيوت والقوات الانقلابيه قاعد جنب اي بيت حولين الشهدا وازهري ومستشفى تقى .
اطلعو قفلو امدرمان علشان نقدر نطلع من بيوت الناس .
|
|
Post: #4
Title: Re: ام درمان الان في صينية الازهري قتلى وجرحى
Author: مصطفى نور
Date: 05-21-2022, 05:33 PM
Parent: #3
ادخلوا ازقه عبدالله خليل والسيد المكي وهناك ازقه العساكر الطرش ديل ميه سنه مايعرفوا يوصلوا ليكم فى زقاق جنب ميدان الحديد تدخل فيه يصلعك في شارع ابوروف الاف الشوراع
هناك بتتطلعك في بر الامان كان الله معكم
|
Post: #5
Title: Re: ام درمان الان في صينية الازهري قتلى وجرحى
Author: Asim Ali
Date: 05-21-2022, 07:32 PM
Parent: #4
Quote:
من امس كان في اعلان عن شغل ثوري في صينية الازهري الساعة واحدة ظهرا وفعلا في الوقت المحدد اتجمع الثوار وبدأو في الهتافات الثورية واشعال اللساتك وجات قوة كبيرة من القوات الامنية وبدأت في فض الموكب بالقمع المفرط بالبمبان والخرطوش والرصاص الحى مما اوقع عدد كبير من الاصابات بين الثوار وصعدت على اثرها روح الشهيد محمد خالد الى بارئها (له الرحمة والمغفرة) وحاولت القوات الامنية مطاردة الثوار في احياء امدرمان القديمة وزقاقات الشهداء بعدها انطلقت موجات التصعيد الثوري في بري وشارع الستين والديوم والدناقلة وشارع الاربعين وشارع الثورة بالنص عن طريق اشعال اللساتك في الشوارع والتصعيد مستمر حتى هذه اللحظة في عدد من الاحياء ومن المتوقع ارتفاع حدة التصعيد عقب تشييع الشهيد له الرحمة والمغفرة
ظاهرة القمع المفرط بالرصاص الحي لكل مواكب امدرمان تستحق الدراسة فقد شهدنا اطلاق الرصاص من دوشكا في مواكب 25 ديسمبر بكبري الفتيحاب و30 ديسمبر بالقرب من السلاح الطبي و6 ابريل من هذا العام بالقرب من البرلمان اثناء لحظة الافطار اما رصاص الكلاش فقد كان حاضرا في كل المواكب منذ الانقلاب وان كان بصورة كبيرة في مواكب 30 اكتوبر في شارعي الاربعين والموردة و13 و17 و21 و25 نوفمبر في شارعي العرضة والاربعين سقط على اثرها عدد من الشهداء لهم الرحمة وعدد كبير من الاصابات التي نتجت عنها اصابات بالشلل بالاضافة للرصاص الثابت في كل مواكب يناير في صينية بانت حتى ان الرصاص في امدرمان تم اطلاقه المشييعين اثناء تشييع الشهيد الروسي في مطلع يناير والشهيد على حب الدين يوم 9 يناير في شارع العرضة لدرجة اننا في تشييع الشهيد احمد مقام الدين اضطرينا نمشي بطريق طويل من المشرحة للبيت عشان م نتعرض لاطلاق الرصاص اثناء التشييع ذي كل مرة بالاضافة للرصاص التم اطلاقه اكثر من مرة في شارع الشهيد جوني وسقط على اثره عدد من الشهداء لهم الرحمة منهم الشهيد بابكر دا غير ان قبل اسبوع كان في موكب داخلي لثوار امبدة برضو اتعرضو لقمع غريب جوة الحلة وهذا مايجعلنا نتسآءل لماذا القوات الامنية في امدرمان تميل لاستخدام الرصاص بصورة كبيرة ...؟
#الثورة_مستمرة
|
|
|