Post: #2
Title: Re: المهم المنبر دا ما بفتح في الضهاري لشنو؟
Author: توفيق عيسى مكي
Date: 05-20-2022, 11:14 PM
Parent: #1
هو الضهاري فضل فيها زول
|
Post: #3
Title: Re: المهم المنبر دا ما بفتح في الضهاري لشنو؟
Author: طلحة عبدالله
Date: 05-21-2022, 08:45 AM
Parent: #2
يا هلا بالباشا الأمير
أيوة فضل فيها (حسب معرفتي ) أنا وما يليني وعبدالجبار
واسماعيل وست النفر وتهاني بت عجب الدور وحاجة النور
بتشديد النون والبون خخخخخ
كما فضل فيها آخرين اعلمهم ولا تعلمهم .
المهم المنبر حلف يمين ستين ما يوري وشو قدر
ما عافروه
يحدث هذا والانترنت قوي جدا والمواقع التانية فاتحااااااااا
على مصراعيها وأية موقع في الكون عايز تجيبو بجيك
جري إلا موقع بكري دا ..
اعتقد انها مؤامرة خبيثة على أهل الضهاري.
|
Post: #4
Title: Re: المهم المنبر دا ما بفتح في الضهاري لشنو؟
Author: Haytham Ghaly
Date: 05-23-2022, 06:09 AM
Parent: #3
شكلك في البلد
بختك ياخ مفروض ما تكون فاضي زاتو من الونسات والمجاملات
واجمل شي انك تمشي في التوقيت دا وتحضر تباشير الخريف ورائحة الارض بعد اول مطرة والزيفة والجو النضيف
ياخ نحنا عندنا ارض تتميز بالرائحة الطيبة رائحة لن يستطيع توم فورد على محاكاتها ولو رقة راسو بالسما
بختك ياخ .. استمتع وخلي الميديا الكلها مشاكل وهموم دي
|
Post: #5
Title: Re: المهم المنبر دا ما بفتح في الضهاري لشنو؟
Author: Salah Zubeir
Date: 05-23-2022, 08:33 AM
Parent: #4
اوووو أستاذنا طلحه ...
حبابك وشرفت الديار ...
عموما يا طلحه أنا زاتي ساكن شرق النيل
وزول ضهاري في اللسبوع ممكن أسافر مرتين ...
بسافر نهر النيل شرقا مما اصل الجيلي وغربا
مما اصل الحقنه بكون برا شبكات 4G و3G
وغالبا من البيت بختو في 2G الذي يضمن
لي الاتصال التلفوني بدون نت ... البنية
التحتية للإتصالات ضعيفة وتعيسة جدا
لأنها ليست أولوية وضعيفة التنظيم ...
حنك الأولوية عند العساكر الماسكين البلد هو
تصحيح الأوضاع وتوافق العطالة السياسيين
ديل ... والأولوية عند السياسيين هي لا تفاوض
ولا شراكة ولا شرعية ... ونحنا نضرب راسنا بالحيطة ...
البلد اختلط فيها الحابل بالنابل والسياسة
صارت هدفا للكل (easy income) ... المهني
والعسكري والمتمرد والعاطل والصانع والزارع
والطالب وحتى تلاميذ الأساس كلهم ساكين
السياسة ... والدولة تتدحرج نحو الهاوية ...
Quote: واجمل شي انك تمشي في التوقيت دا
وتحضر تباشير الخريف ورائحة الارض بعد اول
مطرة والزيفة والجو النضيف |
تحياتي هيثم ...
😃😃😃
ساونت عدوك ...
مافي شك شهر ٥ هو الأسوء بين كل شهور السنة ...
ياخي قبل اسبوع واقف في الضل وسط الخرطوم
قمت عاينتا للتلفون لقيت درجة الحرارة ٥١ C ...
لاحظ انا واقف في الظل ... ياخي أكسجين
الله دا في تلتله ... وتكتمل مصيبتك في عدم
وجود نسمه ساي وفي عدم وجود كهربا ... وما
عندها حل غير تسكن في العربية وتبقى دافع
٤ مليون جنيه لجالون البنزين ...
|
Post: #7
Title: Re: المهم المنبر دا ما بفتح في الضهاري لشنو؟
Author: جلالدونا
Date: 05-23-2022, 06:24 PM
Parent: #6
| Quote: اعتقد انها مؤامرة خبيثة على أهل الضهاري. |
مؤامرة شنو يا اللخو
الحل بسيط جدا ,,, ارحلوا الخرطوم بكان توفيق ساكن
|
Post: #8
Title: Re: المهم المنبر دا ما بفتح في الضهاري لشنو؟
Author: Ali Alkanzi
Date: 05-23-2022, 07:44 PM
Parent: #7
| Quote: الحل بسيط جدا ,,, ارحلوا الخرطوم بكان توفيق ساكن |
بس ياها الناقصة
الما رحل منو للخرطوم؟
حتى الحركات المسلحة رحلت الخرطوم
|
|