Post: #3 Title: Re: صلاح حاج سعيد أنبل شاعر غني له مصطفى سيد ا� Author: بدر الدين الأمير Date: 05-17-2022, 02:05 AM Parent: #2
يحي قباني وين منك البلابل ووين نور بيتنا وشاعرها صلاح حاج سعيد النبل والتواضع والإنسانية
Post: #4 Title: Re: صلاح حاج سعيد أنبل شاعر غني له مصطفى سيد ا� Author: مصطفى نور Date: 05-17-2022, 09:10 AM Parent: #3
الحزن النبيل كلمات الشاعر الجميل صلاح حاج سعيد
وبقيت أغنى عليك .. غناوى الحسرة والأسف الطويل وعشان أجيب ليكى الفرح رضيان مشيت للمستحيل ومعاكى فى آخر المدى فتينى يا هجعة مواعيدى القبيل بعتينى لى حضن الأسى وسبتينى لى الحزن النبيل ومشيت معاك كل الخطاوى الممكنة وبقدر عليها .. وبعرفا أوفيت وما قصـّرت فى حقك ولا كان عرفة غيرك .. أصادفا وقدر هواكى يجيبنى ليك جمـّع قلوبنا .. وولـّفا وكتين بقيتى معايا .. فى أعماقى فى أعماق مشاعرى المرهفة لا منـّك إبتدت الظروف ولا بيكى أنتهت الأمانى المترفة ندمان أنا ؟ أبداً وحاتك .. عمرى ما شلت الندم ما أصلوا حال الدنيا .. تسرق منية فى لحظة عشم ندمان أنا؟ وأنا عندى ليك كان الفرح رغم إحتمالى أساكى يا جرح الألم وكان خوفى منك جايى من لهفة خطاك على المواعيد .. الوهم ندمان أنا؟ أبداً وحاتك .. عمرى ما شلت الندم أهو نحن فى الآخر .. سوا باعنا الهوى وماشين على سكة .. عدم
Post: #5 Title: Re: صلاح حاج سعيد أنبل شاعر غني له مصطفى سيد ا� Author: بدر الدين الأمير Date: 05-17-2022, 10:31 AM Parent: #4
علاقة مصطفي سيد أحمد وصلاح حاج سعيد تجاوزت مسألة فنان وشاعر ودي عندها قصة بجيكم لها
Post: #6 Title: Re: صلاح حاج سعيد أنبل شاعر غني له مصطفى سيد ا� Author: بدر الدين الأمير Date: 05-18-2022, 03:19 AM Parent: #5
الصحة والعافية لشاعرنا الكبير صلاح حاج سعيد علي فكرة صلاح حاج سعيد هو ايضا أحد مؤسسى مدرسة أبا دماك الفكرية
Post: #7 Title: Re: صلاح حاج سعيد أنبل شاعر غني له مصطفى سيد ا� Author: أبوبكر عباس Date: 05-18-2022, 06:37 AM Parent: #6
..
Post: #8 Title: Re: صلاح حاج سعيد أنبل شاعر غني له مصطفى سيد ا� Author: بدر الدين الأمير Date: 05-18-2022, 06:42 AM Parent: #7
بكور يا اب سلك عريان منو القال في هذا البوست دايرين نجمع تبرعات
Post: #9 Title: Re: صلاح حاج سعيد أنبل شاعر غني له مصطفى سيد ا� Author: أبوبكر عباس Date: 05-18-2022, 06:50 AM Parent: #8
تشابكت السلوك فعلاً كنت داير انزلها في بوست زهير خلاص كلو واحد
Post: #10 Title: Re: صلاح حاج سعيد أنبل شاعر غني له مصطفى سيد ا� Author: بدر الدين الأمير Date: 05-18-2022, 09:36 AM Parent: #9
بكورى يامستنير يعني شنو كلو واحد انا وابو الزهور مابجمعنا غير سبورة بكرى هذه انت وابو الزهور بتاعين مشاكل ومعكم بكرى ابوبكر وأنا زول قروى من أربجى مسالم وحمامة سلام زي الرطانى علي عبدالوهاب
Post: #11 Title: Re: صلاح حاج سعيد أنبل شاعر غني له مصطفى سيد ا� Author: Ahmed Yassin Date: 05-18-2022, 01:09 PM Parent: #10
كلهم نبلاء ديل اصحاب الاجتراح الذكي.... صلاح .. عاطف .. يحي .. ازهري.. قاسم.. القدال .. الكتيابي جمال حسن يعيد... عبدالعال السيد.... فيصل محمدصالح...الصادق الرضي .... حافظ عباس النخلي... هلاوي.... العميري... قريب الله .. بشرى الفاضل ..تاج السر الطيب .. ابوذر الغفاري ..عبدالرحيم ابوذكرى .محمد مهدي .. عوض مالك......و.. حميد صلاح لمن رسل"عدى فات"لمصطفى في الدوحة وقراها ... اتصل بى مصطفى عبدالله وقال ليهو "يا مصطفى عبدالله :... صلاح حاج سعيد نعاني في قصيدة اسمها (عدى فات) "
Post: #12 Title: Re: صلاح حاج سعيد أنبل شاعر غني له مصطفى سيد ا� Author: بدر الدين الأمير Date: 05-18-2022, 01:27 PM
أحمد ياسين ياموسيقى هل تعلم أن الأغنية والحيدة الحين يغنيها مصطفنا ويبكى أثناء ماهو بغنيها هى عدفات كلمات صلاح حاج سعيد