كلمات في حب الوطن اكتب مايطيب لك

السودان هو أَجمَلُ حروف فى كلمه تعلمتها فى حياتي واجمل قصيده تغنيت بها وانا صغير انا سوداني انا السوداني انا وكم عشقت نحن فى السودان نهوي اوطانا وانا رحلنا بعيد نطري خلانا .
السودان هُوَ النيل الذِي شَرِبتُ من مياه العذبه لكي اطفي ظمي النفس ، وَ أكَلتُ مِن طين بحره .
السودان هو المكان الذي ولدت فيه ، فهو البلد الذي قد تغادره اجسامنا ونفوسنا و لكن قلوبنا تظل فيه.
السودان هُوَ الحُبُ الوَحِيدُ الذي لم ولن يتغيير فى حياتنا وليس فيه كذب ونفاق ، حُبٌ مَزرُوعٌ فِي قُلُوبِنَا، وَ لَم يصنَع. سوداننا ذلك الحب الذي لايتوقف، وذلك العطاء الذي لا ينضب. سوداننا من لنا بغيِرك عشقاً فنعشقهُ،
ولمن يغتني بغيرك وردي عندما يصدح ويقول
وطنا..
الباسمك كتبنا ورطنا
أحبك
مكانك صميم الفؤاد
وباسمك اغنى..
وتغنى السواقى
خيوط الطواقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
ومن لنا بغيرك يهيم شوقاً وحبا عندما يكتب فيك الطيب صالح ويقول
(أنا انسان بسيط، المتدينون يعتبرونني ماجناً والمعربدون يحسبونني متديناً (نحن كأشجار السيال في شمال السودان.. سميكة اللحاء، حادة الاشواك، لكنها لا تسرف في الحياة). كان رحمه الله شديد التواضع مفتخراً بسودانيته، لم يتنكر عن انتمائه لوطنه السودان بل ظل حتى رحيله متمسكاً بجواز سفره السوداني رغم متاعب جوازنا في سنوات خلت ورغم أنه عاش في العاصمة البريطانية لندن أكثر من نصف قرن وتزوج احدى نسائها. اللهم ارحم عبدك الطيب ود عاشه.
وأشتاقُ لك ياسوداني يا . وطني أرجو المغفره إن خانتني حروفي،
وأرجوُ العفوَ منك عن المقدره لاننا قد فرطنا فيك وقد قصرنا في حقك لاننا فى تعداد الطيور المهاجره ،
إن أنقصت في قدرك ، فما أنا إلّا ابن عاق بك حاول أن يرضيك بكل مايملك من حروف و بِحُبِ هذا السودان مفخره الابناء ومعلم الاجيال وملهم الشعوب فما زالت بصمات ابناء السودان منحوته فى دول الخليج عامه سالوا طيب الذكر الشيخ زايد عن الرعيل الاول فى ابوظبي من الاطباء والمعلمين والادراين وسالو الشيخ راشد حاكم دبي عن كمال حمزه وسالو نادي النصر دبي عن سانتو وكسلا . أي وطن رائع يمكن أن يعطي فلذات كبده لغيره غير سوداننا الحبيب
،كل الامنيات ان تتطيب النفوس، ويقل الكلام، ونصحو للعمل. الوطن هو الإنتماء، والامل
و الوفاء، والتضحية، والفداء
وطني اُحِبُكَ لامحال ان احب غيرك مهما كانت المغريات والمسمييات ، أتريدُ من قولي دليل الدليل هو هوايتي وتقليدي ووسودانيتي التي لم تتغيير في خلال 45 عام في بلاد الله الواسعه
سيضلُ حُبك في دمي،
لا لن اتبدل ، ولن اعشق غيرك ، سيضلُ ذِكرُكَ في قلمي وفي فمي،
ووصيتي في كل حين لكل ابناءك واهلك . حُبُ الوطن ليسَ إدعاء،
حُبُ الوطن واجب وضمير ، ودليلُ حُبي يا سوداني سيشهد به الزمنُ الطويل،
فأنا فى مثابره وجهد لانك انت الدليل و صابراً كي انال الشرف النبيل.
. ليس كل مافي وطني يسر ولا اقول اننا في تعداد ومصاف الدول ولكني لا استطيع أن أمارس حقاً حقيقياً إلا في وطني. ليس هنالك أعذب من مياه نيلك ولا أرض اجمل من ارضك . السودان هو المكان الذي نحبه، فهو المكان الذي قد تغادره والدموع في عننيك وتتذكر ابراهيم عوض عندما يشدو ويقول من كلمات صديقي المرحوم سيف الدين الدسوقي
احب مكان وطني السودان
اعز مكان عندي السودان
لانو حسانو اعف حسان
طيرو صوادح ..وروضو جنان
احب مكان عندي السودان
الانسام بالطيب تغشاهو ..
والاقمار حفت بسماهو ..
والازهار تبسم في ربااااااااهو...
فيها رقة وفيها حنان
احب مكان وطني السودان
فيه النيل النيل الخالد..فيهالخال والعم والوالد
فيه تراث من طارف وتالد
والخيرات اشكال والواااااان
احب مكان عندي السودان
واعز مكان وطني السودان
السودان اشراقة جديدة..في افريقيا وبسمه سعيدة
فيه عروبه وجوها عديده ..من اداب وفنون وبيااااااان
احب مكان عندي السودان
لينا الغد الزاهر مظهر في افريقيا النور الاخضر
السودان وشبابو الاسمر ..للاخطار في كل مكااااااان
احب مكان وطني السودان
احب مكان وطني السودان... واعز مكان عندي السودان
لانو حسانو اعف حسان
وطيرو صوادح وروضو جنان
اخيرا القومه ليك ياوطني

مع تحياتي
مصطفي نور ودرعيه

بلد رايح

عمر الطيب الدوش



حأسأل عن بلد رايح

وافتش عن بلد سايح

واسأل عن امانينا

اللي ما بتدينا

صوت صايح

وأسأل وين مخابينا

إذا جانا الزمن...

لا فح

واسأل عن بلد مجروح

وعارف الجارحو ليه جارح

وابكى على بلد ممدوح

وعارف المادحو

ما مادح

واحلم بي حلم مسروق

لا هو الليلة

لا امبارح

أعلق في جناح سفري

خطابات لي زمن فجري

وادخل من درب سري

لكل مضاجع الأحزان

واضفِّر من شجر بلدي

بروقاً مارقة من صدري

حأسأل عن بلد غاطٍ

لحدِّ الليلهْ في الوجعة

أَنط فوق سرجي واتْحزَّم

أقوم من وقعة

لي وقعة

أخُتْ ايدي البتوجِعْني

على السأم البراجِعْني

واسأل..

يا وطن يا بيتنا

ليه شوقك مواجهني

ليه حبك مجهجهني

وليه تاريخ زمن خسران

موكّر لسَّه في شجني؟

حأكتب لي شجر مقطوع

مسادير

يمكن يتحرك

خطابات لي طفل مجدوع

يقوم

يجرى

يقع

يبرُك

رساله لكل قُمْريّة

إذا دم الشقا اتوزع

على كل البيوت

ما تْرِك

واسأل..

عن وطن رايِح

واديكم خبر جارح:

بأنو جميع جموع الناس

حيفضلوا لا كراع

لا راس

ونشترى في الدكاكين يوم

مسابح من دموع الناس

مساحيق من هموم الناس

زهج

يتْعَبّا في الأكياس

ونعلن في المزاد علنا

وترغي الجوقة والأجراس:

"!نبيع الطفلة والكراس"

واصرَخ

! ياوطن! يا بيتنا

ليه ما تبقى لينا الساس

قدر ما تجري فيك

أفكار...

يزيدوا الحبس والحراس

قدر ما تجري فيك الخيل

تدوس الهيبة

والإحساس

واسأل

يا وطن رايح

اذا كل القبور دخلت

بيوت الناس

بلا اسئذان

بلا صلوات

بلا أكفان

جريمة اسائل الدفَان؟

جريمة اطلب تمن قبري

من البايع في أي مكان؟

واقولك يا وطن

رايح

واقولك يا وطن

آمر

سلام النفس ما كافر

ولا كافر

ولا كافر
—————-

إحترامي ..

دقر يا عين وطنا الزين لا تنضر لا ننعاق
نظل في حبلك الواحد حبيبن ما في بينا فراق
وهيط شايلنا شيلة السيبي سعن الباشي والمعلاق
عشيوة (الداج) اواخر الليل كهاربو ضي النجم بواق
يسد لبق الاسى الشايل بلد فاتحلو غلبو بلاغ
جروحو جروح ويا النبي نوح شّقيان و الدهر لداغ
متينك ( يا غربة) الجن نسكت صنك ا لنقناق
بلد جيت المطور للطين نجيها وتصدق الاشواق
لا زنزانة تتراجانا حي الشعب يا اشلاق
وبي احضانا تنلقانا جنّ الجدول الرقراق
نطرد همبريب الحِن على لفح النوى الحراّق
وفي وش الطراوة دحين منو اليطبل سماك بـ اطواق
ياوطن النفوس البِكرة ياوادي الحشا البرّاق
إذا ما الريح جرح لـ الليح و صيفًا حتحت الاوراق
حطبنا نصيح اتبني الساق امان يا غيم ماك بتاق
يا وطنًا قريب للحي وسّرك للبعيد لحّاق
حلّو حلاوة ما بتنضاق ومُّرًا كلو كلو انضاق
من كُناك ما خُناكَّ ولا فينا الضلالي العاق
ويا حاسب سكاتنا رضا آمانة بطونا ماها غُراق
صدورنا على البِعادي زقاق ضهورنا الى المنادي رقاق
رضينا بلا قرن ننساق وحين نحرن جبل يا ساق
الجرّب يطير ما بيمشي لو حرّت علي الاشواق
ومن قالد لهيب الشمشي ما كوش من الرقراق

∆ تعال هنا با بتاع حب الوطن إتا برا حب بتيخ معاك،
ياخي لا خليت نيو جيرسي ولا غوانزوووو و كمان هسي
شغال سميار ل6 أكتةبر و جادعنا بجاي يا عمك عگس الهوا
لناس «تيلة يا تيلة ألله لي من ديل بال9 الطويلا ألله لي من ديل»
∆ وكمان مدي روحك اسيم رنان يتلاءم و الNew~Look .
علا لاكين طالما بقيت ود رعية معناتا ياگا المصطفي ود النور
وهنا بيت العصيدة و مربط البعير؛ فيا بوي أنا داخل ليك هنا
توشك و لا ناقش موضوع الخيت ظاطو، لكن جاي عشان على
قول أهلنا البقارة«تخت لنا أجعابك في واطات الله دي نجامعك»
مع الاعتذار طبعن لحموضة العبارة الخشبية و التمويه إلى أن قصدهم
هفوي و شريف قاصدين نقعد سوا نوتيو على بساط أحمدي و گدي.
∆ نخش بقى للتعلرف ، محسوبگ أهلي حلال الخوالدة ديل أحسب
من ود رعية اللتگ دي و لاعن قرية الغم( خشبم الأرابيب).
و لباقي التفاصيل ممكن تجيني خاس نفتو برانا.

رأى البرق شرقيــاً فحن الى الشرق............... ولو كان غربيــاً لحن الى الغرب
فإن غرامى بالبريق ولمعــه........................ وليس غرامى بالأماكن والترب

دفع الله ود الأصيل اخوي الغالي والله حيرتني انا ماضربني زهاميير والله لكن شعرك الخنفس ده خلاني طاشي شبكه شويه ادخل الخاص كيف انا واتس 00201112224339 ضفيني عندك انت ومن وكل الاخوان فى البورد خاصه ابوالريش وكل الاخوه حبابك

صباح الخير يا ود رعية
الرقم اعلاه ما فيه واتساب..ارجو مراجعته

Quote: دفع الله ود الأصيل اخوي الغالي والله حيرتني انا ماضربني زهاميير والله لكن شعرك الخنفس ده خلاني طاشي شبكه شويه ادخل الخاص كيف انا واتس 00201112224339 ضفيني عندك انت ومن وكل الاخوان فى البورد خاصه ابوالريش وكل الاخوه حبابك

هههههههااااااوااااء
والله تراكا إت الضحكتني لامن ريلت لعابي ثم أجهشتني
بالبكا حنيناً للُقياك في فرَقة عشان نلحس سوامرقة (دجاج ماجي)
يا مصطفى أنتا ياخي الدود\ النتر لو بجهجه باكات واحد متلي من
مدرسة الخنافس دي تبقى حكاية واطاتك أصبحت، مش زمهرير وبس ،
و مال لو جاك مرفعين الفُقَرا ، ولا كشكش ليك كديس نلقاك طايرصوف
+ الحقيقة أنا كُت ملاوز من دخلتي تحُك معاك جنبة ، لكن تعذرنا ياهي
طريقتنامع الزول القالو بنريدو ، و بصراحة من اسمك حسيت بأنو
الدمَّ حنَّ داكل ما في الحكاية وأنامحسوبك دم و لحم.
+ رقمك دا سمعنا قالو مف فوقو واتساب ، على ما مشكلة
نديك لمحة تعارف وش ملاح لحد ما ربنا ربنا يجمعنا بيك :
عمومن ، لو أنت طلعت فعلن من هناك ما يكون مجرد اسم حركي،
أقرب ناس لينا في ودرعية الخوالدة تحديدن ، ناس عمك أبشر , وعقاب
ناس محمد أحمد حَسَّان (مشترك مع الكريبة) اللي الناسقالو بيرجو فيها الله،
ما عراف ليه هناك بالذات،. لكن باقي أهلي منتشرين ومتأصلين بين شلعوها
الخوالدة ، ود الجمل ، ربجيت، عفينة الشيخ عو ض الجيد ،ود حسين الخوالدة
ود رحمة ، ومعرس من ود مكنون.، ورمالات في الشبيك والحاجاب وتنوب؛
مع إنو جذوري اصلن شرق الله البارد عركي من أبو حرازات .
و دا سر ال ح ي ش ان ال ت ل ات ة
( أعراك + خوالدة + حلاويين)

من منا لم تطربه اغنية مرحبتين بلدنا حبابا
بصوت الفنان الراحل حسن خليفه العطبراوي
كلمات شمس الدين حسن خليفه
قصيدة يتجسد فيها حب الوطن وطنا الغالي علينا
وهو يلقي التحية علي الكل
تشعر بانك انت المقصود بالكلمات
مرحبتين بلدنا حبابا
حباب النيل حباب الغابة
ياها ديارنا نحن اصحابا..
نهوي عديلا ونرضي صعابا
ما اجمل شمس السودان مع سخونها
وشاعرنا يقول
بنعشق شمسها الحراقة
وتلهب في قلوب دفاقة
نحن شعارنا حب وصداقة
للناس الصفت اخلاقا
عندما قمنا سمعنا ودرسنا
اننا سلة غذاء العالم
لما اختص ربنا به شعب السودان
من موارد طبيعية وقال شاعرنا
نحن بلدنا بي خيراتا
البلد البتشبها ياتا؟؟
هي حياتنا واحنا حياتا
وما بندور بلاها وحاتا
نحن بلادنا نتحدابا
بي خيرا الوفير وشبابا
لو ننهض جميع بصلاب
ما بتلقونا تاني غلابة
وعندما تغني كروان الشمال ميرغني النجار
بدرة إسماعيل حسن (بلادي أنا)
تشعر بالفخر انك سوداني بكل الخيرات التي قالها
شاعرنا الكبير
وهو يصف الشعب السوداني
تشعر اننا شعب مميز
شعب غير كل الشعوب
بلادي أنا بلاد ناسا مواريثم
في أول شي .. كتاب الله
وخيل مسروج، وسيف مسنون حداه درع
كتاتيبم تسرج الليل مع الحيران
وشيخا في الخلاوي ورع
وكم نخلات تهبهب فوق جروف الساب
وبقرة حلوبة تتضرّع وليها ضرع
بلادي أنا
قصيدة تجعلك تسرح بالخيال
وتتصور المناطق التي تحدث عنها شاعرنا
بلادي أمان ، بلادي حنان وناسا حُنان
يكفكفوا دمعة المفجوع
يبدّوا الغير على زاتم
يقسموا اللقمة بيناتم
ويدّوا الزاد حتن كان مصيرم جوع
يحبّوا الجار
يموتوا عشان حقوق الجار
يضوقوا النار عشان فد دمعة
وكيف الحال لو شافوها سايلة دموع ..؟!
ديل أهلي .. وديل أهلي
ديل اهلي حقيقة
النماذج كثيرة عن الاغاني الوطنية
وحب الوطن
ياريت نتباري في عمل موسوعه عن القصائد الوطنية
ونكتب عن اجمل ما قيل عن حب الوطن الجميل السودان
تحياتي مصطفي نور ودرعيه

النشيد الوطنى لبلادى
كلمات : الشاعر احمد محمد صالح
ألحان: العقيد احمد مرجان
المكان: سلاح الموسيقى و ذلك في العام 1958
نحن جند الله جند الوطن
إن دعا داع الفدا لن نخن
نتحدى الموت عند المحن
نشتري المجد بأغلى ثمن
هذه الأرض لنا
فليعش سوداننا علماً بين الأمم
يا بني السودان هذا رمزكم
يحمل العبء ويحمي أرضكم...
نحن أسد الغاب أبناء الحروب
لا نهاب الموت أو نخشى الخطوب
نحفظ السودان في هذي القلوب
نفتديه من شمال أو جنوب
بالكفاح المُرُّ والعزم المتين
وقلوب من حديد لا تلين
نهزم الشرَّ ونجلي الغاصبين
كنسورٍ الجوِّ أو أُسْد العرين
ندفعُ الرّدَى
نصدُّ من عدا
نردُّ من ظلم

يا حبيبي قوماك ننفرد .. على مقرن النيل الظليل...
الروض بسم .. والطير غرد .. والطقس لاحر لابرد ...
والشمس أبان الشروق .. هنا يا الحبيب نجلس نروق...
وسط الزهور العاملة روق.. تبسم أشوف دنيا وبروق...
بعدين نقوم.. للنيل نرد ونلاعب الموج يا جميل...
أنا نادوا لي سيدي .. ناري ناري...
**
نور الصباح بدأ وانتشر .. ومن المنام صحت البشر...
أما السواقي بدت تسوق .. والقمري غنى بكل ذوق...
أجمل صباح زاد قلبي شوق .. أنت الحياة .. أنت الحياة...
وأنا ليك عشوق ... أنا ليك عشوق...
بيك طاب زماني اللي كشر.. وريني ليه ناوي الرحيل...
أنا نادوا لي زولي .. أنا ناري...
**
شوف توتي يا المحبوب بدت .. كالطفلة باكية تنهدت...
ضماها ذات النيل الشفوق .. والطير عمل في نخيلا سوق...
والشمس طلت شوفا فوق.. رحلتنا يا سيدي أنقضت .. لازم نعود ...
لازم نعود .. عند الأصيل .. وعند الأصيل .. لازم نعود ...
**
•
خالد ابو الروس