Post: #1
Title: كتبت عائشة الماجدي-نساء السودان ما ياهم الشيوعيات وبنات الاحزاب الميتة المؤتمر والبعث والفيمنست بنا
Author: زهير ابو الزهراء
Date: 05-12-2022, 00:22 AM
11:22 PM May, 12 2022 سودانيز اون لاين
زهير ابو الزهراء-السودان
مكتبتى
رابط مختصر
طريقة اختيار النساء للمشاركة في الحوار السياسي تبع الآلية الثلاثية المرتقب في الأيام الجاية دا السايقو (فولكر) مع الشيوعين ونفرات القحاتة ما بمثلنا نحن كنساء السودان ….
ببساطة شديدة نساء السودان ما ياهم الشيوعيات وبنات الاحزاب الميتة المؤتمر والبعث والفيمنست بنات نمرة 2 ؟؟
وديل ما بحددوا مصيرنا بالمناسبة ولا نحن فوضناهم بالتحدث نيابة عننا !!!
نساء السودان بتمثلهم حرائر جبال النوبة وعزة الشرق وفاطمة السمحة من الجزيرة وأم بلينة من النيل الابيض والميرم من دارفور وام شلوخ من الشمال وكلتوم كردفان وهكذا !!!
عليه يافولكر حوارك فاشل من كل الاتجاهات مالم يتم تمثيل المراة بصورة مرضية لكل نساء السودان …
هم القحاتة وبناتهم ديل منو تاني بستآمنهم يحكموا
حكموا السودان سنتين ماقدروا يحافظوا علي حكمهم زي الرجال راجعييين في المغيرب بحوار طامعين يحكموا تاني مالهم !!!
المهم فرتقة الحوار من هسي جاهزة وتنقد الرهيفة
والله الإ تعملوا في ناطحات السحاب 😌
#طرد #فولكر
عائشة الماجدي
|
Post: #2
Title: Re: كتبت عائشة الماجدي-نساء السودان ما ياهم ا�
Author: adil amin
Date: 05-12-2022, 03:26 AM
Parent: #1
الشيوعيين والبعثيين والناصريين
بيوتات في الخرطوم ومدني لا عمد ولا اطيان وخامين ناس مشوشين معاهم في الاقاليم
لا تيار فكري سوداني اصيل ولا رؤية شاملة ولا افق واضح شايلين علم مايو والمخابرات المصرية وحايمين بي في الخرطوم
لا يشكلون حتي حركة جماهيرية واسعة زي الختمية والانصار والحركة الشعبية
او قوة انتخابية حقيقية تراهن علي الديمقراطية والانتخابات ولا يشاورون الشعب السوداني ولا يعرفون ما هي المشورة الشعبية في التراث السوداني
عشان كده مالين يدهم من الامم المتحدة وامريكا وليس الشعب السوداني 40 مليون في كل السودان والخارج
افندية قال عنهم صلاح احمد ابراهيم
نومة وسهرة وقهوة وسكرة
وعيهم حده شعارهم السودان المعاق جنوبيا ده وعلم مايو والوثيقة الدستورية الركبت الجنرالات في راسنا
فوكلر مستهبل ويهدر الوقت الثمين للشعب السوداني والبرنامج الوطنية المحترمة علي قفا من يشيل بس منو البشوف وبسمع
https://www.0zz0.com
|
Post: #3
Title: Re: كتبت عائشة الماجدي-نساء السودان ما ياهم ا�
Author: adil amin
Date: 05-12-2022, 03:30 AM
Parent: #2
كدي يورونا مشكلة دارفور دي شنو وتحلها كيف
وهم من قوض الادارة الاهلية مع نميري 1970 واجرمو في حق دارفور وكردفان
ومستر مور كان بدير دارفور كلها براه مع رجال الادارة الاهلية والمشورة الشعبية ويتحكم في كل القبائل الفيها
والمقطع في المركز ده ما عارف قيمة القبائل في الاقاليم الستة وكيف يدار السودان اقليميا حتي بعد نمري صلح الحكم الاقليمي \
خربو الساقط الترابي من 1978-2022
فوكلر ده ما ممكن يكون ابدا زي كتشنر ومستر مور عامل نخراتو الثلاثة ديل
https://www.0zz0.com
|
Post: #4
Title: Re: كتبت عائشة الماجدي-نساء السودان ما ياهم ا�
Author: محمد البشرى الخضر
Date: 05-12-2022, 05:18 AM
Parent: #3
| Quote: حكموا السودان سنتين ماقدروا يحافظوا علي حكمهم زي الرجال |
شوف التفــــاهة
|
|