مناوي في فيديو تحفة: الحزب الشيوعي لن يعود إلى ثلوج سيبيريا ما لم يقبل الحوار

جمع معاهم الامة والاتحادي هانت .. مناوي أصبح يحدد مصير احزاب

اين الفيديو ههههه

رابط الفيديو ارفقته مع المداخلة يا حبيب
ليتك ترفعه لاني لا اجيد رفع الفيديوهات في البوست

سلام وتحايا~
يهدد يعنى لبس القاش😀 وبعدها مشى زيارة للقاتل
وطبعا الشيوعى نطقها غلط.
وين باقى الأحزاب؟
الحزب الشيوعى دا أصله قالوا زى الخوارج بتاعين التاريخ الزمان
يكون بيهدد فى شباب حزب الأمة وشباب الإتحادى.
•قبل كدا برضه هدد بقيام حرب أهلية …

شكرا بكرينا
-
يا هدى ده زول مفلس ليس إلا

ول أبا حيدر

سلام .. هل تصدق .. كلام منى أخرج من سياقة .. وأُسي فهمه ..

هنا الفهم الصحيح .. لن يعود حزب الأمة عظيماً .. ما لم يجلس مع كل فصائله المختلفة .. في طاولة حوار ويوحدوا أنفسهم ..

لن يعود الحزب الأتحادي عظيماً .. ما لم يجلس مع كل فصائله المختلفة .. في طاولة حوار ويوحدوا أنفسهم ..

لن يعود الحزب الشيوعي إلي ثلوج سيبريا .. ما لم يجلس مع كل فصائله المختلفة .. في طاولة حوار ويوحدوا أنفسهم ..


دا الفهم الصحيح يا حيدر ..


لكن بينى وبينك يا حيدر.. حكاية "ثلوج سيبريا .." .. عجبتنى عجب .. وفي نفس الوقت عصي عليّ تب فهم علاقة توحيد أذرع الحزب الشيوعي والعودة إلي ثلوج سيريبا! ..
مش قلت ليكم الحزب الشيوعي السوداني .. "دب روسي"!

أظن مطلوب حضور الخواض .. عشان يوقع لينا .. العودة إلي ثلوج سيبريا .. وعظمة الحزب الشيوعي!!

بريمة

والله فعلاً هانت يا مناوي يا انتهازي
انتا عايز تقول انو احزاب الامة والاتحادي والشيوعي لن تكون احزاب عظيمةالا بالدخول فى حوار معكم يا عسكر
وجماعة اعتصام الموز ؟؟
وانتا زاتك قبل يومين بتتكلم فى فيديو وبتقول : حمدوك ترك خزينة الدولة وفيها اكثر من 2 مليار دولار وانا حاكم اقليم بدون اطيان و جبريل ابراهيم طالب ب 120 مليون دولارلاصلاح مشاكل الكهرباء والدولة حالها واقف بعد العيد ح يكون لينا كلام واضح وصريح .

يعنى بالواضح انتا عايز تقول انكم ما قادرين تقودوا الدولة !!
فى الحالة دى بالواضح قدموا استقالاتكم عشان الناس تصدق انكم رجعتم للثورة بعد الانقلاب .

Quote: ول أبا حيدر سلام .. هل تصدق .. كلام منى أخرج من سياقة .. وأُسي فهمه .. هنا الفهم الصحيح .. لن يعود حزب الأمة عظيماً .. ما لم يجلس مع كل فصائله المختلفة .. في طاولة حوار ويوحدوا أنفسهم .. لن يعود الحزب الأتحادي عظيماً .. ما لم يجلس مع كل فصائله المختلفة .. في طاولة حوار ويوحدوا أنفسهم .. لن يعود الحزب الشيوعي إلي ثلوج سيبريا .. ما لم يجلس مع كل فصائله المختلفة .. في طاولة حوار ويوحدوا أنفسهم .. دا الفهم الصحيح يا حيدر ..

تحليل فطير وكأن مناوي فاق الاخرين بالرمزية، للاسف حشرات نتنة متقيئة الان في سدة الحكم

تبلعوا بس ..

بريمة

تبلعوا بس ..

بريمة

Quote: جمع معاهم الامة والاتحادي هانت .. مناوي أصبح يحدد مصير احزاب

ههه ههههه. واحد مرة في فيديو قال لمناوي إنت يا زول المشكلة العجوز دي إلا تغيرها " يقصد التي يشتري منها العرقي)
He is a straight shooter though

Quote: واحد مرة في فيديو قال لمناوي إنت يا زول المشكلة العجوز دي إلا تغيرها

انت عارف يا ول أبا عمر عبد الله،

مناوى، أكثر زول يكون واعي ومجمع .. مرة صحبي وجده يدخن خارج الفندق محل كان نازل في واشنطن؛ صحبي لا يعرفه في ذلك الوقت .. وكان يبدو في تفكير عميق. صحبي مشي له، مناوي بادره بالسلام قال له: "هاي!" .. صحبي قال له "هاي شنو؟ قول السلام عليكم" .. مناوي سلم عليه قال له "اليونيفورم" ضللني أعرف ملامح الشخصية السودانية.

صحبي قال لي، يا أخي الزول طيب طيبة .. وبسيط في تعامله معي .. قال تونس معي وسألني عن أحوال السودانيين في منطقة واشنطن .. إن شاء الله ما عندكم مشاكل في الشغل .. صحبي قال عرفت أنه حديث عهد بالبلد قال سألته جيت متين؟ وليه نازل هنا؟ قال جئت في وفد زيارة لأمريكا .. ووفدنا راجع بعد غد. قال قربت أعزمه اقول له أرح انزل معاي .. أطلع من الفندق الغالي دا .. وفي ذات اليوم المساء كانت هناك ندوه مقامة بشرف حضور مناوي .. صاحبي قال من شفت الندوة .. والله عرفته دا زولي ذاته الذي وجدته البرد ضاربه خارج الفندق ..

مرة مناوي، ذهب في زيارة لولد واحد من زعماء الأحزاب اليوم .. في واشنطن .. وجلس عنده وشرب معه كباية شاي بالنعناع .. قال لم يتحدث كثيراً عن حركة تحرير السودان .. مثل الناس المهوسين بحركاتهم .. قال أغلب كلامه أنصب في رؤية الشباب لمستقبل السودان ومستقبل عودتهم للبلد للمساعدة في البناء والإعمار .. وذكر مناوي أن خزينة جيشه تعاني شح المال .. وأنه في بحث مصادر بديلة .. حتى يحافظ علي جيشه في جبهات القتال ..

الكلام دا كله .. قبل عودة مناوي للسودان بأقل من شهور معدودة علي ما اظن وصار نائب رئيس الجمهورية .. ولد القيادي، قال لي عودة مناوي ماشي يشيل قروش من الحكومة بس ويعاود النضال .. وهكذا حصل. نائب البشير والكلامات الكتيرة ديك كلها طلس ومناورة سياسية من مناوي عشان يشيل قروش ليمول جيشه ..

بريمة

مناوى الهطلة دا

قايل ثلوج سيبيريا حاجة سمحة

يا حيدر، ما لو مشاركاتك بالفيسبوك بقت ممحوقة؟
تعال هناك وقلل من سودانيزاونلاين.
مسلحي دارفور بعد دانت لهم السيطرة عسكرياً على البلد،
برضو غلبهم يحكموا وبستجدوا في الأمة والاتحادي يدوهم شرعية.

في لقطة كدا في فيلم أمريكي واحد شايل ليهو مسدس ووقف ليهو زول وقال ليهو أرفع يدينك
الزول الهنضبوهو قال للشايل المسدس أبيت ما برفع يديني وما بقيف
الشايل المسدس بقى ساكيهو ويقول ليهو لكن شغلك دا كدا ما منطقي أنا شايل مسدس

مناوى بعرف ثلوج المانيا بس
وفكى جبريل بعرف تسريباته
الصوتية الكيزانية
تجاه الثورة والثوار

Quote: في لقطة كدا في فيلم أمريكي واحد شايل ليهو مسدس ووقف ليهو زول وقال ليهو أرفع يدينك الزول الهنضبوهو قال للشايل المسدس أبيت ما برفع يديني وما بقيف الشايل المسدس بقى ساكيهو ويقول ليهو لكن شغلك دا كدا ما منطقي أنا شايل مسدس

من أجمل وأمثل تشبيهات واقع السودان 👍

باسثناء "سهول سيبيريا"، مناوي كلامو واعي. ولا حول ولا قوة إلا بالله.

Quote: باسثناء "سهول سيبيريا"، مناوي كلامو واعي. ولا حول ولا قوة إلا بالله.

السلام والإحترام أخ Shinteer
فهمى لحديث ميناوى إنه تهديد للأحزاب الثلاثة دى لو ما جاءت وإنصاعت ليهم وقبلت الحوار والمفاوضة
مع لوردات الحرب والكيزان و الجنجويد وكل الرباطة والمرتزقة . ما حتكون كما كانت!
يكون كلامه واعى كيف؟

*أما سهول سيبيريا دى فقد كشفت عدم الوعى كله😀

ضروري يا بريمة تكسر تلج لمناوي ما خلاص بقيتو حلفاء
اتفاق تحت الطربيزة مش؟
الناس صاحية يا كيشة
"قال مناوي قال"
الحقوق محفوظة للمبدع أبو حراز
هاك مناوي دا

Quote: العم جان ماري الدبلوماسي السابق والمهتم بدول شرق أفريقيا متحدثاً عن أركو مناوي: "إلتقيت به في العام 2018 بمقر إقامته بالقرب من فرساي. في بادئ الأمر ظننت أنه من الحراس الشخصيين لقادة أحد تحالف نداء السودان، ربما يعود هذا الإنطباع إلى أنه يفتقد للكاريزما وشخصية القائد من وجهة نظري. ولكن سرعان ما إكتشفت بأنه أركو مناوي الذي سمعت عنه كقائد عام لحركة جيش وتحرير السودان، الأمر الذي أدهشني كثيراً. حاول أن يتحدث معي بالإنجليزية فلم أفهم منه شيئاً، ولكن لحسن الحظ وجدني أتحدث العربية التي لايجيدها هي الأخرى. فأركو مناوي الذي إلتقيت به، وتبادلت معه الحديث عن السودان لأكثر من ساعتين. هو شخص مستعجل، وفقير معرفياً، والدليل على ذلك أنه لايعرف كثيراً عن جغرافية السودان، سوى الشريط الممتد من شمال دارفور مروراً بوادي هور وحتى كرنوي حدود تشاد. كما أنه يجهل بالكثير والكثير عن تاريخ السودان وخاصة فترة ماقبل الإستقلال وبعده. فمن خلال ملاحظاتي البسيطة عنه ، هو شخص بسيط يفتقد لمواصفات القائد للأسف. فلم يمتعه الله بحكمة الصادق، ولا ذكاء الترابي، ولا بكاريزمة عرمان، ولا ثورية عبدالواحد النور. أركو مناوي الذي إلتقيت به، لم يتوقف على إمتداد فترة لقاءنا من أن يدلي بتعليقات تحمل إيحاءات جنسية عن الصحفية التي كانت تجلس بالقرب منا في الصالة، وعن الأخرى التي تخدم بكافتيريا الفندق، حتى ظننت أنه مجنون أو مصاب بمراهقة متأخرة، والغريب في الأمر لم ينتبه لإنزعاجي من سلوكه وتصرفاته. فسلوكه لايشبه سلوك الكثير من السودانيين الذين إلتقيت بهم في فرنسا والسودان، والذين هم دائماً مهذبون ومتحفظون وقليلي الكلام. بإختصار؛ مرت الأيام وعلمت بأنه أحد المخططين لإنقلاب 25 أكتوبر، الأمر الذي لم يدهشني كثيراً، لأن مثل أركو مناوي الذي إلتقيت به، لا أظن أنه يفعل أفضل من ذلك. لأن من يفتقد للأخلاق والتربية في سلوكه كشخص، يفتقده بالطبع في الممارسة السياسية. أقول هذا وفي قلبي الكثير من القلق لشعب السودان الذي سلط الله عليهم بشخص لايفقه في السياسة ولا في الأخلاق". ضمن

أسفي للرفيق ترايو لو ما زال مع مستشارا لمنى

Quote: أسفي للرفيق ترايو لو ما زال مع مستشارا لمنى

أسفي للرفيق ترايو لو ما زال مستشارا لمنى

ول أبا عبد الله
سلام ..

Quote: ضروري يا بريمة تكسر تلج لمناوي ما خلاص بقيتو حلفاء اتفاق تحت الطربيزة مش؟ الناس صاحية يا كيشة "قال مناوي قال" الحقوق محفوظة للمبدع أبو حراز

ههههاي!! .. أنا ألقاها منك ولا من فلانة "النجارة نجر الهنا" ..

يا ول أبا، كل ما أملك هو كمبيوتر وكيبورد .. وهمي هو المساهمة في الحفاظ علي وحدة شعبنا .. وهذا هو حد كلامي ومبلغ جكتي معكم.
لم يكن أحد من قادة أبناء دار فور إلأ وكتبت عنه خيراً بعد سلام جوبا .. دكتور جبريل، مناوي، الطاهر، دكتور الهادي ..

وجهة نظري، هؤلاء القاد الذين شقوا الصعاب .. وركبوا أهوال الحروب والموت .. جاءوا عائدين يحملون آمال عراض وطموحات كبيرة ويحملون ورؤي وأفكار لاخراج السودان من مأزق الحروب والمساهمة في نهضته.
أنا ممكن تعتبرنى منفعل جداً بتلك الآمال والتطلعات .. وأريد أن يفسح لها المجال .. فأنا بداوس لكي انظف الطريق .. لزرع تلك الأفكار .. ونموها .. أو علي الأقل يجدوا معاملة متساوية مع الأخرين ..

ولا تنسي نحن نحمل فكر مستنير في حق الأنسان في التطلع والبحث عن حياة أسعد وأفضل .. pursuit of happiness .. هذا حق ديني أيضاً مكفول من فوق سبع سماوات .. وسقفه إن أفضلكم عند الله أتقاكم .. وفي الدنيا، أفضلنا أفضلنا خدمة لشعبنا ..

بعدين يا ول أبا، أنت لو بتحب الأثنيات السودانية .. كما خلقها ربها .. يجب أن تنظر للقائد مناوي بأنه يحمل شيئ عن ملامح الحزام السوداني قبل الهجرات العربية .. وهو يمثل أرومة خالصة في فروع قبيلة الزغاوة الكبري ..
وأنا كدارس لاثنياتنا أقول ليك .. فرع مناوي هم الزغاوة (شبههم بالهنود الحمر في أمريكا)، وكل القيادة الأخري هم الرئيس ترامب (قوقازيين) ...!

ههههاي!

بريمة

ول أبا عبد الله

Quote: العم جان ماري الدبلوماسي السابق والمهتم بدول شرق أفريقيا متحدثاً عن أركو مناوي

يا ويلييييي يا ول أبا، أنت لليوم لم تفهم ما هى مشكلة الفرنسيين، دارفور هى التى كسرت انف الأستعمار الفرنسي بلطمة واحدة من السلطان بحر الدين (سلطان دار أندوكة) .. ولليوم لم تقم لهم قائمة في شرق أفريقيا كلها.

منذ ذلك الوقت يحاول الفرنسيون غزو دارفور ثقافياً .. مش شايف أي زول جاكي للجؤ من غرب السودان فرنسا تأويه .. دا ما خاطر عيونكم ! .. خاطر "يفرنسونكم" عشان يأمنوا شركم في تشاد .. بعد فشلوا في هزيمتكم.

ما تسمع لعمك الفرنسي ماري .. هو كذاب .. القائد مناوي مهذب .. وكما قال دكتور عمر عبد الله He is straight shooter ..


بريمة