Quote: الت مصادر متطابقة في الخرطوم ان رئيس الحكومة السابقة الدكتور عبدالله حمدوك وصل الخرطوم اول ايام عيد الفطر المبارك . فيما توقعت المصادر ان تحمل الزيارة طابع عائلي لقضاء اجازة عيد الفطر في السودان لكن مصادر اخرى ربطت الزيارة بالحوار السياسي المقبل بتاريخ 10 مايو برعاية الاليه الثلاثية خاصة ان من المرجح عودته الى رئاسة الوزراء في حال التوافق السياسي . وفي مارس الماضي قالت مصادر سودانية إن الزيارتين اللتين أداهما مؤخرا رئيس مجلس السيادة عبدالفتاح البرهان إلى الإمارات والسعودية تأتيان في إطار بحث مبادرة عربية مدعومة من أبوظبي والرياض والقاهرة لتسوية الأزمة السياسية في السودان والتي تتم بمقتضاها عودة رئيس الوزراء المستقيل عبدالله حمدوك. وتقترح المبادرة أيضا وضع حلول جذرية لتجاوز مشكلة عدم الثقة بين المكونين المدني والعسكري وتشكيل مجلس سيادي برئاسة حمدوك، ومجلس للأمن والدفاع برئاسة البرهان، ومجلس وزاري تكنوقراط يبتعد عن أي ميول حزبية، ومجلس تشريعي يضم في عضويته لجان المقاومة ولجان الحراك الثوري. وتزامنت أنباء عودة حمدوك إلى رئاسة الوزراء مع لقاء البرهان في أبوظبي مع ولي عهد أبوظبي الشيخ محمد بن زايد آل نهيان وفي الرياض مع ولي العهد السعودي الأمير محمد بن سلمان، فيما تشير تقارير سودانية إلى أنه تمت خلال اللقاءين مناقشة سبل حل الأزمة السودانية وتجاوز العقبات التي حالت دون انفراجها. وتحدثت وسائل إعلام سودانية عن عودة حمدوك المرتقبة لمنصب رئيس الوزراء في إطار تسوية سياسية للخروج بالبلاد من أزمتها المستمرة منذ الخامس والعشرين من أكتوبر الماضي. والحديث عن عودة حمدوك لم يتم التصريح به رسميا من السلطات، أو حتى الجهات المبادرة بحل الأزمة، لكنها ظهرت بشكل واضح في تصريحات وبيانات لقوى الثورة التي تقود الاحتجاجات، والتي قطعت بعدم قبولها لعودة حمدوك، باعتباره أحد أطراف الأزمة الحالية، بعد توقيعه اتفاقا سياسيا. وتبقى عودة حمدوك لرئاسة الوزراء مرهونة بالأساس باتفاق مع المكون العسكري. ويقول مراقبون إن قوة الثورة التي تقود الاحتجاجات وترفع شعارات “لا تفاوض، ولا شراكة، ولا مساواة” تمثل أول عقبة تواجه مخطط إعادته للمنصب. وبمجرد ظهور اسم حمدوك لتولي رئاسة الوزراء مجددا، بادرت قوى ثورية إلى إعلان رفضها لهذه الخطوة باعتبارها إعادة تجربة أثبتت فشلها في تحقيق أهداف الثورة. وفي التاسع من مارس الجاري أصدرت 9 من تنسيقيات لجان مقاومة للمدن و22 لجنة مقاومة الأحياء بيانا مشتركا، أعلنت فيه رفضها لعودة حمدوك لرئاسة الوزراء، باعتبار أنها خطوة تجسد فشل الطبقة السياسية في تحقيق أي تطور للدولة. وأضافت “ليس من الصواب أو الحكمة تكرار الأخطاء، إن تسمية رئيس الوزراء من أي جهة كانت اختطافا لسلطة الشعب، وتكريسا لنشوء حاضنة سياسية جديدة، ونخبة جديدة تهيمن على السلطة”. وتولى حمدوك رئاسة الوزراء لأول مرة في أغسطس 2019، عقب توقيع الوثيقة الدستورية بين الجيش وقوى مدنية لإدارة الفترة الانتقالية التي تنتهي مطلع 2024. ويدفع العديد من المؤيدين لعودة حمدوك بما يعتبرونها أسبابا تجعله الرجل المناسب لقيادة المتبقي من الفترة الانتقالية، كونه يحظى بقبول خارجي وداخلي كبير، قد لا يتوفر لأي شخصية أخرى في الساحة السياسية. ويدعم المؤيدون لحمدوك رأيهم بأنه خلال عامين من فترة الانتقال الأولى حقق عدة مكاسب على رأسها إعادة البلاد إلى المجتمع الدولي، ورفع العقوبات الأميركية المفروضة على السودان منذ أكثر من 20 عاما. كما أن حكومته توصلت إلى تفاهمات مع صندوق النقد الدولي، والبنك الدولي، والمانحين بشأن ديون البلاد الخارجية، وشهدت الشهور الأخيرة من فترته استقرارا وثباتا لسعر صرف الجنيه السوداني أمام الدولار. ويضاف إلى ذلك الأمل في أن يصبح حمدوك منقذا من التدهور الاقتصادي الذي تشهده البلاد منذ إجراءات البرهان في الخامس والعشرين من أكتوبر.
Post: #2 Title: Re: الدكتور عبدالله حمدوك وصل الخرطوم اول ايا Author: علاء سيداحمد Date: 05-03-2022, 06:54 PM Parent: #1
سلمات يا بلدي يا حبوب وكل سنة وانت طيب
Post: #3 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-04-2022, 00:14 AM Parent: #2
سلام للجميع~ علاء علاء، أتأكد من الصورة، الغيوم دى ما الخرطوم أو كانت صورة من زمن خريف. البساط الأحمر برضه لرئيس مش لزول عادى، جاء زيارة.
Post: #4 Title: Re: الدكتور عبدالله حمدوك وصل الخرطوم اول ايا Author: ABUHUSSEIN Date: 05-04-2022, 00:26 AM Parent: #3
شكرا حمدوك مرحب حمدوك المؤسس حمدوك ✌✌✌✌✌
Post: #5 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-04-2022, 04:54 AM Parent: #4
سلام الجميع~ وشوفوا الإستنزاف الحصل على الشعب السودانى المسكين
Post: #6 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-04-2022, 04:58 AM Parent: #5
فى نفس اليوم الكان جاء وزير الخزانة الامريكية نصر الدين مضى نيابة عن السودان|
وهى وحمدوك. كانوا موجودين فى السفارة الامريكية يومها.
كيف رفع اسم السودان بإنه السودان. يدفع قروش| امسكوا قروش السودان فى البلد بدل تمشوا تستلفوا من المجتمع الدولى.
Post: #7 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-04-2022, 05:02 AM Parent: #6
كانت شغالة فى الوساطات عشان حمدوك يرجع ، أيام حمدوك قالوا كان داسينه من زوجات الوزراء! والآن قالت اشتغلت فى البنك الإسلامى. *لكن لو قالوها ترجع وزارة المالية قالت نعم بترجع.!
Post: #8 Title: Re: الدكتور عبدالله حمدوك وصل الخرطوم اول ايا Author: علاء سيداحمد Date: 05-04-2022, 06:30 AM Parent: #7
Quote: علاء علاء، أتأكد من الصورة، الغيوم دى ما الخرطوم أو كانت صورة من زمن خريف. البساط الأحمر برضه لرئيس مش لزول عادى، جاء زيارة.
سلمات يا هدى
انا قبل ما انزّل الصورة التى وردت ضمن الخبر من ( المصدر ) كنت عارف انّ الصورة قديمة وانا نقلت الخبر بى ضبانته .
وفى الخبر هناك اشياء مؤكدة :
1- وصول حمدوك للخرطوم عائداً من اديس ابابا . 2- قيادته للفترة الانتقالية القادمة .
Post: #9 Title: Re: الدكتور عبدالله حمدوك وصل الخرطوم اول ايا Author: Asim Ali Date: 05-04-2022, 06:30 AM Parent: #7
يجى يعيد على اهلو ويتخارج لكن يجى يلعب بينا ويواصل مسلسل الخبوط الناعم الخبيث دا مابيحصل قناة مشبوهه اسمها الديسمبريين برضو جابت ليهو صورة من ايام كورونا وترحيب بيهو والبوست اتردم لغايه ماسحبو البوست غواصات الكيزان الاتفضحو كان زى حمدوك (مرشح البشير للماليه لتصديرو لواجهة اعلام الثورة) وهبه الاتكافات على دورها بتوظيف فى موقع دولى البلد دى احق بيها الدفع فها دم وعرق ولسه راكز فى الشارع وحواء السودان والدة
Post: #10 Title: Re: الدكتور عبدالله حمدوك وصل الخرطوم اول ايا Author: محمد البشرى الخضر Date: 05-04-2022, 10:36 PM Parent: #9
عيد سعيد عليكم يا شباب نتمنى ن يعيده الله على بلادنا وهي تنعم بالديمقراطية و الحرية و السلام الذي تستحق
Quote: وفى الخبر هناك اشياء مؤكدة
الأكدها منو يا علاء؟
يا هدى كيفك, بالنسبة لما دفعه السودان في سبيل اكمال صفقة اخراجه من قائمة الدول الراعية للارهاب خلينا نتفق على بعض الحقائق - أو نشوف اذا متفقين اولا مجموع المبالغ الدفعها السودان كتعويضات 355 + 30 لأهالي الضحايا هي عبارة عن تسويات تبلغ تقريبا عشر قيمة الاحكام التي صدرت في القضايا المرفوعة من اهل الضحايا, ودي أحكام محكمة واحدة منها اعتقد استنفذت سبل التقاضي وكانت احكام نهائية باربعمية مليون وشوية وواجبة السداد, و التانية اعادتها محكمةالاستئناف لمحكمة الموضوع بسبب أمر إجرائي وليس موضوعي, يعني ممكن ان يتم الحكم بنفس القيمة المليارية (ربما تزيد أو تنقص) في اعادة المحاكمة ثانيا: اذا لم يتوصل السودان لتسوية مع اهالي الضحايا و الناجين و اصبحت الاحكام واجبة السداد غير ان السودان سيخسر فرصة خروجه من القائمة ستظل هذه الاحكام معلقة في رقبته و توجد وسائل لتحصيل قيمة الاحكام لن يستطيع السودان مواجهتها - فنحن لسنا بقوة روسيا مثلا - و ستظل الاصول المملوكة للحكومة السودانية في اي مكان في العالم محل تهديد بالحجز عليها بأمر القضاء. ثالثا: عشية توقيع الامر برفع اسم السودان ن القائمة, وقع ترمب تشريع موازنة الدفاع للعام 2021 الذي يحتوي على قانون دعم التحول الديمقراطي في أحد بنوده المصادقة بدعم ومساعدات للسودان بقيمة 700 مليون دولار رابعا و الاهم: رفع اسم السودان من قائمة الدول الراعية للارهاب فتح الطريق للسودان العضو في الامم المتحدة و المنظمات الدولية للاستفادة من منح - منح وليس قروض - بقيمة 2مليار من البنك الدولي و 400 مليون من بنك التنمية الافريقي و مبالغ أخرى لا تحضرني تفاصيلها الآن فا حساب عرب ساي, هل خسر السودان ام ربح من دفع التلتمية كم و تمانين التعويضات المتفق عليها؟
Post: #11 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-05-2022, 00:32 AM Parent: #10
سلام للجميع~ تحياتى أخ محمد البشرى قبل ما أجئ راجعة تانى لقصة البنك الدولى وبرنامجه للسودان الأصلا جاهز… قصة التعويضات: التعويضات دى حتكون مزعلانى للأبد لعدد من الأسباب: - الشعب السودانى قام بثورة ضد نظام الكيزان المتهمين بمساعدة الإرهابين القاموا بعملية التفجير؛(لقيت موضوع فيه أسمائهم وإنهم جميعا تم قتلهم فى مرات مختلفة) - الحكومة المفترض تكون حكومة ثورة ما ملزمة ، بدفع دية بدلا عن ناس ثارت ضدهم؛ - بالمنطق كدا : - قالوا السودان ماسك إرهابين وفيه خلايا إرهابية وحكومة داعمة للإرهاب (غالبية ال 30 سنة) وعشان كدا موضوع فى قائمة الدول الراعية للإرهاب، -يبقى عشان يطلعوا السودان من القائمة دى ما يكون شغل بيزنس أدفع قروش نطلعك، ودا كان إجحاف فى حق الشعب السودانى المفروض الإتفاق يكون - •الدولة تتوقف عن رعاية الإرهاب؛ •تسلم اى إرهابى موجود بالسودان ؛ •تحد من علاقاتها مع الدول الراعية للإرهاب ليه لأنه ممكن ناس دكتورة هبة يجمعوا الدولارات ويدفعوا قروش ، بعد يومين يطلع من السودان او من خارج السودان شخص حامل للجواز السودانى ويفجر مصيبة (حصلت فى تركيا) وثانى ناس هبة يرضوا أمريكا بالقروش. •والجماعات الإرهابية متواجدة بالسودان وسنتين ما خلصت ، طلعوا تانى.
Post: #12 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-05-2022, 00:58 AM Parent: #11
[
Post: #13 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-05-2022, 00:59 AM Parent: #12
Sudan says it signs pact on normalizing ties with Israel By SAMY MAGDY January 6, 2021
Post: #14 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-05-2022, 01:01 AM Parent: #13
مسحت المداخلات الفوق لانها معلومات غير المعنية هذا ما أعنيه: من هنا: https://abcnews.go.com/Politics/trump-admin-offered-700m-911-victims-save-sudan/story؟id=74672919https://abcnews.go.com/Politics/trump-admin-offered-700m-911-victims-save-sudan/story؟id=74672919 Trump lifts sanctions on Sudan as he announces deal between African nation and Israel
Post: #15 Title: Re: الدكتور عبدالله حمدوك وصل الخرطوم اول ايا Author: محمد البشرى الخضر Date: 05-05-2022, 08:58 AM Parent: #14
نعم يا هدى التطبيع جزء من الصفقة اصرت عليه ادارة ترمب, لكن خلينا نرجع لحتة التعويضات المزعلاك دي, هي ليست مجرد تعويضات بل تسوية في قضيتين احدها فيه حكم نهائي و التانية ابتدائي و الحكم بمبالغ مليارية و دا نظام قضائي مستقل ما في حكومة امريكية تستطيع التدخل و الغاء الحكم, وما كان قدام السودان سوى طريق التوصل لتسوية تخفض الحكم الصادر في قضية و تخفض المطالبة في القضية الاخرى, يعني حتى غض النظر عن موضوع القائمة تبقة التسوية دي حل جيد لقضية لبسها السودان -الدولة وليس النظام! قصة انو عملنا ثورة ضد النظام بالتالي تسقط الاحكام القضائية ضد السودان هذا تفكير رومانسي يخصنا لكنه لا يعني غيرنا, و العالم لا يعمل بهذه الطريقة ولا كما نتمنى إن أردنا ان نكون جزءا منه فعلينا اللعب بقواعده, أو طريق امريكا روسيا تحت جزمتي متاح بتبعاته
Post: #16 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-05-2022, 01:56 PM Parent: #15
سلام يا ود البشرى إذا حقيقة أمريكا بتفصل القضاء عن السلطة، طيب ما عندها معنى تتدخل فى الحالة دى| أمريكا عندها "جماعات" ومحامين كدا من يشوفوا طرف هين ، بيستغلوه. السودان سلم الامريكان كاش (نص 700) وبقى منتظر ال 700 مليون "إعانات" لو فى يوم وصلت ،ممكن تكون حاجات زاته الشعب ما حيستعملها، زى مؤتمرات خارجية وسفريات وتذاكر سفر وفنادق ومنح دراسية عليا لكشف مصدر الكوفيد أو تجربة دواء فى أفريقيا ويجيبوا طلبة أمريكا ، إحتمال بعد نهاية دراستهم ما يرجعوا السودان. ودائما دا بيحصل مع الإعانات. *ال700 مليون دولار دى طلعت من قروش مكافحة الكوفيد (900 بليون)، قالوا حيدفعوا لعدد من الدول إعانات منها وحصة السودان من "الإعانات ستكون" 700 مليون دولار| نفس المبلغ دا 700 مليون - ترمب يوم الجمعة 3 يوم قبل إنتهاء فترته قال لضحايا "911” إنه حيعوضهم 700 دولار نيابة عن السودان عشان إتفاقية أبراهام تكتمل وإنه دا من إنجازاته وجو النائم ما بيقدر يعمل حاجة زى دى. اواصل…
Post: #17 Title: Re: الدكتور عبدالله حمدوك وصل الخرطوم اول ايا Author: ABUHUSSEIN Date: 05-05-2022, 02:40 PM Parent: #16
Quote: غض النظر عن موضوع القائمة تبقة التسوية دي حل جيد لقضية لبسها السودان -الدولة وليس النظام!
دي بالغت فيها ..... 🤣
Post: #18 Title: Re: الدكتور عبدالله حمدوك وصل الخرطوم اول ايا Author: ABUHUSSEIN Date: 05-05-2022, 02:42 PM Parent: #17
Quote: اواصل…
عودة حمدوك دي شايفا اتعبتك شديد و هدت حيلك .... و لا يصح إلا الصحيح ..... 🤣🤣🤣
Post: #19 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-05-2022, 02:57 PM Parent: #18
تحياتى اخى أبو حسين مسألة باشمهندس ديك عارفاها زغللت ليك عيونك😀 الموضوع مشى من حمدوك، هسة أنا فى دكتورة هبة محمد على، وعدم معرفتها بالسياسة أو استهبالها السياسى - طبعا حتقول لى حاسدة 😀 بس سمعت ليها لقاء مؤخرا والله من وجهة نظرى عجيب وغريب،. وقالت إنها الآن اتوظفت بالبنك الإسلامى (هو وين البنك الإسلامى دا؟). لكن كان نادوها ترجع وزيرة المالية قالت نعم والف نعم! هى ما كانت وزيرة المالية - كانت بالإنابة ، لكن فى لقائها الاخير دا عاملة نفسها كانت الوزيرة، وما جابت سيرة القسم على المصحف إنها ما تكلم البدوى بالمؤامرة ضده. فى لقاء البدوى بعد إستقالته تحدث عن قصة ذاك المصحف.
Post: #20 Title: Re: الدكتور عبدالله حمدوك وصل الخرطوم اول ايا Author: ABUHUSSEIN Date: 05-05-2022, 04:02 PM Parent: #19
Quote: تحياتى اخى أبو حسين مسألة باشمهندس ديك عارفاها زغللت ليك عيونك😀 الموضوع مشى من حمدوك، هسة أنا فى دكتورة هبة محمد على، وعدم معرفتها بالسياسة أو استهبالها السياسى - طبعا حتقول لى حاسدة 😀
اهلا بتنا هدوية انتي قايلاني زول كشمشه ساكت و ل شنو ... !!! ضحكي و هظاري معاك دا تواضع مني ساكت ... 🤣🤣🤣🤣🤣 شايف الفقر اقنعك بي حمدوك ..... اول مرة يعمل ليه خير الزول دا ... 🤣🤣
Post: #21 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-05-2022, 04:09 PM Parent: #20
لا لا حمدوك داك قصة براه. مستحيل أقتنع بيه جاية عليه فى البوست تبعك إنت وحسن فرح. حاشاك تكون زول كشمشة، يا أخى المحترم. أنا قاصدة مسألة تكسير الثلج.
Post: #22 Title: Re: الدكتور عبدالله حمدوك وصل الخرطوم اول ايا Author: ABUHUSSEIN Date: 05-05-2022, 07:09 PM Parent: #21
Quote: لا لا حمدوك داك قصة براه. مستحيل أقتنع بيه جاية عليه فى البوست تبعك إنت وحسن فرح. حاشاك تكون زول كشمشة، يا أخى المحترم. أنا قاصدة مسألة تكسير الثلج.
إقتناعك بيه من عدمو لا بقدم لا بأخر .... نحن نعمل من اجل نهضة البلد و حتما سنصل بقيادة المؤسس ... و شكرا حمدوك .... ✌✌✌✌✌✌
Post: #23 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-06-2022, 02:46 AM Parent: #22
Quote: إقتناعك بيه من عدمو لا بقدم لا بأخر .... نحن نعمل من اجل نهضة البلد و حتما سنصل بقيادة المؤسس ... و شكرا حمدوك .... ✌✌✌✌✌✌
سلام اخى المحترم ،أبو حسين كلامك صاح من ناحيتى كإنسانة واحدة ، لكن فكرتى يشاركنى فيها الكثيرين. وبيقدموا ويأخروا. هو أسس شنو ياربى.
Post: #24 Title: Re: الدكتور عبدالله حمدوك وصل الخرطوم اول ايا Author: ABUHUSSEIN Date: 05-06-2022, 07:32 AM Parent: #23
Quote: سلام اخى المحترم ،أبو حسين كلامك صاح من ناحيتى كإنسانة واحدة ، لكن فكرتى يشاركنى فيها الكثيرين. وبيقدموا ويأخروا. هو أسس شنو ياربى.
و عليكم السلام بتنا المحترمة هدوية رأيك و رأي غيرك فوق العين و الراس و نحترمو غصبا عننا يا ستي حمدوك مؤسس الدولة المدنبة لكن حاربوه عساكر السجم و المرتزقة المأجورين و الكيزان الفاسدين و أحزاب لا تفقه شيء عن الديمقراطية و ديل كوووووولهم لا وطنية لهم ....
Post: #25 Title: Re: الدكتور عبدالله حمدوك وصل الخرطوم اول ايا Author: هدى ميرغنى Date: 05-06-2022, 09:38 PM Parent: #24
Quote: ليكم السلام بتنا المحترمة هدوية رأيك و رأي غيرك فوق العين و الراس و نحترمو غصبا عننا يا ستي حمدوك مؤسس الدولة المدنبة لكن حاربوه عساكر السجم و المرتزقة المأجورين و الكيزان الفاسدين و أحزاب لا تفقه شيء عن الديمقراطية و ديل كوووووولهم لا وطنية لهم ....
تحياتى أخى ابو الحسين عايزنى أقول رأيى فى سياسة حمدوك هنا - مع دكتورة هبة ما فى مانع. وسأرجع لبوست الأخوان (حسن وأبو حسين) ، واتكلم عن سبب لصقة حمدوك وجماعته… وظلم "الحسن والحسين "الواقع على الشعب السودانى
Post: #26 Title: Re: الدكتور عبدالله حمدوك وصل الخرطوم اول ايا Author: ABUHUSSEIN Date: 05-06-2022, 10:05 PM Parent: #25
Quote: تحياتى أخى ابو الحسين عايزنى أقول رأيى فى سياسة حمدوك هنا - مع دكتورة هبة ما فى مانع. وسأرجع لبوست الأخوان (حسن وأبو حسين) ، واتكلم عن سبب لصقة حمدوك وجماعته… وظلم "الحسن والحسين "الواقع على الشعب السودانى
تحياتي بتنا المحترمة هدوية اخدي راحتك اكتبي في اي مكان و لو عايزة تفتحي بوست جديد برضو مافي مشكلة اهم شي راحة الزبون .... 🤣