بيان من شركة Zanbur زانبور الأمريكية الجابوها الانقلابين لحل مشكلة الطاقة ...

11:38 PM April, 28 2022

سودانيز اون لاين
بكرى ابوبكر-Peoria AZ USA
مكتبتى
رابط مختصر

Please review attachment for Sudan project and please post this message on Sudaneseonline board:

للأسف ، البيان الذي قدمته غير صحيح. لديك معرفة محدودة بالموضوع ، لا سيما كيفية تطوير المشاريع وبناؤها. يبدو أن النوايا السيئة والدوافع الخفية البديلة هي وراء هجماتك التي لا أساس لها على المستوى الشخصي ، وليست موجهة إلى المشروع. الشركة راسخة ، ولديها موارد مالية قوية ، وممولة بشكل جيد لتنفيذ المشروع ، والذي سيعود بالنفع على شعب السودان أولاً وقبل كل شيء.

إنه أمر يتجاوز فهمنا لماذا يقوم أي شخص بتخريب مشروع مطلوب في بلد يفتقر بشدة إلى إمدادات الطاقة الأساسية. بدلاً من التركيز على فوائد المشروع للبلد وفرص العمل والتدريب الميداني الذي سيقدمه ، قررت تشغيل حملة تشويه كاملة.

فقط لإعطائك مثالًا موجزًا عن فوائد هذا المشروع ، تقدر الأنشطة الاقتصادية المحلية لهذا المشروع ، من توفير النقل والإقامة وخدمات الوجبات وما إلى ذلك ، بأكثر من مليوني دولار شهريًا. سيمهد المشروع الطريق أمام السودان للحصول على مصدر موثوق للطاقة ، مما سيسمح للمصانع بالعمل ، وازدهار الإنتاج المحلي ، وتحفيز الأنشطة الاقتصادية.

نحن في القرن الحادي والعشرين ، وبدون طاقة ، لا توجد فرصة لأي بلد يمكن أن يتطور أو يتقدم.

إذا كنت مهتمًا ، فإليك بعض الحقائق بناءً على هذا المشروع:

• أولاً ، تبلغ المساحة المستخدمة لمحطة الطاقة الكهروضوئية حوالي 2600 متر مربع ، وليس كيلومترات.

• المشروع 140 ميغاواط DC و 100 ميغاواط AC مع بطارية تخزين بتكلفة تزيد عن 220 مليون دولار

• يتمتع موظفو الإدارة العليا لدينا بخبرة تزيد عن 40 عامًا في مجال الطاقة المتجددة ، وخاصة الطاقة الشمسية.

• حكومة السودان لا تدفع دولاراً لهذا المشروع.

• سوف تستند الاتفاقية على اتفاقية شراء القوة.

• تقوم شركة Zanbur Energy ببناء وتشغيل محطة الطاقة وبيع الطاقة المنتجة مباشرةً إلى تشغيل الشبكة بتكلفة أرخص مما يتم دفعه لإثيوبيا ومصر في الوقت الحالي.



لسوء الحظ ، تركت هجماتك الشخصية وتهديداتك على موظفي الشركة علامة سيئة. تم وضع علامة سيئة في بيئة الأعمال في السودان. سينعكس هذا على المستثمرين الخارجيين المحتملين ، مما سيجعلهم يفكرون مرتين قبل الاستثمار في الدولة.


Thank you,

يلا شاركوا معاي نفتش شركة زانبور الأمريكية الجابوها الانقلابين لحل مشكلة الطاقةيلا شاركوا معاي نفتش شركة زانبور الأمريكية الجابوها الانقلابين لحل مشكلة الطاقة

و كمان ارسلوا ملف تعريفي عن الشركة مشكورين

https://sudaneseonline.com/uploadpic20/Zanbur.pdf

Quote: لسوء الحظ ، تركت هجماتك الشخصية وتهديداتك على موظفي الشركة علامة سيئة

إذا كانت الشركة بالفعل بالقوة التي ذكرتها ، كيف تتأثر ببوست
لما لم تجب على كل الملاحظات والمواضيع التي أثيرت في البوست one by one
ثم اين وردت "التهديدات" في مداخلات المتداخلين

البيان. يكشف عن ضعف واهتزاز وعدم ثقة بالنفس وبوضع وموقف الشركة
ولم يقل لنا البيان ماهو مصدر دخل الشركة ومن اين لاصحابها برأس المذكور في البيان ؟

سلام للجميع~
صاحب الشركة دا فاكر الشعب السودانى هوام ساكت ما عارف شئ
نديه أمثلة:
* مشروع الراحل المقيم حميد بالشمالية - شغال بالطاقة الشمسية
*كثير من المنازل والمشاريع فى السودان شغالة بالطاقة الشمسية
*البوست المرفق بواسطة أستاذ عاصم
وعدد من المهندسين داخل السودان عملوا عدد من الندوات ووضحوا تجارب وخبرات
بعض مستخدمى الطاقة الشمسية ندوة قدمها مهندس اسمه حسام أظنه فى أمريكا أو الخليج .
*يعنى إذا البلد عايزة تحل مشكلة الطاقة "بنزاهة" , الخبرات والشركات موجودة فى السودان
وعارفة البلد أكثر من الخبراء الأجانب.
والشمس راقدة فى السودان وشركات الطاقة الشمسية كثيرة فى السودان يتعاقدوا مع واحدة او عدد منهم.
*لما تكون فى حكومة أمينة وصادقة فى خدمة المواطن ، الشركات دى كلها تعمل وبالشمس يطلبوا منهم - دوروا البابور(الحقوق محفوظة)

Quote: البيان الذي قدمته غير صحيح

لم انشر اي بيان و كل ما نشرته موجود في غوغل و الباقي جبته من سونا

Quote: لديك معرفة محدودة بالموضوع

بتعلم .... لكن قريبا حا اركب طاقة شمسية في بيتنا....

Quote: النوايا السيئة والدوافع الخفية البديلة هي وراء هجماتك

والله نيتي طيبة وبدور الخير ليك والي السودان و مافي زول هاجمك...اركز للجلد الجايك...اركز و خليك راجل......

Quote: شخص بتخريب مشروع مطلوب في بلد يفتقر بشدة إلى إمدادات الطاقة الأساسية.

كمان جابت ليها تخريب...التخريب دي صفة من الصفات الكيزان

Quote: المساحة المستخدمة لمحطة الطاقة الكهروضوئية حوالي 2600 متر مربع ، وليس كيلومترات.

يا زول امشي شوف الفيديو بتاع مديركم في الخرطوم هو القال ٢٦٠٠ كيلومتر

Quote: تركت هجماتك الشخصية وتهديداتك على موظفي الشركة علامة سيئة

يا اخي انا و اعوذ بالله من كلمة انا لا بعرفك و اول مرة اسمك بيك و بشركتك امس و الله علي ما اقول شهيد في هذا الشهر المبارك

علشان ما يقولوا كمان بكري زور البيان حا اختو بضبانتو هنا

الناس ديل يا بكري ما متابعين كويس إلا لما طرف الصوت هبشهم
كم من شركة وهمية وإستثمارات مضروبة عريناها في هذا المنبر على مدار العشرين سنة الماضية ؟
الارشيف يعج بالأمثلة

أولا أنا مع استثمار الشباب المغترب داخل السودان، على أن يدور الدولار داخل السودان زلا يخرج منه الا الضرائب الأجنبية وما الى ذلك. هذا بصورة عامة.
محطات الطاقة الشمسية تكلفتها مرة واحدة، والمهندسون موجودون، والتمزيل المحلى على قفا من يشيل.. لذلك لا حاجة لشركة أجنبية لكى تستنزف الدولارت الى الخارج والى الأبد..
بعدين 2600 متر مربع هذه مساحة بيت كبير فى ام بدة.. لا يمكن أن تنتج 20 ميجاوات حتى لو الوحات طابقين. حساب واللا كوار.. ثم أن وداللخو دا ما ناقش الدراسة المقارنة بين تكلفة
مشروعهم هذا والمشاريع المصرية التى أوردنا ذكرها.

الشغله كلها نيه وحديث المدي بعد ماطلع منلقاء زول السايدى كلام مرتبك بتاع زول ( ماحافظ ا) وحتى لغه الجسد فيها ارتباك وعدم ثقه
لقاء السيادى ماتم فى حضور وزير الطاقه !!!
دا افترضنا انو دى شركهاجمبيه ولازم التعامل يكون بحضور وزارقه الطاقه وهيئه الاستثمار ولا المشروع دا يتصنف شنو ؟؟
دى بلد شنو الشغاله كل زول شغال براهو فى امور عندها تنفيذيا جهه مختصه زى الطاقه ؟
واعتقد الوجعهم اكتر بيان السيادى الظهر فى الاعلام ينفى اى تعاقدات مع الشركه اياها وانو الامور تتم بالعطاءات المفتوحه
Re: رسالة مهدي جرسيRe: رسالة مهدي جرسي

-------------
فى عهد الانقاذ كان فى شغل فى محطه حراريه بواسطه مهندسين فرنسيين ظهر من التعامل معاهم انهم كيزان واحد قال متهكم عليهم اقنعو من جابو ليكم كيزان اجانب دى صيانه مامنها رجا

ملاحظة

الجماعة ديل في اول الايميل لا قالوا سلام و كلام ولا رمضان كريم ولا Hi


ولا كاتب البيان منو و لو لا البيان كان مرسل من بريد الشركة ما كنت سوف انشره
شكلهم الناس دي جديدة في التعامل مع الصحافة و الجمهور

الناس ده جديده في كل شء
حتي في اللف والدوران


بلد موبوءه بالعاهات
يا كافي البلاء

هي وينا الدولة في السودان عشان يجو مستثمرين امريكان مش كفاية علينا استحمار الشركة القابضة المصرية ودول الخليج وحمدوك من 1989-2022
ياخ عندنا في اليمن شغالين سبعة سنة بي الطاقة الشمسية زراعة و كل اوجه الحياة والشركت الشغالة وتخيل درجة الحرارة بس 27 درجة كلها راسمالية وطنية وليس الدولة
وتستورد التجار اليمنيين من كل الدول الصين واليابان وكوريا الجنوبية والهند وفي معاهد للتدريب اليمنيين للتركيب والصيانة
وفتحت بوست طويل عريض عن الطاقة الشمسية في البورد ده من 2018
يا اخي انت اعمل دولة ومؤسسات بعدين تكون في وزارة تخطيط وتعاون دولي للاستثمار عشان نرتاح من الانقاذ ولكومشن وفنيلة ميسي
ووزارة المالية اللاطعين فيها التخطيط حاصل فارع ووزارة الاستثمار البليدة بتاعة الانقاذ لحدي هسة
لا توجد دولة في السودان اطلاقا اذا كنا نعرف الدولة بالمؤسسات مش شالو السيدة وخلو حرم
ترجع الاقاليم القديمة وكل اقليم يحل مشاكلو التنموية بي الطريقة البعرفا يا اخونا بكري
والله امريكا دي غير والصوايخ والقنابل في راسنا ما شفنا منها حاجة في اليمن

لاحول ولا قوة الا بالله
بالله عليكم الله دا اسلوب واحد مسئول فى شركة كمان امريكية
الزول دا كوز ولو طار .

يا كوز ياخ رد بعقلانية وارقام وكلام مفهوم .

لغة كيزانية بامتياز .

الوالد رحمه الله كان عمل مشروع طاقة شمسية فى مشروع زراعي خاص به حوالي 30 فدان
عن طريق شركة امريكية كانت اشتركت فى دورة من دورات معرض الخرطوم الدولي فى بداية
ثمانينات القرن الماضى ( المشروع كان ضخم لذلك طلبوا ضمانة بمبلغ 15 الف دولار امريكي )
وان لا يتقاضوا اي مبلغ مالي الا بعد نجاح المشروع .
وفعلا نجح المشروع نجاح كبير وقد اعادوا مبلغ الضمان واخذوا حقهم .
اللوحات والبطاريات الخاص بها وجميع المستلزمات ادخلتها الشركة بدون جمارك .
لان تجريب مشروع الطاقة الشمسية كانت فى بدايتها والحكومة قامت بتسهيل اجراءات دخول
تلك المعدات لتعميم الفكرة بعد نجاحها .
ثلاثة موظفين من الشركة جلسوا معنا فى البيت لمدة اكثر من ثلاثة شهور للتركيب والمتابعة .

ZANBUR
...
" زنبور "وزن علي خراب عشو !
...

Quote: • يتمتع موظفو الإدارة العليا لدينا بخبرة تزيد عن 40 عامًا في مجال الطاقة المتجددة ، وخاصة الطاقة الشمسية.

كده خلينا من خبرة موظفيك دي، شركتك دي ذاتها أين هي المشاريع الكبيرة التي اشتغلت فيها لكي تأتي تدير مشاريع بمستوى دولة كاملة مثل السودان؟؟

ولا جايين تتعلموا الحلاقة في الغلابة؟

شغلكم ده شغل نصب وإحتيال فقط.

لو أنتزا فعلا في أكريا أمانة ما تعتبوا معانا.

قال طاقة شمسية قال.

الشركة مسجلة فى اريزونا.. يعنى من إنديكم يا بكرى.. اديهم سلك وجيب النتيجة

سلام يا ابو الريش
يا اخوي الكلام جبتو من وين
شوف الخرطة اعلاه

Quote: أين هي المشاريع الكبيرة التي اشتغلت فيها لكي تأتي تدير مشاريع بمستوى دولة كاملة مثل السودان؟؟

بالفعل .. البروفايل بتاع الشركة مفروض يحتوي على مشاريع نفذتها من قبل او يكون عندها خبرة في هذا المجال
لما لا يطرح الموضوع في عطاء مفتوح لتتنافس الشركات وفقا لخبراتها .
مشروع كهذا لابد أن يقوم على الشفافية لا المحاباة والاستهبال

Quote: • يتمتع موظفو الإدارة العليا لدينا بخبرة تزيد عن 40 عامًا في مجال الطاقة المتجددة ، وخاصة الطاقة الشمسية.

طالما خبرة بمستوى زى دا نضعها فى مقارنه مع شركه وطنيه فى دوله مجاورة ونتمنى يقدرو يطرحو نفسهم اعلاميا ويقدمو مشاريعهم باسلوب مشابه على الاقل
شركه انفينتى المصريه
صفحتها على الفيس

وموقع الشركه
https://weareinfinity.comhttps://weareinfinity.com

(لسوء الحظ ، تركت هجماتك الشخصية وتهديداتك على موظفي الشركة علامة سيئة. تم وضع علامة سيئة في بيئة الأعمال في السودان. سينعكس هذا على المستثمرين الخارجيين المحتملين ، مما سيجعلهم يفكرون مرتين قبل الاستثمار في الدولة.)


سلامات يا كومريد ورمضان كريمما هو نوع الأسلحة التى استخدمتها في هجماتك علي شركة الزنبور الوهمية والتى سببت هذه الحالة من الاحباط والتى ستمتد أثارها علي المستثمرين المحتملين؟

هلا و ترحيب كبير جدا بالثائر الحقيقي هاشم بدر الدين وشكرا لما تقدمه للسودان عبر سودانيزاونلاين في تعرية الانتهازين ، النصابين و الخونة

شكرا لك و لكل الجنود المجهولين الذين يقفون مع الثورة و الثوار بكشف الخونة و المتامرين علي الثورة و الثوار

الحبيب بكري
بيان من الشركة في المواقع الاخبارية

Quote: الخرطوم: ابتهاج متوكل دحضت شركة (زنبور) الأمريكية للطاقة فرع السودان، الشائعات والأكاذيب التي راجت حول ملكية وهوية وتمويل الشركة. وقال المدير الإقليمي للشركة، محمد علي محمد، في مؤتمر صحفي، اليوم (السبت) بمركز نبض السودان، إن الشركة ملكيتها أمريكية بنسبة ١٠٠٪، وليست لديها أي صلة بجهة في السودان، وتمويلها خارجي، موضحاً أنها بدأت إجراءات الاستثمار في السودان منذ عام ٢٠١٧م، وحصلت على التصديق النهائي في ٢٠١٩م للاستثمار في قطاع الطاقة، وكل المستندات موجودة، وتابع (كل ماراج حول الشركة سببه، لأنّ العاملين بها سودانيين وقاعدين فيها)، وأضاف: الشركة درجت على الاستثمار بالدول النامية في مجالات متعددة، وأنها وضعت خُطة توسيعية من بينها السودان، منوهاً إلى اعتزام الشراكة لإقامة محطة (السودان ون) الطاقة لإنتاج ١٠٠ ميغاواط، وصولاً لإنتاج أكثر من ٣ آلاف ميغاواط، بتكلفة ٣٣١ مليون دولار، كذلك أن دراسات وخطط المشروع أعدّت عبر مُؤسّسات دولية مُختصة في مجال الطاقة، خاصةً أنّ السودان يُواجه نقصاً في توليد الكهرباء، والشركة لديها خُطة لفترة لإنتاج وتحقيق استقرار الإمداد الكهربائي. وذكر محمد، أن الشركة ستلاحق الجهات التي تطاولت على الشركة قانونياً، بسبب نقل أخبار مُنافية للحقيقة وتطاولت على أشخاص في الشركة، كما أن الشركة دخلت في مباحثات رسمية مع حكومة السودان في أبريل الجاري، درءاً (للشُّبهات)، وبناءً على توصيات وزارة التجارة الأمريكية، مؤكداً أن الشركة واجهت صعوبات، إلا أنها لا تزال ملتزمة بالمعايير والمنافسة لتنفيذ المشروعات بعيداً عن الشُّبهات. وشدّد محمد، على أن الشركة اتّبعت إجراءات ونظم الاستثمار في السودان، والمشروع سيكون بإشراف الجهات المُختصة في الكهرباء، حال الوصول للاتفاق ومرحلة التوقيع. وأشار محمد إلى أن المشروع ينفذ بتمويل خارجي، والحكومة السودانية والمواطنون غير مسؤولين عن دفع أي سنت في هذا المشروع، وهو استثمار أجنبي، مبيناً أن الأرض المقام عليها المشروع يتم استئجارها لفترة ٣٠ عاماً، وعقب انتهاء هذه المدة يُملّك المشروع لحكومة السودان، إلى جانب أن الشركة طرحت سعراً تنافسياً بواقع ٧ سنتات للكيلواط ساعة، ويعد الأقل من بين العروض التي قُدِّمت لاستيراد الكهرباء من قبل دول الجوار.

الاخ ابوعلوة الحاجة حلوة
اولا اهنيك وصاحب الطرح والمتداخلون والقراء بحلول نهاية رمضان ودخول شهر شوال حيث عيد الفطر
واليكم تعليقي على البيان الذي تكرمتم بتنزيله وهو يقول:

Quote: الخرطوم: ابتهاج متوكل دحضت شركة (زنبور) الأمريكية للطاقة فرع السودان، الشائعات والأكاذيب التي راجت حول ملكية وهوية وتمويل الشركة. وقال المدير الإقليمي للشركة، محمد علي محمد، في مؤتمر صحفي، اليوم (السبت) بمركز نبض السودان، إن الشركة ملكيتها أمريكية بنسبة ١٠٠٪، وليست لديها أي صلة بجهة في السودان، وتمويلها خارجي، موضحاً أنها بدأت إجراءات الاستثمار في السودان منذ عام ٢٠١٧م، وحصلت على التصديق النهائي في ٢٠١٩م للاستثمار في قطاع الطاقة، وكل المستندات موجودة، وتابع (كل ماراج حول الشركة سببه، لأنّ العاملين بها سودانيين وقاعدين فيها)، وأضاف: الشركة درجت على الاستثمار بالدول النامية في مجالات متعددة، وأنها وضعت خُطة توسيعية من بينها السودان، منوهاً إلى اعتزام الشراكة لإقامة محطة (السودان ون) الطاقة لإنتاج ١٠٠ ميغاواط، وصولاً لإنتاج أكثر من ٣ آلاف ميغاواط، بتكلفة ٣٣١ مليون دولار، كذلك أن دراسات وخطط المشروع أعدّت عبر مُؤسّسات دولية مُختصة في مجال الطاقة، خاصةً أنّ السودان يُواجه نقصاً في توليد الكهرباء، والشركة لديها خُطة لفترة لإنتاج وتحقيق استقرار الإمداد الكهربائي. وذكر محمد، أن الشركة ستلاحق الجهات التي تطاولت على الشركة قانونياً، بسبب نقل أخبار مُنافية للحقيقة وتطاولت على أشخاص في الشركة، كما أن الشركة دخلت في مباحثات رسمية مع حكومة السودان في أبريل الجاري، درءاً (للشُّبهات)، وبناءً على توصيات وزارة التجارة الأمريكية، مؤكداً أن الشركة واجهت صعوبات، إلا أنها لا تزال ملتزمة بالمعايير والمنافسة لتنفيذ المشروعات بعيداً عن الشُّبهات. وشدّد محمد، على أن الشركة اتّبعت إجراءات ونظم الاستثمار في السودان، والمشروع سيكون بإشراف الجهات المُختصة في الكهرباء، حال الوصول للاتفاق ومرحلة التوقيع. وأشار محمد إلى أن المشروع ينفذ بتمويل خارجي، والحكومة السودانية والمواطنون غير مسؤولين عن دفع أي سنت في هذا المشروع، وهو استثمار أجنبي، مبيناً أن الأرض المقام عليها المشروع يتم استئجارها لفترة ٣٠ عاماً، وعقب انتهاء هذه المدة يُملّك المشروع لحكومة السودان، إلى جانب أن الشركة طرحت سعراً تنافسياً بواقع ٧ سنتات للكيلواط ساعة، ويعد الأقل من بين العروض التي قُدِّمت لاستيراد الكهرباء من قبل دول الجوار.

هذا بيان تعميمي انشائي لا ثمرة فيه
وانظر لقوله:
(كل ماراج حول الشركة سببه، لأنّ العاملين بها سودانيين وقاعدين فيها)
حاشا لله ان يكون سوء ظن بهم وهم اقل عددا من اصحاب الكهف ويتطلعون لاقامة مشروع بمئات الملايين من الدولارات
وليدحض قول المكذبين فقد جاء الاتي في بيانهم
أضاف: الشركة درجت على الاستثمار بالدول النامية في مجالات متعددة، وأنها وضعت خُطة توسيعية من بينها السودان، منوهاً إلى اعتزام الشراكة لإقامة محطة (السودان ون)
لهذا نطالبهم بتسمية مشروع واحد نفذته الشركة مستثمرة في الدول النامية في الطاقة الشمسية كما جاء في بيانهم اعلاه
وانظر لمنطقهم ادناه اليست هي نظم حديث مفترى وهم يخاطبون الرأي العام قائلين:

أن الشركة ستلاحق الجهات التي تطاولت على الشركة قانونياً، بسبب نقل أخبار مُنافية للحقيقة وتطاولت على أشخاص في الشركة،
شنو تطاول او تقاصر لا يوجد قانون في الارض يجرم المتطاول، اللهم الا على الذات الالاهية
قرأت كل المداخلات وجمعيها ترمي ان هذه الشركة ومن سيرتها الذاتية غير مؤهلة لقيام ما طحرته من طموحات واقعية، اعني بكلمة (واقعية) انه من الممكن تنفيذ مشروع الطاقة الشمسية ولكن هل هي من قدرات ومقدرات هذه الشركة
هذا هو التحدي لهذه الشركة ورجالها والايام بيننا ان بقينا على ظهر الارض.
ومن كل قلبي ادعو الله في ختام هذا الشهر ان يكون حديثنا جناية على الشركة ويوفق القائمين عليها بنجاح تطلعاتهم في السودان خاصة والدول النامية عامة

تعليق هادي ود البورت على المؤتمر الصحفي:

Quote: هادي ود البورت 1 س · حضرت المؤتمر الصحفي بتاع الطبيب بتاع الشركة الأمريكية القال حا ينشي محطة في غرب أمدرمان طاقة شمسية 100ميقا غاتيو يا Elia R. William أنا كنت على أستعداد لنشر توضيحه أذا فاتت علينا حاجة ما فهمناها لكن الخلاصة نحن أمام خارم بارم شخصيا وشغل جوكية بإمتياز:- - معظم المؤتمر الصحفي عبارة عن ورجعة زي أركان النقاش عن أهمية الكهرباء ودرس في الوطنية وانو نحن بنخرب عليهم وممكن المشروع يطير ويتضرروا المساكين .. واقر أنو طبيب لكن قال أنو عندو 181 كتاب و 45سمنار ومؤتمر وماستر من جامعة أفريقية مرموقة .. وقال عشان مشروع بلدو مأجل الدكتوراه بس ما ورانا طبيعة وعلاقة الكتب بالكهرباء - ............... - ما عندو أي خلفية عن أدارة المشاريع ولا طبيعة التعاقدات . ولا قدم c.v يشفع للشركة عن مشاريع منفذة في أي حتة في العالم رغم أنو قال لفة أفريقيا كلها ما عارف كان بعمل في شنو . قال برضو عندو مشاريع تعدين وطاقة في تشاد ، ما ورانا دخل التعدين بشركة طاقة شمسية أمريكية شنو؟ نحن بنعارض الانقلاب عشان أيام البشير في تركي بتاع شاورما اتحول للملابس ثم أتحول لغول بلع كل موارد والقروض الكان بتجي للبلد بالتواطؤ مع آل البشير وهسه نحنا مديونين بيها - .... - عندو مشكلة أساسية في الأرقام قال دار لغط عن 2600 كيلو متر مربع لمساحة المشروع ، قال هي فعليا 700 فدان ، ثم أردف أنها يعني 2800 متر وشوية .. والأرقام دي ما بتشبه بعض نهائي لواحد خريج أبتدائي بيعرف تضاربها - من خلال حديثة عن الكهرباء واضح أنو خلفيتو صفر كبير عن مشاريع الطاقة الشمسية ، لأنو بتكلم عن توصيل بالشبكة وفي نفس الوكت بذكر بطاريات أو تخزين طاقة .. ثم برر 2710 عامل بطريقة ما عندها أي علاقة بالمشروع قال هي العمالة في المشاريع المصحابة الحا تنشا حول المشروع ما عارف مصاحبة لشنو .. والعادة مشاريع الطاقة دي بعد التركيب بتحتاج لعمالة ما ببتتجاوز أصابع اليدين .. حتى النضافة فيها بتكون أتوماتيك - برضو عندو أرتباك في تكلفة المشروع المسميه "سودان واحد" قال 221مليون ، 232 مليون ..وقال على الدقة 331.924.502 مليون دولار .. - .... - للمعلومية قال المشروع 100 ميقا حا يؤول بعد 30 سنة لحكومة السودان ، هو قال حا يبيع الكيلو بسعر 7 سنت لحكومة السودان وهو.. المشروع ده كده لأي زول عندي أساسيات طاقة شمسية بيخسر وما بيسترد راس مالو من التوليد لو تكلفتو زي ما قال وما في جهة بتمولك بالفهم ده .. في حاجة تانية مافي مشروع كهرباء طاقة شمسية عمرو أكتر من 25 سنة وهي عمر الألواح .. حا يؤول كيف بعد 30 سنة لحكومة السودان؟ ..................... - قال حا يحدد الحد الأدني للأجور 2000 دولار لانو محكوم بالحد الأدني للأجور في أمريكيا .. ما عارف الرقم جابو من وين وحا يدفعو لشنو .في 2710 عامل واخد بالك ؟ - قال معدل الأعمار في الشركة أقل من 25 سنة في السودان وذكر عرضا وده كلام وهمي لزول عارف ابجديات تحديد متوسط الأعمار .. وقال انو الشركة في أمريكيا بيملكوها 4 أشخاص دون تحديد مقدرتها المالية ولا قوتها البشرية ولا خبراتها - قال ما كان حيطلع أسرار الشركة لكن هو حا يملك الصحفيين مستندات الشركة الأمريكية ما عارف السر شنو في مستندات تسجيل الشركات ............ أي زول عندو حبة فكرة عن موضوع الطاقة أو المشاريع بيضحك في طريقة عرض الزول ده خليك من المتخصصين ، لكن واضح الصحفيين الموجودين ما عندهم فكرة للاسئلة ... عشان ما نقول كلام ساكت ما في حاجة بتخلي الزول ده يدخل في مباحثات مع مجلس سيادة .. شركة الكهرباء عندها خطط واضحة في الحاجات دي لو عايز تطرح بنظام بوت عندها طريقتها في طرح العطاءات من ضمن الحاجات الموجودة مثلا مذكرة تفاهم مع مصدر الأمارتية 500 ميقا ، والمعروف مصدر قدمت في الأمارات أقل تكلفة للكيلو 4.97فلس يعني حوالي 1.37سنت يعني اقل من سنت ونص .. حتى شركات زي تاتا قلنا بتقدم 2.8 سنت هو بيتكلم عن 7 سنت و ديل الـ C.V حقاتهم معروفة .. انشر لينا حقتك بالله ..................ز نرجع نقول عملية الربط لمشاريع الطاقة الشمسية مع شبكة قومية متردية عندنا أكتر حاجة مخلية الفنيين مترددين .. الكلام نوقش بإستفاضة لما طرحوا أوليات 700مليون دولار للطاقة المقدمة من البنك الدولي قبل يوقفها الأنقلاب ... زي الزول ده هو نموذج للشكل الممكن تمشي بيهو البلد في يد الأنقلابيين والجنجويد .. لأي زول بقول نحن بطلنا الحاجات البنعمل فيها وشغالين قصاد الأنقلاب .. انا واجعني الزمن الضيعتو وحضرت وخسارة الميقا بايتات .. لكن نقول الله يعوضنا وما خسارة لتفنيد بيع وهم لو عايز تخسر انت المؤتمر هنا https://www.facebook.com/watch/live/؟ref=searchandv=569230207718945[/QUOTEhttps://www.facebook.com/watch/live/؟ref=searchandv=569230207718945[/QUOTE]

---

Post: #26 Title: Re: بيان من شركة Zanbur زانبور الأمريكية الجابوه Author: بكرى ابوبكر Date: 05-01-2022, 04:38 PM Parent: #24 Quote: وذكر محمد، أن الشركة ستلاحق الجهات التي تطاولت على الشركة قانونياً، بسبب نقل أخبار مُنافية للحقيقة وتطاولت على أشخاص في الشركة، كما أن الشركة دخلت في مباحثات رسمية مع حكومة السودان في أبريل الجاري، درءاً (للشُّبهات)، وبناءً على توصيات وزارة التجارة الأمريكية، مؤكداً أن الشركة واجهت صعوبات، إلا أنها لا تزال ملتزمة بالمعايير والمنافسة لتنفيذ المشروعات بعيداً عن الشُّبهات. شكرا حبيبنا علي خوفت والله علي كل حال عنواني موجود في بروفايلي

---

Post: #28 Title: Re: بيان من شركة Zanbur زانبور الأمريكية الجابوه Author: بكرى ابوبكر Date: 05-01-2022, 05:02 PM Parent: #26 مكتب الشركة في امريكا

---

Post: #29 Title: Re: بيان من شركة Zanbur زانبور الأمريكية الجابوه Author: حيدر حسن ميرغني Date: 05-01-2022, 05:52 PM Parent: #28 Quote: أن الشركة ستلاحق الجهات التي تطاولت على الشركة قانونياً، بسبب نقل أخبار مُنافية للحقيقة وتطاولت على أشخاص في الشركة، يا ما قبلكم عواليق كتار قالوا الكلام ده المنبر ده بعرَي فيكم وامثالكم من سنسن

---

Post: #30 Title: Re: بيان من شركة Zanbur زانبور الأمريكية الجابوه Author: كمال عباس Date: 05-01-2022, 06:53 PM Parent: #29 Quote: مكتب الشركة في امريكا ..دامقر الشركة؟ دا شكلو مبني DAYCARE درجة تالتة ! ..