لماذا اختار الله ان يعذب الشعب السوداني دون بقية شعوب العالم؟

06:31 PM April, 21 2022

سودانيز اون لاين
بكرى ابوبكر-Peoria AZ USA
مكتبتى
رابط مختصر

سلام و احترام للجميع و رمضان كريم
طوالي بدون مقدمة بعد ان شوفت الصورة دي


سالت نفسي ليه.....


عمل شنو؟

هنا...لا يمكن ان تصل منصب قيادي في الدولة او مديرا لشركة...الخ
الا ان تكون خريج من League universities ....و رياضي و بدون كرش......الخ


شي مقرف و كمان نائب رئيس ما تم الابتدائي

نحن بنعذب نفسنا برانا .. ما لم نغير طريقة تعذيبنا لانفسنا لن يغير الله حالنا

هيئة علماء السودان تختار أشرف الكاردينال راعياً رسمياً لبرامجها ومشروعاتها.

أشرف الكاردينال مع داليا البحيري

Quote: هنا...لا يمكن ان تصل منصب قيادي في الدولة او مديرا لشركة...الخ الا ان تكون خريج من League universities ....و رياضي و بدون كرش......الخ

المقصود طبعا أمريكا
طيب هل اختار الله للامريكان نوابهم ورئيسهم ؟
الوعي وتراكم التجارب الديمقراطية وحكم المؤسسات هي اللي انجت أمريكا والدول الديمقراطية من الإنزلاق إلى ما نحن فيه من بلاوي متلتلة

شكرا يا حبيبا حيدر بجيك صادي..... لكن بدور اعلق و اسال عن صورة داليا البحيري و الكاردينال الفوق دي


تخيل لو داليا البحيري ...دي سودانية...و صدرها اقصد شطورها في الشارع كما في الصورة ...كان العلماء المصورين مع اشرف الكاردينال كانوا ملوا الاسافير بكلام خارم بارم.......

"شطورها" دي شنو يا بكري ياخ

حبيبنا محمد البشرى الخضر مشتاقين و رمضان كريم
حا اكتفي بالصورة ادناه للخبر الكان عمل جوطة قبل فترة و اهديه بما يسمي بعلماء الدين اعلاه
والله بين وبينك محتشمة اكتر من داليا البحيري

حبيبنا الجميل حيدر
كلامك اناه

Quote: طيب هل اختار الله للامريكان نوابهم ورئيسهم ؟ الوعي وتراكم التجارب الديمقراطية وحكم المؤسسات هي اللي انجت أمريكا والدول الديمقراطية من الإنزلاق إلى ما نحن فيه من بلاوي متلتلة

اتفق معاهو ١٠٠ في ١٠٠ ...لكن بتمني من الله في هذا الشهر الكريم ان يعجل برحيل القتلة البرهان و حميدتي الى جهنم و بئس المصير …و اذقهم من العذاب كما اهانا و اذلا السودانيين

ادعو معي و ادعو الجميع الي الدعوة الي ربنا بهذا الدعاء لعله يستجيب لدعانا في هذا الشهر المبارك

اللهم نسألك في هذا الشهر المبارك باسمك الاعظم الذي اذا دعيت به اجبت واذا سألت به اعطيت ان تنزل بطشك وعذابك علي كل من شارك في جريمة فض الاعتصام سوى بالامر او التنفيذ وكل من قتل وحرق واغتصب واغرق ..اللهم اذقهم ما اذاقوا امهات الشهداء في ابنائهم واذقهم كل فعل شنيع اذاقوهو الابرياء..اللهم اجعل حياتهم ذلة ومهانة ومرضا وفقرا وعذاب حتي يتمنوا الموت فلا يجدونه...اللهم خذهم اخذ عزيز مقتدر ونكل بهم تنكيلا....

اللهم امين

Quote: هنا...لا يمكن ان تصل منصب قيادي في الدولة او مديرا لشركة...الخ الا ان تكون خريج من League universities ....و رياضي و بدون كرش......الخ شي مقرف و كمان نائب رئيس ما تم الابتدائي

هل الكلام ده صحيح خاصة بعد انتخاب ترامب؟

حياك الله يا باشمهندس ورمضان كريم

Quote: طوالي بدون مقدمة بعد ان شوفت الصورة دي

والله يا ريس أنا ما بعرف اللي في الصورة مع القاتل البرهان ... التنابلة ديل منو؟

Quote: والله يا ريس أنا ما بعرف اللي في الصورة مع القاتل البرهان

حبيبنا م م قاضي
ديل اولاد سيدي الميرغني و انشاء الله حا يكونوا اسياد اولادي و احفادي.....تخيل....

الفوق ديك الصورة ودا الخبر
قبل أن يجف التوقيع علي الوثيقة التوافقية الميرغني يتقدم اليوم بمبادرة. منفردة

Quote: لبرهان يتسلم رسالة من مولانا الميرغني بشأن الأزمة الوطنية الراهنة الخرطوم 21-4-2022 (سونا)- تسلم رئيس مجلس السيادة الإنتقالي الفريق أول ركن عبد الفتاح البرهان رسالة خطية من مولانا محمد عثمان الميرغني، رئيس الحزب الإتحادي الديمقراطي الأصل ومرشد الطريقة الختمية، تتعلق بمبادرة حل الأزمة السياسية في البلاد وتحقيق الوفاق الوطني الشامل.وأكد رئيس مجلس السيادة، خلال إستقباله بمكتبه ،أبناء مولانا محمد عثمان الميرغني، السادة، عبدالله المحجوب، ومحمد محمد وجعفر الصادق، الذين سلموه المبادرة، وأكد ترحيبه بالمبادرة، مشيداً بالأدوار العظيمة التي ظل يضطلع بها مولانا محمد عثمان الميرغني في الساحة الوطنية، خاصة جهوده المشهودة في جمع الصف الوطني ، وسعيه الدائم من أجل أمن وإستقرار السودان.وتأتي المبادرة الوطنية التى أطلقها مولانا السيد محمد عثمان الميرغني ، ضمن عدد من المبادرات المطروحة للمساهمة في إيجاد حل وفاقي للأزمة السياسية بالبلاد، والتي قامت بها الأحزاب الاتحادية للوحدة التنسيقية التي تضم أكثر من ستة فصائل وقعت مؤخراً، على ميثاق الوحدة فيما بينها.

Quote: الاتحادي الأصل : لم نفوض أي من أعضائنا للتوقيع على وثيقة إدارة الفترة الانتقالية منذ 3 ساعات

وأضاف البيان “إذ يطرح الحزب مبادرته و يدعم كل مجهودات التوافق إلا أنه لم يفوض أي عضو من أعضائه للتوقيع إنابة عنه في ما طرح وأن وما ورد في الأخبار من توقيع باسم الحزب هو محض ادعاء”.

هيئة علماء السودان تختار #أشرف_الكاردينال راعياً رسمياً لبرامجها ومشروعاتها
الخرطوم : البلد نيوز

لبت قيادات هيئة علماء السودان دعوة الافطار الرمضاني الجماعي الذي نظمه الدكتور أشرف سيد أحمد الكاردينال بمنزله بضاحية قاردن سيتي

ويأتي الافطار في إطار التواصل واللقاءات التي يقيمها الدكتور أشرف سيد أحمد الكاردينال خلال شهر رمضان المبارك مع قطاعات المجتمع المخلفة .

وجري خلال برنامج الافطار تكريم الكاردينال من قبل الهيئة بدرع فاخر واختياره وتكليفه برعاية الهيئة ليصبح راعيا رسميا لها.

كما تناول خلال اللقاء طرح مبادرة لحل الازمة السودانية حيث تم التوافق عليها وعرض بنودها لتقود السودان لبر الامان تحت إشراف ورعاية الكاردينال الذي اكد على العمل والشروع في تنزيلها على أرض الواقع خلال الأيام القادمة.

يا ريس رمضان دخل العظم ولا شنو:)
هيئه العلماء ديل لاتأخذك بهم رأفة لكن كمان ما على حساب داليا ولوشى (اعلاميا ضعيفات من رأى )وإن اختلف سياق النقد وبدون قصد شنقتهم يا سيد بكرى فى علن اسفيرى ضعيف الذاكرة ينتعش بإعادة السيرة ويا لها من سيرة

Quote: الدكتور أشرف سيد أحمد الكاردينال

كمان بقوهو دكتور....ويقال ما كمل الابتدائي ذي الفريق و القاتل حميدتي...يا اخي نحن الله غضبان علينا غضب شديد


يا اخوانا ما واحد يجيب لينا الحديث البقول..."كما تكونوا يولى عليكم...."

Quote: يا اخوانا ما واحد يجيب لينا الحديث البقول..."كما تكونوا يولى عليكم...."

Quote: هذا الحديث لم يصح ولم يثبت عن رسول الله صلى الله عليه وسلم. لكن معناه أمر أخذ بالاستقراء، فغالباً يكون الناس باهتماماتهم، على حسب الوالي عليهم، ووجد لأبي منصور الثعالبي المتوفى سنة 429هـ، في كتاب مطبوع اسمه: (لطائف المعارف)، وجدت له كلاماً جميلاً يخص هذا الحديث، ويؤكد أن هذا الكلام بالجملة معناه صحيح فيقول أبو منصور الثعالبي: "كان الأغلب على عبد الملك بن مروان حب الشعر، فكان الناس في أيامه يتناشدون الأشعار ويتدارسون أخبار الشعراء، وكان الأغلب على الوليد بن عبد الملك حب البناء واتخاذ المصانع وكان الناس في أيامه يخوضون في رصف الأبنية، ويحرصون على التشييد والتأسيس، وكان الأغلب على سليمان بن عبد الملك حب الطعام والنساء، فكان الناس في أيامه يصفون ألوان الأطعمة ويذكرون أطايبها، ويستكثرون من الحرص على أحاديث النساء، ويتساءلون عن تزوج الحرائر، والاستمتاع بالسراري، ويتجاوزون في الباه، وكان الأغلب على عمر بن عبد العزيز حب الصلاة والصوم وكان الناس في أيامه يتلاقون، فيقول الرجل لأخيه: ما وردك الليلة؟ وكم تحفظ من القرآن؟ وبكم تختمه؟ وكم صليت البارحة؟ وهل أنت صائم؟ وكان يزيد بن عبد الملك يحب الخيل وكان الناس يتنافسون في اختيارها، ويتقربون إليها، باتخاذ الأجود والأحسن منها، وكان هشام بن عبدالملك يحب الثياب ونفائس اللباس وكان الناس في أيامه يتبارون في التجارة فيها، ويتواصفون أنواعها، وكان الوليد بن يزيد صاحب لهوٍ وشراب وسماع، وكان الناس في أيامه يتشاغلون في الملاهي ويترخصون في النبيذ ويقولون بالسماع، وقد صدق من قال: إن الناس على دين ملوكهم والسلطان سوق يجلب إليها ما ينفق فيها". إذن هذه المقولة حكمة مأخوذة من خلال النظر في تاريخ الناس، أما عزو ذلك للنبي صلى الله عليه وسلم على أنه حديث فليس بصحيح، والله أعلم.

---

Post: #20 Title: Re: الدكتور أشرف سيد أحمد الكاردينال Author: محمد بدرالدين Date: 04-21-2022, 10:57 PM Parent: #19 والله زمااان عمنا محمود محمد طه .. الحلفاوى مش الجمهورى قال : ربنا بيجهز السودان عشان يعمل فيه القيامة .. و اهو قاعدين نشوف و نضوق و نعانى من ويلات القيامة .. ثم سلامنا و تحياتنا ريس بكرى و كل الاخوة .. و اللهم بلغنا ليلة القدر .. و تقبل منا مودتى و تقديرى

---

Post: #21 Title: Re: الدكتور أشرف سيد أحمد الكاردينال Author: علي عبدالوهاب عثمان Date: 04-22-2022, 00:14 AM Parent: #20 Quote: هيئة علماء السودان تختار #أشرف_الكاردينال راعياً رسمياً لبرامجها ومشروعاته[/QUOTE حبيبنا بكري تحياتي كاردينال يمتلك مصانع بيرة تحياتي Post: #22 Title: Re: الدكتور أشرف سيد أحمد الكاردينال Author: Asim Ali Date: 04-22-2022, 01:56 AM Parent: #20 سلام عليكم من قمت شفت عندنا ايه معلقه فى الديوان عرفتها شكلا وقراءتها نبعد ما اتعلمت القرايه وفى لحظت سكون كتيرة كنت افكر فيها وفى معناها بسم الله الرحمن الرحيم "إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ" صدق الله العظيم رغم اننا كشعب فكينا الخط ومابقول اتعلمنا وتنورنا وغيا وانعكاس دا على البلد وحركتو الاجتماعيه والسياسيه . لكن تجذر القبله والطائفيه فى بعض مجتمعاتناوالغريب انو رؤوس الهوس والمشاكل معدومى الوعى ويادوب فكو الخط (حتى لو دكتوراة برضو فك الخد طالما الوعى قاصر وغير مستوعب للوعى والتنوير) لما سافرنا للدراسه فى الخارج -قبل كابوس الانقاذ بسنه او سنتين- اولمكان سكن مؤقت كان فى داخليه فيها عنابر تلقائيا اتجمع الناس جهويا ظهرت حتى فى التسميه شيكان واصوصا والجزيره و الحلاوين...الخ كان العنبر الوحيد اللى عبر عن السودان عنبرنا كنا لحم راس بقاره اتربو فى حلفا الجديده ومحسى اتربى فى مدنى وكنا كم واحد ننتمى لاطرف السودان لكن اتبينا فى الخرطوم وشايقى اتربى فى الابيض ..الخ كنا 16 واحد جينا نسمى الهنبر اتفقنا اول شىء نعمل اختيار ديمقراطى وفعلا اتطرحت تسميات وكان من ضمنها مقترحى (الانتفاضة) وفاز مقترحى والغريب انو الانتفاضه تحول لقبله للداخليه طلها والعنبر قدم زعيم طلابى -شايقى اتربى فى الشعبيه-رغم انو كان ماكان قائ نقابى فى الكيان الطلابى لكن كان مرجع وملجا من كتيرين من الزملاء فى السكن الداخلى بل مجتمع الطلاب السودانيين فى الجامعه مشكلتنا نماذانو السودان اعلبو نماذج العنابر الجهويه ومختاجين يكون عندنا نموذج زى نموذج الانتفاضه فى السودان ينقل السودان من الانكفاء على الصراعات اللى اتجاوزها الزمن والتاريخ ويلتفتوا للاهم والمهم صناعه نسيج متماسك من طيف السودان واولى الخطوات البلاوى زى زعماء الطوائف و مايسمى الادارات الاهليه المفتكرين انهم وروثوا السودان اقطاعيات لهم ولمن بعدهم من نسلهم بسم الله الرحمن الرحيم "إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ" صدق الله العظيم Post: #24 Title: Re: الدكتور أشرف سيد أحمد الكاردينال Author: محمد البشرى الخضر Date: 04-22-2022, 01:17 PM Parent: #22 Quote: كاردينال يمتلك مصانع بيرة كذب يا علي يا عمك ما في كلام زي دا Post: #25 Title: Re: الدكتور أشرف سيد أحمد الكاردينال Author: Zakaria Fadel Date: 04-22-2022, 01:33 PM Parent: #22 لا ارى سببا واحدا يجعل السودان مختلفا عن بقية الدول في تقديمه لمن يملك ( السلطة و المال ) عن بقية الخلق. امريكا عندما اختارت دونالد ترامب ...لم تختار الخريج الجامعي المتميز او الرياضي بدون كرش بريطانيا عندما اطاحت بمارغريت تاتشر ...و اتتت بالسيد جون ميجر ....لم تختار خريجا من (اوكسبريدج) ....او رياضيا شهيرا هنالك حسابات معينة و ( لوبي) معين يدفع او (يقنطر) المخرج الديمقراطي بس عندنا في السودان الحسابات (مؤخرا ) دخل فيها استعمال القوة (العسكرية).... الطائفية في السودان ( في سبيل الوصول للسلطة) .....لم تلجأ للانقلابات ( وهي ما هي عليه من عدم ديمقراطية) ...لان السلطة كانت تاتيها منقادة تجرر اذيالها رغم انف (الخريجين).... الاحزاب العقائدية ( معظمها يؤمن بقيادة الحزب الواحد وبعضها امتطى الدين) رفضت ديمقراطية تأتي بالطائفية ...واستعانت بالجيش نفس حكاية انتخابات اتحاد الطلاب في الجامعات : ينادي التنظيم المعين بالحر المباشر اذا كانت له شعبية....و بالتمثيل النسبي اذا فقدها مصيبة الانقلاب الاخير ان (الدرب راح ليه ) في منتصف الطريق... فاصبح (ثورا ) في مستودع خزف و ظهرت (نبتة شيطانية) قضت على الشئ الذي كان يميزنا ....الاخلاق Post: #26 Title: Re: الدكتور أشرف سيد أحمد الكاردينال Author: Mahjob Abdalla Date: 04-22-2022, 02:10 PM Parent: #25 انا برضو في تقديرى مشكلتنا اكبر من ال الميرغنى و ال المهدى. بالذات بعد سقوط البشير و الاحداث التى تلت و اوصلتنا الي ما نحن فيه الان, يقينى انه ليس هناك استثناء لاحد. نعم الانتخابات حتى في الدول الغربية ممكن تأتى بشخص غير متعلم خالص و لكن قد يتم انتخابه و لكن برضو المعادلة الاخرى هى ان الناجحين و لهم فلوس اغلبهم من المتعلمين. اى التعليم ربما ساهم في تفوقهم المادى.

---