زياره للاهل والأصدقاء في السودان بعد غيبه طويله

12:30 PM April, 19 2022 سودانيز اون لاين
Muhib-
مكتبتى
تحيه للجميع

الكثير السلبي يمكن ان يقال عن السودان والحال هناك ..لكن هذه محاوله لعكس بعض الجمال المتبقي والمتاصل في السوداني. من بتاع ركشه او ترحال او شخص بمكن يلقاك في الشارع العام ويسلم عليك وتسلم عليه..ابتسامه واحده من وجه سوداني ازاح عن زوجتي اليسون ارهاق الايام وسخانه الجو والغبار..قالتها لي بطرق مختلفه ..دا شعب جبار ..
ولن انسي كرم الكثيرين رغم ضيق الحال والاحوال
ولن ننسي الاخ عثمان موسي عضو المنبر وعمده ما كل جميل . خفيف الظل ودوما مبتسم .
.التقينا في صاح السمك في شارع 41 ولم يقصر معنا . اليسون قالت " السمك دا ما عادي" عثمان قال ليها دا سمك من النيل وفرش. عثمان اصيل وكلامه حتي لو قليل ..مفيد وعميق…..في واحدة من النقاشات قال ليها..لو عايزه تعرفي السودان..اقري موسم الهجرة. الي الشمال. واتحدث عثمان عن تنوع السودان العرقي باجاده.حبه للجمال ما من فراغ..افضل سفير لافضل بلد ..ولن ننسي ضحكنا في العربيه والنكت النضيفه عن محبة عثمان للجمال ..شكرا عثمان..لحد اخر لحظه يتصل علينا الاطمئنان والسؤال.

حبيبنا محب تحياتي لك والاسرة الكريمة
والتحية للحبيب عثمان

نتمنى لك أيام جميلة في الوطن
ما أجمل حبك ووفاءك لوطنك

تحياتي الحبيب محب

الاخ علي
لك الشكر والمحبه
كانت ايام جميله مع الاهل وبعض الأصدقاء.
لك الشكر المجدد

حمد الله على السلامة يا محب

يا سلام يا محب مشيت جددت الاشواق وبصحبتك زوجتك المصون
اجمل حاجة انك لقيت البلد لسه فيها باقي خير في الناس رغم الصعاب
انا رجعت قبل شهرين ولسه غامرني الحنين للناس وبعض الامكنة اللي هومت حولها
شيء جميل انك إلتقيت بالرحالة عثمان الخبير بمحلات العضات المجيهة
ربنا يحفظ بلدنا الكبير واهله جميعا

سلام و احترام لك حبيبنا محب و لضيوفك الكرام التحية و التقدير
حمد الله علي السلامة وشكرا حبيبنا عثمان موسي ودي يا محب فوائد المنبر علاقات الصداقة و الاخوة و المحبة و تبادل الخبرات .....
يا ريت لو تطعموا البوست بحبه صور....فنحن لينا زمن من بلدنا الحبيبة الكرهنا ليها بتاع الحمير

الاخ بكري صاحب الحوش
شكرا علي المشاركه معنا ..سيرتك جات بالخير في احدي النقاشات
مع الحبيب عثمان. خصوصا ان المدام سكنت في اريزونا العظيمة لفتره كم سنه
انا وعثمان ناس دقه قديمه. اظننا اخدنا صوره احده
يوم التقيت به..

نشوف تلفون المدام لاحقا..

دينق
لك التحيه وشكرا علي المرور..
كانت ايام فيها الجميل وفيها الاستغراب ولن اخفي بعض القلق
من المجهول..مررنا بحيكم الراقي عده مرات..فيه المحمود وفيه بعض ملامح الحسره والدهشه
من تجاهل الحكام للشارع العام..

شكرا اخي حيدر
البلد فيها الخير وايضا الشر
للاسف.. واتمني ايامك كلها خير..

نشيلك في حدقات العيون
اخانا العزيز محب

السودان وأهل السودان مؤكد حيجتازو كل المحن والصعاب
ويطلعو بإذن الإله أقوى واجمل واسمح زي ما كانو

آلاف المراحب بيك في بلدك وبين اهلك
وبإذن الله نلاقيك ونشوفك ونطايبك

يا سلام
يطول الكلام عن الاخوان الشباب الأستاذة اليسون
والأستاذ الكريم موهب.
لهم التحية وكتير المحبة .
وأعود للكتابة عن الزيارة البديعة للإخوان الكرام.

عثمان الجميل
رغم قصر اللقاء , لكن تركت انطباع جميل جدا
في نفوسنا. شكرا لك علي هذه المحبه والرسائل والاتصالات والمعلومات
وجهدك في جعل زيارتنا زياره ناجحه في بلد يئن من الالم...

زوجتك الطيبة اليسون يا حليلها .
حسيت بيها ونحنا قريبين من النيل الأزرق جهات جسر المنشية.
حسيت بيها اتكيفت وزي كأنها اشتمت عبق الماضي البعيد.
اليسون صورت شعب السودان بطريقة ذكية . وفي عشرة أيام.

مرحبا بالإخوانالكرام زوار البوست

فعلا ياصديقي..
اهتمت بي تفاصيل كثيره مرت علي ...
مشينا في الخرطوم في نهارا ساخنا..اصرت اننا نسلم علي مجموعه من الباعه وبعض العمال
واتكلمت معهم عن عيد القيامه وعن اهميه الامل في الحياه..واتعلمت منهم بعض الكلمات العربيه

كفاره عليكم يا شباب
السخونة دي بتكون من المشاوير المشيتوها كداري جو الخرطوم المختلف
وبرضو طول الرحلة .

عثمان
انه الكوفيد بعيد عنك ..حمي بسيطه وبعض التعب.. المدام بخير