يعرفوك كيف افريقي ، لو نخرتك ما مطفقة .. مبيور بول..

11:54 AM April, 15 2022

سودانيز اون لاين
اسماعيل عبد الله محمد-الإمارات - دبي
مكتبتى
رابط مختصر

Quote: يعرفوك كيف افريقي ، لو نخرتك ما مطفقة .. هذا المشهد ..يذكرني العام 2003 ..تقدمت الي تلفزيون السودان ، عبر وسيط ، او قول بالواسطة ..لانو ده كان السلم الوحيد البتعبر بيهو الي بر الأمان او بر الكيزان ، المهم بعد إتصالات مكثفة ..أخذت شهاداتي وذهبنا أنا والوسيط الحجل بالرجل ..توووش الي الحوش الكبير ..ومكتب المدير طوالي .. سلامات وتحايا وأحضان .. وكلام معسول ..قال ليهو ، ياخي ما كان تجي انت ، كان ترسلو لينا وتضرب لينا تلفون بس ، ونحن إنشاالله بنشغلو ليك .. المهم كلام كده خم شديد.. شاي وقهوة وفول مدمس،..ضيافة طبعا متعارفه لديكم ، في الزمن الجميل داك ... المدير طمني شديد ..وقال للوسيط أعتبره اشتغل خلاص . وأنا اعتبرت نفسي خلاص بقيت موظف في التلفزيون .. وبدأت مسلسلة أمشي وتعال زي تلاتة اسبوع كده ما فاهم حاجة .. الاسبوع الرابع ، لمن قلت أسأل ..كان الرد قاسياً ، قال لي انت مالك مستعجل كده .. هو انت محظوظ من اول يوم ..دخلتها بسلام آمنين ، في ناس سنة كامله بتقعد تحت الشجر بره مع ستات الشاي .. شيل الصبر ياخ ... شيلت الصبر ، وركبت سفينة نوح كمان ..لانجو من الطوفان .. ومن الوكت داك لغاية هسي شايل الصبر أضعاف . وبدأ المسلسل العميق.. أسئلة عجيبة .. قال لي أنت ما عندك اسم تاني ..غير مبيور شريلو بول .. قلت ليهوو ..ده اسمي وده الشغال ..ما عندي إسم تاني بالدس ..او بالغش .. قال لي ..انت مسلم .. قلت ليهوو ..لا انا مسيحي .. عرفت انو الموضوع ..احتمال حيكون فيهو معمودية كيزانية ..يغيرو فيهو الاسم ..الي احدي الأسماء المعروفه ، بعد ما يتم ختمك.. إستمرت الحكاية تسعون يوم ..دون اي جديد .. بعدها شديت الرحلة الي واو ... وعلمت أن الشكل والأسم واخيرا النخرة .. قد يجعلك عبداً .. ولكن كلنا لله عبيد ..

https://postimg.cc/ThHk1DPp