خرطوم وليم اندرية وخليفة عمر وسارة جادالله وحمد والديبة وهاشم بدرالدين وبادي . فقدت داك الجمال احتيال ما حصل. الجريمة أصبحت في اي ملف. 9 طويلة تخيط في المدن التلاتة والاطراف. لو مشيت البقالة تجيب لبن ممكن تحصل ليك بلوة. الخرطوم تبدلت من يوم الانقلاب . عشنا في مدن خطرة جدا في العالم . وسرينا الليل. لكن زي الحاصل في الخرطوم مافي متلو. هم عايزين يوصلوا البلد دي لي وين؟ بلدنا جد في مهب الريح .
Post: #2 Title: Re: الخرطوم الأن اكتر مدينة دينجرس في العالم Author: النذير بيرو Date: 04-10-2022, 09:33 AM Parent: #1
اخ عثمان مستوي الجريمةالحاصل ده في الخرطوم لايوجد في اي مدينة في العالم يطلق عليها عاصمة.... لك التحية
Post: #3 Title: Re: الخرطوم الأن اكتر مدينة دينجرس في العالم Author: علاء سيداحمد Date: 04-10-2022, 10:34 AM Parent: #2
يا عثمان العسكر عايزين كدا عشان يحكموا الشغل دا شغل أجهزة أمنية لتسهيل السيطرة على الشارع .
Post: #5 Title: Re: الخرطوم الأن اكتر مدينة دينجرس في العالم Author: Osman Musa Date: 04-12-2022, 08:22 AM Parent: #3
الأخ علاء سلام كل الفعايل الخبيثة حيكشفها ليهم الشارع الذي لا يخون.
Post: #4 Title: Re: الخرطوم الأن اكتر مدينة دينجرس في العالم Author: Osman Musa Date: 04-10-2022, 12:02 PM Parent: #2
الأخ النذير سلام مصايب لا تطاق . اكتر بلد فيها تحدي للمواطن. يسرقوك اي حاجة حتي لو بايع بطيخ متجول . سكين البايع المتجول المسكين اصبحت ولا حاجة مع 9ملي .
Post: #6 Title: Re: الخرطوم الأن اكتر مدينة دينجرس في العالم Author: walid taha Date: 04-12-2022, 12:52 PM Parent: #1
Post: #7 Title: Re: الخرطوم الأن اكتر مدينة دينجرس في العالم Author: Osman Musa Date: 04-14-2022, 11:16 AM Parent: #6
الأخ وليد سلام القايمة دي حرب عديل حرب على الشعب السوداني رعب للأسرة حتي بين بقالة الحي والبيت.
Post: #8 Title: Re: الخرطوم الأن اكتر مدينة دينجرس في العالم Author: Osman Musa Date: 04-16-2022, 01:57 PM Parent: #7
عندنا صديق البارح بعد صلاة التراويح قال يجدع كيس الزباله وهو في طرف شارع الزلط قاصد صندوق مكب الزباله . جماعة 9 طويلة ختفوا من الكيس .
Post: #9 Title: Re: الخرطوم الأن اكتر مدينة دينجرس في العالم Author: Osman Musa Date: 04-17-2022, 08:34 PM Parent: #8
اتكتل عصر الجمعة قبل الإفطار بنصف ساعة سايق تنكر شفط في طريق سوق ليبيا بالخلاء خمسة طعنات من المهاجمين الخمسة. والسبب النهب بالقوة. هاك شوف بدية المعركة. ولحظة الاستشهاد . له الرحمة
Post: #10 Title: Re: الخرطوم الأن اكتر مدينة دينجرس في العالم Author: Abdelrahim Mohmed Salih Date: 04-18-2022, 00:21 AM Parent: #9
رمضان كريم يا Osman ربنا يعينكم على ٩ طويله النبت الشيطانى المريب
الشرطه وفى قلب العاصمه تفشل فى حمايه المواطن وتسعه طويله تهاجم الناس فى اى وقت نهارا جهارا وهناك تسجيلات حمايه فى الفيس بعد ان ضاق الحال تتهم الشرطه اتهام مباشر بإنتماء بعض افراد٩ طويله للبوليس والمباحث او كافراد بخلفيه إجراميه متعاونين مع الشرطه كمخبرين تحولوا الى ٩ طويله معقول البوليس ضعيف فى حمايه المواطن وفى قلب الخرطوم اصلا ناس الاطراف مهمشين لكن معقول فى نص البلد مافى بوليس وكل يوم قتل ونهب الزول يطلع من البيت وممكن ما يرجع بكل بساطه يقتل بسبب موبايل وبعد فترة سيهاجم الناس فى منازلهم طالما رضخوا واستسلموا
Post: #11 Title: Re: الخرطوم الأن اكتر مدينة دينجرس في العالم Author: دفع الله ود الأصيل Date: 04-18-2022, 09:13 AM Parent: #10
Quote: عندنا صديق البارح بعد صلاة التراويح قال يجدع كيس الزبالهوهو في طرف شارع الزلط قاصد صندوق مكب الزباله .جماعة 9 طويلة ختفوا من الكيس .
∆ علا بااالخخخ فوكا يا عصمان، خايتوعليك جنس محنن ، يعني عمك طالع حمَّال و نازل زبَّال و قامن دقَّس جماعة 9 طويلة ريحوه قامولو بالمهمة على أكمل وش. علا بس أوعة يكون الكيس فوقو بامبر. ولا أولويز ولا كمان شغل البص السريع داك و تاني أنا ماني مفسر و إت حت إتا كمان ما بتقصر!!
Post: #13 Title: Re: الخرطوم الأن اكتر مدينة دينجرس في العالم Author: Osman Musa Date: 04-18-2022, 01:48 PM Parent: #10
الأخ الكريم عبدالرحيم م صالح سلام استفحل الأمر . التمشيط ودوريات البوليس للمدن ضعيفة. والمسؤولين من استتباب الأمن في قمة الترهل ربك يلطف بالعباد. الشعب كان يفتش للأكل والغاز . الآن الشعب كلو يبحث عن الأمان . تخيل.
Post: #12 Title: Re: الخرطوم الأن اكتر مدينة دينجرس في العالم Author: محمد عثمان Date: 04-18-2022, 09:26 AM Parent: #1
سلااام
Post: #14 Title: Re: الخرطوم الأن اكتر مدينة دينجرس في العالم Author: Abdelrahim Mohmed Salih Date: 04-18-2022, 06:30 PM Parent: #12
يا هلا اخونا Osman Musa طيب سؤال شخصى كيف تأمن نفسك فى يوميات الخرطوم الخطرة من وإلى البيت والشغل وماهى نصيحتك للقادمين الى السودان فى عطله الصيف
Post: #15 Title: Re: الخرطوم الأن اكتر مدينة دينجرس في العالم Author: Osman Musa Date: 08-01-2022, 06:06 AM Parent: #14
لك الرحمة اخي العزيز النزير بيرو وجعل الله البركة في أسرتك