أعفن بوست

12:38 PM March, 31 2022

سودانيز اون لاين
أبوبكر عباس-الإمارات
مكتبتى
رابط مختصر

في ايطالي زار مدني سنة ١٨٣٠ كتب في دفتر مذكراته:
تقع المدينة في منخفض شبه جزيرة سنار، تفتقد للتصريف الطبيعي، تظل مياه الأمطار في برك آسنة وبالمدينة كمية خيالية من البعوض والذباب.
بيوت الأهالي من الطين والقش وليس لهم دورات مياه ويقضون حاجتهم في الخلا وعلى شاطئ النيل،
لا تستطيع بالليل المرور جنب النيل من الريحة.
بصفة عامة المدينة قذرة لحد البشاعة

والايطالي عزموهو غداء بالمسلمية والزمن داك المسلمية كانت حاضرة الجزيرة وخت تحت حاضرة دي خطين حمر.
قال مشينا بدعوة من شيخ المسلمية،
منتظرين في راكوبة الضيوف الغداء،
تم ترم الأولاد يجوا شايلين الأكل،
منظرهم وهم شايلين الأكل خلانا نموت من الضحك،
بعد أكلنا الشيخ سألنا عن سبب ضحكنا؟
قلنا ليهو الأواني الجبت لينا فيها الأكل دي جبتها من وين؟
وعارفها بتاعت شنو؟
قال لينا السنة دي أول مرّة أسافر مصر وجبتهن منها قلت نستعملن للأكل بدل قداحة الخشب
قلنا ليهو؛ ديل قصريات ما حقات أكل

في حسابي بالفيس:
ردت لي دوما على مجادعاتي العفنة بهذه المداخلة الأعفن؛
يا زول زمان الخواجات كان ببولو ويخرو في قصريات جو البيت عشان البرد والصباح بكشحوه في الشارع من الشباك كانت شوارعهم عفنه وكانوا مقملين قمل شديد زرنا واحده عجوز عمة زوجي مواليد الف وتسعميه أول نصيحه قالتها لي البت تعمل حسابها من القمل. 😜🤣🤣. أول ما زرت نسابتي لاحظت في جردل طلس بغطايته جوه الغرفه الادونا ننوم فيها قمت سألت الراجل قال عشان ما عندهم حمام داخل الغرفه وبدل انزل اطلع ببولوا فيه.

Quote: قلنا ليهو؛ ديل قصريات ما حقات أكل

سلام ابوبكر
كنا شغالين طلبة (ضم الطاء), زمن الفطور, جمعنا الشيرنق و رسلنا واحد قلنا ليهو بالمرة اشترى صحن و ظبط القول.
قام اشترى الشئ ده و جاب لينا الفول مظبط ما شاءالله عليهو, الا معانا واحد ابى يأكل. قلنا ليهو ما لك يا زول, قال لينا ده ما صحن للفول. قلنا ليهو ممكن اتغسل نضيف.

البوست دا يا محجوب، عاملو للمنافسة في أفضل المداخلات المعفنة،
ما شاء الله، مداخلتك معفنة جداً،
أنت مولود وين يا زول في السودان دا؟

يا ابوبكر نحن ناس الضهارى كان شايفنو صحن عادى لكن البندراوى كان عندو رأى اخر.

فعلا أعفن بوست، هسع أنا داخل بي كمامة

في زمن الطيبة الشديدة ، بداية التمانينات

إحدي الشركات طلبت وظائف لاعفن ناس

واحد كتب طلب ومشي الحمام اتبرز فيهو ورسله لهم

كان ردهم انه لاينفع لانه متعود علي النظافة بالورق


قبل كدي قريت ليك بوست عن اعفن مدينة اوروبية

يعني الناس ديل النظافة جديدة عليهم ....

بعض افلام الكاوبوي فيها المناظر دي برضو
زمن الجرادل وكده
الناس ديل نضفوا قريب

في القرن الثامن عشر سكن في فرنسا رجل ينتمي إلى أكثر كائنات تلك الحقبة شناعة ونبوغا . كان إسمه جان باتيست غرنوي . في العصر الذي نتكلم عنه هيمنت على المدن رائحة نتنة . فباحات المنازل الخلفية كانت تنضح برائحة البول و الشوارع كانت تنضح برائحة الغائط ،. وفي باريس كانت الروائح الكريهة تفوح على أشدها . وهنا ولد غرنوي . فوالدة غرنوي عندما جاءتها تقلصات الولادة قبعت تحت إحدى الطاولات التى يستعملها بائعي السمك لتنظيف السمك ووضعت مولودها هناك ، كما فعلت سابقاً في المرات الأربعة الفائتة ، ولكنها هذه المرة فقدت وعيها و بقيت مستلقية هناك و السكين في يدها . وعندما صحيت على صوت الجنين سحبه الناس من هناك ، وتم اخذه وعهدوه إلى مرضعة ، في حين أن الأم اعتقلت لمحاكمتها . وهناك اعترفت بأنها كانت ستهجر المولود لمصيره كما فعلت في الحالات الأربع الفائتة .
العطر: باتريك زوسكيند

في دراسات أجريت علي العديد من الناس من خلفيات مختلفة
وجدوا ان كل مجموعة من الناس ذو خلفيات ثقافية او اثنية مختلفة
له ا حاسة شم تختلف عن الاخري، كما ان تفاسير العفونة والروائح الكريهة
تختلف من ثقافة الي اخري.

اللافت عن مسألة الروائح (العفنة) كانت مثار لغط كبير من زمان؛
واستخدمت الروائح الكريهة حتي في الحروب🧐

لكن اعفن رائحة علي الاطلاق عرفتها البشرية
كانت عندما عهدت وزارة الدفاع الالمانية الي احد المعامل
لانتاج رائحة كريهة جداً تستخدم ضد الاعداء!!
تسربت كمية قليلة من المعمل الذي يقع علي مدينة
وخرج الناس من منازلهم علي الشوارع وهم يستفرغون
ومعظمهم اصيب بالغثيان وفقدان الوعي
كانت تلك الماده تدعي بال thioacetone
وهي تتكون من عدة مركبات كيميائية ابرزها Mercaptans
والكبريت وغيرها؛
قامت بتحضيرها عالمة امريكية مرة اخري ووصفتها بانها خليط من
البصل المعفن والجوارب المعفنة وبراز العساكر في الثكنات وجثث الموتي
وقالت ببساطة انها اشبه برائحة شيطان عاري في تلة بصلة معفنة🤨🤢🤮

شكراً للسادة المرور وتحية خاصة للسنوسي على هذه المداخلة العفنة

زُرت وآحدة من قري الجزيرة ما فيها كنايف جمع كنيّف، بينتظرو ضنب الكديس
يتغطى ؤ بيمرقو علي البروِد يهرهرو، أها بعد الليل هوّد مرقت الخلآ، وحاتك
دوب ما قضيت حاجتي البعوضة سوتني مصفي، والتقول موصينها ما بتجيك
إلآ من تِحِت .

بوست مستراحي جداَ ...

بمناسبة مستراحي دي بالفيسبوك واحد اسمو فهد الأزرق من نواحي تمبول،
كتاباتو كلها عن المستراح والأدبخانة والعضّة وعندو نفس عوارتي قال هو قاص واعلامي، وعندو متابعين أكتر من متابعي دينا خالد،
قال كان عندهم عرس في تمبول وبعد ضرب الكمونية، دخل الأدبخانة قام تلفون وقع فيها،
مشى جاب كمشة الطباخ طلعوا بيها ورجع الكمشة للطباخ ورجع الحفلة قعد يعرض

مستراح هي نفسها Restroom

يا لطيف، الاوربيين النظافة ما جديدة عليهم،
شبكات الصرف الصحي والمجاري في أوربا عمرها اكتر من متين سنة