و عليكم السلام مولانا و انه لشرف عظيم كونك اول متداخل و برضو لو بالامكان اضبط الرابط الاخر لفنان الاغنية الاصلى احمد الصادق. انا طبعا عجبتنى الـ version بتاع الاثيوبى بحكم تقارب اللهجة. لو كتبت لى مقدرة الغناء لغنيتها اقرب للاثبوبى.
الهبيب مهجوب دائماً اسعد ببوستاتك ومداخلاتك. القتار دائماً يصحي فينا ذكريات السفر المفعمة بأحاسيس مرارة فرقة ما هو معتاد وترقب القادم المجهول. إستمتعت بسماع الأغنية بالversion بتاع الاثيوبي ربما لإحساسي بدفء الموسيقى الأثيوبية.
Quote: القطار دور حديدو قدمها احمد الصادق قبل 10 سنوات تقريبا .. و حقيقة كانت مستغربه .. لانه الزمن داك كان في جوطة غنا فارغ كتير ..
الاغنية فعلا جميلة من الاثنين و بأداء مميز و نوع اداء احمد الصادق هذا, الخواجات بقولو عليهو (It grows in you). ربما اول مرة تسمعها ما تنتبه و لكن كلما تعيد سماعها تحس انو الاغنية بتنمو جواك.
Quote: ﻫﻞ ﻛﻞ ﻏﻴﻤﻪ ﺩﻟﻴﻞ ﻣﻄﺮ ؟
و شكرا علي القصيدة الجميلة و التى تحمل حكم كثيرة. علي قول الغيمة, عندنا هناك في الريف البعيد, في سحابة كدا, الناس بقولو ليها "فى مربط العجيل" و دى بالتأكيد بتمطر لكن من نظرة اولى لغير العارفين تشوفها غبشة و ما فيها اى ملامح مطرة. اما السحابة الداكنة و تشوفها قريبة جدا و تظن انها تمطر, في الغالب بتمر بدون مطرة.
بقولو الخواجة زمان الانجليز, الناس شافو السحابة في مربط العجيل و قالو للخواجة احسن نعمل ساتر, فالخواجة قالو من ملامح وشو قاليهم انتو دراويش ساكت, لحد ما دقتو مطرة قالو ما شاف زيها و من اليوم داك بقى يصدقهم.