Post: #1
Title: معقول لكين يا عوض بابكر ؟
Author: أبوذر بابكر
Date: 03-26-2022, 09:59 PM
08:59 PM March, 26 2022 سودانيز اون لاين
أبوذر بابكر-
مكتبتى
رابط مختصر
المذيع عوض بابكر
نحمد ليه حفظه والمامه بمعلومات كتيرة عن أغنيات مرحلة ما قبل المدرسة الغنائية الاولى
او ما يسمى ب "حقيبة الفن"
عوض بابكر اخر واحد في سلسلة المذيعين القدمو برنامج حقيبة الفن في إذاعة السودان في ام درمان
بداية بصلاح احمد محمد صالح ومرورا بالمبارك إبراهيم وكم مذيع تاني
عدم المعقولية المقصودة هنا، بتتعلق بموضوع تاني، وهو كالآتي
مع طفرة موجات ال اف ام FM
ظهرت عشرات الاذاعات بموضوعات مختلفة ومتنوع
ومن ضمنها إذاعة اسمها "ركن الربوع والحقيبة"
وفكرتها قائمة علي تقديم او بالتحديد استعادة وتكرار برنامجين اتنين
حقيبة الفن ومن ربوع السودان
يعني مافي إنتاج جديد، كل الفكرة بتتمحور حول إعادة الحلقات القديمة من البرنامجين
لغاية هنا والفكرة سمحة جدا، بل وممتازة كمان
لكن الما معقول هو
ما ممكن وعلى مدى سنين لغاية الآن من بداية الموجة دي، وانا متابعها بانتظام وبشكل مقصود كمان
ما ممكن علي طول سنين تتم إعادة او استعادة خمسة او ستة حلقات فقط بشكل متكرر وممل وبايخ
والله ما اكتر من كدا
نفس الحلقة تسمعها اليوم وتسمعها بكرة
برنامج حقيبة الفن بدأ بالضبط سنة ١٩٥٢ مع صلاح احمد
وما توقف اطلاقا طيلة السنين دي كلها
يعني لو حسبنا ولو بالتقريب عدد الحلقات لغاية تاريخ اليوم
بكون حوالي ٣٣٦٠ حلقة
اكتر من تلاتة الف حلقة
معقول يا عوض بابكر إذاعة كاملة وعلي مدى سنين تقعد بس تعيد في خمسة او ستة، ياخ قول عشرة حلقات
من الآف الحلقات ؟
ولنفترض انه نص او حتى ربع العدد دا ضاع او ما اتحفظ
برضو مصرين تكررو لينا خمسة حلقات بس ؟
لزومها شنو طيب الإذاعة دي والغرض منها شنو ؟
دا عبط واستخفاف بالناس بس
والما مصدق كلامي دا، يتابع الإذاعة دي كم يوم بس وحيعرف ويسمع كمية وحجم العبط والاستخفاف
الإذاعة متوفرة ومتاحة تماما علي موجة اف ام في اي جهاز راديو او موبايل
حاجة بايخه وكعبة
|
Post: #2
Title: Re: معقول لكين يا عوض بابكر ؟
Author: أبوذر بابكر
Date: 03-26-2022, 10:00 PM
Parent: #1
بالله لو في زول بعرف عوض بابكر دا او عنده اي اتصال بيه
يوصل ليه الكلام دا
|
Post: #3
Title: Re: معقول لكين يا عوض بابكر ؟
Author: Asim Ali
Date: 03-26-2022, 10:23 PM
Parent: #2
سلام عليكم
تساؤل البرنامجين مش مفروض ملكيتهم وحق التصرف فيهم للاذاعه السودانيه؟
هل الحلقات المذاعه مشتراه من الاذاعه السودانيه؟ ولاتسكيع اذاعه اف ام اياها بث حلقات خلاف الحلقات المذكورة؟
عن علاقه عوض بابكر :هل هو ضمن طاقم اذاعة اف ام دى ام لانو مقدم الحلقات المعاد ثها ؟
.
فى اذاعه بثها متقاسم مع بث اذاعه تابعه للهيئه القوميه للاذاعه السودانيه على فترتين فى اليوم يكون فيها البث لاغنيات من اعمال سودانيه متنوعه (اكتر شىء كنت اسمعها خلال قطوعات الكهرباء ليلا والفكاك من قيد الاجهزه المحموله والفضائيات)
اعتقد انو الاذاعه لو نظمت اعاده بث الاعمال القديمه فنيه او حلقات توثيقيه بيكون افضل لاصحاب الاعمال وللمستمع
صراحه لو اتوجدت اذاعهتعيد بث للقديم من البرامج (اشبه بقناة ماسبيرو زمان) اعتقد انى حاضبط الموجه عليها وما احول منها
|
Post: #4
Title: Re: معقول لكين يا عوض بابكر ؟
Author: أبوذر بابكر
Date: 03-26-2022, 10:32 PM
Parent: #3
عليكم السلام يا عاصم
والله ما تقدر تعرف أي شي او اي تفاصيل
الإذاعة دي شغالة ٢٤ ساعة متواصلة
ما فيها أي ربط، يعني مافي مذيعين بتكلمو او بقدمو او بعلق
زي ما قلت فيها برنامجين اتنين بس
حقيبة الفن ومن ربوع السودان
وبمجرد ما برنامج ينتهي، التاني ببدا بعده مباشرة بدون اي فاصل ولو لثواني
وهكذا
ما عارف شنو الغرض او القصد
لو كانت شي تجريبي مثلا كان نقول ممكن
لكن الشي دا شغال ومستمر من سنين طويلة
عليك الله لو بتعرف أي زول من ناس الإذاعة اسأله يا عاصم من السخف الحاصل دا
|
|