كلمات .. لحن .. اداء .. هل هي اجمل اغنية سودانية .. بيريود ؟
Post: #2 Title: Re: لا وحبك .. لن تكون ابداً نهاية .. Author: يحي قباني Date: 03-18-2022, 11:05 PM Parent: #1
انتهى البوست .. :)
Post: #3 Title: Re: لا وحبك .. لن تكون ابداً نهاية .. Author: Moutassim Elharith Date: 03-19-2022, 00:35 AM Parent: #2
سلامات يا باشمهندس.
بعد إذنك أنا اعترض على إنهاء البوست :)
شوف الدرة دي من فضلك
Post: #4 Title: Re: لا وحبك .. لن تكون ابداً نهاية .. Author: Ahmed Yassin Date: 03-19-2022, 04:34 AM Parent: #3
Quote: انتهى البوست
اذا كانت (النهاية) هي بداية الاغنية " فى النهاية لا وحبك " دي بداية القصة بدأت من الاخر يا يحي بتكرار ثلاثي .. لا وحبك .. لا وحبك .... لا وحبك وقام جاب البيان في: لا وحبك لن تكون أبدا نهاية قال ( ابدا) .... ودا كلو بعد شنو؟ بعد ما عثمان حسين ما بدأها بكلام .. وبلا لحن ( لو خلاص انكرت حبي) وتبدأ المعمعة الحقيقية والتأكيد والبث الوجداني في: انت عارف نظرتك كانت بدااااااية تقوم انت تجي تقول انتهي ....
Post: #5 Title: Re: لا وحبك .. لن تكون ابداً نهاية .. Author: يحي قباني Date: 03-19-2022, 05:25 AM Parent: #4
Quote: سلامات يا باشمهندس.
بعد إذنك أنا اعترض على إنهاء البوست :)
شوف الدرة دي من فضلك
🙂
القصد يا معتصم انو بعد لا وحبك خلص الكلام .. 🙂
ابوعفان في مرتبه قاعد فيها براهو .. و صدقيني فعلا درة ..
Post: #6 Title: Re: لا وحبك .. لن تكون ابداً نهاية .. Author: أبوذر بابكر Date: 03-19-2022, 10:00 AM Parent: #1
يحي يا بتاع المشاكل مشاكل دي بالمعنى ال positive يعني
تعرف موضوع أجمل اغنية سودانية دا انا لي سنين كان عامل لي مشكلة حقيقية والله
غلبني تب
واكتشفت انه مستحيل تماما
الحل التوفيقي الوحيد القدرت اقنع بيه روحي هو اني اعمل طريقة ال top ten بتاعة الخواجات ديك
اول شي عملت three categories الحقيبة الحديث التراث
وطبعا التصنيف الأنا عملته بالضرورة بكون تبع تذوقي انا الشخصي وممكن تماما يختلف من ذوق كل زول
ممكن الموضوع دا نعمل ليه بوست خاص منفصل لاحقا
لكن الاغرب في تصنيفي كان
والله يا قباني من ضمن العشرة أغنيات الأنا اخترتها
عثمان حسين كان عنده تلاتة أغنيات
انا والنجم والمساء لا تسلها شجن
وكان ما خجلت ساي كنت داير اخت خمسة أغنيات من عثمان حسين بس عشان ما أظلم الباقين
اما بخصوص "في محراب النيل"
دي براها كمان وما تابعة لأي تصنيف في الدنيا
ليه ؟ لأنها أجمل اغنية في الدنيا
برجع ليك بخصوص لا وحبك
انا مسميها "القسم" الحليفة يعني
بازرعة بقسم وبحلف
Post: #7 Title: Re: لا وحبك .. لن تكون ابداً نهاية .. Author: Ahmed Yassin Date: 03-19-2022, 12:06 PM Parent: #6
شاعرنا اباذر
Quote: تعرف موضوع أجمل اغنية سودانية دا
اريحك ..صاحبة المركز الاول هي ( عزه في هواك) دي خليها هنا نجي لاجمل اغنية بعدها .. دي تعتبر ماستر بيس .. وشغل ماطبيعي خاصة في اللحن والموسيقى والشغل داخل الاغنية وتوزيع اظوار الالات وبرضو من ناحية الكلمات ..واداء وصل القمة في كل شىء..هي: ( قلت ارحل) وردي والتجاني سعيد.
Post: #8 Title: Re: لا وحبك .. لن تكون ابداً نهاية .. Author: يحي قباني Date: 03-19-2022, 03:10 PM Parent: #7
Quote: يحي يا بتاع المشاكل مشاكل دي بالمعنى ال positive يعني
تعرف موضوع أجمل اغنية سودانية دا انا لي سنين كان عامل لي مشكلة حقيقية والله
غلبني تب
واكتشفت انه مستحيل تماما
الحل التوفيقي الوحيد القدرت اقنع بيه روحي هو اني اعمل طريقة ال top ten بتاعة الخواجات ديك
اول شي عملت three categories الحقيبة الحديث التراث
وطبعا التصنيف الأنا عملته بالضرورة بكون تبع تذوقي انا الشخصي وممكن تماما يختلف من ذوق كل زول
ممكن الموضوع دا نعمل ليه بوست خاص منفصل لاحقا
لكن الاغرب في تصنيفي كان
والله يا قباني من ضمن العشرة أغنيات الأنا اخترتها
عثمان حسين كان عنده تلاتة أغنيات
انا والنجم والمساء لا تسلها شجن
وكان ما خجلت ساي كنت داير اخت خمسة أغنيات من عثمان حسين بس عشان ما أظلم الباقين
اما بخصوص "في محراب النيل"
دي براها كمان وما تابعة لأي تصنيف في الدنيا
ليه ؟ لأنها أجمل اغنية في الدنيا
برجع ليك بخصوص لا وحبك
انا مسميها "القسم" الحليفة يعني
بازرعة بقسم وبحلف
و الله عارف يا اباذر ..
و انا اكتر زول عارف صعوبة امر التصنيف ده ..
المسألة بي بساطة بتجي من حاجتين ..
مرات بتهف لي اغنية و بتزن لي في راسي و اقعد اسمع و اعيد .. و في اللحظة ديك بتكون هي اجمل ا غنية سودانية على الاطلاق .. فالمزاج كان ابوعفاني .. و جات لا وحبك و انا بعاين في احصائيات قناتي ..
كل فتره بعاين لي قناتي في يوتيوب https://www.youtube.com/user/elgabbani/featuredhttps://www.youtube.com/user/elgabbani/featured
و بمشي اشوف اكتر اغنيات مشاهده شنو و انا عندي 35300 عضو في القناه ده :)
لا وحبك ماسكة البرنجي في اكتر عدد مشاهدات من سنين .. جايبة 633 الف مشاهده و 372 تعليق .. يجي بعدها طوالي القمر بوبا محمد وردي بي 399000 مشاهده و 49 تعليق ..
مع العلم القمر بوبا ليها 9 سنوات في القناه و لا وحيك 6 سنوات فقط
فعشان اكون امين ..
اليوم البسمع المستحيل بقول (مستحيل ) في اجمل منها .. و اليوم البسمع ضنين الوعد او حبيبة عمري بقول انتهى الكلام ..
و هكذا ..
غنانا سمح ياخ ..
Post: #9 Title: Re: لا وحبك .. لن تكون ابداً نهاية .. Author: أبوذر بابكر Date: 03-19-2022, 05:59 PM Parent: #8