Post: #1 Title: صديقتي آسيا ربيع و الآفرو الما خمج سنة 80 .. صور بديعة .. Author: يحي قباني Date: 03-11-2022, 07:37 PM Parent: #0
سألت صديقتي الجميلة أسوية اليوم عن قصة الآفرو الرهيب ..فقالت .. عملنا مسرحية حالة طوارئ هي و الجميل السني دفع الله سنة 78 .. و كانت الشخصيات آفروية الشعر ..و عجبها الموضوع و استمرت بالآفرو ..
الشي المدهش في غلافات المجلات .. من الغلاف الناس تفهم انه في حراك فني و في مبدعين يعملون ليل نهار لإخراج الابداع للمتلقي ..
Post: #2 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 07:48 PM Parent: #1
الصديقة العسل هادية طلسم مع الممثل موسى الأمير
Post: #3 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 08:02 PM Parent: #2
الفنانة منى الطاهر .. بطلة مسلسل و مسرحية وادي ام سدر ..
Post: #4 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 08:03 PM Parent: #3
الفنانة ماجده حمدالله .. بطلة تاجوج ..
Post: #5 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 08:14 PM Parent: #4
بروف الماحي اسماعيل اول عميد لمعهد الموسيقي و اول مدرس موسيقى سوداني .. ( شكرا ود البصير على التنبيه) .. و على اليمين د. خالد المبارك .. ايضا عميد للمعهد ..
Post: #6 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 08:15 PM Parent: #5
و هنا صديقي البديع الموسيقار يوسف الموصلي ..
Post: #7 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 08:16 PM Parent: #6
و يا صوتها لما سرى ..
الجميلة ليلى المغربي ..
Post: #9 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 08:24 PM Parent: #7
سماعين حسن .. عزالدين هلالي .. عوض الكريم القرشي ..
Post: #8 Title: Re: صديقتي آسيا ربيع و الآفرو الما خمج سنة 80 .. Author: أبوذر بابكر Date: 03-11-2022, 08:22 PM Parent: #1
قباني مالك ياخ انت في زول مسلطك علي ؟ يمين بالله طيرت النوم من عيوني بعد دا الا غايتو الزول يأوي إلى علبة هينيكن تعصمه من السهر ههههههههه سنوات الثمانينات كانت آخر أيام في عمر السودان الجميل في كل شي واي شي الان لما نحكي للأجيال الما عاشو الفترات ديك بشوفو كلامنا زي الأساطير والله جد في بداية الثمانينات وصلنا ال peak في كل شي وفي ٨٣ حصل الانفجار الكارثي المأساوي العظيم علي يد الأهبل نميري وكانت النهاية الحقيقية في ٨٩ بكره كان حيينا بحكي ليك حكايتي مع مجلة الإذاعة والتلفزيون والمسرح ومع محمد بيرم بالتحديد
عموما انت زول مؤذى
لكن برضو عافي ليك
Post: #10 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 08:29 PM Parent: #8
الفنان الجميل جمعة جابر ..
Post: #11 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 08:34 PM Parent: #10
الدهباية .. نجوى مناديل .. اول من ادى دور الدهباية .. و معها هادية طلسم .. كانتا راقصات في الفنون الشعبية ..
Post: #12 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 08:37 PM Parent: #11
Quote: قباني مالك ياخ انت في زول مسلطك علي ؟ يمين بالله طيرت النوم من عيوني بعد دا الا غايتو الزول يأوي إلى علبة هينيكن تعصمه من السهر ههههههههه سنوات الثمانينات كانت آخر أيام في عمر السودان الجميل في كل شي واي شي الان لما نحكي للأجيال الما عاشو الفترات ديك بشوفو كلامنا زي الأساطير والله جد في بداية الثمانينات وصلنا ال peak في كل شي وفي ٨٣ حصل الانفجار الكارثي المأساوي العظيم علي يد الأهبل نميري وكانت النهاية الحقيقية في ٨٩ بكره كان حيينا بحكي ليك حكايتي مع مجلة الإذاعة والتلفزيون والمسرح ومع محمد بيرم بالتحديد
عموما انت زول مؤذى
لكن برضو عافي ليك
ههههههه
اول شي علبة هنيكين ما بتنومك براها .. :)
ياخي انا من استلمت الصور .. في حالة من الالم و الشجن و خلطة عجيبة من المشاعر ..
حارجع ليك يا فنان .. :)
Post: #13 Title: Re: صديقتي آسيا ربيع و الآفرو الما خمج سنة 80 .. Author: عبداللطيف حسن علي Date: 03-11-2022, 08:45 PM Parent: #12
مبالغة ، دي لميت فيها وين ؟!
كدي شوف لي شقيقي بدرالدين في صفحة المسرح
بس مايكون لسه ما استلم
Post: #14 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 08:53 PM Parent: #13
بدر الدين هاشم .. و الامبراطور وردي ..
Post: #15 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 10:11 PM Parent: #14
Quote: مبالغة ، دي لميت فيها وين ؟!
كدي شوف لي شقيقي بدرالدين في صفحة المسرح
بس مايكون لسه ما استلم
عبد اللطيف يا ملك ..
حاجة توجع القلب ما كده ..
جاتني من احد الاحبة .. و اسيا ايضا جاتها من مصمم الاغلفة نفسها ..
و الخبر الجميل انه اكد ان كل الاعداد ما زالت موجودة في دار الوثائق .. ما وصلتها ايادي الحرامية الاكلو قروشنا و اراقوا دمانا ..
Post: #16 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 10:21 PM Parent: #15
حمدي بدر الدين .. فرسان في الميدان .. محمد سليمان .. دنيا دبنقا ( حرام عليك) .. علي الريح .. ( الباك صديق اللاين ) .. و ( ملعون ابو الكوره على البذيع كوره على البشجع كوره) .. :)
Post: #17 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 10:24 PM
عبد الرحمن عبد الله .. شقيش قولي يا مروح ..
و ما عرفت الاخت الفي الصوره ..
Post: #18 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-11-2022, 10:26 PM Parent: #17
محمود تاور و عبد العزيز المبارك .. راح لي الزول الفي النص و الله .. :)
Post: #19 Title: Re: صديقتي آسيا ربيع و الآفرو الما خمج سنة 80 .. Author: Nasser Amin Date: 03-12-2022, 00:07 AM Parent: #18
يا هندسة سلام و لضيوفك سلامات
نحنا وصلنا الحضيض وصلنا القاع لمن يقرر في مصيرنا حميدتي و طاقمه المصاحب من البرهان و الحركات المستهبلة.
نحنا في ورطة حقيقية
بالله شوف كنا وين و بقينا وين؟!!!
Post: #20 Title: Re: صديقتي آسيا ربيع و الآفرو الما خمج سنة 80 .. Author: Ahmed Yassin Date: 03-12-2022, 08:35 AM Parent: #19
لو ما كنت بحبك يا يحي كان سبيت ليك مكعب
Post: #21 Title: Re: صديقتي آسيا ربيع و الآفرو الما خمج سنة 80 .. Author: Yasir Elsharif Date: 03-12-2022, 09:18 AM Parent: #20
سلام يحيى والجميع
وشكرا
والحمد لله أن المجلات ما زالت محفوظة.
Post: #22 Title: Re: صديقتي آسيا ربيع و الآفرو الما خمج سنة 80 .. Author: Mannan Date: 03-12-2022, 10:14 AM Parent: #21
يا يحيى خذ الكتاب بقوة ورينا الكلام الجوة كمان ما تخمنا بالغلاف .. جوة برضو في كلام جميل المثل العربي: كل الصيد في جوف الفرا
نورالدين منان
Post: #23 Title: Re: صديقتي آسيا ربيع و الآفرو الما خمج سنة 80 .. Author: Ahmed Yassin Date: 03-12-2022, 02:18 PM Parent: #22
الخميس يوم 18 سبتمبر 1975 الموافق 13 رمضان 1395هـ الصورة لراقصة الفنون الشعبية
Post: #24 Title: Re: صديقتي آسيا ربيع و الآفرو الما خمج سنة 80 .. Author: بسمات الشيخ Date: 03-12-2022, 03:24 PM Parent: #23
ايوااااااا زي ما قال ليك سعادة السفير منان جيب لينا كمان الكلام الجميل الجوا المجلة اكيد حتكون في مقالات وتعليقات روعة عن الفن في ذلك الزمن الذهبي كما هو واضح.
والله يديك الصحة والعافية ......
..تخريمة خارج الموضوع صديقتنا العزيزة العاوزة تبقى مليونيرة بين لحظة وضحاها وبعد بحث لمدة يومين وجدت كلية في منهاتن اسمها Baruch college عندهابرامج ريال ستيت والان هي في مرحلة ملء ارانيك التقديم اونلاين وارسالالشهادات ....وقدمت للLoan ....وقلنا ليها اذا دايرة تبقي مليونيرة بسرعة الا تمشي برنامج Deal or no deal او تبقى ممثلة ....ولكنها ردت : اذا كانت النفوس كبارا ......تعبت في مرادها الاجسام..وانها لا تستكين للاماني والاحلام ...ولكن بالعمل الجاد وان نفسها كبيرة تتطلع للنجوم ولا تنظر الى قاع الحفر.....اظنها ستنجح....
معليش خرجنا خارج الموضوع الجميل ...ونعود للزمن الجميل: من هن اشهر الفنانات والممثلات في ذاك الزمن الجميل وكذا اشهر الممثلين ..ولماذا توقف صناعة التمثيل اذا كان السودان من اوائل الدول التي اخرجت افلام مثل فلم تاجوج!!؟
Post: #25 Title: Re: صديقتي آسيا ربيع و الآفرو الما خمج سنة 80 .. Author: Nasr Date: 03-12-2022, 03:50 PM Parent: #24
تصاميم الغلاف والخط العربي حاجة راقية شديد زي ما بقولوا ما بكيت من شئ إلا وبكيت عليه
داير لي قعدة في دار الوثائق مع الجميلة مجلة الإداعة والتلفزيون والمسرح
Post: #26 Title: Re: صديقتي آسيا ربيع و الآفرو الما خمج سنة 80 .. Author: أبوذر بابكر Date: 03-12-2022, 06:21 PM Parent: #1
النحكي ليك يا يحي عن المجلة وزمن المجلة وطعم المجلة
كنت بشوفها في البيت وانا لسه بتهجأ الحروف هي وصويحباتها السمحات مجلة حواء والكواكب وصباح الخير المصريات والموعد والشبكة اللبنانيات
الغريبة اكتشفت انها كانت بتصدر يوم الخميس زي حبيباتي فيما بعد، ميكي وسمير الكانن بصلن الخرطوم يوم الخميس من القاهرة وسوبرمان والرجل الوطواط البجن يوم الأحد بانتظام من بيروت على متن ال ميدل ايست
نرجع ل حكايتي مع مجلتنا
باختصار ووي ما قلت ليك كنت بشوفها بانتظام عندنا في البيت ونحن في تانية ثانوي عام، ويا داب الواحد بدأ يتلمس الكتابة ويتذوق كتابات الآخرين كتبت في يوم خاطرة يمكن من خمسة او ستة سطور كتبتها وختيتها في ظرف وكتبت عنوان المجلة وارسلتها بالبريد ب البوستة، ايام كان عندنا بريد زي ال British post ورسلتها لي محمد بيرم بيرم كان عنده الصفحة التانية في المجلة، يعني تقلب الغلاف بتلقى صفحة محمد بيرم اسمها "الحياة من حولنا"
واذا بي اتفاجأ بعد عددين تلاتة بنشر الخاطرة واسمي مكتوب في المجلة
يمين بالله زي تقول فزت بجائزة نوبل
وهاك يا قشرة في المدرسة
لغاية الآن يا قباني الزملاء الكانو معاي في تانية ثانوي عام لما يلاقوني بقولو لي
وين يا همسة
الخاطرة كان عنوانها "همسة"
Post: #27 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-12-2022, 07:29 PM Parent: #26
Quote: يا هندسة سلام و لضيوفك سلامات
نحنا وصلنا الحضيض وصلنا القاع لمن يقرر في مصيرنا حميدتي و طاقمه المصاحب من البرهان و الحركات المستهبلة.
نحنا في ورطة حقيقية
بالله شوف كنا وين و بقينا وين؟!!!
في المؤخرة يا ناصر .. انتهينا ..
Post: #28 Title: Re: صديقتي آسيا ربيع و الآفرو الما خمج سنة 80 .. Author: أبوذر بابكر Date: 03-12-2022, 07:40 PM Parent: #1
أعظم ما نشر في مجلة الإذاعة مقالات الشاعر مبارك المغربي عن كل شعراء الحقيبة
Post: #29 Title: Re: صديقتي آسيا ربيع و الآفرو الما خمج سنة 80 .. Author: Ahmed Yassin Date: 03-12-2022, 11:13 PM Parent: #28
كلها كانت ممتعة اما المتعة الرئيسية كانت كتابات نقدية في الموسيقى كان الكاتب استاذنا الكبير يوسف الموصلي واحيانا الراحل الكلارنيست عبدالله اميقو عليه الرحمة والمغفرة
Post: #30 Title: Re: صديقتي آسيا ربيع و الآفرو الما خمج سنة 80 .. Author: محمد علي البصير Date: 03-13-2022, 07:37 AM Parent: #29
Quote: بروف الماحي سليمان اول عميد لمعهد الموسيقي
تحياتي مهندس يحي ولكل ضيوف البوست الأعزاء
المقصود هو بروف الماحي إسماعيل المقيم في المانيا الأن وقد منح جنستها
Post: #31 Title: Re: صديقتي آسيا ربيع و الآفرو الما خمج سنة 80 .. Author: محمد علي البصير Date: 03-13-2022, 07:39 AM Parent: #30
Quote: راح لي الزول الفي النص و الله .. :)
أعتقد الملحن عمر الشاعر
Post: #32 Title: Re: صديقتي آسيا ربيع و الآفرو الما خمج سنة 80 .. Author: يحي قباني Date: 03-13-2022, 06:02 PM Parent: #30
Quote: تحياتي مهندس يحي ولكل ضيوف البوست الأعزاء
المقصود هو بروف الماحي إسماعيل المقيم في المانيا الأن وقد منح جنستها
شكرا ود البصير على التنبيه و التصحيح .. :)
Post: #33 Title: Re: صديقتي آسيا ربيع و الآفرو الما خمج سنة 80 .. Author: الشيخ سيد أحمد Date: 03-13-2022, 06:26 PM Parent: #32
ياخي بوست كلو من السبعينات والثمانينات كان تسميهو من الأمس وتنور البوست بي "ماضي الذكريات" للراحل "عثمان مصطفى". بوست لذيذ جدآ بالمناسبة يا قبة - زمان وقعت في يدي مجلة اظنو اسمها الاذاعة والتلفزيون جايبين في الصفحة الأخيرة أغنية أظنها للفنان إبراهيم عوض ما عارف دي صدفة ولا الموضوع كان في كل عدد بيجيبوا اغنية في الصفحة الاخيرة.
كسرة قبل الأخيرة: شكرآ على تذكيرنا بسرعة حركتنا نحو الوراء. كسرة اخيرة: هل فعلآ المريخ هو طيش المجموعة في دوري افريقيا بعد ان رشاهو هلالنا :)
محبتي المعلومة.
Post: #34 Title: Re: صديقتي آسيا ربيع و الآفرو الما خمج سنة 80 .. Author: MOHAMMED ELSHEIKH Date: 03-15-2022, 09:05 AM Parent: #33
"سأكون بيلية السودان"
هذا العنوان كان في مجلة الإذاعة والتلفزيون والمسرح عندما تم تسجيل كمال عبد الوهاب للمريخ ! مع صورة في كامل الصفحة
تتصور ياقبة انا محتفظ بهذا العدد بس في كرتونة في البلد
Post: #35 Title: Re: صديقتي آسيا ربيع و الآفرو الما خمج سنة 80 .. Author: Amira Hussien Date: 03-15-2022, 09:35 AM Parent: #1
بوست روعة و صديقاتك ف قمة الجمال والبهاء الله يحفظن وكل الباقين
Post: #36 Title: Re: صديقتي آسيا ربيع و الآفرو الما خمج سنة 80 .. Author: Ahmed Yassin Date: 03-15-2022, 01:28 PM Parent: #35
كان اسمها مجلة(هنا امدرمان) اتاسست اثناء الحرب العالمية الاولى سنة١٩٤١ واستمرت في الابداع ونشر الثقافة لمدة(٢٣) سنة متواصلة وتوقفت تماما سنة١٩٦٤ واستمر التوقف لعشر سنوات وعادت سنة (١٩٧٤) بثوبها الحديد ضامة الحيشان التلاتة كانت مجلة ممتعة في كل مجالات الفنون موسيقى غناء مسرح سينما ..وفي صفحة للاطفال لنشر صورهم وابداعاتهم ومناسباتهم السعيدة. والسينما كان الناقد الاستاذ عبدالرحمن نجدي هو الذي يتولى الكتابة عن الافلام كانت كتابة ممتعة شيقة
Post: #37 Title: Re: صديقتي آسيا ربيع و الآفرو الما خمج سنة 80 .. Author: محمد الزبير محمود Date: 03-15-2022, 02:36 PM Parent: #36
شكرا يا قبة على التوثيق !!!!!!!!! يعني كل دا العاجبكم دا كان زمن العسكر ( نميري *197 الى *198 ) يعني حكم العسكر ممكن يكون فيهو ابداع وحاجات جميلة ......... نفهم من كدا ان المدنية سلم وشماعة للعبور لما بعدها ........ غايتو
Post: #38 Title: Re: صديقتي آسيا ربيع و الآفرو الما خمج سنة 80 .. Author: حيدر حسن ميرغني Date: 03-15-2022, 07:40 PM Parent: #37
صورة الغلاف الاخيرة يظهر فيها الممثل علي مهدي (فيلم عرس الزين) شكرا قباني
Post: #39 Title: Re: صديقتي آسيا ربيع و الآفرو الما خمج سنة 80 .. Author: عبداللطيف حسن علي Date: 03-15-2022, 09:53 PM Parent: #38
طبعا شاهدت وقرات له تحرير صفحة المسرح ولا اذكر التاريخ
عشان كدا شوف الصفحات الداخلية ، نفس الصفحة كان يحررها
