هل ستنهار أسعار البيوت في أمريكا مرة أخرى

02:04 AM March, 08 2022

سودانيز اون لاين
عبد المنعم شيخ ادريس-
مكتبتى
رابط مختصر

سلام يا عبدالمنعم..

الشريعة هنا واضحة، ولا تحتاج لرجال دين أو شيوخ لنسألهم.. الشريعة قالت لكم رؤوس أموالكم لا تظلمون ولا تظلمون. والحديث * (1) أخرجه الحاكم وصححه على شرط الشيخين، ووافقه الذهبي،
2/ 37، وصححه الألباني في صحيح الجامع الصغير، 3/ 186، وأخرجه ابن ماجه في سننه في كتاب التجارات، باب التغليظ في الربا، عن أبي هريرة - رضي الله عنه -، برقم 2274، ولفظه: ((الربا سبعون حوباً أيسرها أن ينكح الرجل أمه))،
أعجب لمن لا يكترث لمن يغضبه كلام الأخرين عن جهله بمهنته، ولكنه لا يكترث لمن يعيبه بجهله بأمور الشريعة.. (الشريعة ليست الفقه الذى خلقه وتمادى فيه الفقهاء والشيوخ من أجل الرزق والتخصص الذى يبعد الأخرين غير الدارسين له
وإنما الشريعة هى البساطة التى جاء بها الإسلام وفصلها بكل وضوح النبى عليه الصلاة والسلام. الحديث يقول صلوا كما رأيتمونى أصلى.. يصلى قدامهم وأنتهى الأمر.. ثم جاء الفقهاء بفرائض الصلاة والمكروهات والمستحبات وما عارف شنو تانى.
عقدوا الإسلام حتى يكونوا هم المرجع ثم يسترزقون من وارء هذا العمل.. ولو حاولت تكتب عن الإسلام يقولوا ليك انت ما متخصص!! وكأنما أبوبكر وعمر كانا متخصصين فى فقههم هذا.
لو اقترض المسلم مبلغا فعليه أن يعيده دون زيادة أو نقصان.. خصوصا لو كان القرض من أجل الإستثمار.. أما الغرض من أجل الإستهلاك يعتمد على حالة المقترض، فإن كان يشرف على الهلاك فيحل له وعد مقرضه بالزيا\ة، والمضطر يحل له أكل الخنزير
ويذهب الرجس على الشخص الذى استلم الربا.. أما لو كان الغرض من أجل شراء منزل أو أى استثمار اخر فهو حرام بلا شك. أما صيغ المشاركة والمضاربة فهى أبشع أنواع الربا وفيها إستغلال للضحية.

ولكنني قرات مرة ان الشيخ القرضاوي الذي يقيم في دولة قطر ومان من قبل رئيس هيئة
علماء المسلمين قد اجاز شراء البيوت والسيارات عن طريق القرض من البنوك بالنسبة
للمسلمين الذين يقيمون اقامة دائمة في الدول الاوروبية وامريكا حيث ان النظام السائد
في تلك الدول هو.نظام الشراء عن طريق القروض ةليس هناك اي طريق اخر....فالمسلم
هناك في تلك الدول بيعتبر في حكم المضطر ....وهذا هو كلام شيخ من شيوخ المسلمين.
...فهل قوله حقيقة وقول منطقي ام قابل للاخذ والرد....

اهلا اختي الصغيرة
وغير القرضاوي في ناس برضو قالوا حلال
عشان ك\ا انا عايز اعمل فيديوعن الموضوع دا

Quote: ولكنني قرات مرة ان الشيخ القرضاوي الذي يقيم في دولة قطر ومان من قبل رئيس هيئة علماء المسلمين قد اجاز شراء البيوت والسيارات عن طريق القرض من البنوك بالنسبة للمسلمين الذين يقيمون اقامة دائمة في الدول الاوروبية وامريكا حيث ان النظام السائد في تلك الدول هو.نظام الشراء عن طريق القروض ةليس هناك اي طريق اخر....فالمسلم هناك في تلك الدول بيعتبر في حكم المضطر ....وهذا هو كلام شيخ من شيوخ المسلمين. ...فهل قوله حقيقة وقول منطقي ام قابل للاخذ والرد....

Quote: أما الغرض من أجل الإستهلاك يعتمد على حالة المقترض، فإن كان يشرف على الهلاك فيحل له وعد مقرضه بالزيا\ة، والمضطر يحل له أكل الخنزير ويذهب الرجس على الشخص الذى استلم الربا.. أما لو كان الغرض من أجل شراء منزل أو أى استثمار اخر فهو حرام بلا شك

يا أبو الريش إذا بتفتي بهذه القطعية وبهذه الثقة فمن باب أولى أن تُفتي بحرمة الإقامة في بلاد الكفار والمشركين والنصارى وغيرهم من الكفار لغير ضرورة.

يا حافظ
منو القال ليك ديل كفار ؟؟انت ما سمعت بالنكتة دي::
واحد عايز يتزوج أمريكية وما مسلمة ...وابوهو معارض بشدة ويقول ليه كيف تتزوج الكافرة ....ولكن ولده اتزوج الأمريكية وجاء هو وزوجته في اجازة للسودان ...وابوهو زعلان منه شديد ...وفي يوم ولده عنده سفرية قصيرة لإحدى قرى السودان وسافر براهو وخلى زوجته الأمريكية في البيت مع أهله.
.والأمريكية ما قصرت كل يوم مع الصباح تجيب العصير لوالد زوجها وبعد العصير القهوة والشاي وتصر انه يقوم يتمشى في الشارع معاها عشان يتريض ..وبعد داك تدلك ليه رجلينه بزيت السمسم ...واخر خدمات ..
..وبعد الولد رجع من السفر سأل ابوهو ؛ الكافرة كيف لقيتها يا ابوي ؟
وابوهو رد عليه:- والله هي ما كافرة ..الكافرة امك دي.....هههههههههههه

Quote: ولكنني قرات مرة ان الشيخ القرضاوي الذي يقيم في دولة قطر ومان من قبل رئيس هيئة علماء المسلمين قد اجاز شراء البيوت والسيارات

هلا بسمات بنت الشيخ..

قلنا سيبكم من المنتفقهين (كلمة فقهاء كتيرة عليهم) القرضاوى أفتى بقتل الأبرياء إن كان فى ذلك مصلحة (للجماعة) والجماعة هى الإسلاميين طبعاً,, حتى الأبرياء من الأطفال والنساء والشيوخ. يمكن
قتلهم بتفجيرات إن كان ذلك فى مصلحة الجماعــة. الفقهاء والشيوخ لا دين لهم سوى المال والسلطة.. أضيفى القران وكتب الحديث الى مكتبتك.. وقومى من وقت لأخر بزيارة موقع alfikra.org
شوفى الفيديو دا واستمعى للقضاوى وهو يبيح قال المسلمين

اكيد القرضاوي ده يكون مجنون او خرف ....وبالتاكيد هو ارهابي من الدرجة الاولى ...
ومستغربة ليه الامريكان ما رسلوا طائرة مسيرة Drone ويفجروا بيته بصاروخ ويتخلصوا
منه .....
لكن مع ذلك وبما انه افتى بجواز شراء البيوت والسيارات عن طريق القروض الربوية فنحن
حنشتري البيوت والسيارات عن طريق البنوك والذنب حيقع عليه هو وليس على من اشترى
تلك البيوت والسيارات بموجب فتواه....

Quote: فنحن حنشتري البيوت والسيارات عن طريق البنوك والذنب حيقع عليه هو وليس على من اشترى تلك البيوت والسيارات بموجب فتواه....

أحسن شئ تشترى بطريقة By owner أى من المالك مباشرة بدون وسيط البنك. لأن يوم الحساب كل شاة معلقة من عصبتها.. ما ممكن أقول لله أهونداك القرضاوى قال لى كدا أسألوه.
الله يقول ليك أنا قلت ليك كدا، تقول لى القرضاوى؟
* ولقد جئتمونا فرادى كما خلقناكم أول مرة وتركتم ما خولناكم وراء ظهوركم ۖ وما نرى معكم شفعاءكم الذين زعمتم أنهم فيكم شركاء ۚ لقد تقطع بينكم وضل عنكم ما كنتم تزعمون *

بعدين كيف نرد فتواه فى قتل المسلمين الأبرياء ونأخذ بتفواه فى تحليل الربا؟

Quote: يا أبو الريش إذا بتفتي بهذه القطعية وبهذه الثقة فمن باب أولى أن تُفتي بحرمة الإقامة في بلاد الكفار والمشركين والنصارى وغيرهم من الكفار لغير ضرورة.

سيا أخ حافظ وأنا مقيم فى الغرب.. فى امريكا تحديداً.. ممكن لو تكرمت تثبت أن أمريكا بلد كفار.. وما هو تعريف الكفار عندك؟

عليكم السلام يا استاذنا
طيب والتضخم؟
القروش كل يوم فاقدة فيمتها
لو سلفتني الف دولار قبل سنتين
كانت حا تشتري لي كورولا
هسة حتعمل شنو؟
اعترف اني جاااهل في الموضوع دا
حتى الحديث دا أول مرة أسمع بيه
فشكرا عليه
وعلى الشرح
ولااا قدام

Quote: سلام يا عبدالمنعم.. الشريعة هنا واضحة، ولا تحتاج لرجال دين أو شيوخ لنسألهم.. الشريعة قالت لكم رؤوس أموالكم لا تظلمون ولا تظلمون. والحديث * (1) أخرجه الحاكم وصححه على شرط الشيخين، ووافقه الذهبي، 2/ 37، وصححه الألباني في صحيح الجامع الصغير، 3/ 186، وأخرجه ابن ماجه في سننه في كتاب التجارات، باب التغليظ في الربا، عن أبي هريرة - رضي الله عنه -، برقم 2274، ولفظه: ((الربا سبعون حوباً أيسرها أن ينكح الرجل أمه))، أعجب لمن لا يكترث لمن يغضبه كلام الأخرين عن جهله بمهنته، ولكنه لا يكترث لمن يعيبه بجهله بأمور الشريعة.. (الشريعة ليست الفقه الذى خلقه وتمادى فيه الفقهاء والشيوخ من أجل الرزق والتخصص الذى يبعد الأخرين غير الدارسين له وإنما الشريعة هى البساطة التى جاء بها الإسلام وفصلها بكل وضوح النبى عليه الصلاة والسلام. الحديث يقول صلوا كما رأيتمونى أصلى.. يصلى قدامهم وأنتهى الأمر.. ثم جاء الفقهاء بفرائض الصلاة والمكروهات والمستحبات وما عارف شنو تانى. عقدوا الإسلام حتى يكونوا هم المرجع ثم يسترزقون من وارء هذا العمل.. ولو حاولت تكتب عن الإسلام يقولوا ليك انت ما متخصص!! وكأنما أبوبكر وعمر كانا متخصصين فى فقههم هذا. لو اقترض المسلم مبلغا فعليه أن يعيده دون زيادة أو نقصان.. خصوصا لو كان القرض من أجل الإستثمار.. أما الغرض من أجل الإستهلاك يعتمد على حالة المقترض، فإن كان يشرف على الهلاك فيحل له وعد مقرضه بالزيا\ة، والمضطر يحل له أكل الخنزير ويذهب الرجس على الشخص الذى استلم الربا.. أما لو كان الغرض من أجل شراء منزل أو أى استثمار اخر فهو حرام بلا شك. أما صيغ المشاركة والمضاربة فهى أبشع أنواع الربا وفيها إستغلال للضحية.

Quote: أحسن شئ تشترى بطريقة By owner أى من المالك مباشرة بدون وسيط البنك. لأن يوم الحساب كل شاة معلقة من عصبتها.. ما ممكن أقول لله أهونداك القرضاوى قال لى كدا أسألوه.الله يقول ليك أنا قلت ليك كدا، تقول لى القرضاوى؟

سلام عبد المنعم ..
يازول نفسك قايم طول الفيديو .. الجو بارد و لا اللياقة تعبانه 🙂

يا ابو الريش ..
احسن طريقة تشتري بطريقة By owner يعني شنو ؟
اشرح لينا فكرتك شنو ؟

الشراء لبيت معروض For sale by Owner
او زي ما بنسميها FSBO
ما ليو علاقة بالتمويل .. فقط يوفر على البايع قروش ال realtor

لو عندك فهم تاني .. اشرح لينا ..

بتنا بسمات بت الشيخ

Quote: الكافرة امك دي.....هههههههههههه

🤣🤣🤣
نكتتك حلوة لكن في يوم المرأة العالمي بتجيب لينا الهوا مع المرأة السودانية.
تحياتي لك ولنساء الأرض قاطبة.

Quote: يا أخ حافظ وأنا مقيم فى الغرب.. فى امريكا تحديداً.. ممكن لو تكرمت تثبت أن أمريكا بلد كفار.. وما هو تعريف الكفار عندك؟

وهي دي دايرة إثبات؟
بلد بنوكها تتعامل بالربا ومجمل نظامها المالي لا يتفق مع الشريعة والدولة لا تتحرى الحلال من الأموال فيما تغذي به ميزانيتها، دايرها تكون بلد كفار أكتر من كدا كيف؟
وإذا إنت قاعد في نيوجيرسي وتتمتع بالخدمات التي تقدمها الدولة من أموالها المكتسبة بالباطل، فأنت والغ مع الدولة في اموال الحرام إلى أذنيك.

أنصحك بأن تترك الإقامة في بلاد الكفر وتهاجر لديار المسلمين وتتوب إلى الله وتستغفره.

باشمهندس ود قباني
عندنا ليك سؤال فني واظنك حتلقى لينا الاجابة ..
معانا صديقة عزيزة ودرست معانا والان تعمل في القوات الجوية ..ووجدت
منزل للبيع في بروكلين نيويورك ،عاصمة العالم ، ثمن البيت حوالي٨٠٠ الف
دولار ....وعاوزين نعرف رسوم الReal estate كم في الميه ....يعني مفروض
تدي الريل ستيت كم دولار ....
وهل الReal estate بيشيل النسبة من البائع والمشتري ام فقط من المشتري
...عشان ما يغشوا المسكينة دي ....ويا دوب هي اشتغلت ....
وجزاك الله خيرا
والله يديك الصحة والعافية

Quote: احسن طريقة تشتري بطريقة By owner يعني شنو ؟

يحيى قبانى.. يعنى تشترى كاش من المالك رأسا.. لا بنك لا سمسار.. كدا تتخلص من الربــا. ولو المالك عرض عليك بيعه بالأقساط وطالب تعويضه عن capital depreciation عشان
يعوض الخسارة المتراكمة.. accumilated loss فهذا لا يعتبر ربا.. بشرط ان يتبع حساب وجدول فقدان قيمة العملة عبر الزمن وليس فوائد وأرباح.. لأن المبلغ الأصلى لا يزيد عبر
الزمن مع تعويض ال depreciation. . بالعكس لو لم تحسب قيمة فقدان القيمة فسوف تقع فى "لا تظلمون ولا تظلمون" وسوف تكون فى حالة "تظلمون" لأن البائع سيكون مظلوما..
الشريعة لا تحتاج الى فقهاء ولكن المسلم يحتاج أن يشغل الخلايا الرمادية فى مخه ويفكر منطقيا ..

Quote: وإذا إنت قاعد في نيوجيرسي وتتمتع بالخدمات التي تقدمها الدولة من أموالها المكتسبة بالباطل، فأنت والغ مع الدولة في اموال الحرام إلى أذنيك. أنصحك بأن تترك الإقامة في بلاد الكفر وتهاجر لديار المسلمين وتتوب إلى الله وتستغفره.

السيد حافظ..
يا أخى أعيذك أن تتكلم عن جهل بما لا تعلم. وأرجوك أبعد من شخصنة النقاش.. أنت لا تعرف إن كنت أتلقى أموالا من الحكومة أم لا.. وأقول لك لا أتلقى ولم أتلقى فى الماضى فى أى وقت.
ما تتكلم عن حاجة ما تعرفها وما تتكلم عن الأشخاص.. هذا نقاش عام، لا أنا اتكلم عنك شخصيا ولا أنت يحق لك هذا. لو تقصد الشوارع المعبدة التى أسوق فيها فإنها قد بنيت من الضرائب التى
دفعتها ودفعها المواطنين.. وليست هبة من الحكومة.. أبعد من الحديث الشخصى لا بخير ولا بشـر. الان لم تجب على سؤالى وربما كان هذا سبب تحويلك للنقاش للشخصنــة, وأكرره لك
1. الأمريكان فيهم بل ومعظمهم مسيحيون وليسوا مسلمين.. فهم ليسوا كفار.. هات دليل أن أهل الكتاب كفار. هات دليل حتى من المسلمين الذين يتعاملون بالربا انهم كفار.. أين الدليل؟
مع الأسف تتحدث دون أن تفكر فيما تقول. ونيوجيرسى التى ذكرتها، بل كل الولايات، تدعم المساجد الإسلامية والمدارس العربية والإسلامية بعشرات الالاف من الدولارات شهريا لكل مسجد.
والمسجد له الحق أن يستقدم إمام راتب ويعطونه القرين كارد وهو فى بلده.. يعنى الإمام يصل مطار نيويورك وهو طابق القرين كارد بتاعه.. وأزيدك من الشعر بيت.. فى جنسيات تعرفها يعملوا
مساجد مخصوص للهبات الحكومية الشهرية ولبيع القرين كارد للأمة القادمين بالاف الدولارات.. لو عدت الى هذا النقاش فسوف أعرج على (ديار المسلمين) التى ذكرتها ودوةتنا للهجرة اليها.

Quote: أنت لا تعرف إن كنت أتلقى أموالا من الحكومة أم لا

وين في كلامي أنا أشرت لإنك بتتلقى اموال من الحكومة وين أشرت لأن تلقيك اموال من الحكومة او عدمه له علاقة بالنقاش؟
أما قولي أنك تقيم في نيوجيرسي فهي معلومة قديتنا بيها قد الجن في المنبر دا، وأنت الذي تطرقت لمكان إقامتك في هذا البوست.

Quote: الشوارع المعبدة التى أسوق فيها فإنها قد بنيت من الضرائب التى دفعتها ودفعها المواطنين.. ليست هبة من الحكومة

وين أنا قلت إنو الخدمات التي تتمتع أنت بها في مدينتك الامريكية هبة من الحكومة؟ أنا قلت أن الحكومة لا تتحرى الحلال في مصادر اموالها سواء من ضرائب او غيره وجزء من الضرائب التي يدفعها المواطنون هي عائدات عمليات ربوية.. وبما أن مال ضرائبك الذي دفعته قد إختلط بأموال ربوية قبل أن يعود عليك في شكل خدمات.. ومن باب سد الذرائع فإن الإستفادة بأي شكل من الأشكال من هذه الأموال التي إختلطت بمال الربا حرام شرعاً ما لم تحتمه الضرورة وذلك قياساً على فتواك بتحريم التعامل مع البنوك بسعر الفائدة ما لم تحتمه الضرورة.

Quote: الأمريكان فيهم بل ومعظمهم مسيحيون وليسوا مسلمين.. فهم ليسوا كفار.. هات دليل أن أهل الكتاب كفار

طيب أنا فوق قلت ليك "حرمة الإقامة في بلاد الكفار والمشركين والنصارى" وما قصرت المسألة على الكفار بس. فإعتبر أمريكا دي بلد نصارى حسب فهمك.. وبالتالي مافي حوجة لدليل أن أهل الكتاب كفار او غير كفار.

Quote: لو عدت الى هذا النقاش فسوف أعرج على (ديار المسلمين) التى ذكرتها ودوةتنا للهجرة اليها

مرحب بعروجك على ديار المسلمين.. وعلى فكرة قيل فترة ما طويلة عرجت أنا على ديار النصارى في نواحي نيويورك وكنت أتوقع ترحيبك بي ولكني علمت حينها انك متحاوم في بلاد كفار أخرى من نواحي شينزين وهانجزوو.

المدعو حافظ بشير،
كيف تتهمنا نحن فقط بالكفر؟
السعودية مرتبطة مع نظامنا المالي ارتباط الحافر بشنو كدا نسيت،
فإذا كنا نحن نأكل أموال الربا، فأنت المقيم بجدة -وتصرف راتبك من أموال الدولة ربيبة الربا- ربوي وكافر
أنصحك إذا كنت تريد العودة لدين الله الحنيف أن تعود لقريتكم التكلة الحلاوين ريفي الحصاحيصا

Quote: منزل للبيع في بروكلين نيويورك ،عاصمة العالم ، ثمن البيت حوالي٨٠٠ الف

سلام للجميع
حوالي٨٠٠ الف ما بتحيب Igloo في(مركز المجرة ) تورنتو

يا قباني يا خبير،
أخيراً قررت شراء بيت بنورث كارولاينا،
هل تنصحني بالشراء فوراً أم أنتظر لبعض الوقت؟


أمس كنا قاعدين في برندة ستاربكس بغرينسبورو وهي تشبه برندات دكاكين السوق الجديد مدني،
جاء داخل صديقنا هاني وهو يعمل بالطيران ويشتغل حلاقة في أوقات فراغه،
واحد من الجلوس قال ليهو كيفك هاني؟ أخبار الحلاقة شنو؟
رد ليهو والله بوتن دا ممكن يفك فينا النووي
فشنو؟ حقو تحلقوا

المستنير الزنديق
عدم إيمانك بمولانا ممكن يطفي لمبات إستنارتك كلها، فمولانا غير
مولانا عندما يذهب لديار النصارى ويسير مثل العامة في الشوارع فإنه يتخير لموطئ قدمه تلك الحصحاصات التي صرفت عليها حكومات النصارى من ضرائب المسلمين.
أما أنت وابوالريش فتلخون الشوارع من طرف لذا تلوثتم بربا النَّسيئة وربا الفضل من اموال النصارى.

Quote: باشمهندس ود قباني عندنا ليك سؤال فني واظنك حتلقى لينا الاجابة .. معانا صديقة عزيزة ودرست معانا والان تعمل في القوات الجوية ..ووجدت منزل للبيع في بروكلين نيويورك ،عاصمة العالم ، ثمن البيت حوالي٨٠٠ الف دولار ....وعاوزين نعرف رسوم الReal estate كم في الميه ....يعني مفروض تدي الريل ستيت كم دولار .... وهل الReal estate بيشيل النسبة من البائع والمشتري ام فقط من المشتري ...عشان ما يغشوا المسكينة دي ....ويا دوب هي اشتغلت .... وجزاك الله خيرا والله يديك الصحة والعافية

سلامات يا بت الشيخ ..

الغالب الاعم او نسيبة 100% تقريبا في شراء العقار (السكني) البايع فقط البيدفع رسوم الريال استيت
و النسبة بتكون محسوبة .. و اذا حيدفع 5% مثلا فهو حيرجع ليهو تمن البيت 760000 و ال 40000 بتمشي لمكاتب الريال استيت حسب النسب المتفق عليها ..
المشتري بكون عنده الممثل العقاري حقه his own Realtor (عشان يحفظ حقوقه) و الريالتور ده بيقبض حقه من البايع عن طريق الريال استيت بروكرج حقة البايع .

يعني صاحبتك ما عليها الا تعين ريالتور يمثلها و ما حتدفع الا تمن البيت المتفق عليه و اي رسوم محاماه و خلافه و النصيحة الاهم ما تمشي مباشرة لممثل البايع عشان تقدر تتفاوض في سعر البيت مع ممثلها و عشان تحفظ حقوقها و تشتري بي ورق مظبوط ..
و النصيحة الاهم ما تشتري من البايع مباشرة .. لانه وجود الريالتورز حافظ للحقوق و بيعمل تفتيش للبيت و فحص و بستخدموا الفورمات المضبوطة ..
حتى لو البيت معروض من البايع مباشرة من دون ما البايع يكون عنده ممثل عقاري .. الشاري من حقه يجيب الممثل حقه .. و غالبا البايع بدفع نسبة الريالتور حق المشتري و يكون برضه وفر 2.5 في المية و ما يجيب زول يمثله ..

الحالات الممكن يدفع فيها المشتري عمولة للريالتور غالبا في الشغل التجاري و نسبته ما كبيره برضه
يعني لو زول داير يشتري مصنع او بلازا او وير هاوس .. ممكن البايع يقول ما دافع الا لممثل العقار حقه و على الشاري انه يدفع للمثل حقه .. و من الاول they factor it in the purchase price

Quote: يحيى قبانى.. يعنى تشترى كاش من المالك رأسا.. لا بنك لا سمسار.. كدا تتخلص من الربــا. ولو المالك عرض عليك بيعه بالأقساط وطالب تعويضه عن capital depreciation عشان يعوض الخسارة المتراكمة.. accumilated loss فهذا لا يعتبر ربا.. بشرط ان يتبع حساب وجدول فقدان قيمة العملة عبر الزمن وليس فوائد وأرباح.. لأن المبلغ الأصلى لا يزيد عبر الزمن مع تعويض ال depreciation. . بالعكس لو لم تحسب قيمة فقدان القيمة فسوف تقع فى "لا تظلمون ولا تظلمون" وسوف تكون فى حالة "تظلمون" لأن البائع سيكون مظلوما.. الشريعة لا تحتاج الى فقهاء ولكن المسلم يحتاج أن يشغل الخلايا الرمادية فى مخه ويفكر منطقيا ..

يا ابو الريش ..

واضح انه خبرتك محدوده شويه في مسألة البيع و الشرا للعقارات ..

اذا الشخص حيدفع كاش .. فما حيفرق لو البيت معروض مباشرة من البايع او معروض عن طريق مكاتب عقارية .. او معمول ليهو فوركلوشر .. لانك دافع كاش و ماشي .. لا انترست لا مضاربه لا دياولو ..
اللهم الا انك حبيت تدخل جملة by owner دي ساي .. لكن ما عندها علاقة بالفوايد و البنوك .. كاش از كاش ان شاء الله يكون معروض وين ما كان و عن طريق ايا ما كان ..
و برضه الافضل للشاري و للبايع ان يعرض او يشتري عن طريق Real Estate Brokerage لحفظ الحقوق .. بيريود ..

اما المالك البيعرض بالاقساط ده الا في حالتين ..
لو سوق العقار ميت .. و ما قادر يبيع .. ممكن يعمل حاجه اسمها VTB or Vendor Take Back و هي تعني انه هو الحيمولك مباشرة .. و في النهاية حيمولك بفوايد ..
في سوق الكوميرشيال الفندور تيك باك كتير و متعارف عليه عادي ..

البايع الطبيعي و الفاهم .. بعين مكتب ريال استيت .. يعمل تفييم للبيت .. يعمل Staging للبيت عشان يقدر يجيب له اعلى سعر ..
و الشاري الطبيعي بيعين مكتب ريال استيت .. عشان يحفظ حقوقه القانونية .. و يقوم بكشف اي عيوب في المنزل .. و خلافه ..
الاوضاع اعلاه ليس لها علاقة بانك تدفع كاش او عن طريق تمويل بنكي .. عندك كاش ادفع و اخلص من شبهة الفوايد و بس ..

عندك تايبو هنا
accumilated loss
تقصد
Accumulated

احمد خليل
بالله البيوت غالية كده في تورنتو كندا؟؟!!
...البيت الفي بروكلين عبارة عن غرفة واحدة وصالون
والمساحة ١٢٠٠ Feet...والبيت اللقطة ما في منهاتن
الفيفث افينو ...لان الارض الفاضية في الفيفث افينيو
بيبيعوهو بالبوصة ....والبوصة الواحدة بي ال٨٠٠ الف دولار
..وتقول لي تورونتو....

اسلم شئ بالنسبة للناس المتدينين بالذات هو الشراء من البلدية.. الان بيوت معروضة فى ديترويت
ابتداء ب دولار واحد فقط. واكتر من سودانى الواحد فيهم اشترى بيتين تلاتة..
بعض البيوت طوب احمر او حجر ومصممة على العهد الفكتورى. بعد ترميم بواسطة المشترى
نفسه ممكن تبيعها لغاية 100 الف دولار واكتر. بل لما تقع ليك فى العطاء البلدية تديك 25 الف
دولار لا ارجاع ولا ربا.. هبة من البلدية هدفها اعادة تعمير المدينة بعد ان هجرها السكان
أثناء انهيار صناعة السيارات وهروب المصانع الى المكسيك وغيرها. الشرط الوحيد ان تسكن فيها
او تؤجرها.
http://http://www.buildingdetroit.orgwww.buildingdetroit.org

https://buildingdetroit.orgالموقع هنا

وصدقا لكلامك ...
واحد من معارفنا اشترى بيت في مدينة قريبة من الباني عاصمة ولاية نيويورك
بمبلغ ٦ الف دولار ..والبيت كان متهالك ...وعمل ترميمات للبيت وبعد سنة واحدة
عرضوا عليه ١٩٠ الف دولار ..ورفض البيع ....
في ناس بيعرفوا يستتثمروا قروشهم بالطرق الصحيحة ...وقالوا
مجال العقارات هو أفضل مجال للاستثمار

Quote: اللهم الا انك حبيت تدخل جملة by owner دي ساي .. لكن ما عندها علاقة بالفوايد و البنوك .. كاش از كاش ان شاء الله يكون معروض وين ما كان و عن طريق ايا ما كان ..

يا يحيى وبصرف النظر عن الربا.. أى بيعة يدخل فيها وسيط معناها السعر ما زى لما يكون من المالك مباشرة.. هذه لا يتناطح حولها عنزان الاتنين كاش لكن الوسيط يزيد رسومه،

Quote: والبوصة الواحدة بي ال٨٠٠ الف دولار

الابنة بسمات تحياتي
معقول البوصة الواحدة بالمبلغ
أو بس كلام كده مزاح

أرجو أن أتاكد

تحياتي الابنة بسمات

يا أبو الريش، الوسيط هنا ترويجي للبائع،
ما بشيل من المشتري حاجة قال ليك

رد لينا يا يحيى
نشتري ولّ ننتظر شويّة؟

Quote: يا قباني يا خبير، أخيراً قررت شراء بيت بنورث كارولاينا، هل تنصحني بالشراء فوراً أم أنتظر لبعض الوقت؟

يا بكري .. تشتري طوالي ..

حسب خبرتي الطالت في المجال ده ..

العقار ابد ما بنزل .. الحصل في 2008 في امريكا بالتحديد ما حيحصل تاني و ما حنشوف كراش ..

الوقت داك كانت البنوك بتدين المشتري 100% و البايع بدي كمان لحد10-20 في المية تحت الصفر عشان يشجعك .. لذلك كان في ناس كتير ما عندها اي equity في بيوتها و لمن حصلت الكعة جروا و خلو بيوتهم فاضيه ..

هسي البنوك اتعظت و بقت في مقاييس ما بنزلوا منها لذلك ممكن السوق يبقى soft بس نزول او كراش غير متوقع ..

الفايدة حتزيد اي نعم بحاولي 1.5% في خلال سنة .. لكن الما بفهموا الكتيرين انه الدفعيات حقتك ما حتزيد .. فقط مدة التسديد حتزيد و حتتغير الخلطة بين ال Principal and the Interest

او بمعني آخر المبالغ الماشة للفايدة حتزيد و المبلغ الماشي لراس المال حيقل .. و النتيجة مدة التسديد حتطول .. لذلك بننصح العنده مجال يزود دفعاته .. يزودها و ما ينتظر ..
و الاهم عنده وجود السيولة .. خلي المده تزيد ما فارقه لانك ممكن تبيع و تشتري و ما حتقعد في نفس البيت 25 و 30 سنة ..

الخلاصة يا ابوبكر .. اليوم احسن من باكر .. و بكره افضل من بعده ..

انا لي 17 سنة في المجال .. و اشتريت اول عقار لي في كندا سنة 97 .. ما شفت الماركت في كندا نزل يوم واحد .. رغم التقارير و التحليلات .. كلها حكي فاضي .. فاتوكل و اشتري .. و عين ليك ريالتور فاهم .. و ظبط امورك ..

و بذكركم بمقولة اجدادنا و ابهاتنا .. : العقار يمرض .. و لا يموت ..

Quote: يا أبو الريش، الوسيط هنا ترويجي للبائع، ما بشيل من المشتري حاجة قال ليك

هههه.. دى زى ال free shipping يا ابوبكر زمان العمولة دخلت فى السعر بين المالك والمشترى. مافى شغل لوجه الله فى أمريكا..

Quote: أما لو كان الغرض من أجل شراء منزل أو أى استثمار اخر فهو حرام بلا شك

Quote: أى بيعة يدخل فيها وسيط معناها السعر ما زى لما يكون من المالك مباشرة.. هذه لا يتناطح حولها عنزان

البوست إتجاوزك يا أبو الريش
لكن بجد محيراني ثقتك ال بتنثر بيها درر الحديث دي.

مراجعة سريعة للفتاوى المنتشرة في السايبر حول موضوع شراء المنزل في دول المهجر بالقروض البنكية، لقيت في رأيين
الأول يحرم شراء البيوت بالقرض البنكي وأغلب من أفتوا بهذه الفتوى يعيشون في بلادهم بالشرق الاوسط ويحرمون الإقامة في الدول الغربية.
والثاني يبيح شراء البيوت بالقرض البنكي وأغلب من أفتوا بهذه الفتوى يعيشون في دول اوربا او امريكا ولهم خبرة بالحياة في هذه الدول.
وبغض أن النظر عن صحة أي من الفتوتين أرى أن كل واحدة تتسق مع رأي كل منهم في الحياة في دول اوربا وامريكا وتتسق مع تجارب المُفتي وخبرته الحياتية.
فالفتوى الاولى تنفي أصل المشكلة بإعتبار أن لا حاجة للمسلم في شراء بيت في امريكا الشمالية واوروبا. والثانية إفترضت وجود حوجة المسلم لشراء منزل في تلك الدول وأتاحت لها الحل بما يتماشى مع واقع الحياة في تلك الدول
أما فتواك أنت يا أبوالريش بحرمة شراء منزل بقرض بنكي فهي فتوى تناقض معطيات الحياة في تلك الدول ولا تقدم حلول واقعية.
اللهم إلا إذا أعتبرنا أن إنتظار المسلم وتقوته على هبات الدولة (كما في ديترويت) هو حل مثالي لمشكلة سكن المسلم في أمريكا.