ياسر الشريف ابو الريش ابو سيقان عارف ناشد وآخرين الفيديو بطرفكم على الوتساب
Post: #2 Title: Re: هذه المصرية جضمت اغنية حمد الريح رغم بغضى Author: بدر الدين الأمير Date: 03-03-2022, 11:02 AM Parent: #1
ماقصر المجدد شاعر التجديد عمر الطيب الدوش حين سحب من حمد الريح اغنية الساقية لان حمد طلع مطبلاطى للكيزان ودخل بالتعين برلمانهم الوهمي وعاش معاهم كوز ورحل وهو كوز
Post: #15 Title: Re: هذه المصرية جضمت اغنية حمد الريح رغم بغضى Author: Zakaria Fadel Date: 03-04-2022, 09:30 AM Parent: #2
رحم الله الإثنين عمر الدوش و حمد الريح فقد كان الأول شاعرا مجيدا و الثاني فنانا جيدا
Quote: ماقصر المجدد شاعر التجديد عمر الطيب الدوش حين سحب من حمد الريح اغنية الساقية لان حمد طلع مطبلاطى للكيزان
لا أظن أن هذه المعلومة صحيحة فقد كان الخلاف بينهما ان الشاعر عمر لم يعطي هذه الكلمات فقد تم أخذها من وراء ظهره ورفع الشاعر قضية و صلت المحاكم ضد ناجي القدسي رحمه الله و حمد الريح والقضية كانت قبل الانقاذ
Post: #3 Title: Re: هذه المصرية جضمت اغنية حمد الريح رغم بغضى Author: محمد علي البصير Date: 03-03-2022, 11:03 AM Parent: #1
Quote: ياسر الشريف ابو الريش ابو سيقان عارف ناشد وآخرين الفيديو بطرفكم على الوتساب
ديل نوبة مصر المشبعين بالثقافة السودانية
Post: #4 Title: Re: هذه المصرية جضمت اغنية حمد الريح رغم بغضى Author: محمد البشرى الخضر Date: 03-03-2022, 12:16 PM Parent: #3
قيل سودانية من بنات كسلا
Post: #5 Title: Re: هذه المصرية جضمت اغنية حمد الريح رغم بغضى Author: بسمات الشيخ Date: 03-03-2022, 12:23 PM Parent: #4
نزل الاغنية هنا عشان نسمع ونحكم ،،،،
Post: #6 Title: Re: هذه المصرية جضمت اغنية حمد الريح رغم بغضى Author: محمد علي البصير Date: 03-03-2022, 12:50 PM Parent: #5
أمسك عندك إبداع النوبة المصرية
Post: #7 Title: Re: هذه المصرية جضمت اغنية حمد الريح رغم بغضى Author: Arif Nashed Date: 03-03-2022, 01:13 PM Parent: #6
يا مورقاتي فعلا البت جضمت الاغنية وابدعت في ادائها
Post: #8 Title: Re: هذه المصرية جضمت اغنية حمد الريح رغم بغضى Author: Hafiz Bashir Date: 03-03-2022, 01:44 PM Parent: #7
مرفت عمر سودانية مشبعة بنكهة توتيل.
Post: #9 Title: Re: هذه المصرية جضمت اغنية حمد الريح رغم بغضى Author: Abureesh Date: 03-03-2022, 03:30 PM Parent: #8
1. سودانية 100% 2. صوتها جميل وفيه قليل من المعالجة الرقمية اعطته طرطشــة جميلة textures 3. الزمن فى الصميم ما فى أى زحلقة ولو بسيطة
الخلاصة كربت شغلها. تهانينا
Post: #10 Title: Re: هذه المصرية جضمت اغنية حمد الريح رغم بغضى Author: بسمات الشيخ Date: 03-03-2022, 05:20 PM Parent: #9
رأيي خلوهو ...واستشرنا رأي الموسيقار امتثال وقالت انها فنانة بدون شك وصوتها أجمل من جميل والفرقة الموسيقية أبدعت...لكن ما بلحقوا محمدية وبشير عباس... ..أما رأيي فإنها فنانة بمعنى الكلمة ..وأفضل بمليون مرة من فناناتنا الماليات سوق الغناء الغث...والسمين ...
Post: #11 Title: Re: هذه المصرية جضمت اغنية حمد الريح رغم بغضى Author: بدر الدين الأمير Date: 03-03-2022, 11:37 PM Parent: #10
بسمات يابت الشيخ وكل الاصفياء والحضور فى هذه الاغنية لاول مرة محمد البشرى يتداخل ويقول قالو
Post: #12 Title: Re: هذه المصرية جضمت اغنية حمد الريح رغم بغضى Author: abas Date: 03-04-2022, 06:26 AM Parent: #11
Post: #13 Title: Re: هذه المصرية جضمت اغنية حمد الريح رغم بغضى Author: بسمات الشيخ Date: 03-04-2022, 06:54 AM Parent: #12
عباس انت جبت النحيضة من النهاية.. فعلا نجمة ...نجمة اليوم والغد ...وما حتكون عندها منافسة... وكسلا ولادة...وجابت قبل كده صاخب الصوت الرخيم التاج مكي وحبيت عشانك كسلا ...واسال العنبة الرامية فوق بيتنا.
Post: #14 Title: Re: هذه المصرية جضمت اغنية حمد الريح رغم بغضى Author: محمد البشرى الخضر Date: 03-04-2022, 07:20 AM Parent: #13
Quote: لاول مرة محمد البشرى يتداخل ويقول قالو
ما عشان ما متاكد مية مية وصراحة ما فتشت مرجع استند عليه فلزوم الدقة وكدا
Post: #16 Title: Re: هذه المصرية جضمت اغنية حمد الريح رغم بغضى Author: بدر الدين الأمير Date: 03-04-2022, 10:46 PM Parent: #14
غايتو ياناس سودانيز اونلاين مابتنقدرو بالساهل جبتو خبرها واصلتوها ياخى حتى ابوريش المابعجو العجب شكرها ونجمات المنبر الغايبة امتثال عبدالله والحاضرة المتحضرة بسمات الشيخ بصمن لها شخصيا مسالة فنانة محجبة مابتقع لى والتذوق مذاهب وقالو اب سيقان عارف ناشد قاعد في اعلا قمة بطايف وشغال بالاغنية سكسكة مع الجنيات وكسلا وما ادراك كسلا وزي ماقال الراحل عمر الحاج موسى والثوب في كسلا ينساب عند الخصر ولى زكريات وحنين لكسلا زرتها ايام الصبا حين كان شقيقى الاكبر دكتور حافظ الامير يعمل بمستشفى كسلا زرت السواقى وضريح سيدى الميرغنى وشربت من بئر توتيل وصعدت قمة الجبل النعسان خدارو واكلت لاول مرة القرار وهو سجق بعملوهو ناس كسلا على طريقتهم الخاصة خلو العم ابو الريش يجى يشرح لكم كيف يتم اعداد القرار وهو مشوى على حجار السلات مذاق عجيب وللقهوة في كسلا طقس خاص رعى الله تلك الايام منقة كسلا وموز كسلا وبنات حى المرغنية جمالهن يخطف العقل والبصر والفؤاد افتكر توفيق صالح جبريل ماقالها عن فراغ كسلا اشرقت بها كأس وجدى هو لكن كاس نصاح