لم ينسجم الشعب السودانى مع بعض

11:43 PM February, 23 2022

سودانيز اون لاين
أيمن نواى على-USA
مكتبتى
رابط مختصر

من السهل إختراق الشعب السودانى و تدميره .

مستوى الروح الوطنية صفــر كبيـــــــر.. كل زول يا نفسى، ولو وسع الدائرة يا قبيلتى

طالما الكيزان واذرعهم المفروضه على الثورة(الانقلابيين وانتهازييى وعواطليه السياسه وصنائع المستعمر من مايسمى ادارة شنو كدا ماعارف بتاعين تعميق القبليه والجهويه) ديل ماشين فى نفس خط كيزان الانقاذ1 بتاع فق تسد وما فى ومافى وما فى خير للبلد الا بقطع دابر بنى كوز فى ثورة حقيقيه من البلد بعدين حنشوف سودان جديد ومختلف عن سدان الفتن فى عهد بنى كوز وصنائعهم

الاستاذ أبوالريش
مستوى الروح الوطنية صفــر كبيـــــــر.. كل زول يا نفسى، ولو وسع الدائرة يا قبيلتى
.................................

كيف العمل لى استعادة الروح الوطنية .. هناك محاولات عفوية غير منظمة فى الشارع يتم قبرها .

سلام عاصم على
طالما الكيزان واذرعهم المفروضه على الثورة(الانقلابيين وانتهازييى وعواطليه السياسه وصنائع المستعمر من مايسمى ادارة شنو كدا ماعارف بتاعين تعميق القبليه والجهويه) ديل ماشين فى نفس خط كيزان الانقاذ1 بتاع فق تسد وما فى ومافى وما فى خير للبلد الا بقطع دابر بنى كوز فى ثورة حقيقيه من البلد بعدين حنشوف سودان جديد ومختلف عن سدان الفتن فى عهد بنى كوز وصنائعهم
.................................

ذى ما قال الأستاذ بريش الروح الوطنية صفر كبير .. فعلا لو الشعب متحد و الروح الوطنية عالية .. و الوطن فوق الحزب .. ماكان تجرأ حزب أن يكون وصى على الشعب السودانى .. فعلا الجهوية و القبلية و العنصرية اتت أكلها لذلك نحن فى ضعف و هوان و جوع و مرض .. دويلات صغيرة قدر ولاية واحدة فى السودان تتحكم فى مصيرنا ..لقد أصبحنا ألعوبة فى يد الغير .

مازال الشعب السودانى لا يتقبل الآخر .. شرقا و شمالا و جنوبا و غربا .. هذه هى القاعدة العامة .. و لكل قاعدة شواذ .. فرض الأحادية الايدلوجية الفكرية أو القبلية هو السائد .. و إدارة التنوع و الاختلاف غائبة فى اجندات الأحزاب و المجتمع .

سلامات أخي أيمن.
الشعب المجاهد العظيم دا ينسجم اكتر من كدي ؟
ياخ في دقائق الشوارع بتموج بالناس .
في دقايق الشوارع بتترس.
الحكومة ببمبانها ودوشكاتها وكجرها وموزها ما قدرت تفرتك انسجامو يا أيمن.
قطعت منو الموية.
وقطعت النت.
وطفت النور .
وجلدتو بالرصاص وموية الصرف الصحي.
ولسع منسجم .
تعال شوفو .
اقيف جم معمل استاك وعينك على قصر الشعب .
شوف الانسجام البحير .
الحكومات العنصرية الحاقدة هي الما منيجمة مع الشعب يا أخي أيمن.
الشعب ما عندو اي عوجة .
الخلل في الحكومة .
مع التحية ليك يا أيمن يا أخي العزيز .

تحياتي يا أيمن
وكل التقدير

دي واحدة من اشد معضلات السودان والسودانيين

وهي تحديدا حتكون ان شاء الله المحور الأخير في مشروع كتابي بعنوان "نقد العقل السوداني"

نفس الموضوع منشور هنا في المنبر بنفس الاسم والعنوان

وياذن الله حاتابع موضوعك هنا واستفيد من كل الطرح البنكتب فيه

مع جزيل التقدير

Quote: مستوى الروح الوطنية صفــر كبيـــــــر.. كل زول يا نفسى، ولو وسع الدائرة يا قبيلتى

حبيبنا ابريش .. شكرا اختصرت الموضوع في سطر واحد
نعم ومن قبل خروج المستعمر .. حتى في كيفية الاستقلال (روح الوطن كل حسب حزبه وهواه )
شكرا كثير

الحبيب أيمن تحياتي يا جميل
بوستاتك جميلة ومفيدة عن نقد ذات
الحل أن يفكر كل واحد منا لماذا هو بهذا الوصف؟
فقط كل واحد منا يقف مع نفسه .. لأننا كلنا هو من يكون هذا الشعب
فكلنا شركاء في هذا السلوك

جميل يا أيمن .. واصل

عدم الانسجام حصري في السودان على الاجيال السابقة جيل الستينات والسبعينات ولحدي التمانينات

ديل هم الان اس المشكلة وانا زاتي من ضمن الاجيال دي الشباب القايم بالثورة الان يختلفوا عننا اختلاف توتلي

مليانين وطنية وقلوبهم عامرة بحب الوطن وابعد ما يكون عن الجهوية والقبلية ودا شوف عين ما سمع اضان ولا ونسة

بصريح العبارة مشكلة السودان الان هم الجلاكين الزينا ديل .. لو خلينا الشباب ديل في حالهم واديناهم قيادة البلد

اكيد حا يبنو البلد الكلنا بنحلم بيها وفضلنا نحلم بيها وبس لكن هم اخدو خطوات وقدمو تضحيات في سبيل هذا الوطن بعكسنا نحن من سبقناهم

مشكلة الهوية والقبلية والعنصرية والشريط النيلي والغرابي والادروب وكل التنميطات القبيحة دي معشعشة في رؤوسنا نحنا ونتداولها هنا في السايبر وعاملين فيها مثقفاتية كمان

لكن على ارض الواقع في السودان الان لا وجود لها بين اجيال اليوم ويوم انقراض اجيالنا العجوزة دي سيكون يوم انقراض هذه الافكار السخيفة

سلام عثمان موسى
الشعب المجاهد العظيم دا ينسجم اكتر من كدي ؟
ياخ في دقائق الشوارع بتموج بالناس .
في دقايق الشوارع بتترس.
الحكومة ببمبانها ودوشكاتها وكجرها وموزها ما قدرت تفرتك انسجامو يا أيمن.
قطعت منو الموية.
وقطعت النت.
وطفت النور .
وجلدتو بالرصاص وموية الصرف الصحي.
ولسع منسجم .
تعال شوفو .
اقيف جم معمل استاك وعينك على قصر الشعب .
شوف الانسجام البحير .
......................................

حقيقية الشباب رسموا لوحة وطنية مبدعة .. تشرف السودان و اهل السودان .
هذا الابداع نتمنى أن يتمدد فى مؤسسات الخدمة و التنظيمات و داخل كل بيت سودانى .
المحافظة على الروح الوطنية و تقوية اواصرها واجب كل فرد .. يجب أن لا تنطفى هذه الشعلة

سلام ابوذر بابكر
دي واحدة من اشد معضلات السودان والسودانيين

وهي تحديدا حتكون ان شاء الله المحور الأخير في مشروع كتابي بعنوان "نقد العقل السوداني"

نفس الموضوع منشور هنا في المنبر بنفس الاسم والعنوان

وياذن الله حاتابع موضوعك هنا واستفيد من كل الطرح البنكتب فيه
.......................................
الدولة الحديثة تبنى بالابحاث و الدراسات العلمية .. الفلسفة و علم الاجتماع أتخيل لى هى نقطة بداية للتطور البشرى ..كما حدث للدولة الرومانية امثال أفلاطون و أرسطو و ديكارد و هيقل فى أروبا و لينين و ماركس فى الشرق و ابن رشد و ابن سيناء و الرازى و خلدون و غيرهم كثر .. هذا يعنى أننا على عتبات دولة حديثة .

سلام ابوذر بابكر
دي واحدة من اشد معضلات السودان والسودانيين

وهي تحديدا حتكون ان شاء الله المحور الأخير في مشروع كتابي بعنوان "نقد العقل السوداني"

نفس الموضوع منشور هنا في المنبر بنفس الاسم والعنوان

وياذن الله حاتابع موضوعك هنا واستفيد من كل الطرح البنكتب فيه
.......................................
الدولة الحديثة تبنى بالابحاث و الدراسات العلمية .. الفلسفة و علم الاجتماع أتخيل لى هى نقطة بداية للتطور البشرى ..كما حدث للدولة الرومانية امثال أفلاطون و أرسطو و ديكارد و هيقل فى أروبا و لينين و ماركس فى الشرق و ابن رشد و ابن سيناء و الرازى و خلدون و غيرهم كثر .. هذا يعنى أننا على عتبات دولة حديثة .

عم على عبدالوهاب


حبيبنا ابريش .. شكرا اختصرت الموضوع في سطر واحد

الحل أن يفكر كل واحد منا لماذا هو بهذا الوصف؟
فقط كل واحد منا يقف مع نفسه .. لأننا كلنا هو من يكون هذا الشعب
فكلنا شركاء في هذا السلوك
....................................

ما شاء الله عليكم .. عينى باردة عليكم الاثنين .. واحد لخص المشكلة فى سطر و التانى لخص الحل فى سطرين .
فى أسرة فى الحى رب الأسرة اغنرب فى الخارج .. اخوها ساكن فى الحى المجاور .. كل صباح و مساء يزور أخته .. عندما تحتاج الأسرة إلى شئ يلقى الجيران حلو المشكلة قبل أن يصل .. قال لى أخته من يوم الليلة جيرانك ديل أوليائك شاوريهم فى كل كبيرة و صغيرة و البيقولوا جيرانك اعملى بيهو حتى لو ما ترجع لى أنا ذاتى..
فعلا نحتاج أن نقف مع أنفسنا ..

سلام هيثم الغالى
عدم الانسجام حصري في السودان على الاجيال السابقة جيل الستينات والسبعينات ولحدي التمانينات

ديل هم الان اس المشكلة وانا زاتي من ضمن الاجيال دي الشباب القايم بالثورة الان يختلفوا عننا اختلاف توتلي

مليانين وطنية وقلوبهم عامرة بحب الوطن وابعد ما يكون عن الجهوية والقبلية ودا شوف عين ما سمع اضان ولا ونسة

بصريح العبارة مشكلة السودان الان هم الجلاكين الزينا ديل .. لو خلينا الشباب ديل في حالهم واديناهم قيادة البلد
.................................
مثال حى أمامنا انت و عم على و سودانى عجوز و غيرهم كثر .. شرفوا المنبر فى مختلف ساحات العمل الاجتماعى لولا جيلكم الذى يستمد منه القوة و العزيمة ما كانت هناك ثورة .. اعتقد جيلكم الطبقة الحاكمة و المعارضة بالاخص يتم تسليط الضوء عليها .. اعتقد جازما هى مصدر الفشل و التشرزم بوعى منها أو بغير وعى .. حل طلاسم المشكلة التى نعيشها الآن فى داخل الطبقتين الحاكمة و المعارضة .. تركيز عليهما بالتحليل و التشريح يساعد على وضع حلول ناجعة و ترياق للمرض المستشرى .

المادة اللزجة التى تحفظ على تماسك المجتمع تكاد تكون ضعيفة .. و غالبا ذلك يرجع إلى عادات و تقاليد المجتمع الصارم .. البوح بالمشاعر و التعبير الطيب محصور فى حالات الفرح و الكره غير ذلك يعتبر ضعف .. حتى بين الزوج و الزوجة و الابناء الملاطفة داخل الأسرة مرفوضة جملة و تفصيلا .. تربية الابناء بالضرب و الشتم فى داخل الأسرة ..ثم فى المدارس يقوم الاستاذ بتكملة الواجب ليكم اللحم و لينا العضم .. و فى الأماكن العامة قانون النظام العام و المليشيات التى لا تخضع لى قانون .. المجتمع ينشئ على العنف و القهر .. حتى مفردات اللغة مشبعة بالكره و المرض .. مثل حمرة العين مفخرة بدلا من الدلالة على مرض .. و الشافوا خلو من شدة ماهو قبيح يعتبر مفخرة .. و تور الشين عفين وفي على ذلك .

الجدار العازل فى الشخصية السودانية .. فى دخل كل شخصية سودانية صور نمطية سلبية للآخرين .. خصوصا الجهوية شرقا و غربا و شمالا و جنوبا .. و القبلية أكثر من مائة و أربعون قبيلة و الحزبية أكثر من مائة و ثلاثون حزب .. هذه الأجسام تمثل دوائر مغلقة .. لكل دائرة صورة نمطية فى ذهن المواطن يتعامل بها مع الآخرين .. بمرور الزمن تراكمت الصور السلبية فى العقلية السودانية ثم أصبحت من المسلمات خصوصا فى الدوائر المغلقة .. منذ دخول الانجليز السودان التى عملت بسياسة فرق تسد بين السودانيين و نشر الخرافات و سياسة المناطق المقفولة و تعليم ابناء العمد و الشيوخ و تخصيص امتيازات لاشخاص لخلق الفوارق الطبقية مستقبلا .. بعد خروج الانجليز من السودان واصلت الحكومات المتعاقبة بسياسات الانجليز للحفاظ على مكتسبات الأسر الحاكمة .. أما الدول التى تحررت من الاستعمار الانجليزى مثل الهند حافظت على وحدتها بتغير سياسات الانجليز .. أما عن الإعلام المنوط به تغير المفاهيم السلبية و نشر الوعى فى المجتمع .. كان و مازال مشغول بالدفاع عن الحكومات .. بفضل انتشار الميديا و وسائل الاتصال التغير يسير إلى الافضل.

الشعب منفصل وجدانيا فى اللاوعى .. الشعب السودانى هو الشعب الوحيد المغترب داخل وطنه .. فى اللاوعى و هو فى داخل وطنه يقول مسافر البلد .. فى داخل البلد مسافر البلد .. السودانى له وطنين .. وطن للهوية يحمل اسمه و وطن يمثل قريته يذود عنها بالروح و المال .. هذا مفهوم سواد الناس .. حدود و طنه يبدأ من قريته و ينتهى فى اطراف الخرطوم .. إذا تجاوز الخرطوم يعتبر أنه غريب الأهل و الديار .. الوطنية بالنسبة للكثيرين هو عبارة عن جواز سفر للدول الأخرى .

Quote: و غالبا ذلك يرجع إلى عادات و تقاليد المجتمع الصارم .. البوح بالمشاعر و التعبير الطيب محصور فى حالات الفرح و الكره غير ذلك يعتبر ضعف .. حتى بين الزوج و الزوجة و الابناء الملاطفة داخل الأسرة مرفوضة جملة و تفصيلا .. تربية الابناء بالضرب و الشتم فى داخل الأسرة ..ثم فى المدارس يقوم الاستاذ بتكملة الواجب ليكم اللحم و لينا العضم .. و فى الأماكن العامة قانون النظام العام و المليشيات التى لا تخضع لى قانون .. المجتمع ينشئ على العنف و القهر .. حتى مفردات اللغة مشبعة بالكره و المرض .. مثل حمرة العين مفخرة بدلا من الدلالة على مرض .. و الشافوا خلو من شدة ماهو قبيح يعتبر مفخرة .. و تور الشين عفين وفي على ذلك .

الحبيب ايمن تحياتي يا رائع
مداخلاتك الاخيرة كلها تمثل الاسباب الحقيقية لغياب الوطن في مفهومنا

Quote: و هو فى داخل وطنه يقول مسافر البلد .. فى داخل البلد مسافر البلد .. السودانى له وطنين .. وطن للهوية يحمل اسمه و وطن يمثل قريته يذود عنها بالروح و المال

الناس في الشمال كان يقولوا ( مسافر السودان ) حتى قطار حلفا الخرطوم ( قطار السودان )

لا بد من إعادة صياغة لمفهوم الوطن ويحتاج الموضوع لسنوات ضوئية

أهلنا كان يفتكروا ان السودان هو الخرطوم ..


البوست مهم جداً ..

تحياتي الحبيب أيمن .. واصل

سلام عم على عبدالوهاب
الناس في الشمال كان يقولوا ( مسافر السودان ) حتى قطار حلفا الخرطوم ( قطار السودان )

لا بد من إعادة صياغة لمفهوم الوطن ويحتاج الموضوع لسنوات ضوئية

أهلنا كان يفتكروا ان السودان هو الخرطوم ..
.....................
اسف عم على على التاخير الرد .. لأمور خارجة عن الإرادة .. لقد فقدت الباسورد .. شكرا للاخ بكرى على إعادة الباسورد .. يا عم على مازال الأغلبية تظن أن السودان هو الخرطوم ..

Quote: عدم الانسجام حصري في السودان على الاجيال السابقة جيل الستينات والسبعينات ولحدي التمانينات ديل هم الان اس المشكلة وانا زاتي من ضمن الاجيال دي الشباب القايم بالثورة الان يختلفوا عننا اختلاف توتلي مليانين وطنية وقلوبهم عامرة بحب الوطن وابعد ما يكون عن الجهوية والقبلية ودا شوف عين ما سمع اضان ولا ونسة بصريح العبارة مشكلة السودان الان هم الجلاكين الزينا ديل .. لو خلينا الشباب ديل في حالهم واديناهم قيادة البلد اكيد حا يبنو البلد الكلنا بنحلم بيها وفضلنا نحلم بيها وبس لكن هم اخدو خطوات وقدمو تضحيات في سبيل هذا الوطن بعكسنا نحن من سبقناهم مشكلة الهوية والقبلية والعنصرية والشريط النيلي والغرابي والادروب وكل التنميطات القبيحة دي معشعشة في رؤوسنا نحنا ونتداولها هنا في السايبر وعاملين فيها مثقفاتية كمان لكن على ارض الواقع في السودان الان لا وجود لها بين اجيال اليوم ويوم انقراض اجيالنا العجوزة دي سيكون يوم انقراض هذه الافكار السخيفة

أ

Haytham Ghaly

صباح الخير

أتفق معك

سلام هانى عربى
Haytham Ghaly

صباح الخير

أتفق معك
.......................

ما عارف ياهانى .. لكن يتخيل لى المواقف السلبية لكبار السن محصورة فى السياسين .. لكن عامة الشعب مواقفهم ممتازة خصوصا المناطق القديمة فى مدن السودان المختلفة .
مرة كنا فى تنظيم القرى .. جاء عمنا راجل كبير فى السن .. من اهلنا المحس عايز يسجل ثمانية قطع مشيدة .. قدم جواز السفر.. الموظف قال ليهو بى عنجهية الجواز منتهى الصلاحية .. حتى ماداير يسمع كلام عمنا .. قال لى يا ولدى انا شغال فى السعودية اخت إجازة أسبوعين عشان اسجل البيوت و ارجع السعودية .. الموظف قال الجواز منتهى و الجواز مجدد يا ابنى .. قلت ليهو فى مسؤل كبير بجئ بعد شوية انت انتظر .. عاينت فى الجواز لقيتو مجدد .. بعد شوية شايف تصوير كاميرات الفيديو تسبق المسؤل .. شلت الجواز و رميته فى وجه الموظف .. الموظفين هاجوا و الكاميرات بتصور الموقف .. و قاعد كانوا ما عملت حاجة .. دخل المسؤل فئ شنو .. الموظفين قالوا ايمن يدخل فى شئونا ورمى لينا الجواز فى وشنا .. ايمن انت مالك مع الناس ديل .. الموظفين ديل ما بيحترموا حتى كبار السن و بيعاكسوا المواطنين .. الجواز مجدد و قالوا لى عمنا الجواز منتهى .. فتح الجواز قال ليهم الجواز مجدد كلام ايمن صح .. مرجعين عمكم دا لى شنو ؟
الجماعة اعتزروا لى عمنا .. و عمنا المحسى كمان طلع ضكران .. قال الفطور و الغدا على انا ضابح ليكم خروف .. و انت يا ايمن تجئ تجيب الاكل للجماعة ديل .. قلت خلاص كويس .. واحد اسمه محمد خير ساقنى لى برة .. انت عارف عمك ناداك البيت لى شنو .. عمك دا عندوا سبعة بنات كل واحدة مسجل ليها بيت .. و عامل عيزومة .. مابعيد يكون جايب الشيلة و المازون .. قلت ليهو انا عايز اعمل الماجستير .. بكرة رسل ليك زول غيرى .
لو ما الخوف ياعم على عبدالوهاب كان نكون نسايب.