هرَّب دهب وإستورد مُخدرات للسودان

02:15 PM February, 22 2022

سودانيز اون لاين
سيف اليزل سعد عمر-
مكتبتى
رابط مختصر

لو عندك سلاح وتاتشرات فمكن عادى تهرب دهب بمطار الخرطوم وتستلم شحنة مخدرات بعشرات الإطنان..

لو أساسا بتقتل شباب السودان بالرصاص فممكن تقلتهم بالمخدرات وتعمل قروش من تجارتك دى.

حاول أظهر كأنك متبنى برنامج لمكافة المخدرات لأنه تم كشف شحنة من ١٢ طن فى بيروت كانت فى طريقها للسودان..

تجارة المخدرات دايرا ليها دولة منهارة ومفككة وفيها فساد. وإنت والحمد لله تجلس فى قمة الفساد.

خلى عندك علاقات كويسة مع دول الخليج عشان تستلم قروشك كاش وتشتري لاندكروزرات وسلاح عشان توسع مملكتك الإجرامية.

حاول تنضف فايلك الوسخان بالقتل والسحل والنهب بإنك تتبنى ليك مبادرة لمحاربة المخدرات.
أجمع الناس بالحافلات ووفر ليهم وجبة لأنهم جعانين وما عندهم قروش.

واخطب فيهم وقول ليهم إنه الإحصائيات فى السودان مخيفة..وبدل ما تديهم الاحصائيات السودانية المخيفة قول ليهم الامم المتحدة قالت تعداد مدمنى المخدرات بلغ ٢٧٥ مليون مسطول.

وإتغابي عن قوائم الشباب الذين قتلتهم كلاشينكوفاتك وتاتشراتك لانه ديل عددهم أكثر من الماتوا بالمخدرات..

إستهدف الشباب السودانى الوقفوا فى وجهك وقالوا لا للإجرام الذى تقوم به..

استهدفهم وقول انهم يتعاطوا المخدرات..

أقبض عليهم وأحلق رؤوسهم بصورة مهينة وغير كريمة عشان تذلهم.

أضربهم رصاص فى شوارع المدن السودانية..

وأدهسهم بالتاتشرات والشاحنات فى التروس عشان تقدر تهرب وتسرق مواردهم.

اعمل ليك هيلمانة لمحاربة المخدرات وفى ذات الوقت أقتل شباب السودان بالرصاص.